新香園 (已結業)

好多人，三點就會關門，星期日唔開。有頂蓋頭，不怕雨d野好快會賣曬：奶茶、冰、老水雞翼、沙薑雞翼、雞翼。d員工好有禮貌。食物款式好少，份量算細，大食的人會不夠飽肚。

又一間消失的巷仔茶檔。喺中環25年嘅新香園做埋下星期五（27/4）就光榮結茶，你未食過就快啲去試喇！沙薑雞翼丁麵（HKD23/雙併HKD35）非常出名，雞翼好入味，追call都係HKD18/4隻，幾抵。丁麵煮得啱啱好，軟硬適中。蛋牛治（HK25）唔會煎的好乾，仲有啲濕濕哋，都唔錯。配埋最最最要試嘅係奶茶！上枱就聞到佢嘅茶香，入口好滑唔澀脷，甜度適中唔使加糖添。美咪指數：8/10抵食指數：7.5/10

與同事來到中環，想選擇簡簡單單的食品，最後到了中環中心附近的這家餐廳。這是我第二次來。這裏基本的都是即食類食物，即出前一丁、通粉、米粉，配餐肉、腸、蛋、腿等，但都有其他食品例如沙薑雞翼、滷水雞翼、各式三文治。我點左餐肉丁、同事點了沙薑雞翼丁。餐肉丁19蚊兩塊餐肉，沙薑雞翼丁23蚊三隻雞翼。我一塊餐肉換左同事一隻雞翼，變左上圖既雙拼丁。叫麵個陣叫左爽麵，想爽口唔糊，出到黎口感幾好。餐肉就只係輕輕煎過，未夠香。沙薑雞翼係幾唔錯，有風味，比上次點既滷水雞翼好食，不妨一試。食完碗麵叫左份蛋牛治，正常好食，有搽牛油。不過三文治對比我以往食另一間既蛋牛治有明顯距離。整體黎講可以既！

今天奶茶癮又到，又去試新野，因要在中環中心工作，所以想找附近，去了後巷見到間小店，人頭湧湧，心想差極有譜，就試試這間新香園隱蔽小店的優點係適應性可以很大，小小店子竟分吸煙及無煙區，井然有序，不得不服，冬天坐半戶外蠻爽，叫了蛋治奶茶，蛋煎到有香味，好吃，只較熱氣，為嘴傷身，值得，奶茶也絶不失禮，用古典的短直身玻璃水杯，燙着手喝特別過癮，後巷坐著，見上班一族人來人往，為口奔馳，也令這小店加上一份熱鬧感，埋單開工，姐姐很有禮貌，只廿三塊，也多謝了三遍，遠遠見到熟客就已經早代落單，這就是繁榮城市角落中的人情味吧，聽聞沙爹牛也正，下次試試

大佬! 忽然戚起條筋, 想飲杯好奶茶茶香奶滑，　唔澀唔黏喉。搵到呢一篇，　話有鮮牛蛋治，　即刻ＯＲＤＥＲ，　佢話無鮮牛蛋治，　咁要蛋治烘底。　第一伏，　個姐姐跌左個三文治袋落地，入左我件三文治！　已好堅，　我食了一啖，　可能我偏見先入為主，蛋香欠奉，植物油油溢味濃，食多啖，　好折墮扔左！　但如果食病仲大件事。返到公司飲杯奶茶，　澀黏喉，　鞋口唔滑唔香，無再飲。伏既原因唔怪個位哥哥，一睇個食評，　原來是另一家同名店！我記得有次寫食評，　ＯＰＥＮＲＩＣＥ又審稿又要我改呀剩，點解今次會犯呢個低級錯誤？！

中環上環的隱世茶檔很多，xx園的名字令人容易混淆。每間園都各有其特色。而新香園在云云茶檔中我覺得是最貼地。中環的茶檔不容易找，座落不是大街大巷，而新香園位於中環中心旁之鐵行里。舊式茶檔和摩天大廈相映成趣。新香園的整潔度高，檯面餐具都沒有「痴立立」的感覺。雖然是大排檔的環境，但令人食得安心舒服。丁麵不會煮過龍，明顯是經驗之作。榨菜極好吃，咸味中帶點甜。腸仔表面煮香，是我的至愛。檸檬茶茶味濃厚，實在的感覺，冰的份量也不會太多。午市沒有套餐，雙併麵加凍檸茶46元。

係中環入面 新香園既丁麵真係首屈一指。今次試左沙薑雞翼同咸牛肉蛋治，沙薑的味道好香 一啲都唔老 雞肉還是很嫩滑，咸牛治，味道剛好，不會太咸，因為即叫即做，入口時還熱，香氣撲鼻。

來到新香園，叫左呢度招牌蛋牛治 三文治個底行得好香脆，送上枱上香噴噴熱辣辣，買相氣味已好吸引了蛋煎得好滑，剛剛好熟，蛋汁在內好juicy, 咬落有汁溢出，正另外檸檬茶的茶味香濃，帶出檸檬酸，正

This place screams cha chan tang. Their customer base are mostly white collar workers. Coming from the NYC, I thought this place served as a very memorable experience to see how the breakfast scene is in HK. Bagel vs. Luncheon Meat w/ Eggs on a sandwich. Sun Heung Yuen had tables inside and outside of the store. The smokers sat outside and the non-smokers sat inside. It doesn't make much of a difference to me, but it's very considerate for them to do that. The lady boss of the place is very nice

