定食8 (已結業)

定食8係爭鮮旗下 主打平價日本定食開頭嗰時都幾抵因為麵豉湯同白飯沙律係任添不過依家冇咗嚕😄😄鰻魚定食鰻魚OK啦，撈埋鰻魚汁食就好開胃幾廿蚊一個定食。質素算係咁啦另外佢個燉蛋都好多料係入面。

之前去開屯市已經想食定食8，但次次經過都見到好多人排隊，所以一直都冇食。我今次去卓爾居商場都見到有定食8，仲要冇乜人排隊tim，於是就入左去食啦。我叫左一個牛肉鍋烏冬，再加3碟壽司，包括三文魚壽司，蟹柳壽司同帶子壽司。幾款壽司都幾新鮮幾好食，個鍋都唔錯，只係啲牛淥得太耐有啲韌，同埋如果個鍋加啲菜會好啲。

平時岀去食日本野價錢都唔平，但今次黎到定食8又覺得佢既CP值都幾高。咁我就嗌左個豚肉烏冬鍋，柴魚湯底，再加15蚊有茶碗蒸，面豉湯同飲品。個鍋份量都算大，肉同烏冬都好多，而且味道都不錯。柴魚湯底就比較清淡，下次可以試一試另外一個豬骨湯底。不過有一樣可以改善既就係成個烏冬都冇乜蔬菜，應該加少少菜會比較好d

鰻魚飯的鰻魚真是厚切，再加上有雞蛋🥚碎，一淡飯一淡鰻魚再加雞蛋🥚碎，每淡都令人滿足👏🏻鰻魚飯只需$68/1set蒸旦都不會好乾味噌湯材料充足，洋蔥三文魚豆腐樣樣齊👍🏻三文魚🍣新鮮平民價錢，高質素享受👏🏻

*88食鮑魚丼飯*定食8*今晚心心同屋企人黎定食8開餐，今期推出一百元都吾洗就食到兩隻鮑魚既刺身丼飯，用料非常豐富，除左主要既兩隻飽魚，仲有蟹子，三文魚，劍魚，北寄貝。*前菜有中華沙律，茶碗蒸。三文魚豆腐湯同麥茶任添吾嬲，甜品係好好味既泡芙，甜到入心。*除左今期潮流興既定食之外，仲有芝士豬扒，燒魷筒，刺身盛，三文魚沙律，通通都值得推薦比大家。*一個人，朋友聚餐或者一家人聚餐都非常適合。*喜歡既請關注我：VictoriaChan1008

有一次夜晚因為趕住返屋企睇電視，所以係呢度買左外賣（外賣會送布甸）。但見到佢話堂食麵豉湯同椰菜任食，所以一直想試下堂食好耐。咁岩呢日唔駛返工，所以就lunch去食。唔算多人，唔駛等就有位。嗌左野食就去自助bar到夾野。椰菜真係無乜特別，好彩只係夾左一小碗。反而佢個麵豉湯唔錯，不過唔記得左影hehe。佢個麵豉湯唔知點解我覺得有少少中式又少少日式咁，但真係自己熬，我覺得幾好飲所以都飲左兩碗。好想食海膽所以嗌左個貴少少既丼，價錢唔係好記得好似係$78，總之都係around呢D價位。以呢個價錢黎講味道係算唔錯。平時唔鍾意食希靈魚既我唔知點解都食到今日呢碗既希靈魚。加$1送番薯仔所以都加左，$1真係抵到爛，幾好食。仲有泡芙做甜品～～

同細佬係巴倫紐睇完戲，我地就去左華爾廣場搵野食，見到二樓有定食8，我地都未食過，決定今次就食呢間。未入去個時係出面睇menu，價錢比樓下啲餐廳平啲啲，加少少錢仲可以加野食，而且仲有好多gimmick，好似15分鐘內未送餐就免費，有個自助區任裝湯、飯同埋沙律。平日嘅2點幾無咩人，睇完menu就直接入去坐。我地分別叫左熔岩芝士豬排$ 48同香烤檸檬雞扒配飯，加$7換個茶碗蒸同加$10換三文魚刺食，加$8青蘋果特飲（唔明點解唔俾走冰？）。落完單食物未到就試係個湯先，聲稱用三文魚煮，飲落只有白蘿蔔味，味噌嘅味都無。不極都只有少量薄薄嘅白蘿蔔片同細細粒豆腐，加返啲海帶芽口感先好啲。加錢嘅小食都陸續送到，茶碗蒸原來都幾細杯，係湯碗嘅一半高度。蛋都幾滑，味就就屋企清雞湯蒸蛋嘅味，者係普通。三文魚刺身切得唔靚而且好薄，但都鮮嘅。2set主菜10分鐘內就送到，再配埋中華沙律、泡芙。兩樣賣相都好好，特別係芝士豬扒，中間個層芝士流出黎仲拉絲，最面個層係好香口，但咬到肉個層就好un，肉都好鞋，咁多芝士但無咩芝士香....而雞扒睇落好似超市會賣個款烤雞，肉質滑，但個陣檸檬味好似檸檬蛋糕個隻味，熱食呢種味係好奇怪

