新惠和

營業中

休息中

🌻推薦指數：蝦醬鮮魷炒麵：7/10海膽炒飯︰7/10薑汁無冰凍奶茶︰7/10環境整潔：6/10服務態度：6/10整體評分：7/10午餐︰1. 蝦醬鮮魷炒麵︰本身以為係普通豉油皇炒麵加埋幾塊鮮魷炒埋一齊，但食落每條麵都有淡淡蝦醬味，都幾驚喜，另外魷魚係塊上，份量大滿足，魷魚食落幾有咬口但唔算韌，仲散發住濃郁蝦醬嘅咸香。2. 海膽炒飯︰味道唔錯但油份偏多，海膽份量比之前幫襯過塔門其他茶餐廳嘅多，但食落海膽味唔算太明顯。3. 薑汁無冰凍奶茶︰無落冰所以味道幾濃郁，甜度適中，薑味足夠，唔會勁到嗆喉嚨，同奶茶味都算夾。

立春之日，春回大地萬物生長，和家人去塔門游玩。今日坐8:30am 第一班船嚟到塔門，初頭毛毛細雨，到慢慢雨停，離開小島時，中間太陽還害羞地露了幾面，天公造美。來到塔門，打開帳篷吃下零食欣賞風景無耐，有隻不速之客公牛嚟圍爐，佢真係老實不客氣，清曬我哋嘅零食，走之前仲痾督肥料。我哋見肚餓就行咗嚟新惠和，見阿婆喺門口個爐頭炒飯架勢十足，就決定揀咗呢間食嚟塔門必食嘅海膽炒飯。海膽炒飯炒得幾乾身粒粒分明，好夠鑊氣，食落有海膽鮮味，138蚊算係咁冇孤寒馳名無冰凍奶茶，奶香茶濃，一人一支

✿塔門必食海膽煎蛋麵✿幾年前黎塔門新惠和食過呢個海膽煎蛋面之後都念念不忘，今次黎塔門camping梗係要再食過啦😆Camping第二日睇完超靚無敵大海景日出之後，就落咗去新惠和食個早餐塔門名物一，海膽。我地叫咗海膽煎蛋麵，每啖蛋入面都食到海膽肉，仲有海膽濃郁香味，同煎蛋真係好夾🥹老闆娘係係門口大鑊即叫即煎被我地，熱辣辣仲好有鑊氣🤤塔門名物二，就係無冰凍奶茶，好濃香茶味，甜度啱啱好，唔會好甜，又唔會因為啲冰融化變淡味，香滑又回味🤫之後仲試埋佢個豆腐花，估唔到又超滑，竟然比出邊嘅豆腐花更滑，唔錯🙈⭐️重點，老闆娘好nice，好彩佢提我地小心野豬，我地camping啲食糧先平安度過一晚🙈❤️Ps.付上靚靚塔門日出🌅—————————享用食品總結:🥚海膽煎蛋麵-濃香海膽味，有鍋氣，麵底仲煮得啱啱好，有咬口😋🧋無冰凍奶茶-茶味濃，又滑又香，甜度剛好🥣薑汁豆腐花-淡淡薑汁味，豆腐花超滑，如果份量再大啲會好啲🙈—————————評分:💰性價比: 7/10👅味道: 7/10📷賣相: 6/10👩🏻‍🍳服務: 8/10💯總分: 28/40人均消費:$130—————————新惠和(西貢)📍 地址:西貢塔門海傍

平日入來一天遊-兩人今日去日少，見姐姐都好忙，餐廳入面有兩台大客，姐姐忙碌咁煮，在空外煮食， 聞到陣炒野香味。入到去都比張細圓台我地坐唔洗再同之後既客人搭枱👍👍👍奶茶有薑味仲要自家野！教為特別既，飲落去幾易入，而且唔太甜。海膽炒飯，見到有海膽但食落去一般，但上台時幾香。淨墨魚丸，食落去比外面食既感覺係比出面小粉，對得起價錢。不過係入面用唔到數據，所以付款時佢有齊唔同平台收錢，但都唔用多，最後比現金。

今日入到去塔門行山,行經呢間小舖,於是入去醫肚,今次叫左蝦醬鮮魷烏冬$60,薑汁豆腐花$12,同埋飲左支咸檸檬茶$20蝦醬鮮魷烏冬炒嘅時候己經有好重蝦醬味,未食己聞到濃烈味道,魷魚肉同魷魚鬚咬落幾好味,又唔韌,每様都有幾件算足料,烏冬軟硬程度啱啱好,都好有豉油同蝦醬味,不過食完覺得少少口渴,但呢碟烏冬都幾飽肚咸檸檬茶都好夠檸檬味,好似平時飲凍檸茶咁,食左咁濃味嘅炒烏冬,飲番支咸檸檬茶正哂,薑汁豆腐花算滑又夠薑味,行山行到熱食番碗豆腐花所有體力都補番哂補給完身體充滿能量再繼續行山

