拉麵台風

營業中

休息中

平日下晝見到荃灣台風唔使排，即刻入內幫襯一碗魚介豚骨拉麵☺️🏮魚介豚骨拉麵（多醬油）整體上嚟嘅份量好震撼，師傅附上一匙羹魚介粉喺未撈勻魚介粉前，試吓湯底先濃厚嘅豬骨味再配上醬油（多）既鹹鮮兩者協調得幾好。因為上次試過醬油（普通）嘅版本，略嫌鹹味不夠，帶動唔到整體豬骨既香味。撈勻魚介粉，湯既鮮味昇華左一個層次麵底份量好多，師傅一d都唔手緊彈牙爽口，粗幼得宜，恰到好處，再試下叉燒，免費添加既配料特製叉燒（半份）係平日午市專有的優惠，顆粒狀既叉燒肥瘦相宜，經過炙燒，豬油既香味源源不絕。可惜本身叉燒並非經過滷製/重口味烹煮，略嫌鹹度不夠。選自梅頭既切片既叉燒口感十分好，豬腥臭味處理得幾好，食落有驚喜。醣心蛋不過不失，如果有醬油醃製會更為突出。令人驚喜既係免費加湯既服務，本身既湯底唔多，對普通人黎講應該啱啱好。但係我係鍾意一啖湯一口麵，係知道可以加湯既情況下可以滿足地大啖大啖飲湯。師傅加既湯有整整一碗（唔記得影）一d都唔手軟。食完真係十分滿足☺️👍🏻

第一次幫襯荃灣店✌🏻 終於食齊佢嘅所有分店𓂅 伊台風 ᴴᴷᴰ 𝟾𝟾餐單也沒有解釋，但其實是番茄湯底拉麵湯底番茄味挺突出，同時飲到出豚骨湯底⋯再加上魚介粉後更是複雜😳至於炙燒芝士也與湯底、食材整體分開唯一可取大概是叉燒較厚身，食落算滿足𓂅 沾麵 ᴴᴷᴰ 𝟾𝟹話就話每日限量𝟹𝟶碗但夜晚都仲有得食比較特別係其中一片叉燒係碎上，有點餸尾嘅感覺🫣好彩睇番其他人嘅相先知真係咁上整體味道就還好，無太多驚喜

香港台風拉麵有3間～仲有一間未試就係荃灣既拉麵台風～會令我想食晒三間分店既原因係平，無加一拉麵份量夠多，唔怕唔夠飽款式3間分店都各有唔同，夠有新鮮感平日唔多去荃灣但今日難得嚟到荃灣做野，lunch就決定食佢！12點多去到，岩岩好仲有1-2個位，唔洗等位就入到去去到原來有驚喜，lunch time可以免費送半份小食/野飲唔想飲汽水既我就簡左雞蛋（佢跟麵都係得半隻，依家送多半隻🤣）在場聽到有講日文既師傅，同埋有日本客人嚟食之前有網上做下功課咩味好食最後就決定食其他拉麵店好小有既「伊台風」佢係蕃茄湯底再加芝士仲有啲魚粉喺拉麵上面，撈埋佢就係變左魚介蕃茄湯味整體上都係好好食又夠飽，完全無失望食完好滿足

#fatxtsuenwan #fatxmongkok ‼️ 很有日本風味的拉麵‼️•① ［ 伊 台 風 🍅 ］| 湯底超鮮，食得出係新鮮🍅做成的。一開始可以先飲湯，然後再撈魚粉。不過覺得它們的叉燒有點遜色。另外可以自己加蒜蓉+辣油。整體在香港算是中上的拉麵ʕ ◦`꒳´◦ʔ |𓋪7.5/10•② ［ 極 限 台 風 （ 𝐥𝐢𝐦𝐢𝐭𝐞𝐝 ) : 黑蒜油 x 黑芝麻 x 麻辣椒 ］ ｜ 黑蒜油味很出！味道層次會比較豐富～|𓋪 8/10·拉麵台風 (荃灣)荃灣大河道81號寶成樓地下7號舖拉麵台風

