榮式燒雞扒 (希雲街)

營業中

休息中

👍🏼抵食指數：⭐️⭐️⭐️⭐️😋好食程度：⭐️⭐️⭐️⭐️  希雲街以前係銅記食街，而家餐廳廖廖可數，比較光猛嘅只餘下街頭嘅榮式燒雞扒。星期六夜晚，餐廳只得幾枱食客，我點了一客咖喱雞扒，上菜又快，熱辣辣嘅雞扒配上香港茶餐廳熟悉嘅咖喱汁味道，果然係一間代表香港雞扒茶餐廳！唔怪之得仍然屹立於希雲街啦～

雞扒親子飯 - -$58（連熱飲）招牌雞扒大大件，目測約180g，味美又唔油膩。佢親子係配滑蛋，高蛋白質配搭，好岩健身人士嘅選擇!另外，佢係標榜雞扒多食法嘅餐廳，所以有唔同煮法嘅雞扒比大家選擇，下次試完再同大家分享係驚喜定係伏物😝

今日一早 Honey ❤️ 帶我食好野，Honey 話佢食過幾次，就帶我去試入到去係普通食肆既設計，去到未夠12點，所以無乜人我叫左個雞藕天成，Honey就叫左個雞扒撈丁唔夠5分鐘就上檯，最啱好肚餓既我燒雞扒質素叫做中上既，藕餅都唔錯，喺銅鑼灣灣仔區黎講係抵食既要快食又抵食既，呢到係很好既選擇

都應該有20年無食哩間啦，之前系灣仔試過都OK，今日行過見到眯食個下午茶。未夠230，夥計叫我坐低慢慢等，順便睇下餐牌，下午茶40蚊樓下OK啦！餐廳環境簡單，位同位之間系比較窄，餐具都系包好一set過有齊筷子，匙，紙巾，牙籤，乾乾淨淨。叫左個幾趴出前一丁，半分鐘就到，有小小懷疑。。。- 雞趴睇到系炕燒睇落好薄，以為好似其他茶餐廳咁會又乾又實，但哩度系有肉汁同滑，唯一吾好系吾夠熱- 一丁就煮得”琳”小小，所以食到中間感覺吾好食。-檸檬水有三塊檸檬，味道正常

榮式燒雞扒係我飯堂之一，我通常必叫雞扒親子飯，炭燒雞扒配上滑蛋是另一道令人垂涎的選擇。炭燒的過程賦予了雞扒獨特的炭燒香氣，外皮烤得香脆，內部則保持著多汁嫩滑的口感。滑蛋柔軟的口感和濃郁蛋香的味道，與炭燒雞扒完美地融合在一起。質感和口味都相當出色，絕對值得一試。值得一提呢度嘅蔥油菜譜撈飯食都超級好吃，還可以問員店添加～總括來說，榮式燒雞扒以其經典炭燒雞扒搭配，為食客帶來了美味的享受。如果你喜歡美食，不妨一試榮式燒雞扒，相信你一定會愛上它。

嚟榮式燒雞扒居然唔係食招牌，以前成日食雞藕天成😆，因為我先前已經食咗件tiramisu，所以食少少嘢就算，嚟叫左份下午茶餐～係太脆雞翼配奶油脆豬！連凍飲$41我初時以為有3隻雞翼 原來只得2隻🥹雞翼賣相個炸粉就唔係幾吸引，不過佢唔係我唔鍾意食果種kfc炸雞，食落唔油膩都冇好厚粉，而且仲醃得好入味！不過我個重點係想試件奶油脆豬！本來想食春嬌不過除左個super落單較好之外，每次奶醬豬轉奶油豬都有說話聽，而且牛油🧈從來都唔溶嘅情況下，我決定去呢度食！估唔到佢烘脆豬包同燒雞扒一樣！見到坑紋就覺得烘得好平均！好靚仔！又熱又脆！而且牛油係溶化左再落煉奶😍超級好食！下午茶2:30開始，等我下次再食燒雞扒啦😆

榮記燒雞扒營業多年，現時擁有8間分店。記得第一次食佢嘅燒雞扒果陣，已經有眼前一亮嘅感覺。今日突然心血來潮想食炸雞，於是決定試吓佢嘅質素有冇下跌🤭平日的下午茶餐的確抵食，有包類、雞扒/雞髀配薯條等選擇。價錢都係$3x-4x，難怪非繁忙時段，餐廳依然有唔少人堂食。生炸雞髀 配熱飲 $36 +$2外賣盒炸雞髀出色，外賣完擺咗15分鐘，拎上手依然熱辣辣👍🏻而且皮脆肉嫩，仍然保留到肉汁，唔錯。呢個價錢係銅鑼灣區黎講非常親民，如果想平平哋食餐雞，都可以揀佢

