旺記冰室 (鴻輝大廈B座)

營業中

休息中

同男朋友出開旺角買千層蛋糕，就順便係旺角搵食。男人的浪漫就多數係冰室，因為平靚正快，又大大碟，最岩佢心意！環境光猛，牆上一幅幅繪畫好靚，主角係我最鍾意既貓咪，呵呵！地方都幾闊落，唔少卡位，坐得幾自在。晚餐有十九款揀，飯麵粉都有，唔少選擇。我要常鮮薑汁豬膶鮮雞湯通粉 ($58)配有多士和炒滑蛋，滿足！熱辣辣上枱，多士烤得金黃微脆，有些牛油香，放埋極滑溜嘅炒滑蛋同吃，正！馬上飲啖鮮雞薑湯，味道鮮香，有啲辛辣，但唔會搶喉；通粉煮得岩岩好，不會太腍身。每件豬潤都幾厚身，爽口鮮香，好食！即磨咖啡（$0/跟餐）香濃幼滑，唔錯！男朋友無肉不歡，揀咗小確幸旺記雜扒飯配自家製洋蔥汁 ($74)，份量驚人，有大大塊雞扒和豬扒，仲有覆蓋半碟飯嘅炒滑蛋，配些清爽嘅沙律菜。男朋友話白飯加鹹香嘅洋蔥汁和香滑嘅滑蛋一齊食，好得！雞扒啖啖嫩肉，連埋煎至金黃香脆嘅雞皮一齊食，最滋味！豬排就鹹香腍嫩，也好味！鮮薑汁奶茶 （+$4）幾有茶香，亦有些薑嘅辛辣，味道平均。

我去開登打士街，廣華醫院做嘢。食個早餐先，鄰近有一間，旺記冰室。1. 招牌沙嗲牛肉雞湯通粉：這道招牌菜以其獨特的風味而聞名。通粉入口煮得剛好，配上香濃的沙嗲牛肉和雞湯，味道鮮美而濃郁。2. 奶油豬：這道奶油豬是旺記冰室的另一道招牌菜。豬包焗至金黃酥脆，配上奶油口感香脆多汁，充滿濃郁的奶油味道。3. 鮮忌廉雞湯五香肉丁公仔麵：這碗公仔麵的湯頭清澈，加入了鮮忌廉和五香肉丁，提升了整體的口感和風味。麵條煮得剛好，彈牙有嚼勁。4. 鮮牛油多士：這款多士經典又美味。多士金黃酥脆，外層酥脆內裡軟綿，搭配鮮牛油，簡單而美味。5. 日本炒蛋：這道炒蛋做得相當出色。蛋煎得鬆軟滑嫩，搭配著獨特的日本風味，每一口都帶來滿滿的滿足感。6. 咖央牛油豬仔包：這款牛油豬仔包是旺記冰室的特色之一。包子外皮鬆軟，再加上濃郁的牛油咖央味道，絕對是一個美味的選擇。除了食物，旺記冰室的熱奶茶和熱咖啡也非常受歡迎。熱奶茶濃郁香醇，喝起來十分滋味；而熱咖啡則帶有濃厚的咖啡香氣，令人回味無窮。

今日返工放lunch，心血來潮想食滑蛋叉燒飯，諗起之前食過灣仔嗰間旺記真心唔錯，同一款滑蛋叉燒飯，重蛋味（標榜用日本蛋)，叉燒又足料，當日配熱奶茶，留下一個深刻嘅印象。雖然嗰時要同啲OL爭排隊，返工時間食$50-60一碟飯唔算特別抵，但勝在輪候時間唔太長，上碟時間又快，灣仔區嚟講性價比真係唔錯！幾年之後有旺角分店，今次係我第一次去，感覺好似專做遊客生意，價錢同灣仔一樣，但飯上面嘅蛋已經冇以前咁厚實同有蛋香味，叉燒又冇咁足料，叫咗杯熱檸茶，不過不失。見到隔籬枱內地遊客嗌咗蕃茄午餐肉牛肉通粉、滑蛋叉燒雙拼蝦飯，但就食淨晒啲午餐肉，唔使嗌都知應該唔太好食。不過值得一讚嘅係，侍應個個普通話都唔錯，服務態度還好，餐廳環境乾淨企理，冷氣足夠，星期六午飯時間唔洗排隊，食完飯坐咗陣冇即刻趕我走👍🏻臨走前喺門口遇到有內地客要張10人枱，職員都馬上安排俾佢。今次食完其實有啲失望，因同區仲有好多茶餐廳選擇，例如光榮冰室(滑蛋叉燒飯- $48)、蘇杭冰室等等，感覺其他CP值更高，食得呢間嘅建議去返灣仔。