黎定食8食午餐，叫咗個鰻魚飯定食，有兩塊都幾大嘅鰻魚，仲要係幾厚，加埋啲鰻魚汁，撈飯真係一流。但係叫咗杯熱嘅蘆薈蜂蜜茶，真係好難飲，好似飲緊一對糖同埋奇怪化學物質落肚。

香港人鍾意食日本野，我亦都唔例外，今次同媽咪黎到卓爾廣場嘅定食8食下午茶，意想不到咁平價，室內環境整潔，座位舒服，可能因為平日關係，人流唔算多。今次我地點左天婦羅丼飯（$23），迷你三文魚丼飯（$33），天婦羅大約有6件，當中仲有炸蠔tim，熱辣辣好脆口，三文魚算幾新鮮，雖然本身嘅飯好少，但勝在可以免費添飯，味噌湯，海帶等等，以上都係無限供應，定必可以食到飽一飽，呢個價錢加埋一都絕對合理，真係好抵食。

媽媽很愛吃日本菜，可是不太捨得讓我們花錢，所以有時不煮飯，又想平平地又想食日本野，就會來屋企附近這間丼飯店。可能因為平，晚餐時間長期排長龍。下班後直接去，比一般人早一些，不用排。老實說，不是名氣店，或者超好吃，我是不太願意排隊。-叫了個特上盛海景丼　$58有三文魚/劍魚/希靈魚/赤海蝦/帆立貝/三文魚籽等味道呀，赤海蝦不錯算甜，其他就不過不失一般貨色啦。叫做陪呀媽過下刺身癮，同埋$60蚊不到的刺身丼可以比倒咩野貨色你呢？明白的。

快捷方便便宜的午餐今天约咗同事午餐，有同事建議去卓爾居定食8試吓，餐款式選擇很多，款款大概都是48元，另有湯，熱麥茶，海帶任食，亦可添飯，以我們打工一族來說，真的經濟實惠，以此收費，大家都不妨試試！

呢間定食8有好多間分店，我第一次食係係新蒲崗，跟住佢愈開愈多間，屯門仲有兩間分店，呢次就試下卓爾居呢間好唔好食。呢度價位唔高，定食介乎$48-$78一個套餐，而家香港地呢個價錢食日本野，都已經算平喇。呢度好得意，為了唔想顧客等太耐，佢呢度承諾落單後15分鐘內可以送餐，若超時就可以免費食用果set....今次揀左天掃羅，有湯有甜品，貌相唔錯。連隻蛋都有炸過，仲有成隻咁多，通常都係俾半邊。有蠔，有蝦，有蟹柳同秋葵。份量對我黎講都夠，如果你唔夠飽，堂食係可以任添飯同湯，確實係抵

之前已經見到這間餐廳超級多人排隊，都未見過少人嘅情況，聽朋友講話呢間餐廳喺台灣黎，相當廉物美， 就係收到佢哋嘅宣傳單張後， 就一於搵個機會試下。我哋係星期六的大概五六點嘅時候就趕過嚟，怕一陣多人，嚟到等咗冇幾耐就有位， 一坐低冇耐我哋就點菜，佢哋有限幾多分鐘之內送到上枱，服務都幾有效率嘅。套餐內：- 麵豉湯就有好多豆腐粒， 味道適中 ，但係冇海帶有點失望- 前菜有些少少辣辣甜甜的不知是元貝還是八爪魚，爽口又開胃- 刺身飯 分量都算少 刺身都尚算新鮮嘅 款式都算豐富，飯既酸度都係適中不會太酸 ，但係食完都仲有肚餓嘅感覺 - 甜品完全唔好食，好膠的布丁，下次寧願叫他唔好俾，扣哂分呢度嘅 湯同飯都可以任添， 但係我食呢個係壽司飯嚟。。。

唔抵食，個飯又小，㚒梗入到去俾人叫野食，仲要唔可以散叫，逼人叫套餐，一杯茶都冇，仲要加1服務費，啲人又寸嘴，出去加野又冇碗，完全唔底食，而且入到去嗰陣時佢嗰個餐牌先有句要用放大鏡睇嘅字句，100公分以下先可以唔叫餐，呢句野細到都睇唔到，仲要入到去坐低先知道，如果你同佢講唔叫餐佢㚒梗會叫你叫，仲要冇得選擇唔叫，呢間咁嘅嘢簡直誤導消費者，簡直係black店一間，服務質素好差。無論係邊一方面環境、服務態度都係好差，仲要唔可以自行坐位，只可以佢哋安排座位，成間店嘅水平簡直係惡劣

返工前同老公食午餐，近近地揀左定食8。對於呢類大公司，野食一定不過不失。叫左一個岩鹽牛扒，一個特盛海鮮定食。唔使15分鐘一定有得食，如果過左15分鐘先試個餐就免費，可惜，點都唔會過15分鐘。先講個岩鹽牛扒，粉紅色既岩鹽，係咪好野我就唔識啦，落鹽份量自己加，牛扒超級嫩，好食但個飯有點兒硬，食完個口有點攰，唔岩我食。至於海鮮定食，老公就話普通，不過不失。普普通通星期日既午餐就食完返工