榮記茶餐室

營業中

休息中

去到現場看見滿地下都是油漬，伙記冇禮貌，而且間餐廳入面是臭的，所以選擇叫外賣不吃堂食，始終地點唔方便，反正一埸去到就試試，百幾蚊一個煲仔飯俾啲咁嘅貨色我，寧願食普通茶記好過。拎多包豉油都嘴藐藐

嗌咗兩樣嘢，煲仔沙嗲牛麵同臘腸雞煲仔飯不得不讚個沙嗲牛麵，個沙嗲底真係出色，嚟到，搞吓佢，個湯就變得濃啲𠎀身啲，牛肉就一般般啦，都係乸過嗰啲牛肉，如果揀出前一丁，一定要要同老闆講，生啲，爽口啲，如果唔係，嚟到已經琳啤啤臘腸煲仔飯就好一般啦，出嚟已經焗咗一陣，反身都仲係好腍，要俾啲力吹吓佢，等啲乾身啲，先比較好食，好彩都仲有啲飯焦脆口脆口，啲雞都好滑，臘腸就正常啦再嗌咗杯凍奶茶，有茶味，奶味唔夠，中規中矩

好日都唔去一次慈雲山，難得呢日係附近，梗係要把握機會，食呢間Bookmark左幾年既餐廳🤣真係山旮旯，環境又狹窄，座無虛席，但侍應幾有人情味🤪▪️ 真 沙嗲牛肉煲仔麵 （6.5/10）💲70上檯時一直滾緊噴晒煙🥹湯底係超級香濃既沙嗲同花生香，鮮牛肉片嫩滑，豆卜好索汁，麵底要左公仔麵，質感偏硬身，但掛湯效果一流😳一開始食覺得幾吊癮，不過越煲越杰身，中後段更是鹹濟，啱曬重口味人士😎▪️ 鳳爪排骨焦脆煲仔飯 （7/10）💲80夜晚先有供應嘅煲仔飯，九點後就停止，要食嘅話記得就啱時間去🤫啲餸份量都幾多，排骨肥瘦適中，個飯食落差咁啲油香，但要讚飯焦係好脆口，完全唔會痴牙🦷🔎 整體評分（7/10）

今日經過見到呢一間，入到去見到有豆豉鯪魚油麥菜飯，心諗正呀！即叫！師傅好細心將豆豉鯪魚切碎才上碟，讚！平時去開其他餐廳食，都係大大嚿上碟，都唔諗吓啲人咬唔咬到。

朋友哋，今日就同大家講講我喺慈雲山試哂篇煲仔麵嘅真心感受！好啦，直接切入正題，我叫咗一碗沙爹牛肉煲仔麵，擺面前嘅一刻，我個鼻就已經滿滿嘅沙爹味，起哂個胃口！🍜第一啖面條入口，就覺得推心置腹得滯，啲面啱啱好嘅Q彈，真係想喊出嚟。牛肉炒得又香又嫩，跟住沙爹醬個濃郁滋味，絕對係口口嘅驚喜，冇得頂！🥩而家講吓湯底，啲沙爹汁勁夠味道，香濃到喊得出我要加啲面條🙌！花生碎嚟嚟去去喺我個舌尖打轉，攪拌晌醬汁同牛肉裏頭，每一啖都好滿足。喂，來喐，叫多杯檸樂冰冰凍先得嘅！🥤食完一碗，個心情真係開心到彈起，絕對推介大家過嚟試吓，尋日食過仲掛住嗰味道呀！記得啦，來呢度勁食鬼一定要嚟一碗沙爹牛肉煲仔麵，街坊價格但係味道一流！👍

大名鼎鼎既沙爹牛肉名店，作為香港特色美食之一既其中一個代表（沙爹牛關注組推薦之一），我覺得整體係好好，要推薦！姐姐會成個煲拎到你台面係你面前打開，一開果下成個煲炸炸聲，好鬼吸引。我數過下d牛肉，都有成10塊左右，咬落去都仲係爽既。d麵上到黎果陣仲係有少少硬，但係個煲入面過多陣會林，所以建議趁熱食，但可能會熱得滯唔岩某d人。杯奶茶合格，茶味有唔會太多奶。美中不足係坐位比較窄，但冇計地道街坊小店大家將就下。同埋個麵擺得愈耐會愈林，呢樣要注意啦。