今日去外遊一天，選擇左去塔門上網搵左唔少塔門嘅介紹，最後決定去呢間「新惠和」餐廳🍴有主菜有甜品難得嚟到，梗係叫佢嘅招牌菜喇海膽炒飯每一啖都有海膽味，唔會over左加埋蔥花，錦上添花另外在叫咗蝦醬魷魚炒烏冬蝦醬嘅味道適宜，唔會好鹹好鮮味再試埋佢嘅無冰凍奶茶味道調配10分適合最後仲叫咗薑汁豆腐花豆味濃郁同埋係門口嘅炒嘢姐姐好有禮貌😊大熱天時keep住係咁炒嘢，都會對客人有好好嘅態度👍🏻👍🏻👍🏻

今日放假趁住平日黎塔門 少啲人 唔洗同人逼 我地喺西貢黃石碼頭搭10:35 分船 搭左50分鐘先黎到塔門 途中經赤徑同高流灣一落船就去食野 嗰度有三間餐廳 我地揀左食新惠和 好似比較多好評✨海膽炒飯 $128炒飯賣相幾靚 金黃色 炒得非常乾身但真係太乾 啲飯硬得濟 不過海膽味真係好香好鮮甜😋 份量適中 兩個人食每人分到兩碗左右✨炸墨魚丸 $85有12 粒 咬落比較軟滑 墨魚都好爽口彈牙 感覺冇乜粉 🧋無冰凍奶茶（一杯） $15比較重奶味 口感都比較滑 茶味就冇咁出 甜度都啱啱好 都唔錯 不過就唔係幾夠凍總捨黎講野食都唔錯嘅 黎到塔門可以try try 嘅👍 環境都幾寬落 同埋平日唔多人 野食都好快到 10分鐘內都到齊 同埋估唔到原來呢啲舖都有得用payme 同alipay 但係就唔收消費劵 payme 唔知點解我都比唔到🤣 可能網絡問題 所以最後都係俾現金味道❤️❤️❤️💔價錢❤️❤️❤️服務❤️❤️❤️環境❤️❤️💰午餐人均～$110

下巴仔評分（5星為最高）味道：🌟🌟🌟環境：🌟🌟服務：🌟🌟抵食：🌟🌟🌟重點推介🤤👍🏻 海膽煎蛋治毫不吝嗇嘅海膽 配合煎蛋🍳啖啖都係海膽同蛋香嘅融合 值得一試💯👍🏻 海膽炒飯依然係海量嘅海膽 炒飯乾身有鑊氣 相對三文治 海膽味無咁出😉👍🏻 無冰凍奶茶樽仔奶茶無得控制甜度 呢個算係偏甜 但係茶香奶滑🖐🏻注意事項⚠️- 落船⛴好快啲衝過去餐廳啦🏃🏻‍♂️🏃🏃🏻‍♀️因為呢間係排隊名店 去塔門必到

假期好多人都會入塔門行山或者露營，所以依家都好旺。塔門最出名應該係海膽炒飯，但可惜今次食咗嘢入嚟所以真係食唔落，唯由下次再試。我哋今日就試咗「新惠和」招牌薑汁豆腐花同無冰凍奶茶😋Wow 個薑汁好有薑味好出色，奶茶無冰特別好飲❤️唔會飲飲下變咗奶水，正聽店舖姨姨講原來要整豆腐花個日就要遲少少開店，平時就開7:30am，整豆腐花個日就8:30am，同埋要有耐性先好幫襯，今次我哋仲自己落單，依個體驗都幾得意。地址：塔門海傍街3號地下

星期日人多，入唔到東平洲，臨時改左入塔門轉彎角見到呢間新惠和幾有鑊氣&都有啲人龍，就去試一試啦⋯當然人龍多，入完座等上菜都需要啲時間，千祈唔好期望好快海膽炒飯比起我早前陪媽媽係長洲食嘅價錢差唔多，但味道超級唔同！長洲嘅比較鮮甜淡味，呢個就有鑊氣&比較乾身而炸墨魚丸有菜墊底吸吸油，尚算乾爽，咬落去好香仲有炒蕃薯苗，第一次食，覺得都唔錯

