山下菓子 (T.O.P This is Our Place)

營業中

休息中

之前經過TOP，都知呢間有做主題餐廳。今次撞正係用角落生物做主題，就約埋朋友一齊食！整間鋪頭，都貼滿有角落生物的牆紙！無論坐邊張枱，都會望到角落生物！不過，對比其他主題餐廳，呢間無提供 任何可以借用嘅角色卡版，而且空間都好細，無得周圍行同影相，好可惜。食物方面：明太子雞翼小食連木盤，$128唐揚炸雞小食連木盤，$128兩碟嘅份量都吾多。炸雞幾好食。但明太子雞翼就麻麻地，太淡味。而曲奇就印咗一堆角落生物，都幾可愛，重牛油味！食完仲有得拎走個木盤！白熊卡邦尼意粉，$98正常水準。份量係適合女生。男仔未必夠飽。飲品方面：摩卡咖啡 $88抹茶鮮奶 $88兩款都太重奶味。如果咖啡味 可以突出啲就好。不過，飲完都可以拎走隻杯。杯嘅容量都好大，可以拎返屋企繼續用！開心！

之前去t.o.p剪頭髮見到呢一間，當時是以大口仔爲主題，好得意，就入咗去打卡！點了午市限定套餐:日式咖喱蛋包飯加檸檬綠茶日式蛋汁卡邦尼意粉加橙汁呢2個套餐正常發揮，沒有什麼特別。就是過嚟打過卡。但果2杯嘢飲真心難飲到爆！橙汁唔係橙汁果，酸到一個點！檸檬綠茶難飲到爆！千祈唔好點呢2樣！！！！

看到這間店很有特色和主題，所以就揀選了這一間和好友一起吃下午茶。🥳餐廳裏有很多卡通的佈置，雖然我不是特別喜歡那個卡通人物，但整體感覺也是很夢幻和舒適。可是枱與枱之間的距離也很近，所以個感覺有點兒迫 。🫡看到餐牌入面有很多選擇，也很多也很合我們胃口，結果我們就叫了一碟三文魚忌廉意粉、咖喱滑蛋炸魚柳飯、炸雞粒和一碟曲奇pancake吃。下單後不到五分鐘就上菜了，三文魚意粉嘅醬汁也很足，三文魚也很好吃，然後咖喱滑蛋炸魚柳的魚柳很香脆、蛋也很滑，可惜雞粒不是很嫩。最後就是輪到吃pancake的時間了，Pancake嘅質素也不太差，味道不會太甜和賣相都剛剛好。😝 總括而言，整體感覺也不錯，價錢也不貴、食物和環境也停好，是適合和朋友一起吃下午茶消遣、打卡的地方。👍

Order 完，店長要求每位都要叫餐，因為要最低消費啊。飲料要五十以上，只好叫小食。如果要dry 坐，就不要來呢! 最低消費啊! 食物量少，味道一般。食完好走，不要佔住寶貴枱做生意。最低消費啊!

今天我媽生日，所以可以名正言順？地去吃蛋糕雲慶祝啦🥳於是就又想起了山下菓子的加菲貓限定café，我還惦記著雪糕和旺角店限定的咖啡欸💛之前來因為咖啡機壞所以沒有打卡到貓貓頭圖案的咖啡🥲今天也是在門口跟店員確認咖啡機已經修好才進去😂點了旺角店限定的熱拿鐵咖啡和店員比較推薦的日式雙重芝士蛋糕配雪糕杯🍦雪糕杯是日本直送北海道CREMIA雪糕，上次吃過印象超深刻🫶口感順滑之餘又有超濃郁奶香，融化速度也很快，所以有了上次的經驗今天上來就趕緊拍🤣芝士蛋糕比預想得大塊和粗獷？一種是cream cheese因為略帶酸香的味道我真是太熟悉了😂另一種就🤔口感不屬於綿滑那種，比較密實的感覺，不甜，不會覺得滯，不過就真是還蠻大塊的我含淚沒吃完🥲然後是終於盼到的有貓貓臉的熱拿鐵😚我其實很少喝咖啡，會容易心跳加快和手抖🫠不過拿鐵和卡布奇諾就還好因為奶多🤣雖然無從比較其他家的拿鐵不過奶香和咖啡香有平衡到，夠大杯又不會感覺偏淡，為了順利把杯子帶回家我努力喝完了🤭日式雙重芝士蛋糕連雪糕杯 7.0/9熱拿鐵咖啡（旺角店限定） 7.0/9OVERALL 7.0/9為打卡其實我對食物並不會有太高的期待🫢芝士蛋糕講真並沒有特別驚

