大丈夫食堂 (已搬遷) 新店位置

新鋪光猛，乾淨。食物保持水準，即叫即做。炸物新鮮好好味，職員👩‍💼有礼。價錢合理。款式盡多。少食烏冬應有盡有。搬了新店需然遠了，但比以前寬大了很多，不用等候入席。

間中就會想食既日式吉豬定食, 不過要有心理準備多數都都要等位 & 要等齊人先可以入座 ( ๑´•ω•)۶ 每次都必定點人氣之選吉烈豬扒定食~ 係會賣晒ga ~ ----* 🍖吉烈豬扒定食 ⭐️(10/10)茶碗蒸, 吉烈豬扒, 前菜, 味增湯, 無限添加椰菜絲 & 珍珠米飯 🍚熱辣辣既厚肉吉烈豬扒外層炸到金黃酥脆, 咬開內裏肉嫩且有啖啖肉汁 (๑•̀ㅁ•́๑)✧︎超級juicy !! 個人鐘意唧d檸檬汁減低油膩感, 再沾上燒汁/ 芝麻醬 一口酸味味帶有咸香既燒汁 一口又換回清新既檸檬口味 滿足晒味覺需要 🥰茶碗蒸非常滑溜, 有淡淡高湯鮮味亦有蟹柳 冬菇 枝豆 作配料 即使係定食中既配角 都非常出色呀🥚 另外我地有點過南蠻炸雞 🍗一樣皮脆肉嫩, 炸物整得非常出色既小店💕#絕對回頭系列

吉列豬扒定食 $108一個set有埋湯同茶碗蒸炸豬扒個皮好香脆但唔會厚粉肉質都算厚同埋八舊都係啖啖肉唔會好似其他鋪頭甘頭同尾係肥膏/空心同埋一咬落去唔會皮肉分離配埋珍珠米成個套餐真係令我有身在日本GEH感覺一開頭見到碗飯甘細仲諗住一定要添飯畢竟係門口都等左一段時間點知食完成個餐之後好飽千奇唔好睇少塊豬扒原本想食吞拿魚蓉丼但係賣晒所以就叫左豚肉生薑燒定食$73味道比較清淡冇咩薑味同冇咩汁不過豚肉同洋蔥份量都好多

諗住聖誕節前，收工係附近食少少嘢，就同屋人出發去西九文化區影超大聖誕樹，搵下搵下就發現呢間令我非常驚喜嘅隱世小店！店舖唔算大，要等一陣先有位，menu 唔算話好多選擇，但我地叫嘅幾樣樣嘢，全部都令我眼前一亮 我地叫咗必食嘅吉列豬扒定食，燒鯖魚定食，蛋壽司同軟殼蟹手卷。吉列豬扒定食真係必食，外層爽脆，內裡鮮嫩多汁，非常高汁嘅豬排定食；睇落簡單嘅燒鯖魚定食，都做得咗出色，不得了；蛋壽司比我個女食曬，我都唔知咩味；軟殻蟹手卷都係可以 encore 嘅 list內為一美中不足嘅，係牛肉飯都係「準備中」，未有機會試到，希望下次再過去時可以試到

吉列豬扒定食 ~ $108(不用加一)日式蒸蛋，沙律，麵鼓湯，日本飯 。外觀，味道，口感跟在日本食全無分別大過塊面的吉列豬扒，見到都流口水，豬扒的質素固然重要，但炸外皮的功力也不容忽視,要保持外皮酥脆，但又不能有太油膩的口感，真的考驗廚司的功力，這件吉列豬扒，絕對值100分豬扒外皮酥脆，大塊厚切，非常美味日式蒸蛋也是水準之作，超滑食後感用料高質，白米飯選用日本珍珠米，一小碗份量剛好，若大胃王又可免費無限追加，不會浪費，一舉兩得而餐前的沙律菜或切絲生椰菜也可免費無限追加，正好中和吉列炸豬扒的邪惡感

【茶漬三文魚丼飯】$70大丈夫嘅lunch set 包左沙律、湯、茶碗蒸、同主食 -- 三文魚丼飯，三文魚夠足料比飯仲多🤣🤣🤣沙律酸酸地好開胃，湯就正常發揮😜茶碗蒸料唔算好豐富，裏面只係得蟹棒，不過蒸蛋都滑，總結成個set 70蚊，有呢個質素好抵食😋😋回頭率：🐒🐒🐒🐒抵食指數：🌕🌕🌕🌕🌖

