日日香鵝肉飯店 (黃埔新邨)

營業中

休息中

前日(29-1-2023 Sun)年初八,老公喺紅磡玩完返嚟前,喺佢推介嘅呢間買滷水鵝加餸,價錢係:半隻$228.00,1/4$168.00雙拼$108.00,三拼$168.00,四拼$188.00,六拼$248.00,例牌$148.00,最後我哋揀咗例牌.佢買到返嚟睇,俾咗髀位,到晚飯時間食喇.我先食豆卜,好鹹,正常吧,索晒味吧;之後食髀骨嗰舊,都冇蘸任何汁,覺得好鹹;之後食嗰啲又唔太鹹.蘸佢嘅鵝汁都幾好味,蒜醋味道啱啱好唔太嗆,OK 嘅.

Hello 大家好👋🏻！今日我嚟到位於紅磡黃埔新村嘅「日日香鵝肉飯店」。 作為一個真男人點只愛食燒味飯，當然係要食下代表男人地位嘅潮州滷水鵝肉飯啦💪🏻美食攻略：今次同大家分享一下佢哋嘅「招牌鵝片飯」。 滷水鵝片鮮味十足，肉質好有𡁻口，配搭滷水蛋（必須的）、豆腐卜及紅腸，感覺好滿足，加上酸菜及青菜兩條，令成碗飯生色不少。 不得不提嘅係佢哋嘅滷水汁確實出色，送飯一流，每一粒飯都沾有滷水汁嘅美味，齋食飯都已經夠開心啦😆😅😆。美食指數：5🌝最高味道：🌝🌝🌝🌝🌚環境：🌝🌝🌝🌚🌚服務：🌝🌝🌝🌝🌚賣相：🌝🌝🌝🌝🌚

同老公去食晚飯見都有鵝肉飯 大家都係食肉獸去試一試 份量很多呀 我一個女仔食吾哂呀 一個人份量又多肉又有飯 吾會餓親呀😂另外我地叫左潮洲蠔餅好多蠔仔係裏面好好食又吾會太多麵粉

放工又係求其經過入左間🤣 都唔錯！同埋一向都好鍾意食鴨同鵝🥰🥰 佢地有好多鵝及組合可以食 例如鹵水鵝腸 鵝腎 鵝肝等等～ 不過今次唔太肚餓就淨係食左鵝片飯！🦢 金牌鹵水鵝片飯 $78 +$9 鵝骨湯鵝片鹵得啱啱好😍 鵝肉都夠嫩 但係覺得鵝香味無想像中咁出(╥ω╥`) 不過都唔差的！而且仲有少少配菜 鹵水豆卜 酸菜同菜心等等🍲 都幾豐富～ 鵝片就剛剛好 7-8片唔會特別多但係都唔少🤣‼️另外 +$9 仲有個足料鵝骨湯🥣 唔會太濃味但係有少少鵝肉同埋感覺好補咁😂😂

想一個人都過下潮州野口癮,又食唔晒半隻鵝呢間鋪頭絕對係你既恩物呀!已encore過n次~又平又好食推介👍🏼~最重要好食得黎又唔洗排隊!可以任選雙拼鵝肉.鵝腸.鵝腎.豬大腸.豬手.墨魚.紅腸.豬耳.鵝頭.鵝頸.腩肉每個客飯會配有豆卜, 潮式扎肉,半隻滷蛋, 潮州酸菜鵝片肉質夠嫩, 而且滷得好入味想油脂香d可揀鵝肉除咗鵝肉之外，豬手亦都10分出色， 又淋又入味所有嘢嘅CP值都好高😋餐廳仲同OPENRICE做緊活動, 用OPENRICE外賣自取抵過自己WALK IN去買

我老婆係 Ga Ki Lung 系列之：‘今晚出街食飯⋯’#日日香 #紅磡第一次試食，性價比超高，先嚟鵝亦，鹵水味好夠又淋；鵝腎併豆腐，亦相當唔錯；鵝片併鵝更加係邪惡至極點，停唔到口啦⋯豪仔粥亦都好夠料，兩個字好味！再叫咗個湯河同米粉，配搭一流，一定會再嚟過食✌🏻

