心事如塵茶食亭 (億利工業中心) (已結業)

係我第一次喺度比負評，因為附近都得依一間有得食平價烏冬嘅關係，所以一直都係我嘅lunch之選。但係已經忍咗幾次，今次真係忍唔到，覺得服務員嘅態度真係要改善一下。舖頭場地本身已經唔大，淨係做外賣，排喺部收銀機前面，都可以愛理不理，睇你唔到咁樣。佢可能堅持要同佢朋友傾埋計先，或者玩埋個電話先。隔咗一陣見到你之後亦都唔會覺得唔好意思，唔會話唔好意思你想食咩，淨係會一句「要咩？？」 仲有好多瑣碎事，言語態度之間同啲眼神係令到啲客人感覺唔係咁好。最近頻頻地冇散子找錢，唔會話唔好意思佢哋冇散子找會唔會可以用八達通。只係會一句得埋黎「我地無散紙，八達通ok? 」 唔係唔肯用八達通或者比卡，只不過係見到佢哋係有散紙只係佢唔想找啲要用廿蚊紙/2 5蚊銀個啲⋯⋯最後講埋啦，可能最近天氣熱，有一次買佢哋個奶蓋係酸嘅⋯⋯

在很多區都見過這間主題小店，聽講都有素食就去望望，素肉燥野菜丼都幾吸引，配埋台式冷泡茶確係爽。在D2 place對面好旺好多人的位置。望下個餐牌有素食丼飯和沙律。仲有各款台式茶飲奶蓋珍珠奶茶等等。想吃輕盈一點有各種沙律。店內還有賣曲奇零食和品牌類品等。素肉燥伴野菜丼 HK$59 (全素)竟然有肉燥飯又竟然係全素，實在難得，跟餐可以配湯或茶，冷泡茶都幾大枝又清香。植物肉燥和野菜看起來份量不多，視覺上不太豐盛。不過素肉燥又煮得幾好食。入面的滑菇咬落有肥肉個口感，如果份量再多一點就好了。這間小店在多區都有分店，素食朋友可以多留意一下。

個日食完海老名沾麵(之前po過)勁口渴😳見到呢間飲品店就二話不説買咗杯嘢飲品🙌🏻但質素就真係麻麻🥲可能嘢食會好d呱🤨🔺黑糖珍珠朱古力牛奶🍫$34可以揀豆奶或者牛奶🥛今次就揀咗牛奶🥛而朱古力味唔夠🤭黑糖珍珠偏甜但都係煙韌嘅🙌🏻但飲品同珍珠好似分開咁😕呢個價錢咁嘅質素就真係麻麻🥲

最近忙到嘢都唔係好想食😮‍💨呢日lunch想食清淡少少，諗起同事之前介紹呢間黃店主要售賣日式丼飯同埋沙律，望個餐牌好似幾多菜幾健康🤣~~~🐂塵仔牛肉野菜丼($59)🪄7/10實物唔算大兜，正常胃口嘅女仔可能啱啱好🤭牛肉食落ok，肥膏都唔算多，唔似用平價肥牛兜入面嘅蔬菜份量都幾多下，而且味道唔差，呢點我幾鍾意👍🏻.🐔炙燒雞扒丼($59)🪄6.5/10雞肉都算嫩滑，但上面嘅醬太多，味道都唔係我杯茶隔離都有啲雞蛋絲，食落冇咁單調🤣~~~⭐️回頭指數🌕🌕🌕🌑🌑食物方面唔算好有驚喜，正常發揮但呢個價錢包埋一樽冷泡茶（可配湯）都ok抵🤔如果想食牛肉丼，但唔想幫襯吉x家可以考慮下💭

從來都未見過咁樣嘅奶蓋四季春！完全見唔到嗰層奶蓋=.=竟然夠膽交俾個客仲要解釋少冰嘅話，我哋個奶蓋係咁，唔好意思～其實佢知唔知咩叫奶蓋茶質素差成咁⋯⋯以後都唔會幫襯！

