心水小店 (已結業)

呢間店個店名好特別 食就真係第1次 平時見佢人都唔算多趁tea time去試下~點了花枝條米線 花枝條還是頭一次食招呼唔錯 好快有得食了我仲以為花枝條會好似丸o個d咁但原來花枝條係淡味d 香d 都幾彈 用黎煎應該幾好食 再叫左飲野飲 叫返d普通野 -奶茶 不過不失晚餐好似都唔錯咁 下次會晚上黎試下

試下呢度既tea，叫左個24蚊既台式肉躁飯，有凍飲(好似唔洗加錢)肉躁飯size適中，女仔食一定夠飽，男仔食可能會覺得唔夠大份肉躁飯附送半隻鹵蛋，好入味，肉躁本身幾好味，不過如果有冬菇口感味道會更佳下午茶食個飯24蚊，都算是合理的價錢

八月下旬•晴 記憶中，這個舖位時常也換招牌，現在又來了一間台式食品店。午市經過，見人很多，即水準差極有譜吧，就來了一試。在近門口的檯坐了下來，左右隔離也是附近返學的學生，好像是走進了學生飯堂似的。 要了肉燥花枝條米線，花枝條好吃，做得滿有花枝的彈牙口感，也有鮮甜味~~雖然鮮甜味應是假味來的。肉燥濃郁，下飯或米線也可以。當然你問我，肉燥的味道也多是由不同的醬油調來的，但就是台式食物的一大支柱。連湯米線一碗，吃得飽飽的。 飲品要了凍柑桔蜜，甜到不得了。 埋單28蚊，不算貴，一試無妨。

要在西環找一間有下午茶吃的餐廳真難，大概 3 點，很多餐廳已收市，待晚上才再營業。耐何我又非常肚餓，一定要找點東西吃，沿著水街走，看到這間門口寫著 2-6p.m.下午茶，那就不再找了，在這裡醫一醫肚吧!下午茶有吐司，$20連飲品，不過我不想吃太熱氣的東西，所以放棄了。之後另外有一些麵餐，也是跟飲品就$22，最後我要了一個花枝條米線 + 雪香奶茶。雪香奶茶看外表已知麻麻，因為很淺色，而且再摸摸杯邊，是暖的，所以應該不夠凍。一喝下去果然，是暖的，雖有冰，但大概未發揮作用吧，感覺不太好。而且味道果真很淡，只有淡淡的奶茶味，非常不好喝，我喝了半杯就停了。之後麵來到感覺比較正常，沒有大問題。湯底也算夠味，不過不是特別鮮味。米線滑滑的，花枝條沒有太大味道，有淡淡的墨魚味，不太彈牙，但不是難吃的。結帳$22，不貴，但也不是好吃，看來這小店未必是我的心水了。

唔知由幾時開始..呢到變左我地既cantenn=)好多款式既野都試過了...一路都想上黎寫食評..但係的唔起心肝...今日終於記得影相了我比較鐘意食辣...最推介個辣肉燥...送飯一流丫服務都唔錯...可能係家庭式既關係..感覺比較親切

第二次去，今次又是食晚餐。一行八人，侍應即時幫我們執張長檯，服務很好！店舖細細，仍可坐得落我們八人，坐得舒舒服服，滿意！每人一小菜，share食。1. 西檸雞是一般的茶式，又一般的味道，在西環幾間的食肆的西檸雞都是這種味。=p酸酸地，都ok，甜返少少會好d。2. 菜圃煎蛋比上星期在灣仔的酒樓食的更好食，煎得不老，又夠口感，雖然鹹了少許，但我又接受到！幾抵食！3. 三杯雞有正宗台式三杯雞的味，一點都不馬虎！雞夠味，又夠多，配料都很香，非常滿意。4. 豆豉鯪魚炒油麥菜我本身都幾鍾意這菜，又炒得幾香，不過都係鹹左少少－－豆豉的汁在碟底浸住d菜。賣相就差了少少。5. 椒鹽豬扒香口，好味。不過預左d豬扒係肥少少，才不會硬。6. 紅燒豆腐都不錯，係d汁濃左少少，都抵食。7. 京都肉排同樣，汁都是濃了少許，味道普通，預期中的味道。無特別。還有個日式肥牛，上次寫了。例湯仍然不錯，清清地，湯渣好足。上海麵、米線都很好。總括黎講，的確值得去，食物味道一流，只係接受不到濃味的朋友可能會不喜歡。埋單都是每人36，今次都食唔哂d野。

吃美食有如放煙花：日日食，不單荷包遲早「乾硬化」，豐富菜餚令身體產生的負擔，恐怕會導致真正的肝硬化！所以雖然愛吃又懶煮飯，也要找出一個讓小倆口簡簡單單解決一餐的「飯堂」才行。為此，我們真的是傷透腦筋！最近經過水街＜巴依餐廳＞附近，發覺一家小店又轉手了，改賣台式料理。晚餐有多達三十多款選擇，而且取價不過三十六大洋（連「心水靚湯」、飯／米線／上海麵和飲品，改台式飲品加$4），就吃吃看。這兒地方不大，卻十分熱鬧，甚至要等位！光顧的多是附近港大的宿生，我們明顯超齡！我們選了欖角京都骨和乾燒花鵰雞（嘩！有雞食，仲有鵰？未食過噃！哈哈，餐牌打錯字啫）；惟恐菜蔬不夠，再點了個肉燥青菜（$15）。今天的「心水靚湯」是霸王花煲豬骨，盅上，發覺料很足，已叫人信心大增！有資料說飯前先喝湯，可避免湯水在飯後沖淡胃液，我半信半疑；不過喝完湯已半飽則是事實。主菜來了，侍應著我們選主食，我選吃米線，免得過飽；但米線很大碗，想唔飽都難！欖角京都骨先上，排骨的汁調校得相當好，酸甜味適中，欖角也出奇地不太鹹，兩者合壁的味道很有趣！雞也來了，配料（洋蔥、蔥、胡椒等）份量足，令整道菜變得十分惹味。想不到小小一家街坊舖（甚至從

星期五晚上與朋友食飯, 看見新開一排, 試試無妨.環境ok, 小店空間真的不大,不過幾舒服, 座椅幾特別.但燈光暗, 又灰灰白白 服務不錯, 侍應門招待、態度很好.我們一人叫一個小菜, 送湯, 配飯/上海麵/米線.仲有野飲...普通港式飲品不用加錢, 但台式飲品就要加.1. 冬瓜湯, 一人一盅, 味道不錯, 不多味精, 比起平常的味精湯好好多. 又有湯渣.2. 花雕雞 幾香, 幾夠味. 細細碗小菜.3. 蝦醬三層肉 幾夠鑊氣, 惹味的肉, 不算太肥, 幾好味. 但配菜多左d, 肉就不夠.4. 日式牛肉 普普通通, 不太特別, 口感一般.5. 唔記得個名的骨. (好像什麼醬爆) 個醬幾香. 但炸得耐左d...肉質一般.6. 我選上海麵 雖是幼麵, 但不錯, 清淡, 麵都不會太lum.7. 肉鬆浸菜 賣相一般, 無乜特別. 清清淡淡, 過得去.小菜總括都好味, 但份量略少,同埋洋蔥用唔哂!! 碟碟都洋蔥..有點濫.野飲都一般. 台式飲品有紅豆奶茶.唯一欠缺的, 無沖茶/水飲, 差左少少.