旺角首個以 🐿Chip'n' Dale 🐿為主題期間限定人氣西餐廳-旺角-一入門口就見到😍活潑可愛既鋼牙與大鼻！ 餐廳內有好多打卡位同餐桌佈置都係 Chip 'n' Dale ！超級興奮雀躍！可愛極緻！🧀拉芝大蝦🍤意粉即叫即整，熱辣辣既芝士醬汁溶傷左大蝦同意粉，相配得很有水準呢！咖喱蛋包飯連🥩和牛日式咖喱再配大大塊和牛，絕配！ 連飯既形狀都系山下菓子，好有特色，打卡一流🤩鮮果🍓🍉🍞法式多士最喜歡💕甜品系完晒main course先上， 好似高級西餐廳甘，可以慢慢享受鮮果法式多士p.s 超大份，要2人先食得晒！ 好食又抵食。仲有多款獨家 🐿Chip 'n' Dale 服飾精品及美食！可以現場換購或者購買！仲有Chip 'n' Dale造型嘅餅乾🍪

時間過得真快，又係一個月一聚嘅時間啦！見到🍂山下菓子 🌰 做緊Chip n Dale 期間限定🐿即刻去試吓我地叫咗呢啲嘢食～🍤拉芝大蝦意粉 hkd $108🍛咖喱蛋包飯連和牛漢堡hkd$138🥐鮮果法式多士 hkd$119🍹紅青蘋果荔枝伯爵紅茶hkd$68🥭茉香芒芒芝士奶蓋 hkd$78🌰個意粉勁多芝士，大蝦夠新鮮好爽脆、咖喱飯係Chip n Dale形狀，相當可愛，和牛漢堡好juicy、必試法式多士有驚喜，外層焗到好香脆，而裏面軟綿綿好似麵包布甸、杯茶嘅荔枝味又唔會搶咗蘋果味，茶唔會澀，成件事好配合、朋友飲咗第一啖就話杯芒果奶蓋好好飲🌰今次活動期間消費滿指定金額即送限定襟章及 Postcard ！而我哋就有杯墊同墊曲奇餅每日派發數量有限，售完即止..🐿🍂🌰✨山下菓子 x Chip n Dale期間限定店🐿🍂🌰店鋪除咗環境係Chip n Dale主題裝飾，仲有好多周邊產品，門口仲有靚靚打卡位，Fans唔好錯過✨活動期間最低消費 12歲以上小童及成人hkd$150，6-11歲孩小童hkd$80，用餐時間 75mins

知道呢間cafe會期期唔同主題 今期終於到Chip & Dale啦😍門口已經有decoration 一入到去 走廊旁旁邊擺滿Chip & Dale商品😍😍樣樣都想攞哂返屋企 點算好？🤑🤑餐廳入面每幅牆都有唔同嘅款式 連枱面都有🥰打卡位真係數之不盡最開心係張墊枱紙同杯墊🤭🤭就真係可以攞走至於食物方面 每碟食物都會加咗張 chip & dale 最愛嘅栗子卡仔🌰 #拉芝大蝦意粉 $108蕃茄汁加上芝士 仲有三隻大蝦🦐#咖喱蛋包飯連吉列豬扒 $128日本咖喱加上忌廉 滑蛋加上吉列豬扒呢個組合永遠都冇得輸個白飯仲配上飯素 粒栗子飯即刻明顯哂飲品揀咗 #蘋果美顏茶 茶壺上 又可以靚靚打卡🤭飲完仲可叫店員再加滾水 可以慢慢打卡 慢慢品賞#香港美食 #旺角美食 #打卡cafe #hongkongfoodie #hkfoodie #hongkongfoodblogger #Hkfoodblogger