之前喺九龍灣買過好多次，屋企人好鍾意食，今次路過黃埔，即刻買返去晚餐加餸。點知今次有一半係肥膏，一半係骨，有大半盒係要掉嘅。用左百幾蚊買盒肥膏番去，食落肚得3，4舊。呢個時勢餐廳有困難我非常明白，但係我有2/3盒都要掉，我好難再幫襯，非常失望！！

新公司之地紅磡一向有不少出色食店，是夜下班和太座想打冷，知道此店且見鋪面光猛乾淨便決定一試。這裏全都大碟夾抵食。先來跟餐加配鵝骨湯，熱辣肉香十足但不油膩，加上香菇的清甜，有料足。芥蘭保持爽脆，加上香甜滷汁和花生油，吃不停口。雙拼飯非常足料，餸菜不止兩款。鵝片嫩口味濃，墨魚片鮮味煙韌，配料滷蛋，豆卜，酸菜種類豐富，好比一個小拼盤。包仔豆腐皮脆內軟滑，豆香十足，只索價18蚊超值。蠔仔粥同樣足料，蠔仔量足鮮味，肉碎軟稔，經典comfort food。是夜食到捧腹而回，食物質素佳，值得推薦。

呢一間位於紅磡黃埔非常方便適合九龍區嘅人主打滷水肉 再加上佢哋嘅飯有紅腸 同埋豆腐 鵝肉 每$1都好大份 都唔錯的但係千祈唔好打包因為要加錢同埋佢哋仲有炒飯係蝦仁配上肉 真係超級大份就算係兩個人分都一定夠食大約$78做緊優惠 係全新優惠套餐 仲有佢哋嘅蛋蝦仁炒蛋真係好食鹹味適中 我來配飯一流仲有佢哋嘅環境幾大幾方便適合同朋友一齊聚餐坐得都幾舒服同埋如果我係套餐加$3就有凍飲凍飲仲要大大杯的 呢間餐廳主打中菜同埋如果大家有興趣可以去食

前幾日過去黃埔新村做嘢，見到有間潮州滷味餐廳就同友人入去試一試。餐廳裝修充滿中國風Crossover 冰室風格，望落去都乾淨企理。午餐時段稍見人龍，稍等3分鐘就可以啦。啱啱坐低，D姐姐會遞上一細杯滾水,，細問之下原來係用嚟洗碗筷用嘅。服務都幾貼心。有茶樓嘅服務但冇+1服務收費，爽啊。我同朋友嗌咗一個金牌滷水鵝片飯同埋一碗滷水豬腩肉米線。大家繽紛share。鵝肉鮮嫩，食落去啖啖香油填滿口腔，再加埋一羹熱辣辣嘅滷水汁飯，人間極品腩肉加上酸菜喺一個絕配，肥而不膩，送飯食米線一流。我哋加咗$38要咗一個原盅燉湯。裏面有烏雞、蟲草花、龍眼等等，足料燉製，滋陰潤喉。呢度都送埋一碗例湯，不得了，一樣咁足料，如果可以添飲，我飲多兩三碗先走。

今午同朋友經過黃埔新邨見到有「日日香鵝肉飯店」分店，忍唔住想食獅頭鵝，一於食咗午餐先出發🥰🥰特級滷水鵝皇飯$128整碗飯鋪滿鵝片，鵝腸，鵝腎，鵝蛋，鵝肝，唯有潮汕獨特的滷製方式，巧妙借力香料與時間，才能令鵝肉味道濃郁、肉質緊實、越嚼越香，一次過試晒獅頭鵝的不同部份，好滿足😍😍滷水豬手飯$58精選套餐可以轉瀨粉，入味滷水豬手，QQ嫩嫩，滿滿膠原蛋白的豬皮，見到就流口水啦🤤跟餐奶茶咖啡☕️，完美午餐🥣

