山下菓子 (T.O.P This is Our Place)

營業中

休息中

最近嘅新寵兒-Mofusand貓～實在太可愛了！山下菓子聯乘Mofusand貓推出期間限定店-Mofusand貓主題cafe，假日約了友人一齊去潮聖。記得N年前幫襯過因為粉紅兔，食物上味道正常，好明顯為左精品同打卡。臨近聖誕，門面有個打卡位好靚！今次冇book位，膽粗粗入去，就到14:00唔算太多人都好快有位。內堂裝潢簡約，以木系為主調，感覺柔和，牆上貼有Mofusand貓的壁畫作佈置，有2個小小的精品區域，吸引左唔少粉幫襯，隻貓公仔～咁可愛得唔得架。有張牌說明有限時及最抵消費。餐牌，部分食物會送餐具，想要的木盤冇晒，好彩有問下先，最後揀了便當。抹茶拿鐵，$88，送埋個杯，個價包埋，貓肉掌好可愛，有淡淡的抹茶味，味道偏甜。滑蛋豬扒便當，$149，送埋飯盒，好明顯為左個飯盒，KAWAII~滑蛋唔算好滑，味道普通，吉列豬扒份量正常，入口尚算脆口，味道正常水準。吉列豬扒咖喱蛋包飯，$99，友人的。黑糖珍珠梳乎厘Pancake，$109，賣相幾可愛，口感鬆軟有空氣感，因為係黑糖珍珠之下好甜呢。Postcard贈品。消費滿$200送一個襟章。Coupon。食物味道普通，但幾多打卡位，粉絲必去系列

見到有小新crossover緊係要支持下佢哋叫嘢飲仲送左杯墊比我真係好開心小新記得要嚟除左有嘢食，嗰度仲有好多周邊產品㗎，我去到都揀咗幾件帶返屋企！真係一個好開心既體驗

不得了，瘋狂的粉絲！😆😆😆1見廣告即刻從網上面訂座😙幸好訂到☺️很開心來到這裏看見很多Mofusand and Sanrio ⋯食物質素OK，甜品掂！不過佢呢啲Cafe主要都係影相同喜歡的公仔拍照，而最驚喜的是飲品可以送上喜歡的匙扣造型😻加上有很美的杯墊和枱墊實在很開心🛍️

山下菓子定期都會轉換主題，上期係Mofusand貓貓, 今期輪到蠟筆小新做期間限定主題🤩推出左唔同款式嘅蠟筆小新食品，店舖無論枱，牆壁都擺放/貼滿小新＆佢嘅同學仔家人老師嘅野，方便食客打卡。Cafe食品款式選擇唔算好多，價格都算合理。叫左個冬蔭公海鮮意粉，只有硯肉做海鮮，但份量都多ge, 意粉夠辣，好惹味，啱晒食辣一族。另外仲叫左個千島海鮮pizza, pizza餅底係薄批，食落脆卜卜，中間仲放左一片芝士，好特別。題外話：以為黎緊有小新電影上映，後來先知係switch出左款小新game, 遊戲語音有廣東話／國語／日文／韓文，鍾意玩switch嘅大朋友小朋友唔好錯過最後提提大家唔同款式食品都有紀念品（送完即止）。

聽朋友介紹，這裡開了期間限定的蠟筆小新主題Cafe，所以今天特登同朋友過來吃下午茶，感覺很不錯！紫薯千層蛋糕樣好靚，將蛋糕送入口中時，一股濃郁的紫薯香氣迎面而來，帶來一種舒適和溫暖的感覺。咬下一口，感受到千層蛋糕的細膩口感。每一層蛋糕片都非常薄，輕輕一咬即化在口中。口感綿密細膩，配合紫薯的濃郁味道。在舌尖上融化的同時，可以感受到紫薯的微妙甜度，不過分甜膩，而是一種恰到好處的滋味。仲有可愛的朱古力腳印和香脆的小米谷。兩坨奶油也好香甜！草莓牛奶飲品杯頂是濃郁的奶油，有點草莓醬和新鮮的草莓。牛奶散發出濃厚的奶脂味道，帶有淡淡的甜味，而草莓則散發出天然的水果香氣，是一種美味可口的飲品！吉列蝦小食拼盤有吉列蝦、紫菜味的薯條和生菜、番茄醬