一直食開灣仔分店， 覺得又平又好食， 無諗過荔枝角分店可以咁難食， 質素差咁鬼遠！！！ 👎👎👎1. 牛肉烏冬嘅牛肉少得可憐，得幾片肉碎仲要煮到溶溶爛爛，碎開曬，同食淨烏冬冇分別！以依個價錢嚟講，就好唔抵食！👎👎👎2. 杯茶得斟咗半杯😨，離曬譜！ 喺灣仔分店係全滿嘅。 好明顯店員亂咁黎 👎👎👎3. 明明裝咗張長吧枱喺度，但又唔畀堂食，誤導人 👎👎👎4. 店員態度差，大細超。 一班人企係店入邊除曬口罩飲野就得，但同我講不准飲食。 👎👎👎總結： 垃圾，唔會再幫襯！

下午時間喺太陽下暴曬🌞，真係覺得就黎會中暑🥵 好彩經過呢間小店，可以即刻買番杯凍菠蘿多多黎飲～🍍呢杯多多嘅菠蘿味十足，配埋益力多酸酸甜甜嘅味道好解渴，飲落好清甜、好清新～ 多多系列係冇得自選甜度，但係呢杯都唔會太甜👍🏼入面仲有一塊冰凍嘅新鮮菠蘿！飲完杯嘢、再食埋塊菠蘿冰，真係透心涼、完全消晒暑！🤩

好耐以前食過呢間嘅牛肉飯、腐皮烏冬。牛肉飯啲飯超濕，牛肉又乾，兼且冇乜味。至於以前嘅烏冬，係會即煮，所以煮得啱啱好，口感幾好。到今日突然心血來潮想食烏冬，所以就買咗個雞扒烏冬。嘩，啲烏冬肯定一早淥好！超級淋！！！熟到爛！！淋到直頭係一夾就斷，口感極差，好似霉曬，浸咗幾個鐘水咁樣咁嘅質素，絕對絕對唔值呢個價！！！唔會再有下次！！！！！！如果想試烏冬嘅你，絕對可以慳返，真心講句，去第二度食好過啦唔好嘥錢

今日同三個朋友一齊買嘢飲，有個朋友仲加埋咗個烏冬添。 -嗰間舖頭好文清，條街好鬼熱，入邊有少少冷氣都比較涼爽。舖頭個位置唔多，只做外賣拎走，冇得堂食既。-我叫咗個黑糖奶茶，個奶茶好似茶餐廳嗰隻，我反而覺得黑糖味比較冇，奶茶味比較出嘅，呢間可以叫凍飲走冰 👍🏻😂 好正-咁我朋友加咗個烏冬，味道係比較淡嘅，但真係OK好食嘅，啲肥牛係好食嘅，啲烏冬係唔係好林嗰隻，似係讚岐烏冬有雪櫃雪過嗰啲，所以烏冬比較彈牙。

蘆薈百香果愛玉四季春完全係中伏嘅一杯飲品, 百香果籽 淨係見到 三粒 ( 真係慘得可憐)，愛玉口感不足分量少，成個感覺淨係得蘆薈。 四季春可能我唔識欣賞 完全好淡好談 冇乜茶味， 同水溝茶冇分別。 成杯嘢我感覺到係啲冰好大粒， 淨係食到蘆薈， 同埋好似係水加茶嘅四季春。 如果要我畀32蚊買杯咁嘅飲品， 真係有點兒那個， 蘆薈嘅份量，係幾蚊嘅價錢嘅事，茶 加 水咁就一杯飲品32蚊， 如果要呢個咁嘅質素 續行落去， 真心好快拜拜。 唯一搭夠，係佢仲有 有其他食品。不過又咁樣講， 佢啲食品好似好靚但係我就未食過。 但係因為呢杯飲品，我已經冇興趣再幫襯呢一間嘢， 完全係black list咗， 因為呢杯飲品真係完全零誠意， 完全侮辱咗喜歡飲手搖飲品人嘅智慧。P.S.呢杯係我飲過 數一數二最難飲嘅手搖飲品。

