日の苑西日式外賣專門店 (已結業)

豚肉生姜燒飯 $38豚肉是腩肉薄切，肉和油層，層次分明，有肉汁，不會太乾過熟，雖然表面不是很多汁，因為汁不是很濃稠，不是會掛在肉上那種，濃稠度似吉野家牛肉飯那種，但是帶豬肉味，姜味不算凸出，甜甜的燒汁，伴上椰菜和洋蔥紅蘿蔔，拌飯很好，一向不好飯的我，也吃得乾乾淨淨，但味道偏甜，可能未必人人喜歡，如果加上酸姜中和甜味會更好吃，以前在佐敦上班，久違了的豚肉生姜燒飯依舊美味。三文魚刺身飯 $48三文魚刺身算是多，厚薄適中，而且算新鮮，蟹子也很多。

這天二人體驗了黑暗中對話，再去電影中心看"天才少年的奇幻旅程"，活動太豐富，時間太匆忙，最後在附近找了一間壽司小店宵夜，店員極力推介他們的外賣服務。這天男A終於知道女A是不吃魚生(剛才還是女A提意去食壽司的)當然壽司不是單有魚生，例如有男A喜歡的甜蛋壽司，味道不錯，但這不是女A的喜好。女A比較喜歡辣的東西，例如中華沙律和海螺壽司(這個辣是男A的角度)。壽司的SIZE正常，味道都算係咁啦。而且女A心想，壽司比生化minions cookie好食太多了。

走過佐敦，一間不太起眼的壽司店，為滿足米仔食日本野的要求，就走了入這間店。。。入座，檯上已有點菜紙，點菜後交給店員，壽司不久就在我們眼前。。先食軍艦，材料新鮮，紫菜乾脆。辣味三文魚軍艦，撈得不錯，辣得黎又唔攻鼻，三文魚份量夠。芥辣三文魚軍艦、玉子壽司，是米仔的至愛。三文魚壽司，厚厚肥美三文魚，值得一讚!蔥花吞拿魚卷。加州卷物。三文魚牛油果反卷。蔥花吞拿魚卷是我的至愛，如果三個卷物，飯的比例少一點會更好。。。總括而言，整體食物質量都不錯，價格不貴，大家行過佐敦時，不妨可試試這間壽司店喔！

小弟為油麻地街坊, 已幫襯呢間外賣小舖年多, 第一篇決定要幫佢一寫!!!組合B, 我的最愛!!新鮮當然不在話下啦!!!一共八件壽司, 其中以三文魚&三文魚腩、帶子最為抵食!!角切刺身飯, $48 (唔記得真名)咁平既價錢, 佢用料都不錯, 呢款飯通常都係刺身壽司舖, 專去下欄舊貨。但佢無!!! 可能我食唔出啦...每次都食得好開心飯既份量都蠻多, 男孩子都吃得飽另外, 隨打包附送既豉油  芥末, 都係佢自己調校既....雖然唔係特別出色, 但都係無出面現成.....辣到跳舞既芥未, 同喊到飛起豉油

One major problem with being a tourist in Hong Kong is going to tourist areas - if it's not standing in an overcrowded space with someone trying to sell you something you don't want, it's the overpriced food, doing the ‘authentic' Dai Pai Dong experience is more expensive than eating at a proper restaurant outside these haunts.The best bit of advice I can give any tourist is getting out of these areas, into a residential area, brush up on your Cantonese numbers and manners and find a place to ea