紅磡都有日日香日日香最近喺香港開到成行成市，瞬間變成火熱🔥店舖，因為有質素，價錢又親民，所以可以開咁多間分店！第三次食日日香☺️兩個人最啱叫個二人餐！有鵝，有湯，有菜，有飯！小妹最鍾意飲燉湯！好啱冬天暖一暖身❤️茶樹菇鵝骨湯！味道濃郁，補腎、健脾、利尿！🍄新鮮炒芥蘭🥬必食鵝肉飯！🦆呢度啲鵝聞落去味道香濃，經過聞到都流晒口水，望落去滷水鵝色澤均勻！食落不得了！好正宗嘅潮州滷水味❤️🦢鵝腎每塊都好爽口！滷水豬手炆得夠入味！咬落有口感！🐷食完先發現呢間日日香與別不同，竟然有好多特色潮州菜！蠔餅，蠔仔粥，下次一定要再嚟試吓先！加多個三檸可樂🍋🥤#日日香鵝肉飯店#紅磡美食#潮州菜#滷水鵝#中菜#鵝肉飯#澄海滷#潮汕名店

燒味之中，我最愛吃的是燒鵝！燒鵝當中，要吃當然是獅頭鵝！日日香鵝肉飯店基本已成了我的日常飯堂每次來到飯店，滷水鵝是我必點項目，滷水汁香而不咸，滷入鵝肉之中，滷得入味，鵝皮薄又香，鵝肉入味且嫩滑茶樹菇鵝骨湯，我都係第一次飲鵝骨湯，湯汁濃香不膩，足料滋潤。除了品嘗到鵝肉，店舖還利用了鵝的不同部分製成菜式，不浪費之餘，還充分發揮了鵝的美味吃不膩的除了鵝肉，還有鵝腎鵝腎滷得香又入味，薄但入口毫不覺韌。滷水小吃也令人感到滿意。若果配上酒，感覺別有一番風味

在中國的分店遍全國，在港的分店也越開越多，正宗口味，以滷水鵝成名，店舖主要賣鵝鵝頸、鵝肝、鵝肉、鵝翼……因為之前已試過首本名作鵝，所以今次特意試鵝以外的食品，畢竟我也是個滷水愛好者。午餐時段，餐廳已爆滿。🐖滷水豬手米粉(套餐）$58正宗滷水豬手燜得很入味，肉肥瘦適中，滷水味滲滿肉質，最吸引的是皮爽彈，骨膠原豐富……配菜鹹酸菜鹹酸味很開胃;豆卜吸入所有滷水/豬手精華;墨魚餅很好味，外皮炸過，香口。米粉湯清甜，滲滿香油🐖滷水豬腩肉飯 (套餐）$58肉質入味稔身，肥瘦適中，一層肉一層肥膏，滲滿油香，份量大碗🐖滷水包仔豆腐 $19滷水汁香甜充滿花椒八角味道浸著豆腐，豆腐外皮滲滿滷水汁，內層香滑

心思思想食潮州菜，路過見到日日香諗起都好似好耐冇食了，兩個人食唔到啲咩淨係叫左個特級滷水鵝皇套餐，再炒左碟XO醬鵝肉雜炒粿條有冇發現我地叫既都係雜錦😂 皆因非常貪心咩都想食，所以每樣有啲就perfect啦. 呢度的鵝肉非常入味，鵝腸同腎片亦都整得好爽脆，一啲都唔粉🤪 鵝肝係普通果隻，如果可以俾錢加配新鮮大鵝肝就更加加分啦😬朋友鐘意配飯食，始終配飯食都係比較傳統，配搭埋酸瓜亦可以中和一下味蕾！而且叫飯先有得跟鵝蛋🥚 出面好少有鵝蛋，通常都係用雞蛋代替架而我就鐘意食粉河粉，落雞蛋炒出嚟好香，唔撈醋汁轉豉油炒小小鹹一樣咁好味👍🏻叫到嘅嘢食唔多，不過今餐已經食得好滿足