第一次去塔門，當然係要試吓呢度的餐廳！坦白講其實很少選擇，眼見都係得3間餐廳。不過就好得意，三間餐廳買的食物主題都一樣。塔門嘅主題就係海膽本人是非常喜歡吃海膽的，三間裏面我揀咗間最多人食嘅一間-新惠記，今次嚟到就必呢個主題海膽炒飯、海膽炒蛋麵。份量好足料，淡淡都有海膽如果兩者比較我覺得海膽炒蛋麵的味道你比較濃郁，不過咪咪其實只不過係一個出前一丁。基本上餐廳座位同一般好舊嘅茶餐廳冇乜分別，所以不能要求好舒服、乾淨。是自家開的小餐廳，但就食到風味。香港以前都係一個小漁港，所以好多食海鮮的熱點都有自己主題。點解塔門出名海膽？原來本地出名紫海膽，而塔門更有3個養殖場。紫海膽味道偏淡，海膽當造期是1月至6月，後半年產量很少。

嚟到塔門，見到好多露營友～但我都係呢行下吃下就坐船返屋企。塔門冇咩餐廳選擇，但呢間新惠和好多人介紹佢嘅海膽炒飯☺️☺️☺️ 第一次嚟當然要試一試，炒得係幾乾身香口，但百幾蚊真心好貴⋯試咗一次就算。另外仲叫咗炸墨魚丸同一支凍奶茶⋯兩個味道正常，但個價錢又係好貴⋯😅😅😅😅😅😅

平日嚟到塔門🏝只有一間餐廳開門，沒有選擇之下就試試啦！店員姐姐🧍🏻‍♀️好親切咁介紹出名既海膽炒飯，但作為早餐我最終叫咗碗雲吞蝦籽麵🍜加薑汁奶茶。雲吞麵個湯底好清，要雲吞有4大粒，雖然冇咩蝦味🦐但份量搭救，反而薑汁奶茶最有驚喜，薑味充足，亦有茶味，略為少甜，但飲完之後成身暖笠笠♨️，啱晒啱啱搭完船⛴吹到少少凍既我飲，整體來講算係不過不失嘅小店茶記，下次有機會再嚟試試店員姐姐推介👍🏻嘅海膽炒飯啦！

放假去左塔門吸收一下新鮮空氣 晏就梗係要食塔門名物 餐廳只得幾間 另一間都好出名既新有記冇開 就揀左呢間⁣⁣▫️海膽炒飯💰110⁣↬勁大碟炒飯 粗略估計有4,5碗飯 都係即叫即炒 上枱熱辣辣 炒飯粒粒分明 又唔油 夠乾身 加左啲蔥花雞蛋 同埋主角海膽 入口好香 有淡淡既海膽味 平時對飯冇咩興趣都食左2碗 不過如果可以再多啲海膽就好 ⁣⁣▫️炸墨魚丸🦑💰90⁣↬ 墨魚丸炸到好香口 入面食到一粒粒墨魚 好有咬口 仲配埋佢地自家製既XO醬 辣辣地咁好好食⁣⁣▫️無冰凍奶茶💰30⁣↬個人認為茶同奶既比例岩岩好 又唔會好甜 而且店員好貼心咁提我地飲之前要搖勻先 行到流哂汗飲埋支就岩哂⁣⁣ᐠ ♥︎ ᐟ是次平日晏就大概1.入到去 咁岩唔駛等位 坐左陣就見到出面開始要排隊 餐牌仲有好多招牌菜 例如薑汁豆腐花 椒鹽鮮魷 蝦醬炒通菜 去到可以一試 但我諗應該有排都唔會再入塔門 因為真係好熱ᵒ̴̶̷̥́~ᵒ̴̶̷̣̥̀⁣⁣⁣

復活節前夕由於疫情關係冇得外遊， 唯有本地遊，估唔到香港原來有世界級靚景，要山有山，要海有海，要愛護環境，珍惜 郊野資源，平日原來都好多人入塔門， 一落船已經係中午，梗係要依下肚先， 經過餐廳門口， 已經聞到好香炒飯味，原來老闆娘個廚房喺門口，都係第一次見，環境感覺乾淨衛生, 又見有人排隊, 我估都應該幾有水準, 一試無妨， 點了1) 炸墨魚丸(塔門名物)有啲驚喜，佢同我哋食開嘅墨魚丸係有啲唔同嘅，食得出好足料，我估幾乎全粒都係墨魚，正，必食，果真係名物2) 蝦醬魷魚炒飯 好嘢梗係要等， 可能只有一位樓面，一位廚房，要同時應付五六張枱， 但冇影響出品味到啱啱好，食到墨魚嘅鮮味3) 無冰奶茶 ( 慕名一試) 幾乎每一枱都叫呢個無冰奶茶 梗係要試試啦，招牌喎， 果然茶味濃奶味夠，唔錯， 真係估佢唔到塔門都有咁多美食呢一餐，令到我對塔門嘅印象加分!