今日有事過黎旺角呢頭，咁岩經過家樂坊龍豐，就係對面條女人街街口，有間叫 旺記冰室 既餐廳，港式得黎又一d都唔老土。餐廳設計仲好可愛，畫滿貓貓壁畫。入到去店員都好友善，見到餐牌，價格亦都好親民。我由於見到滑蛋飯好吸引，又想食西多，但我胃就得一個，都果斷點左兩個餐，但我就叫左少飯。❤️自家製叉燒日本滑蛋飯 配旺記秘製甜豉油 $60首先，賣相已經好吸引，同埋呢度真係用日本蛋，我本身對茶記都已經食到厭晒，但呢度d餐真係好特別，係特別好食。叉燒一d都唔老，好嫰，滑蛋好滑，配埋個秘製豉油，簡直一流，我居然可以食晒成碟飯。🖤邪惡朱古力練奶一口西多士 $46真係好邪惡，西多士外脆，內有花生醬！？外面仲淋滿練奶同朱古力醬，嘩～簡直超級邪惡，好好味～💛跟餐送飲品 凍忌廉咖啡我好怕飲茶記既咖啡，但呢度既凍咖啡又意外地好飲wor。係咪因為用忌廉沖既關係，味道好夾，有奶味得黎又唔漏，甜得黎又有少少微酸，總之好易入口。Good!⚠️食完先發現原來滑蛋飯有得叫叉燒+蝦仁雙拼嘎，早知我叫雙拼一次過滿足兩個口味啦。下次黎一定要叫雙拼。

今日同朋友去咗旺記冰室食lunch，簡直覺得係高質茶餐廳之選。大愛佢個豬潤薑絲通粉。薑味超濃郁，將豬潤嘅腥味完全覆蓋。豬膶非常之鮮甜，爽口彈牙，特級厚身。食落我唔覺佢有用味精，湯底好鮮甜。食豬潤嘅朋友必定要點。滑蛋多士嘅滑蛋都係出色嘅。聽聞呢度都比較出名食炒蛋。另外佢杯奶茶都係推介嘅，非常之絲滑。朋友嗌嘅濃湯番茄餐肉通粉都讚好，餐肉粒應該係炸過嘅，大大粒而且非常之趣口。濃郁嘅蕃茄湯底真係濃到有厚度嘅！

早排喺台灣嘅男朋友嚟香港，佢勁鍾意食香港嘅冰室同茶餐廳，咁啱我地去開旺角，就喺附近搵咗間冰室食下午茶。奶醬豬仔包 $36豬仔包真係下午茶必食！佢有唔同口味選擇，我地揀咗最common嘅奶醬。豬仔包一嚟到我地就聞到好濃嘅花生醬，男朋友食落讚不絕口。豬仔包烤到脆脆地但又唔會太硬。邪惡朱古力煉奶一口西多士 $46西多士係我嘅至愛！今次試咗呢個西多士，佢裡面依然係花生醬，出面就擠咗朱古力醬同煉奶，非常邪惡！西多熱辣辣即整，所以仲係炸完脆脆地嘅狀態～