年幾之前嚟過一次😛今次再訪水準仲keep到喎！今次令我最深刻嘅反而唔係啲野食，係佢哋嘅服務！👍🏻我哋食完沙嗲煲，會主動問要唔要多隻碗食煲仔飯👍🏻如果怕沙嗲濺起整污糟件衫，餐廳有提供即棄圍裙👍🏻員工好有禮貌！唔似其他出咗名嘅茶記咁呼呼喝喝！講返野食，今次嗌左兩樣野！逐樣講吓🤍💕🐄沙爹牛肉公仔麵好中意佢個麵夠硬身！因為我本身都唔中意煮到淋peapea嘅公仔麵的！沙爹就keep住一樣咁濃，好重花生味🥜！仲會咬到粒粒花生咁！好吃指數是🟡🟡🟡🟡🟡🐷咸蛋肉餅煲仔飯公道講佢一定無其他香港出名煲仔飯咁香口！但都有飯焦喎！而且肉餅夠爽口，唔會好溶食到成口脂肪嘅感覺😝💕好吃指數是🟡🟡🟡🟡作為唔太中意食沙爹牛嘅我，今次對味蕾都係好好嘅體驗了😋下次去嘅話要試下轉粉絲！！

平時去茶餐廳都鍾意食沙嗲牛肉麵，所以一直都好想試嚇榮記茶餐室嘅沙嗲牛肉煲仔麵，但因為慈雲山真係有啲遠，又唔想特登過去，直到早排終於去開附近，可以去試嚇～▪️沙嗲牛肉煲仔麵煲仔飯就食得多，煲仔麵就比較少見，可以keep住個溫度。沙嗲湯底真係好濃稠，充滿花生香，同埋唔覺得真係好似其他人講到咁咸🫢 牛肉上枱嘅時候未完全熟曬，所以要等一陣先食得，口感好嫩滑，不過就冇乜牛味，同平時茶餐廳嗰啲差唔多😂 整體係唔錯，但唔會特登去慈雲山食榮記茶餐室📍慈雲山毓華里12號地下A-B號舖

聽講呢間茶餐廳嘅沙嗲煲仔麵好出名特登揸車嚟試吓！一入餐廳，感受到涼涼嘅冷氣服務都好周到員工唔會催我落單我叫咗一個豬扒沙嗲煲仔麵配凍檸茶超級濃郁嘅沙嗲的湯底豬扒正常size，好嫩滑一路食，個麵就一路吸收湯汁食到一半已經覺得好咸好膩.總括嚟講：個沙嗲湯底係唔錯既，不過好咸，濃味到食食下會覺得好濟唔想食落去，如果加返兩條菜/解膩既野會比較好，另外價格都相對貴，一個公仔麵已經要$70，加凍飲又要加$7，$77應該可以食到比呢個更好

沙嗲界既espresso -慈雲山榮記茶餐室Fb:下一站豬欄; IG@Pig7station煲仔飯就見得多，煲仔麵就唔係周圍都有😗今次搵食搵到慈雲山，榮記出名煲仔飯/煲仔麵😂當日到好full架，等咗陣先有位，座位都幾比較迫嚟到梗係要是沙嗲牛肉煲仔麵啦，堪稱係傳說中沙嗲界既espresso 湯底，真係超級濃郁🤤花生味好香濃，沙嗲泡沫拎煲仔麵更有層次😌牛肉都淋，真心推介，雖然食到最尾比較膩😅想食嘅就預早嚟排隊啦😗

想試"榮記茶餐室"嘅沙爹牛肉煲仔麵好耐, 但特登去慈雲山食又覺得唔值, 終於去開果頭搞嘢就順便試下, 加7蚊有杯凍嘢飲, 就叫咗杯奶茶, 杯凍奶茶好快到, 杯凍奶茶唔錯, 唔洗10分鐘個牛麵到埋, 個麵煲一陣先食好啲, 啲牛肉好滑, 但牛味就冇乜了, 沙爹湯底OK夠晒濃, 有花生味, 仲有兩舊仔豆卜, 整體OK, 個煲絕對keep住個湯好熱, 但70蚊呢個價就唔多值, 如果同九龍城"方榮記"比較, 呢間好食啲, 不過"方榮記"牛肉就好食啲, 總之兩間一樣試過一次就夠

今天我來到慈雲山的榮記，試了他們的招牌菜沙嗲牛肉煲仔麵和豬扒芝士撈丁。這是一家舊式茶餐廳，環境十分傳統。先來評論一下他們的招牌菜沙嗲牛肉煲仔麵。湯底非常濃稠，充滿了濃郁的沙嗲花生味道，令人難忘。牛肉非常軟嫩，入口即化，加上煲仔麵的獨特口感，讓這道菜的味道更加豐富。整體而言，我給這道菜10分出色，如果您是沙嗲愛好者，這道菜絕對不會讓您失望。即使我明天的水準提高了，我還是會極力推薦這道菜。**另外豬扒芝士撈丁的口感十分彈牙，讓人回味無窮。雖然這道菜的味道不像沙嗲牛肉煲仔麵那樣出眾，但我還是會給它7分。**總的來說，榮基記茶餐廳的沙嗲牛肉煲仔麵和豬扒芝士撈丁都是非常值得品嚐。