呢間餐廳有唔少分店 可以係唔少地區都食到佢哋主打雞排 鹽酥雞 等等價錢合理 份量適中 夠飽的 而且$50-60一個飯仲包埋🔥奶茶/ 咖啡 我個人覺得好抵👍🏻▫️榮式雞扒🐔+麻醬烏冬($56)雞扒係比較薄 個面燒起黎脆脆哋 但又唔係燒到超級乾 主要調味料係黑椒 唔係超重口味 但我覺得不錯的😋佢個烏冬真係出乎我意料之外好食 原本無咩期望 以為係平時$5一包個d烏冬 佢竟然係用左高質稻庭烏冬 重要煮得超級彈牙🙈 配埋芝麻醬真係無得輸 上面仲有少少椰菜/生菜🥬 我朋友叫左豬頸肉 見到份量都幾多 而且大大塊 我試左一舊 覺得不錯😌 正常發揮 但係呢個價錢同埋咁既份量真係無咩可以挑剔味道🤤: 3.5/5 價錢💰：$50～回顧指數🚶🏻‍♂️：85%

每個人嘅口味都唔一樣，但榮式嘅雞扒就係我鍾意嘅味道，以前返工成日食，而家返工附近已經冇得食啦，行開銅鑼灣都會特登就返嚟食，今日食咗個下午茶餐，抵食，仍然keep住質素

聖誕節Boxing Day, 呢道係禮頓道嘅榮式雞扒店，其實好方便啲人學車前後食小小嘢就上堂嘅。咁我就係下午茶 2:30嘅時候入去食個雞扒出前一丁麵，雖然雞扒好薄，其實我覺得厚切係好食好多嘅。雖然係薄，但都算入味，連杯凍奶茶都係$41埋單。真係無交拗啦。平得嚟又快手又抵食。幾好喎。雞扒燒得嚟都幾嫩，唔錯呀。奶茶就奶滑茶又濃，唔算太甜，飲到有茶味。入到舖頭都幾多人係度食飯，唔算冷清，咁我唔洗等位都入到有位坐。

已經唔知第幾次食榮式啦！前幾日夜晚條街冇咩好食就走左入去食個快飯雞藕天成飯 -  成個飯好簡單 雞扒一塊加兩塊鱆魚蓮藕餅 上菜既時候真係有色、香、味俱全既感覺。茶記既價錢有呢個水準絕對係好地方 好推介大家黎試吓------------------------------榮式燒雞扒 (希雲街)🚦銅鑼灣希雲街6-12號地舖環境: 🔥🔥🔥🔥 (不錯)味道: 🔥🔥🔥🔥🔥 (好味)價錢: 🔥🔥🔥 🔥 (茶記)評分: 4/5------------------------------

之前在銅鑼灣舊店食過，雞扒肉質煎得好香，今日路經新舖附近再食，但非常失望。一行三人叫咗雞扒魚柳飯、煎藕餅飯、雞扒湯麵，塊雞扒嚟到一睇，真係紙咁薄，好似將件雞扒薄切壓扁一樣，調味可以但又鞋又乾，藕餅都係好乾，而個飯係接近凍嘅。出前一丁就正常；如果招牌係標榜雞扒而咁嘅質素真係不能接受。希望店家睇到會作出改善 。

今日嚟到銅鑼灣見到好耐冇食過嘅榮式雞扒，😀😀當然要試一試啦🥰🥰🥰🥰🥰🥰就咁睇五時都唔算話好多人仲可以做埋外賣，今日因為特別肚餓，所以我就食咗兩個飯一個係雞藕天成。另一個係佢哋嘅招牌菜榮式雞扒飯。首先講吓一個雞藕天成啦🤣🤣藕餅店得10分鬆脆， 10分足料。而且雞扒亦相當嫩滑。 榮式雞扒飯，依然保持一貫水準，高質素。🤪🤪🤪除左有雞蓉外， 仲有好多炸菜，兩大塊滑嫩嫩既雞扒， 完全想食多幾塊😍😍😍無張安哥。

之前去過一次覺得好好味再去第二次食都一樣咁好味，水準保持得好穩定，食品質素好高食咗幾十年茶餐廳呢間係我覺得最好食嘅雞扒同雞脾 ，皮脆肉嫩味道一流， 茶餐廳來講算係超高質素， 可能在酒店或者高級餐廳都食唔到呢一種嘅質素，樓面姐姐服務態度又好好

中午食飯時間，堂食以外仲有大量中學生排隊買外賣。堂食顧客食完要跟住同一條隊埋單，排足半個鐘，完全理解唔到點解點解要咁做，職員服務態度又差又串，食完餐飯後一肚氣。