話說每次搵食路過，都見到呢間食店門口都好多人等，於是今晚就會一會佢🤤 ❤️‍🔥 吉列豬扒定食 $108呢個可以話係招牌菜，周圍都見有人order！吉列豬扒大大份🤩 而且係。厚。切。 。唔似平時好多都炸粉漿勁多，但裡面豬扒勁薄😖 豬扒炸完唔會乾，仲保持到有肉汁軟腍，夾埋椰菜絲沙律食，感覺唔會太肥膩。配白飯、茶碗蒸，仲有麵豉湯。老公都話勁飽肚，讚！❤️‍🔥 天婦羅丼$128呢個真係超豐富！完全冇諗過咁大份！一樣有味增湯、茶碗蒸… 仲有雜菜沙律🥗 天婦羅以為得平時食開既炸蝦、茄子、南瓜、冬菇啦，點知有成條穴子❣️❣️ 裡面仲隱藏咗隻炸流心蛋，撈飯食一流，唔會乾爭爭🤤 南瓜食落最有驚喜！超甜👍🏻👍🏻👍🏻 所有天婦羅既炸粉漿唔會過厚，配埋淋上去嘅醬汁味道剛剛好❤️呢間真係好大份，食完真係超級飽！差啲忘記講就連茶碗蒸味道亦都唔錯😋 而且唔收加一，真係好抵食，真心大推✨✨下次一定再食，試下南蠻炸雞同鰻魚飯🤤🤤====================推介度：❤️5/5CP值：👍🏻5/5好味指數：👅5/5====================

此店老朋友非常推介去試食，今天終於有機會一試。店面簡約，不是裝潢華麗的日式餐廳，實而不華。午餐時段，真係都要排隊，好多人幫襯，但等候時間不太長，可以接受。吉列豬扒定食，當然有飯及菜，還有湯，最好的就是有茶碗蒸，白飯及菜是可添加，不用收費。服務態度非常良好，食客們平均質素都好高，大家食完就走，學足日本文化，所以等候時間不是太久便能入座。吉列豬扒，做到外脆內軟，保持肉汁，每一口都食到㕑師的功夫，記得添飯，都是日本米。

聽朋友講呢條街就嚟拆，啲舖頭都未必保留到，然後佢推介咗呢一間隱世嘅吉列炸豬扒同天婦羅，話清拆前一定要嚟試下。嗰晚去到都好多人等位，足足等咗八個字先有位，鋪頭面積唔大，枱都唔係多，所以都預咗要等啲時間。我地分別叫左吉列豬扒定食、吞拿魚蓉丼、鰻魚丼定食同天婦羅定食。食物一上枱我哋都驚訝啊，原來份量咁多，沙律菜同埋飯仲可以任添。吉列豬扒媲美出面嗰啲出名嘅日系連鎖店，好有日本嘅味道，加上呢個價錢，簡直係cp值超高呀！！其他食物都好出色，特別係炸物呀！同埋啲魚生都好新鮮，下次嚟要叫個魚生丼嚟試下。

正所謂："計劃勝於治療，廁所用黎痾尿"。我們午餐時段，已經計劃晚餐。兄弟一黎Whatsapp ：大丈夫？我即用一口流利過"想節能，能能能"的日文回覆：大丈夫!點知中左伏，原來發現要排隊，凡是要排隊既餐廳，我係絶対絶対絶対唔會食，因為我不嬲覺得男人的時間係用黎搵大錢的!!!我突然心生一計：我就搵兄弟黎排左先，我見客會遲D到呀。咁我就既唔使排，又有得食啦。(在此拜謝兄弟偉大的壯烈犠牺)。油甘魚刺身 $55：張開嘴，啊，才吃上第一口，我有種頓悟的感覺：師傅，明白了："人的快樂在乎學曉等候"。入口即溶，加上厚切的口感，一級棒desi呢。鰻魚丼 $98：這是兄弟的選擇，他不斷重覆著好吃，又後悔著沒有選擇$158更厚身的鰻魚，滿足更飽滿的口感。看著他食得如痴如醉的樣子，我似乎又明白了。香港人即使排隊也要吃，是因為香港人的快樂，不過只是為了嚐上美味的這一口，吃上美味，未必的是全部的快樂來源，但絶対是其中一個主要的快樂來源。燒鯖魚定食 $88：定食，伴隨著蛋、飯(轉烏冬加$15)、沙律(唔夠仲可以免費添)、鯖魚一向是我的選擇，貪其干香的肉質，不算多骨的燒肉身，點上幾滴檸檬，錦上添花的程堪比搽上印度神油