聽聞「榮記」喺沙嗲牛關注組非常有名氣，位置雖然有啲隔涉，不過好在有熟路嘅朋友仔帶路午飯時間餐廳座無虛席，要門口等一陣先有得入一坐低同朋友二話不說就點左最有名嘅✨真．沙嗲煲仔麵✨($70)，配料方便可以揀牛肉 / 豬扒 / 雞扒，麵底就有出前一丁、米粉、粉絲，我當然係揀左沙嗲牛丁麵!!🤩當日朋友著白色衫，點餐後職員好貼心咁問我地需唔需要圍裙，有即棄嘅可以提供❤️個煲仔麵一上枱，就見到沸騰中嘅沙嗲牛麵，沙嗲味一湧而上，就咁睇顏色已經覺得非常濃郁，𢳂落去好杰身，入口果然非常濃稠，內有花生碎好香口!! 麵質煮得剛剛好，因為佢預左個煲有熱力會令麵底變軟，所以食得慢都唔怕會太林。而鮮牛肉非常嫩滑，煲內另有芽菜、豆卜，吸埋d湯非常美味。再配埋港式凍奶茶，正呀♪(´ε｀ )整體黎講絕對無令我失望，果然如餐牌所寫「沙嗲中的Espresso」，食完會有想再去食衝動(⁎⁍̴̛ᴗ⁍̴̛⁎)

好多評論說這家是最好的沙爹牛肉麵 最特別是用煲仔上 但我今天叫了外賣 叫了一個沙爹牛肉煲仔麵加豬扒 另外叫了一個火腿奄列及奶茶.....先說说煲仔沙爹牛肉麵 沙爹不是港式 是像星加坡 馬來西亞風味的那種 可以講有少少港式沙爹味 如果食開港式沙爹牛肉麵的應該不太喜歡 沙爹味道不太重 觉淡一点 湯內放了牙菜 豆卜 用的牛是鮮牛 总之不是港式沙爹牛 麵及豬扒放在一起 麵不錯 之前應該同湯煮完再分开 过了一会啲麵还有彈力 我這里想讚賞的是他們的豬扒 煎得非常好 不油 不燶 味道非常好, 可再试 (只有豬扒); 到奶茶 没什麼特別 同其他茶餐廳的差不多 下次可试其他; 最後便是火腿奄列 味道不错 蛋夠多不厚 內里火腿片夠多 豐富 可吃及好吃的 麵包是麵包 没什麼特別 我自己觉有点求其總括來說 對於我來講 這家店如果真的要再试煲仔沙爹牛肉麵 一次已經足夠 不會再回去 奄列經過的話可以再食 唯一可以令我再回去的是豬扒 看看豬扒配什麼有靚仔效果再想提提 老闆娘好好人 好好客

試下榮記茶餐室出名既野先 真♡沙嗲煲仔麵 同埋煲仔素翅麵再加$𝟙𝟝要杯凍檸啡 提一提神真♡沙嗲煲仔麵 $𝟟𝟘揀左牛肉同出前一丁 錦先係真正既沙嗲牛肉麵呀！最鍾意食濃稠既湯麵 撞正食個日係下雨天食完個人即刻暖曬 每啖湯都有好多花生碎 落足料唔馬虎又好食 ≧ω≦煲仔素翅麵 $𝟞𝟘食左一 兩啖 發現有條白頭髮係個麵度 (◔ д◔)我本身仲以為係素翅🤣🤣🤣好彩男朋友無食落肚 同左店員講 佢立即係我地面前將個煲仔素翅麵丢去垃圾殘渣處 整個新比我地 我仲以為佢會攞入廚房攞走白頭髮 煮完再比我地食🤪好彩佢地唔係無良心啫煲仔素翅麵我地揀左出前一丁 個素翅份量都幾多下 有埋蛋花 肉碎 雲耳 料算係多既但如果我只有一個人食 只可以食一樣野 一定食真♡沙嗲煲仔麵 煲仔素翅麵都好食 但呢個沙嗲湯底真係出面食唔到 食真♡沙嗲煲仔麵 係無錯既٩(●˙▿˙●)۶…⋆ฺ