長年o係外國生活既表哥最近回港探親, 我就盡地主之誼帶佢周圍逛逛~~早前聽佢講想買釣魚用品, 問friend知道佐敦區有好幾間, 所以就約佢去買野, 順便諗住去廟街行下。閒談間佢話德國好難食到靚刺身, 好恨o係香港食, 霎時打亂原先個plan, 就急急搵間sushi店, 見到佐敦區較企理的選擇有呢間, 就帶唔多識中文既abc老表黎試下~~我地叫既主要係sashimi, 仲有少少小食, 都比我預期中好食同新鮮~~~我地叫左4款sashimi, 有salmon, 甜蝦, 北寄貝 & 魷魚, 全部都好新鮮又夠凍, 尢其係北寄貝好厚身又鮮甜, 值得一試!! 老表食salmon食到合埋眼, 一路食一路話好delicious, haha, 我諗佢返德國都好難食到咁新鮮的!其實係我自己想食, haha, 我同老表講係Japanese sweet potatos, 佢初頭見都唔信, 食落就知, 仲話好味過以前食開既大大舊蕃薯~~另外每人食左隻燒生蠔, 夠juicy同香口~

第1次寫食評就比左呢間鋪頭。早幾日經過佐敦，諗住搵d野食下，經過見到日之苑，之前聽朋友講過話好食，好啦咁我就同男友入去試下。我地平時好少幫襯外賣，怕佢拎到番去唔新鮮，但係呢間野又有堂食，我諗都唔會差得去邊既。呢間野都唔算貴，而且環境唔錯，睇落好乾淨，只係d位有少少窄。因為早餐食得好飽，其實我地唔算太肚餓，所以淨係買左1盒壽司同1盒刺身。野食就唔算特別，都係果d野啦，不過都好新鮮同好好味，又擺得幾靚下咁。三文魚很肥，岩曬我，鰻魚冇咩骨，又多醬，好好食牡丹蝦十分甜，是整盆刺身最好食的，其他都OK，魚片又肥又厚，食落好有口感。試過之後覺得d野食真係唔錯，朋友冇老點我我好少搭去佐敦，不過下次有機會經過一定會幫襯。

今次第一次堂食，好失望！點菜時問侍應三文魚海膽壽司飯$65好食定薑蔥吞拿魚壽司飯$48好食，佢話後者。我就相信她點了啦~然後再點了一客三文魚鮫$26。因我覺得有點冷，所以不想喝汽水之類的凍飲。想喝杯暖茶，侍應說他們沒有，我問那可以給一杯暖水我嗎？她說熱水是不供客人的。我心里真的很氣！好啦，食品到了，嘩碗飯嘅賣相真係唔ok！啲吞拿魚腩真係味道麻麻，唔覺得食緊壽司飯。三文魚鮫反而比較好一點。餐廳仲成日有啲蚊定唔知初型烏蠅咁飛來飛去。不過，水都唔可以有杯嘅餐廳，唔會有下次囉！

呢日實在太多嘢做啦.簡直一D飲水既時間都無,好在,偷得浮生半日閒.偷偷地出去買LUNCH.食嚟食去都係茶記,今次叫茶水姐姐幫我買外賣.$68有10件.都幾有睇頭,有鰻魚.三文魚.蟹子.4分:買左番嚟十分鐘.D刺身都幾新鮮. 好怕魚生重雪味 似係今日貨. 壽司飯實正.醋份量剛剛好.拍得住連鎖店 芥辣似係自家製.豉油一樽過,唔使分幾枝,環保多謝姐姐幫我買.下次唔使成日都係元氣

很久很久沒有再寫食評了, 由這一人獨食午餐開始,佐敦的日の苑其實已幫襯了好幾次了, 前幾次都是晚上10:00後的宵夜時間, 這是第一次下午時間幫襯.這次點了蟹柳卷, 北寄貝壽司, 甜蝦壽司, 八爪魚壽司和海膽手卷.三款壽司屬正常水準, 不過不失.蟹柳卷有點鬆散, 這方面不合格, 但味道是沒影響的, 只是我個人對壽司師傅的手勢也很有要求...海膽手卷反而有驚喜! 其實之前我也吃過一次, 但可能已經是屬宵夜時間, 所以感覺不很新鮮... 這一次是當再給一次機會啦, 但海膽的味道比上次新鮮很多, 可能真的因為下午和宵夜時段的分別吧~ 所以下次宵夜時就不會選海膽了, 免得又貴又不好吃.如果一個人在佐敦又很想吃壽司的時候, 這裡確是一個不錯的選擇~!