行經荔枝角 想飲杯野揀咗呢間心事如塵茶食亭原因就係呢間賣既野以健康養生為主啱晒我呢啲健康撚😏揀咗杯紅豆紫薯米奶($36)唔想飲米奶，可以轉牛奶/豆奶因為想飲健康野先嚟呢間可惜係我嗌走糖 但飲落好L甜🙁究竟有冇走糖？咁岩我去個陣好多客定佢太忙唔記得走，或是其實已經走咗糖都係咁甜呢？🧐飲一啖我奇怪了，唔係紅豆紫薯咩？得紫薯味？紅豆呢？原來紅豆唔係打成奶，只係一粒粒既紅豆粒。食落唔係一咬就溶，仲硬硬地。整體味道正正常常，冇咩特別。比較想講既係佢熱飲size真係好細杯😫仔細睇返menu熱飲同凍飲一樣價錢，但凍飲份量多一倍？🤨一樣$36 但凍飲有24oz 熱飲得12oz？Why？真心奇怪？如果係咁熱飲真係好唔抵飲☹️！

放工 買外賣晚餐見到有呢個抗疫優惠$40有烏冬 唔夠可以加$15有迷你牛丼 或者豚肉丼跟餐仲有24oz茶飲揀左炙燒雞扒烏冬+牛丼+凍四季春烏冬湯底好清 但我就係鍾意呢個日本木魚清湯烏冬嘅味但烏冬口感偏硬炙燒雞扒有驚喜 浸左落湯耐都仲有炙過嘅味我比較大食 要加埋牛丼先夠飽牛丼不過不失 但可以多d牛肉汁冇食連鎖店後好選擇💛最驚喜係跟餐包嘅野飲好大杯夠慢慢飲成晚師奶仔心態杯野飲都廿蚊 好抵食😹荔枝角日本野晚餐算好抵食💛💛鋪頭仲有好多dustykid 嘅product比較有興趣係寫左好多治癒句句嘅postcard- - - - - - - - - - - - - -味道：性價比：回頭率：

呢排都唔係太敢出街食飯， 怕出現餐廳群組， 所以買外買變左日常。荔枝角都算多野食， D2附近呢間心事如塵， 原來除咗珍珠奶茶，仲有勁多野飲揀。今日買左個炙燒雞扒丼飯， 雞扒好香，加埋醬汁， 好野味。 啖啖肉，唔駛刀切， 勁方便。岩哂我呢啲懶人。個餐$58仲包埋野飲，仲可以轉特色嘢飲😍今次配左冷泡茶， 清清地有白桃香味唔錯， 朋友就叫左豆奶咖啡，我見佢係即磨，人手沖，跟餐都係加$7 咋， 出邊飲開轉豆奶都要加幾蚊啦，佢竟然牛奶豆奶同價😨下次試埋個野菜牛肉丼先！

很久沒有寫食評，但今日除夕日竟然吃了一餐那麼難吃的套餐飯，真的不吐不快。雞肉又不是貴價食品，吃了那麽多年也沒有吃過一個雞扒飯是由五片簿切「雞片」製成的，那為何不叫雞片飯或雞肉飯呢？雞片飯我也嫌份量少吧。另外叫套餐固然有湯或飲品，我選了黃金粟米湯也是經典之一，淡而無味，只見一杯非常油的黃色液體（如圖），喝了一口已經可以扔到垃圾桶了。近年經濟差，加上疫情下食肆首當其衝，又限時又限聚，如果這些食肆還用這種完全沒有誠意的手法經營，真的可以繼續生存下去嗎？

呢間店係前排食㗎啦，但炸雞翼真係太好食，值得一個食評呀！位於荔枝角嘅呢間店，每到lunch time就多人排隊，有時真係長到唔想排。難得有次見條龍短過平日，即刻排隊買！店舖唔大，而且得一個收銀，但佢身兼多職。整理食材，pack食物，落單同收錢，所以多人排隊都正常嘅。輪候嘅時間唔算長，大概15分鐘！返到office食時，烏冬仍然好熱！而家再講多次，雞翼真係好好食！😍😙 真係大力推薦！而飲品係正常，茶味未到好出眾. Lunch set嚟講不過不失✨ 大推雞翼！！！