影片
以上資料只供參考, 請與餐廳確認詳情
之前有一次, 幾個朋友渣車出去食晚飯, 黎黎去去都唔知去邊食好, 最後泊左車喺油麻地.有個朋友話見到一間粥火煱, 就係黎間好功夫.去左一段時間, 食品價目都唔係記得好清楚, 不過埋單個個食得飽, 每人大約夾40至50蚊左右.粥底幾好, 食到咁上下仲可以加, 野食算唔錯, 不過其實都係放落去個粥道生滾, 幾特別.另外我地都叫左碟炸兩, 碟炸兩唔算熱, 但係條油炸鬼就脆既, 有少少古怪, 但係都過關啦.食到最後, 我地都有一人一碗粥咁食, 個粥因為滾過好多料, 都幾好味, 不過如果要咁食, 大家記得用公筷 黎間野最差係比較迫, 環境唔係咁好. 野食同價錢算合格.
繼續閱讀
坐車見到油麻地附近開左間新粥鋪, 見佢門面裝修幾好諗住粥鋪都應該係咁上下水準咁岩又想食清淡, 所以就入去試試.食物種類多 有生滾粥, 腸粉, 又有小菜, 仲有得粥底打邊爐...不過可能因為做咁多種類, 而且又新開無耐, 手腳真係慢到喊....又要做外賣又要做堂食, 一個伙計做晒抺枱+落單+收銀,其他廚房員工又唔熟手又無溝通, 搞到瘋狂出錯單...毎個餸都要等起碼五分鐘先出到你面前....毎一枱客都想發脾氣...呢方面真係絕對要改善!!食物味道方面屬於中下叫左叉腸+ 粽+ 鯪魚球粥 + 鮮菇滑雞粥叉腸係好多叉燒, 但係同時都好厚粉... 食到成口糊..粽都可以, 夠熱, 不過無咩綠豆 同埋唔見左個咸蛋黃...鯪魚球粥個粥底夠棉, 但係好淡...仲有個雞粥真係講起都火起!!等左十分鐘先到, D雞仲要唔係好熟.... 仲要半條"鮮菇"都搵唔到!!!真係嬲到唔想食....因為佢出菜出得太慢, 都無心情影相D雞仲要出血... 唔會想為佢留影...雖說收費只係中等, 但係質素真係... 絕對有待改善...
繼續閱讀
男朋友屋企附近開左間”好功夫”, “好功夫”好似大陸食肆名新開張, 所以內部裝修都好新, 亦算整齊其實已經光顧好幾次, 第一次還是新張時, 侍應同廚房都未上手廚房學徒仲即場拉左碟外表好差的炸腸…但無可口非, “好功夫” 除份量多之外, 呢度煮食好有誠意!“好功夫”提供粥底火鍋, 根據餐牌所講, 粥底火鍋原於順德, 用”灼”的技法煮, 有別火鍋中的”溂”今次又點了 豬潤粥兩碗, 油條一條, 炸腸一碟 豬潤粥: 有5-6件豬潤, 比海皇粥店更抵食, 只需$23, 即叫即煮而且棄用蔥, 改用京蔥, 十分有誠意 粥, 不是棉棉的, 像水一樣, 有人會不習慣, 有人會喜歡棉棉粥底但好功夫的粥底, 令我想起順德時, 所食倒的粥, 都一樣像水般, 但鮮味足 炸腸:即叫即炸的油條, 配即拉的腸粉, 味道與外邊的炸腸不同, 多了一份即叫即炸的香脆預早炸好的油條, 放耐了就少了香脆, 放耐了就會硬今次的炸腸, 香脆不油, 油條薄又滑唯一不滿, 仍然是侍應, 只顧吹水落單後, 好快放下辣醬, 甜醬, 炸腸未到, 就,要拿走醬料 (無言)落醬調味要用碟, 侍應又唔提供! 叫侍應拎鹽又話轉頭拎, 轉頭她又忘記了…粥店地方不大, 不明白為何這麼懶!說真的, 每次都是為了平靚正的豬肝粥而來日後會再試一下其他, 因為對廚房有信心
繼續閱讀