🍽伊台風 沾麵 🥢👀每次路過都會見到有條長長既人龍係呢間拉麵店門口，好好奇係未真係咁好食今次終於都的起心肝去試下排，好彩大概排左半個鐘都入到去，無預期中咁耐🙈拉麵或者沾麵既質素都唔錯，湯底好濃郁但唔會過咸，而且配料同麵底既份量都比一般拉麵店份量多。我年少無知一黎就其中一碗叫左加底，後尾先發現原來佢原本既份量己經係平時既1.5倍，應該一般男仔都食得夠飽！🤤整體黎講真係好味又抵食，有機會會再黎食！

每次行過呢間舖，總會見到有最少一兩個人喺門口排隊。咁啱今日好想食拉麵，就入嚟試吓😚1️⃣沾麵😋：沾麵味道濃厚，口感無咁杰，湯底熱辣辣，食得出魚介嘅味道，溏心蛋整得好味，面嘅質地偏硬身，配上湯底就啱啱好。不過因為面係凍嘅，沾沾下啲湯好快就變凍咗😅2️⃣魚介豬骨湯拉麵😋：想講湯底真係好出色，完全飲得出豬骨湯嘅香味，再加埋魚介粉嘅調味，令人想一啖一啖咁樣飲個湯底，湯底依然熱辣辣，拉麵就梗係要熱辣辣咁樣食🤝🤝🤝😘老細真係日本人，職員溝通都會同老細講日文，一瞬間以為自己去咗日本🥳總體嚟講，呢間係可以不斷encore嘅拉麵餐廳👍🏻

首先，係出面等位嘅時候職員態度都已經好無禮貌！第2，佢聲稱所謂嘅同普通拉麵多1.5倍份量，以前係有嘅，但係我今日食嘅時候發現小左好多，食完係唔夠飽嘅！仲要坐低左先話無得另加叉燒，落單個時又唔出聲！第3，食緊野嘅時候，後面有兩個金毛帶眼鏡嘅職員係到大聲傾計都唔緊要，問題係傾計還傾計，唔好傾到爆粗啦，我有小朋友係到嫁。。。總括來講，都係以上嘅不愉快問題，味道都仲可以嘅，加價係可以嘅，但係就唔好鬼鼠減個份量囉！

今次就同大家介紹我心目中香港嘅No. 1拉麵店見到成日大排長龍就知咩料啦🤤-🤍魚介豬骨湯拉麵 $78湯底味道好濃厚 有濃濃嘅豬骨同魚介味🍲醬汁都比好多 但食完唔會好口乾拉麵彈牙 亦都好掛湯🍜叉燒食落好嫩口但唔肥 份量都合理🐽旬絲青蔥流心蛋呢啲配料都有齊🥚-

如果要我講到荃灣美食我覺得一定唔少得台風🥰我已經嚟食過好多次每次嚟都係食伊台風！真係食唔厭伊台風係蕃茄湯底嘅拉麵湯底超濃郁但唔會太咸而佢嘅面底係屬於粗拉麵因為個人超鍾意食啲煙煙韌韌嘅麵而佢嘅拉麵係落單時可以選擇軟硬度如果唔鍾意食太硬嘅麵可以揀軟啲而我每次都係揀普通因為我覺得佢普通嘅煙韌度就啱啱好重點係佢碗麵會有魚介粉比你仲要一啲都唔手軟加咗落去個拉麵度鮮味即刻上升而且一碗嘅份量好足夠我每次去都食唔晒要揀少麵🧀🧀🧀🧀+0.5

早前吃了其他拉麵店，覺得還是台風最好。今天大概一點到餐廳，需要在門外等候。以往員工都會先提供點餐紙，今天可能店內較忙，我們是等了大概15分鐘，因為前邊人客未到齊，所以入座後才開始點餐。每人一份點餐紙，店員接收訂單時會確認訂單屬於哪位顧客，確保送餐正確。拉麵現場即煮，所以需要再等大概15分鐘。期間可以直接欣賞師傅現場製作。黑色暴雨-期間限定一月重新推出，但我們只是第一次嘗試。以為會非常辣，但主要是芝麻和輕微的麻辣感覺。湯底有黑蒜油、黑芝麻、麻辣椒，因以為名。本身已經包括半隻溏心蛋，只係我哋再加咗一隻，因為非常喜歡呢個口感。沾麵較為粗身的冷麵沾上熱燙的醬汁，配上豚肉叉燒和豚肉粒，湯汁非常濃味，粗麵正可以留住醬汁，口感亦比較彈牙。如果食完覺得有回頭的可能，記得留起單據，每三碗拉麵單據可換糖心蛋，抵！