10月4號星期二下午到，見有同加菲貓聯名就同女朋友去試吓，入到去唔洗等位直入，坐低放低餐牌同用餐注意，入面提到有最低消費150蚊，我望過所有條款都是一張單計算，因為我地係想要隻熱飲杯，所以特別留意條款，我地用QR code 落單發覺所有熱飲除咗水果茶都sold out，一問原來打奶機壞咗，又唔一早講，cafe 冇咖啡賣好奇怪，有幾款甜品都冇，我地最後叫咗個甜品同水果茶肯定過150之後，侍應拎張單走過後話因為唔過最低消費唔可以拎走隻杯，我問唔係全單咩都冇寫每人150，佢就話係每個人計，我仲想問時佢就走開當聽唔到，我又點唔到我想食想飲概，我又拎唔到我想要概杯，我只好拎住張單同佢講咁我唔食唔好意思

今日去旺角攞嘢就順便去山下菓子打卡加菲貓限定主題Café啦💛食就對唔住教練，唔食就對唔住童年，我選擇對唔住教練🤣Café係T.O.P三樓個corner都容易搵嘅，門口就見到加菲同歐迪嘅立牌😚店內佈置得好有心思，每張檯面都係加菲貓漫畫，仲有配套餐盤紙同餐巾紙，menu設計得繽紛可愛😍不過加菲貓主題Café就設有用餐限時75分鐘同最低消費$150（成人）😅自助掃碼落單～有套餐亦可以單點，但啲主食對於減肥嘅我都比較負擔😂最尾就order咗溫泉蛋雞粒丼飯，熱山下水果茶（為咗個杯🤣），鮮果拿破崙雪糕杯（都係為咗個杯😝）。溫泉蛋雞粒丼飯係光速上餐系列，個樣就比較簡單🤭雞粒，溫泉蛋，木魚花，紫菜，飯，一目了然。講真為咗打卡我對嘢食其實冇乜期待嘅，不過食落又算ok喎，溫泉蛋可能因為我影相所以蛋黃已經凝固咗一部分😅雞粒口感同味道正常，唔會話太鹹或者汁太濃，加埋紫菜木魚花撈飯都好食嘅，但個飯真係超！級！多！落單時冇得揀少飯，我掛住影相又唔記得同店員講要少飯，見到咁多飯真係嚇襯😂水果茶都好飲，入邊真係咩水果都有啲嘅🤣百香果，荔枝，橙，士多啤梨，白肉火龍果，菠蘿⋯⋯有啲啲酸，感覺好健康咁，本身為咗加菲貓圖想嗌

細細個好鍾意睇大鼻鋼牙，因為佢可愛得黎又百厭，細個既夢想就係同佢地一齊食飯生活知道呢間位於旺角TＯＰ既名店有佢地，梗係要即時去一黎到就見到四周圍都係大鼻鋼牙，真係孩童心頓時大爆發，回憶即時返晒黎除左公仔，仲有唔少精品，有環保袋，香薰，杯等等，買齊既話真係可以令你生活充滿大鼻鋼牙咖哩蛋包飯連和牛漢堡咖哩味比一般日式咖哩更香濃更有層次漢堡有肉汁，夠juicy，而且有陣陣牛香蛋包飯做得幾出色，有D蛋汁係上面，口感滑溜鮮果法式多士香脆既外層配上入面軟綿綿既口感，蛋味香濃，非常高質熱山下水菓茶十分足料的水菓茶，令佢不論聞定係飲都有滿滿既果香