今朝做完gym因為要去中環做嘢，而且又未食早餐，所以就去新香園醫吓肚。呢度除咗多士超靚之外，佢嘅米粉都係一個唔錯嘅選擇今日食左沙爹牛肉、五香肉丁、沙羗雞翼加炸菜。米粉又唔僧太淋夠爽口，沙爹牛肉亦都夠入味，沙羗雞翼味道都唔錯。本來已經飽哂，但係又resist唔到多士誘惑，結果當然食埋佢啦，不過食咗半份啫！鮮油多片牛油勁厚，多士又烘得剛剛好，滿分

知道新香園既蛋牛治好出名，但係一直都無機會去試下。有一晚十一點幾活動完左，幾個人終於去左深水埗新香園。鋪位有幾大一眼睇晒，入面空間其實都有少少窄，唔算容納到好多人。接近凌晨既時間，個到仲係有好多客人，不過好彩都係等左幾分鐘就有位。我地六七個逼左係最入面既一張圓檯到，雖然食野要就住，不過可以接受！入面既環境係正宗港式茶餐廳咁樣，好有懷舊既感覺。我地每個人都嗌左呢到既招牌蛋牛治，朋友既係烘底，食個陣仲出緊煙既，多士好香好脆。我無嗌烘底，但係一樣咁吸引，尤其係入面既蛋好軟，而且仲係未完全熟既，咬落去個陣會有少量既蛋漿，但係又唔會多到滴出黎。牛肉唔硬，同蛋既比例都好適中，個個都大讚真係好好味！除左蛋牛治，我仲同朋友share左一件西多士，加左煉奶，就咁睇賣相已經覺得好吸引。我個人就比較鐘意食脆脆地既四條邊位，口感好好。煉奶幾甜，但係唔會覺得膩，同人分既份量剛剛好。可惜個日唔記得左試奶茶，不過見到唔少其他客人都有嗌，應該幾受歡迎，下次有機會一定要試！

對食物的愛總是一浪接一浪的, 而最近迷上的就是香港食品。平日我早餐都要吃好多好多的東西, 但卻很少挑這個沙嗲牛肉公仔麵, 味道太濃了, 早上起床真的不太受得了。不過今天卻忽然很想來一碗。上網查查, 發現中上環有好多的港式茶檔, 而新香園的食評幾乎都是由知名搏客所寫。雖然位置有點遠, 卻還是寧願早點起床去試上一試。新香園身處於小巷之中, 若非有人介紹很容易「走漏眼」。店子非常的小, 所以桌椅都是放在小巷之中。不論你是西裝骨骨的中環人, 還是白領儷人, 都得坐在小巷吃。總覺得這個畫面很有感覺。吃過早餐, 大家都要回公司繼續拼搏, 而一份好的早餐, 就是一天的好開始。雖然環境不好, 但價錢一點都不便宜。以前HK$22 的麵餐, 現下已經變成HK$28。不過即使如此, 店內還是座無虛席! 時間有點不足, 只好把堂食的打算改為外帶。怕出前一丁麵會因為外帶而變得發漲, 也改點了米粉。也算是吃虧了吧, 因為一般食肆轉用出前一丁麵都會加HK$1-HK$2, 新香園則是同價的!沙嗲牛肉米粉 麵餐 HK$28新香園的沙嗲牛肉米粉真的無敵好吃, 極香極濃。(時間有點趕的緣故, 真的很不好意易要帶回公司吃,

一路都知道有呢間野, 但無機會試. 至前排經過, 就入去試下.舖細細響後行, 好大排檔FEEL, 叫左個沙薑雞餐肉丁加奶茶. 無餐, 要散叫.沙薑雞餐肉係正常野, 無特別.  個丁反而幾OK, 一般茶檔D出丁0既湯底都比較濃, 呢間叫平衡D, 食到油麻香, 麵亦剛好, 不硬, 無蠟味, "淋"身而彈口.奶茶茶底較硬, 飲落少少澀口, 奶不重, 主要係賣茶底. 總括黎講, 若經過都會想翻食0既.

餐旦治+老水雞翼米   $14+$20餐旦治即煎,旦係煎旦漿,餐肉幾香,唔太油不錯老水雞翼米就麻麻,呢類麵食本身都冇咩期待,但雞翼隔夜又唔係等別大碗,冇野飲都$20  再有下次只會食治

三月十九日 (星期二)是日飯後要到台灣旅遊協會辦點事，就選了此地吃一個快快午餐看看我們的飲食日記，噢！原來上一次來已是差不多半年前的事點了兩碗麵，一碗選了沙薑雞翼併沙爹牛肉，另一碗則要鹵水雞翼併太陽蛋原來沙薑雞翼是珍貴一點的，每碗只有兩隻，而鹵水雞翼倒有三隻呢上一回吃過這裡馳名的沙薑雞翼，不算太滿意，今次再試沙薑味仍覺有點不足，不過已比上一回好沙爹牛肉入口較碎，不過味道挺香濃，又有肉香公仔麵煮得恰好，彈性十足又沒有鹼水味，伴着麻油，十分香口!鹵水雞翼比沙薑做得好鹵水味道香濃，雞肉亦明顯比沙薑雞的有彈性湯底亦沾有少許鹵水味，拌上麻油，簡單好吃多士烘得外層帶脆而且醬塗得非常平均，很不錯這裡的奶茶是不可錯過的熱奶茶當然比凍的做得較好，因為沒有冰塊溶化而溝淡味道奶茶幼滑細緻，奶茶濃而茶又帶着回甘不幸的，是今回坐在一個煙民後面，全程除了吃麵，還吃了不少二手煙