今日經過荃灣，見到拉麵台風，未開門營業已經有數人在排隊。看見等候人數不多，便來試試。一到12點，店員便安排入座。店內空間不大，座位有點窄。我點了沾麵，午餐會送汽水或半份配菜，我選了紫菜。沾麵份量頗多，醬汁非常濃郁。將凍麵沾上醬汁，再配上蒜蓉，非常美味。

呢間拉麵舖我成日見到好多人排隊，一直都冇試過，今日夜晚佢見到得三個人排隊，決定排埋一份！門口已經有落單紙，我試咗啲推介嘅魚介豬骨湯拉麵($78)喺門口睇落舖頭細細，但入面比想像中多位喺食嘢之前見到牆上有一個食拉麵嘅告示📝1️⃣先飲啲湯，再食拉麵2️⃣然後再將紫菜上的湯粉加一半落湯再試3️⃣最後可以根據自己喜好加入蒜蓉、辣油等，調製一個屬於自己的湯底坐低冇幾耐拉麵送到，份量都多首先試左啖湯，湯底濃郁👍🏻拉麵較硬身，但彈牙叉燒唔會切得好薄，有咬口👍🏻最後飲埋湯，姐滿足😌果然值得排隊一試😉

呢個世界有幾種香草，可以話係萬能key九層塔，紫蘇，香茅。。。仲有芫荽。你唔會諗到，邊度可以冇茜，好茜，肥茜，臭茜，週街都係茜。青bb的茜，配係日式拉麵身上，除左有香濃的茜。。。同埋豬骨湯味。仲有醃過嘅茜，襯到叉燒，又有一朕獨特的茜味。果然係好茜。

同小絲一齊後，經常都要陪她去光顧日本料理，最近發現自己都有點上癮，不時心郁郁想吃拉麵頂癮。但吃一餐拉麵都不平，小絲又是不看餐牌價錢埋單直接走人的可愛女子。那就只好靠平日慳錢抵消那筆多出使費。今天毒癮發作，在內心3小時的掙扎，最後都是想找間拉麵店食拉麵。這間拉麵台風都不用介紹，份量超大，不過慳家的我都是第一次來。幸好晚上來到不用排隊，直接入場，地方真的有點細，坐位全吧台，店員都好認真飾演日本店員角色，當有客人入店出店都會說幾句日本，加上店內的裝潢，給你短暫去了日本的感覺，雖然我都未去過日本。第一次來當然先試試本店的招牌魚介湯底拉麵啦。看資料，拉麵的配方是食店給予麵廠製作的，所以都會有自己風格。拉麵一到來，份量真的多些，最特別是有些魚介粉在紫菜上邊。店內有一個建議食法，大家可以參照或用自己方法吃都無所謂。他們湯麵的湯底真的幾杰身，只是比沾麵稀一碗些許。而味道很鮮甜，沒有太咸，靠這個湯底已可以吃完整碗拉麵。唯一挑剔就是湯不太熱，只是微暖。應該是刻意做成的。以一碗預設加底的拉麵才收你不到$80，在2023年已經算超值，這店好像耐不時就有期間限定，那耐不時都可以來再試試。神級無味食評師-阿偉#香

美白豆乳冷拉麵 $88好可能大家睇到呢個post嘅時候已經冇得賣，因為只有16-18/6呢3日先有得賣，仲要每日得30碗，行遲少少都食唔到。希望大家係佢之後再出嘅時候食到啦😆講返個拉麵先：今次用咗白芝麻同豆乳做湯底，豆乳味都相當濃郁，飲落仲有少少辣，完全啱晒呢啲悶熱天氣環境底下食。拉麵應該都係同一款，但凍食更加煙靭有咬口。叉燒就用咗同一款但係就係一粒粒嘅。本裏面仲有蕃茄片同沙律菜，成件事更加清新。