食過聖誕大餐放完聖誕假, 第一日返工要同同事慶祝又要拆餐勁, 一大班人落咗公司附近日本食肆, 雖然佢以外賣為主, 但勝在就腳又好食.1) 勝在夠熱, 香口.2) 三文魚剌身好肥美又切得厚身, 但係個劍魚腩剌身就可能切得唔好食到有少許根.3) 芝士蛋糕, 唔太甜唔係好重芝士味, 好好食.

佐敦附近, 食肆以中菜為主, 想搵其他菜色唯有去旺角, 近日發現佐敦有間食日本食肆, 食物水準唔錯, 所以特意來介紹一吓.叫咗個三文魚刺身, 因為三文魚唔需要煮所以如果唔係唔新鮮都唔會唔好食, 佢個特點就係切得比一般其他食肆較為厚身.再叫啲壽司例如:蟹籽沙律壽司, 芥辣八爪魚壽司, 大蝦壽司, 三文魚壽司等....壽司都係果句雖然無乜特別, 勝在夠大件.最後再encore多次三文魚刺身.

係旺角行完街, 同朋友行過去佐敦永X百貨公司再買聖誕禮物, 已經3點幾, 又好肚餓, 行咗去後面街睇吓有啲乜嘢食醫吓個肚, 去街口見到間日本餐廳. 就立即坐低叫嘢食先.先叫咗個壽司組合, 有三文魚壽司, 鰻魚壽司, 吞拿魚壽司, 北寄貝壽司, 甘蝦壽司, 蟹籽壽司. 見佢壽司size一啲都唔細, 食物又幾新鮮.再點咗個火灸芝士蝦壽司, 花之戀, 吉列墨魚餅, 味道都總算唔錯.總括以現在食物價錢高企底下, 這樣食物水準, size等都算唔錯. 希望這間食店老闆可以keep住啲水準. 好讓我吓次再幫襯.

媽咪今晚上完堂,買左兩盒壽司番屋企同我食,佢話中環都有分店,應該唔會好差嫁,其實有時我覺得佢D諗法有D傻佢買左一盒全三文魚壽司($50)同一盒雜錦($58)既雜錦個盒,佢未沖完涼我成盒食曬,佢D飯加左壽司醋,酸酸地好好味,魚生都好FRESH另一盒三文魚,我食左兩件三文魚腩,好肥味唔知我媽咪幾時再要上堂呢.....!?

沒有在上環的分店吃過，因為那裡只做外賣，不太方便。有天經過佐敦，發現這間分店有堂食呢，所以便擇日來試了始終以外賣客為主，堂食的座位不多，好處是不用加一。拿起餐紙看看，選擇也算多，價錢更是大眾化，當然也不敢對其質素抱有太大期望三個人，要了六件三文魚壽司、四件北寄貝壽司、一客六件蟹柳卷、一件軟蟹殼手卷、一件帆立貝手卷和一客滑蛋雞扒飯先上的是三文魚壽司和北寄貝壽司，樣子一般，看起來與百佳的無分別，味道還可以，只是不能期望會吃得出鮮甜味吧。蟹柳卷中規中矩，是飽肚之物。帆立貝手卷就很一般了，最上面的蟹子粒有口感，味道尚可，但帆立貝細小之餘也少得可憐，吃光了上面的一小撮就只可以乾啃飯和紫菜了．．．而且質感非常淋濕，味道欠奉，早知叫多兩碟三文魚更好了．．．我只好安慰自己，至少這是生帶子吧，如果她們給我熟的帆立貝就好笑了其餘的我沒有試，但聽家人的形容，味道都是普普通通吧服務也可以的，只是以壽司外賣店來說速度有點慢。另外對她們的餐具也有點意見，既然安排了堂食，就不要用外賣餐具吧！我明白店方是為了方便也要節省人手，只是這樣太不環保了！