失望！啲甜品完全係系雪櫃連盤攞出黎。甜品已經塌嗮。好多菜品都係上一次嘅影子。無特別。加個牌就當新？！？！同埋實在太貴，同埋最低消費每人150。真係多左啲。未能見到其水準值其價錢。

今次吃的期間限定係蠟筆小新主題的小食和甜品，很有趣尤其值得紀念。明太子雞翼小食拼盤每一隻雞翼都鮮亮誘人，帶有微微的焦糖色澤，咬開裡面是滿滿的明太子，香辣無比！士多啤梨味雙層芝士蛋糕它由兩層濃郁的芝士組成，一層是原味芝士，一層是栗子味芝士，最上邊是鬆軟的粉紅色士多啤梨味蛋糕。芝士滑順綿密，入口即化，讓人感受到絲絲綿綿的幸福。紅青蘋果荔枝冰紅茶一大杯冰紅茶，漂浮著紅青蘋果和荔枝的果肉，又紅又青又白的鮮亮色彩為整個飲品增添了視覺上的吸引力。青蘋果的酸爽，荔枝的獨特風味則為整個飲品增添了一抹獨特的水果芬芳。

趁小朋友放假，見到有小生cafe , 諗住開心咁帶小朋友去食個lunch , 點知食到一肚氣。。1215 入去，就order 咗幾份食物，原來每人有最低消費，成人$150， 小童$80 ，如果唔要小生的贈品便沒有最低消費！見小朋友都鍾意d 贈品，所以都不介意有最低消費！我哋1215 入座，1 pm 先到齊嘢食，到齊嘢食前已經走嚟話未滿最低消費，我哋已經同佢講我現在叫埋甜品同飲品，點知佢話我哋想叫嘅甜品（梳乎里）係order 唔到，因為要入座起20 分鐘內叫，但我哋完全唔知，我哋已經一坐低就話叫住咁多嘢食先，一陣再叫甜品，但個waitress 都無同我哋講，另一個職員行過嚟了解，一句我哋做唔到比你，就算做到都要等一個鐘，但你哋限時進餐90 分鐘，所以你哋都唔會等到！仲要同我哋講qr code 落單張單下面已經有寫明入座起20 分鐘內要叫梳乎里，否則不能落單！！根本唔會有人去留意張單下面嗰幾隻細字，我哋都唔想再同佢哋理論，我哋話你哋應該提醒下食客，講完就算，叫埋飲品到最低消費限額後，快快飲完便離開，最後連甜品都無叫便走了。。。人均$150 ，用餐時間90 分鐘，咁嘅服務態度，真係無下次！大

係instagram見到做蠟筆小新theme既menu，啲甜品好似好吸引，又有唔同種類既食物......📍點知兩碟意粉（卡邦尼意粉、墨汁意粉）上到黎乾爭爭，又少餸，完全唔值依個價錢。食落口墨汁冇墨汁味，卡邦尼意粉剩係得芝士味同煙肉啲鹹味😖📍碟咖喱蛋包飯味道正常📍tiramisu梳乎厘pancake口感ok冇蛋味，啲tiramisu得甜味，十分失望😞，完全唔值$118📍個香蕉船等咗好耐，催左先上，啲雪糕味道正常維記味，水果略嫌酸，不過都係嗰句，唔值$88整體來講環境ok，不過食物質素完全未達標，實在大失所望😩，唔值呢個價🥹

雖則係聯盛系列，但食物質素非常差。落單後等咗55分鐘嘢食先到，嚟到個咖喱仲要係凍嘅。所以嗰55分鐘係做咗啲乜嘢？要做到咁真係好出色先得。冇諗過自己都會有第一次寫評價嘅經驗。

蠟筆小新陪伴我成長🚶‍♀️以前細細個就好鍾意同阿哥睇蠟筆小新📺今次山下菓子期間限定cafe推出左蠟筆小新既食物🍝🍔🥪🍤店鋪裡面仲有好多蠟筆小新造型嘅嘢，今日一於去朝聖☺️明太子雞翼小食拼盤 $78吉列蝦小食拼盤 $78雪糕香蕉船 $78巴斯克蛋糕 $78凍朱古力 $58草莓牛奶 $68不同的食品配合不同款式紀念品🙆‍♀️惠顧最底消費更可獲贈會場限定貼紙🤭絕對值得收藏!另外鐘意玩Switch🎮既大小朋友就唔好錯過啦 🥹Nintendo Switch🎮喺5️⃣月2️⃣就會發售蠟筆小新煤炭鎮的小白🤭仲係廣東話配音山下菓子📍旺角彌敦道700號Top商場3樓📲62229654#蠟筆小新 #煤炭鎮的小白 #switch #nintendoswitch