早排經過旺角top商場發現左Lee間餐廳做緊大鼻鋼牙主題😍餐廳唔係好大，入面好多大鼻鋼牙嘅裝飾，不過如果想打卡可能要等無咁多人先可以影到😗想講餐廳食物其實係不錯，不過都搞到我有少少無奈，本身叫左餐，過左差不多20分鐘，無啦啦有侍應走嚟同我哋講， 你哋仲未點餐喎😅然後都算，重新再點，然後再過15分鐘先同我地講明太子醬無曬要重新煮，可能要再等20分鐘😗所以結果係等到餓都變唔餓😐其實當時都唔多人，都只係得4枱客人，有2枱其實已經就食完，所以真係唔明點解會發生咁嘅事😥不過食物係唔錯嘅◽ 開心小食拼盤a(吉列蝦) $138呢個set會送一個好靚嘅大鼻鋼牙木托盤😍炸蝦同薯條都炸得好鬆脆😋沙拉菜都好新鮮，醬汁份量都好夠☺️◽ 明太子忌廉蛋包飯 $138呢個set會送一個好靚嘅大鼻鋼牙玻璃杯同埋大鼻曲奇🐿️呢個蛋包飯好香😋明太子醬汁煮得好creamy👍💕 面頭加咗塊芝士好夾🤤 如果唔想食太多肉呢一個都係幾好嘅選擇◽期間限定玫瑰梳打好香玫瑰味甜甜地咁，都唔錯💕總括嚟講嘢食係唔錯不過建議大家都係唔好太餓嘅時候去會比較好😊

加菲貓粉絲留意！首間「Garfield 加菲貓期間限定甜品Café」登陸山下菓子啦! 餐廳每一期都會同唔同嘅卡通人物Cross Over，打造成吸引同啱晒打卡嘅地方📸餐廳不但推出超過30款主題甜品及飲品，亦同時發售多款期間限定加菲貓精品，以日用品為主，如防 UV 短傘、戶外購物車、環保袋、毛毯、坐墊，造型可愛又實用！不過黎到就梗係要同加菲貓裝飾打個靚卡啦！ 黑松露意粉黑松露味道濃郁，意粉口感順滑，加入左菇菌食落更香口惹味 豬仔骨配薯條份量都幾多可以同朋友share，幾鐘意個醬汁好香口，旁邊仲有香脆薯條同沙律，整體味道唔錯 凍山下水果茶水果茶入面都有唔少水果包括士多啤梨、藍莓、菠蘿、荔枝等等，味道清新有助解膩，茶味濃番啲會更好! 宇治抹茶黑糖珍珠味道比想像中無咁甜，抹茶味濃郁，加上有咬口既黑糖珍珠口感更豐富 鮮果法式多士港式西多相信大家都食過，法式整法嘅多士你又食過未呢🍞？口感外脆內軟，內層軟綿綿好似食緊麵包布丁咁，入口充滿蛋香，食既時候配上雜果同蜜糖一齊食酸酸甜甜好開胃

餐廳不定時都會有限定主題今期係加菲貓行街經過見到幾有趣 就入去坐低食嘢餐廳亦有好多唔同加菲貓嘅精品不過我冇乜興趣😆叫咗一個2人餐其實食物大致同以往嘅差不多只係唔同咗主題公仔😂食物份量都好足夠上菜時係熱辣辣😋唯獨是BBQ骨 略為乾及醬汁略少少🤏由於食唔晒 最終需要打包少許食物所以叫咗餐廳侍應拎個外賣盒俾呢個時候 驚嚇嘅場面出現了😱原來外賣盒裏面有隻曱甴仔🤢嚇到我9秒9掉咗落地當然即時通知餐廳職員但職員態度係呆滯 並冇致歉嘅意思🙄明白食店出現曱甴有時在所難免🙈但眼不見為乾淨 見到就會覺得污糟🤮最終成餐飯本身由幾滿意變咗嚇到個心離一離咁離去了

近排經開T.O.P商場買飾物，就發現左間限定主題餐廳，每期都會做不同卡通人物，今期就做緊加菲貓，裏面牆身，掛畫及用品都用加菲貓做裝飾，感覺有趣可愛，而且充滿了回憶感，當然一眾加菲貓fans就唔可以錯過，要過黎打卡合照留念黑松露意粉黑松露味道好濃郁，加上忌廉，就令到意粉口感更加順滑，食落更香口豬仔骨豬仔骨份量都好多，食落有嚼口，而且燒得好入味，另外配埋香脆薯條，及開胃沙律，就唔會太單調及感覺清新雜果配法式多士法式多士口感外脆內軟，裏面軟綿綿，好似食緊布丁一樣，另外配上雜果，賣相更精緻山下水果茶裏面水果好豐富，有橙，藍莓，荔枝等，所以飲落清甜有水果香宇治抹茶黑糖珍珠抹茶味道濃郁香甜配上黑糖珍珠就更增添口感