味皇餐廳小廚 (已結業)

在尖沙咀工作的朋友都會知道，尖沙咀的午市人多價高。如果沒有同事提早攞位，一定會排長龍。而味皇的午餐不但平，還美味。餐廳的去骨海南雞飯份量適中，油飯味道油和薑的味平衡得岩岩好，雞去骨後更方便中午的上班族食快飯，皮不太油，肉量夠多。但醬汁種類不多，只有一種。不過以四十幾蚊來說，已經十分不錯。另一個咖哩牛腩飯就未必岩每個人的口味。如圖中咖哩，太濃太稠。而且牛腩稔但是不夠肉味，煮得太耐。去骨海南雞飯依然是我的最愛

外賣成日都係食肉餅餅呀，排骨飯個d,所以今日靈機一觸，食d涼涼地更開胃既野。味皇有海南雞飯外賣，正好附合依d天口，30分鐘度送到，同餐廳食既就冇得比，外賣泥講就入格既,油飯粒粒分明，吾會太油吾太乾,但飯質就一般,吾特別好食。而重點既雞就雖說冇骨,但都有小小起吾清,係有骨既，肉質小鞋，但可接受，吾知係咪因為隻雞都比較瘦，總好過成層肥膏個種既。下次應該起碼一個月後先會再食，係食又得吾食又得既一餐

叫左叫豬頸肉黃油飯，味道ok, 但價錢偏貴，差不多成60蚊，尖沙咀舖租貴我唔怪佢。但侍應態度極差，入得去預左要受氣，會呼喝客人，問佢地野又唔答，就算味道ok都唔會再有下次。

已經多次幫襯！最鐘意食佢地既 去骨海南雞飯作為一間茶餐廳，佢地既 去骨海南雞飯整得好有誠意去骨海南雞，雞油飯，賣相好靚！仲有沙律配埋！好fresh!海南雞咬落好嫰，仲係去晒骨！啖啖肉！好有雞味，唔會太咸，同埋唔會一陣雪味，雞油飯好香好濃郁雞味！食落又唔會油淋淋最讚係個醬汁酸酸地，同d雞好夾！推薦

今天和妹妹們去尖沙咀行街，到了下午茶時間，我們都異口同聲說去厚福街的「味皇」。今次是我們第三次去這裡吃茶餐，坐卡位，寬敞舒適。我們一如既往叫炒蛋西多士餐，於是點了火腿炒蛋西多士、吉列豬扒炒蛋西多士、腸仔炒蛋西多士、兩杯熱菜蜜和一杯熱檸水。食物賣相很不錯，很有茶餐廳風味。火腿味道普通，吉列豬扒熱辣香脆，腸仔的質感和味道較差，咬的時候會吐出硬硬的微粒，炒蛋很嫩滑但明顯比之前縮了水，很細塊。最美味是西多士，有花生醬做夾心，烘得恰到好處，熱辣香囗卻不刮囗。

前幾日有事入尖嘴，就去食lunch啦，點知行左一陣都無餐廳，唸住是旦見到一間就入啦，結果就去左食，我食左個海南鷄飯，價錢超值，我唸住個味道係一般般，點知個鷄一到，哇好大碟，食落去d肉好明顯咁嫩滑，正呀重要間餐廳既卡位真係幾好坐 ，，不過冷氣就大左d咁，下次會再去海南鷄飯

之前一向沒有光顧過味皇，因為感覺上此店多在food court 開舖，担心食物質素屬下品，結果今日一試之下，令我有所改觀!從餐牌得知食品種類頗多，有海南雞、台式、扒類、米線等，一餐牌上以 "人氣精選" 及價錢只是$36送老火湯作招來，非常吸引，就試試一看是否當真， 當中我選了豬脛肉拼雞翼飯+老火例湯。 一試之下有驚喜，豬脛肉外脆香口，內裹肉質爽有肉汁，厚切下有口感，味道佳。鹽酥雞翼也是即炸的，外脆內嫩，味道不錯。碟上送了不少新鮮灼的生菜，而白飯上淋了此甜豉油及䓤油，效果不錯! 老火例湯名副其實，老火足料!

無骨海南雞飯: 無骨雞配油飯,可能係雞胸位所以食落都幾鞋口,飯就一般,個汁就辣辣地幾香口,不過不失啦.凍檸茶少甜: 其實檸茶真係覺得茶餐廳既好過一般快餐店同西餐廳, 因為紅茶味特別濃郁, 呢杯都ok啦.兩餸(牛丸墨丸)米線酸辣湯底: 牛丸唔夠爽口, 墨丸就OK, 不過個酸辣湯底, 完全唔係食開既酸辣感覺...唔係加左酸菜加少少辣就叫做酸辣囉...不過當佢係一碗普通米線咁食既都填飽到個肚既. 其實厚福街都有幾多野食, 不過有時無特定野想食, 呢間都可以諗諗既, 因為佢款式都多, 岩哂唔同人士需要同要求呢.

茶餐廳...其實, 有甚麼不好這還要是打正旗號, 切切實實的茶餐廳不過, 如果不是女朋友仔不吃, 我也不會和她來下午茶吉烈魚柳+多士 配茶走都等了約15分鐘不過其實, 等一會兒, 較一落單轉頭就有更好吧起碼證實餐廳不是hea整, 不是預先做好了, 翻熱即成的食物魚柳又香又大件, 配以沙律醬香脆內嫰, 美味多士就是西多士那種多士而非烤多士那種中間不太多花生醬, 加點糖漿還是夠香甜可惜的是只有半份不過下午茶如果又吉烈魚柳又整份西多士, 可能要跑10k才能消耗茶走較遜色, 一點兒也不覺有煉奶, 我還要加點糖才有甜味淨係同你講, 尖沙咀搵到$30以下, 食得飽人, 味道唔錯ge下午茶都夠吸引吧

不經意天到尖沙咀，這是連續第二天來到。還記得昨天造訪過日式餐廳，今天卻換換口味，到茶記用餐。來到味皇門口，原來在下曾與友人在此用餐，因此有點面善，不過在下又想在此用餐，於是進入這茶記。坐下後一如既往，坐位狹窄得轉身都有點困難，而且加上用膳時間，是十分擠迫。翻開餐牌，不乏以雞為做主菜，也有咖哩和扒餐，當中當然有是日午餐。今天在下不會考慮是日午餐，反而對於以雞做主題的，及西式飯感到興趣，最終在下點選了珍寶腸併豬扒飯配熱咖啡。等了一會主菜上桌。豬扒蓋著白飯，珍寶膠則放在碟邊，而蔬菜亦很多，醬汁卻淋在白飯另一邊。在下切開一小塊豬扒送到嘴裡吃，發覺豬扒煎得較稔也有肉汁，亦未見煎聳太硬，有口感。而珍寶腸煎得皮很脆，而且外脆內軟，切割時也不太難。至於蔬菜為生菜，生菜是經過白灼，灼後的生菜也顯得爽脆，並沒有灼得太淋。醬汁方面，雖然是黑椒汁，但未見十鉺辣，味道適中。咖啡方面是镼磨咖啡，依在下所見，咖啡味較為薄弱，實較淡口，不過仍然有微弱的咖啡味。整體來說味道適中，屬於中規中矩，可謂是沒有太大驚喜，下次再造訪的話，就要試下以雞為主題的菜式。另外服務方面，尚算滿意，落單時亦很主動。