好多時去T.O.P.商場都會比山下果子店面吸引，因為佢哋間中就會轉主題，之前曾經係mom hi hi 同唐老鴨，今期就係Mofusand貓貓，簡直係食正呢期最hit的為主題，真有生意頭腦。路過就已經比門口的貓貓+馬卡龍吸引，看一看餐牌食物的價錢，又算合理，所以就決定幫襯。博多明太子忌廉意粉 - size係剛好一人份量，畢竟過往既主題餐廳，食物質素都偏低，所以都沒有抱期望。但係呢個意粉都幾好食喎，忌廉汁尚算濃厚，明太子亦恰如其分。香辣冬蔭公蜆肉意粉 - 勁辣，個餐牌又無註明咁辣，食第一啖已經覺得頂唔順，辣度係3隻🌶️，係惹味嘅，但其實得個辣字，食唔到冬蔭公味道。意粉煮得比較硬，好似唔多夠熟。值得一提的是，雖然話主題餐廳，但碗碟杯刀叉，甚至乎紙巾都完全無主題公仔，純粹得門口個貓貓+馬卡龍，同埋牆上幾幅的貓貓布，不過就有大量主題公仔的副產品售賣嘅，所以個主題其實唔算好貼題。

見到了 mofusand 主題咖啡廳，少女心瞬間爆發，忍唔住行入去。店既入口處有個賣精品的區域，我點了一杯熱Latte和Oreo窩夫（配兩球雪糕）。首先，這裡的飲品一定要買他們主題的杯子，所以每杯超過了100港幣。，性價比高與否因人而異。下午茶的價格大概是每人200港幣左右埋單。

我和朋友一起用餐後，在旺角逗留逛街，無意中我們經過旺角中心一期，無意中行到三樓有行人道連接，來到旺角新開的廣場（T.O.P This is our Place)，原來前身就是旺角中心二期前，突然間，很吸引眼頭的，充滿好多貓貓🐱插畫打卡位，有貓貓海報有公仔，有吊凳再仔細發現這一家以Mofusand主題為特色的咖啡廳，名為「Kingsley Cafe山下菓子」。當時已經是晚上8:30，這家咖啡廳門口有很多人在拍照打卡。於是我們決定試試他們的甜品。然而，由於他們已經開始準備收鋪（其實這間店係朝中午12至晚上八點營業），這是可以理解的，所以服務員告訴我們他們只能提供軟雪糕，因為他們的軟雪糕機還未清洗。於是，我們兩個人點了雲呢拿軟雪糕甜筒！坐下來時，我們看到那兩個雪糕筒時都感到非常開心，因為我們主要是想找個地方坐下來休息一下。畢竟，食一個甜品可以讓我們感到更開心，幸福，輕鬆！總體而言，他們的雪糕「Cremia」非常滑順，奶味濃郁，因他標榜是日本雪糕，我相信是來自北海道牛奶做的雪糕，真心覺得好味，但雪糕筒有點偏甜，如果不是太甜的話就更完美了！Cremia ice cream cone 🍦$38雲呢

甜品放題嘅種類不外乎- 千層蛋糕- 雙層芝士蛋糕（海綿蛋糕+芝士蛋糕）- 巴斯克蛋糕- cremia雪糕- gelato雪糕- 兩款tart- 布甸燒基本上都係芝士 同比較膩嘅款冇咁膩又食得入口嘅雪糕得一隻因為gelato個啲似係用粉溝出嚟有個士多啤梨味嘅 係直情食到未溶嘅粒粒然後擺係到大半個鐘先溶溶咗之後個pat唔似cream 但唔知咩嚟💀如果係中意食千層蛋糕 同芝士蛋糕嘅可以+$99食唔係嘅話 主食套餐以上加錢嗌都夠啲糕點冇特別出色