之前上網介紹過，今日收工過嚟試吓。地鐵站行慢慢過嚟10分鐘左右，嚟到等左一張枱（10分鐘左右），好快到。我叫左吉列豬扒定食。過左一陣，一份足料嘅定食已經嚟到面前嘩！大大塊吉列豬扒，伴有椰菜絲沙律。另外，仲有小前菜，蒸蛋，麵豉湯及白飯。開頭見碗白飯好似好細碗，驚唔夠飽。Menu 話可以隨時添飯及沙律的，所以諗住食完再添。大胃皇都唔洗擔心。豬扒好juice 唔靭，蒸蛋好滑，麵豉湯好好味，唔會死咸。食完之後，發現添飯都已經好飽。食完之後，反而好欣賞廚師的份量安排。總結： 好味，性價比高，Respect廚師用心，有下次。所以特登上嚟寫食評。下次會返嚟試吓其他款嘅定食

要講香港好食嘅炸雞，大丈夫一定係其中一間！ 由一年前開始發現呢間舖，去到依家每次幫襯，佢哋嘅炸雞嘅水準始終如一！ 每次上菜都係新鮮熱辣炸起，皮脆肉肉多汁！ 一個炸雞定食入面包左前菜、沙律菜、麵豉湯、茶碗蒸、炸雞、飯，非常豐富！如果唔夠食仲可以免費加沙律菜或者飯！同行嘅朋友試咗吉列豬扒定食，雖然係限量供應，理應應該係鋪頭招牌，但感覺炸雞更值得試！ 真係拍得住日本食嘅炸雞！ 大推！ 喜愛程度：😋😋😋😋😋

話說前幾日去開長沙灣睇戲，就搵下附近有咩野食，就search到呢間小店，見到都幾多人講就諗住去試下。夜晚7:00幾去到已經好多人係到等緊不過我諗好野係值得等待既～～等左差唔多半個鐘，終於入到去😋😋兩個人叫左一個吉列豬扒定食（$108）、蔥粒吞拿魚腩丼（$103）同埋叫左碟炸天婦羅（$42）吉列豬扒都幾大塊，不過就好似老左d，d肉有少少硬同埋碟沙律都麻麻地好食，好似hea整咁🥲咁算啦，試下我叫果個吞拿魚啦，呢個都算ok，不過份量太少，女仔都還好既，男仔應該會唔夠飽🤣🤣最後炸天婦羅就同平時食果d差唔多啦，不過不失😂😂經過都可以去下既🤡唔太貴～～

因為上興趣班所以嚟荔枝角呢邊，咁啱前幾日喺社交平台見到呢間大丈夫食堂嘅吉列豬扒，睇落賣相唔錯，所以嚟試下。星期日一點半嚟到，拎籌後大概等咗半個鐘。除咗有定食，仲有丼物、海鮮丼同壽司選擇。我哋點咗吉列豬扒定食同天婦羅丼。吉列豬扒定食包括吉列豬扒、椰菜絲沙律、茶碗蒸、味噌湯同白飯，其中沙律同白飯係可以任添。吉列豬扒表面炸得乾爽，口感非常酥脆。豬扒比較厚身，經高溫油炸後，內裡仍保持肉嫩而帶點肉汁。水準拍得住某間吉列豬扒連鎖店天婦羅丼定食同樣有茶碗蒸同味噌湯，沙律係雜菜沙律。天婦羅丼好豐富，有一整條穴子、兩隻蝦、南瓜、茄子、冬菇同半熟蛋。天婦羅炸得乾身酥脆，唔會過份油膩淋面嘅天婦羅醬汁帶甜，唔會太重口味，好適合送飯食。穴子嫩滑有鮮味，雖然有少少細骨，但可以接受。天婦羅蛋嘅流心蛋黃用嚟撈飯一流跟餐嘅茶碗蒸材料有冬菇、蟹柳同枝豆。蛋蒸得非常滑溜，淡淡日本高湯味總括嚟講吉列豬扒同天婦羅丼都好好味，份量多食得好滿足而且價錢好抵，難怪咁受歡迎要排隊等位，想食嘅話記住預時間等位喇！

9分性價比極高！佢全日都同一價錢有齊前菜、麵豉湯、主食同埋茶碗蒸沙律菜同飯可以任食以佢價錢同質素，午餐黎講係抵食，晚餐係超抵食！缺點係超多人食，上網睇食評話長期要排隊！我星期日1:00去食，排左半個鐘先有位小店座位之間唔算太迫，食得都算舒服吉列豬扒定食 $1089分茶碗蒸好滑，有唔少配料，調味都岩岩好！豬扒好大塊，外脆內軟厚身同好鬆軟多汁！佢炸得岩岩好，唔會太乾身，都唔會太油！口感同味道都好似日本食既吉列豬扒！鰻魚丼 $989分鰻魚好大條，而且唔薄身！燒得好香，而且一啲腥味都冇！鰻魚汁好好味，配埋紫菜碎同珍珠米食完覺得好滿足！佢既質素好過好多二百蚊既鰻魚飯！食完會明點解長期有人排隊！