旺記冰室 (鴻輝大廈B座)旺角通菜街2Q-2Z號鴻輝大廈B座地下7號舖好耐無出旺角行街，行得攰搵間餐廳坐下食下野，通菜街旁邊原來有間咁靚既茶餐廳，見佢光鮮乾淨企理，就入去試試。入到去見佢有好多好靚既貓貓畫裝飾，同一般茶餐廳唔同！好有heart!食物都唔錯！必試炒蛋！用日本雞蛋炒，又香又滑！自家製叉燒 日本滑蛋飯 一大片富有蛋香既滑蛋鋪喺飯上面，叉燒半肥瘦剛剛好，配埋特製嘅甜豉油，比一般茶餐廳既叉燒蛋飯好味好多！不能錯過！鮮忌廉雞湯鮑魚火腿絲通粉簡簡單單嘅一個通粉，都好味過人。湯底有水準，忌廉雞湯好好味。配鮮牛油多士+4.3牛奶炒日本滑蛋，下午茶成個餐連埋飲品都只係$40！轉特飲要個奶茶紅豆冰都只係加十蚊，奶茶紅豆冰好好飲，上面仲有一大舊cream，正！今時今日以呢個價錢、呢個食物質素、 呢個環境，絕對性價比高！推介！

旺記冰室地址：旺角通菜街2Q-2Z號鴻輝大廈地下7號舖旺角高質餐廳👍閒日無時唔知食咩好，最簡簡單單就係黎旺記冰室嘆返個快靚正既早午餐，坐得又舒服，乾淨企理，有別於普通茶餐廳，食物質素都係非常有保證，而且上菜速度好有效率🤭快速又搞掂一餐👍👍已經食過好幾次，值得推薦！午3 日本滑蛋 叉燒 蝦仁 雙併飯 $64日本滑蛋叉燒蝦仁雙併飯口感豐富，味道美妙。滑蛋綿密順口，叉燒肉質鮮嫩多汁，蝦仁鮮甜彈牙。飯粒飽滿，帶有微微的炒香味，份量啱啱好，一啖叉燒一啖飯😊午4 鮮薑汁豬膶鮮雞湯通粉 $58配鮮牛油多士，4.3牛奶炒日本滑蛋多士轉奶油大脆豬 +$5通粉湯頭鮮美，豬膶和雞肉口感嫩滑，豐富的鮮薑汁增添了獨特的香氣。鮮牛油多士酥脆可口，搭配牛奶炒的日本滑蛋更加豐富濃郁。加多$5有大大隻奶油豬，味道口感都好好，值得追加！

旺記冰室隱於鬧市中，環境寬敞明亮，好適合坐低歎下下午茶！旺記秘製魚介炒公仔麵配日本炒滑蛋 公仔麵同秘製魚介炒左之後，好有海鮮味和香辣味，焦糖色掛汁令人好有食慾，仲有火腿絲和炒蛋絲！金黃色滑蛋的柔軟口感和淡淡的味道與之相互輝映！邪惡朱古力練奶 花生醬夾心西多士兩塊細方形西多士夾住香濃的花生醬，將這些西多士層層疊疊組合之後，用濃稠的朱古力練奶淋上去，好誘人！入口可以感受到西多士的柔軟、花生醬香味和朱古力煉奶的甜蜜，為味蕾帶來了美妙的風味體驗！椰汁紅豆冰充滿椰子味，紅豆味和絲滑奶油

今日我哋嚟到油麻地，去咗間冰室食晚餐！我哋叫咗下面兩個套餐：即煮鮮牛肉蕃茄蛋花丁麵 $50有牛肉、蕃茄、蛋花同埋出前一丁麵。牛肉好滑，好重蕃茄蓉，麵煮得剛剛好，蕃茄湯清清地唔太酸蝦仁叉燒雙拼日本滑蛋飯 $64有蝦仁、叉燒同埋蛋。蛋果然係好滑，叉燒都唔會太嚡，佢仲有落甜豉油，夠晒味道熱鮮薑汁奶茶 $22原本係$22，跟餐就加$4。同一般奶茶差唔多，不過多咗啲薑味，幾有新鮮感熱柚子蜜 $18跟餐就唔使加錢，係一般嘅柚子蜜地址：旺記冰室 (鴻輝大廈B座) (旺角)旺角通菜街2Q-2Z號鴻輝大廈B座地下7號舖

今日同大家介紹吓呢間位於旺角通菜街嘅冰室旺記冰室，近AEON對面，性價比高抵食又好味👍🏻蝦仁叉燒雙併日本滑蛋飯$64 一間茶記嘅炒滑蛋就最考驗廚師嘅功力，呢個滑蛋飯用咗日本嘅雞蛋，叉燒同蝦仁都比得好足，燒得唔錯，抵食即煮鮮牛肉蕃茄蛋花丁麵$50 超濃茄汁湯底撈牛肉，啖啖蕃茄味，鍾意蕃茄味嘅朋友唔好錯過😎🏠環境：7/10🌟味道：8/10💰性價比：8/10🙇🏻服務：8/10旺記冰室📍旺角通菜街2Q-2Z號鴻輝大廈B座地下7號舖

呢間茶餐廳用料好唔錯下，真心推一推👍🏻出街食飯平平地有時都幾劣食，呢間平民價位高質食材👍🏻鍾意食炒旦嘅朋友更加要探店。豬潤通粉 豨潤超厚身，超級爽口彈牙，仲有啲juicy !!必點系列。仲好足料！個湯底重薑味，無腥味，無味精好鮮甜。蝦仁滑蛋飯又係好足料，有好多蝦仁，爽口彈牙，好新鮮！滑旦無得輸，配埋啲葱花個味好夾！順帶一提嘅係，呢度雖然好多人，好忙，但係啲員工服務態度好好，依然好有禮貌值得讚👍🏻

平時黎旺角都唔知食啲咩好，因為係旺角實在係太多野食啦🍜今日落雨又想求其食啲，係香港又快又親民既肯定就係茶餐廳😚真係好中意香港既茶餐廳文化。🐒鮮薑汁豬潤鮮雞湯通粉💰$58👉🏻轉奶油豬+$5👉🏻炒蛋👉🏻熱薑汁奶茶+$4🐒大滿足啖啖肉豬扒印尼雙撈麵💰$68👉🏻熱華田今次黎到雖然係晚餐時間，但竟然都仲可以order到豬潤通粉同奶油豬🫶齋係呢點我已經俾佢100分🤣而佢仲有埋印尼撈麵食，相信無人抵抗得到呱佢呢到選擇雖然並唔係好多，但係就貴精不貴多👍🏼野食無論係擺盤定味道都好impressive，而入面仲佈滿住貓貓既壁畫🐱成間茶餐廳都充斥住可愛既氣氛

鮮忌廉雞湯 鮑魚火腿絲公仔麵 $49配煎蛋& 奶油大脆豬 +$5好味指數 4/5 🍭🍭🍭🍭{整個餐很不錯 忌廉雞湯好香濃 火腿和鮑魚絲都很多 麵很彈牙 熟度剛好 喜歡食炒蛋既朋友 可選炒蛋 +$5可配奶油大脆豬 真的很值得加 很大很香脆}日本滑蛋 叉燒 蝦仁 雙併飯 $54(旺記秘製甜豉油)好味指數 3.5/5 🍭🍭🍭🍬{蛋既熟度剛好 入口又香又滑 蝦仁大隻彈牙 但叉燒較薄身和瘦 秘製甜豉油配上整個飯不錯 令整體味道更有層次 不會太鹹太甜}🌟以上所有套餐配 絲襪奶茶 或 忌廉即磨咖啡

叉蛋飯，之前就同大家介紹過九龍城既炭火叉燒蛋飯，今次黎到旺角，同大家介紹既系另一間以高質滑蛋聞名既茶記 一 旺記冰室 @🌟自家製叉燒 日本滑蛋飯 (配 旺記秘製甜豉油) $60叉燒吾會過肥過瘦，蛋有蛋香，而滑蛋亦炒得夠滑身，配埋個秘製甜豉油，甜甜地，送飯一流🤤👍🏻📍旺記冰室 (鴻輝大廈B座)地址：旺角通菜街2Q-2Z號鴻輝大廈B座地下7號舖#旺角 #旺記 #茶記 #叉蛋飯 #旺記冰室 #覓食旺角 #旺角食乜好 #叉燒滑蛋飯 #自家製叉燒日本滑蛋飯#ʜᴋɪɢ #ʜᴋɪɢᴇʀ #ʜᴏɴɢᴋᴏɴɢғᴏᴏᴅɪᴇ