樂湯雞麵館 x 火鍋 (西洋菜南街)

營業中

休息中

It's boiling hot to the table. There were a lot of shark fins and two large pieces of fish maw at the bottom of the bowl, which was enough to taste!My friend's saliva chicken is so spicy and tasty. Also wasabi mixed shredded chicken~ All so appetizing. During lunch, I ordered two cups of soy milk for half price. Weekday afternoon period is full at about 2 o'clock. Come early so you won't have to wait for a seat.

想太子附近搵個地方食快飯,但係好多地方都要等位,就嚟咗這一間落湯雞麵館, 食個快飯再返屋企兩個人快快脆脆揀兩個餐就食我揀咗至尊鮑魚雞大碗飯朋友揀咗砂鍋花膠雞湯翅配白飯砂鍋雲吞雞湯翅配白飯真係有一梳梳魚翅仲有花膠以94蚊嚟講又有魚翅又有花膠算係不錯至尊鮑魚雞大碗飯有一隻鮑魚，鮑魚畀想像中大隻雞肉都好滑最好食係底嗰啲飯，飯係調咗味，同埋 有一啲冬菇炒埋一齊， 同埋大碗飯飯真係好大碗，大碗到食唔曬飲品朋友揀咗青檸梳打， 呢個青檸梳打可以揀無糖我自己就揀無糖可樂整體嚟講唔使等位，食個快飯好地方

今日朋友相聚，試下樂湯，一入門口就見到懷舊香港裝飾，餐牌主打健康無添加菜，叫了二人餐！⭐️砂鍋花膠雞湯翅分量十足，連皮雞肉、花膠、魚翅等煲出一層金黃的濃湯，非常濃郁！花膠咬落有厚度，軟糯中帶煙韌，啖啖滿足。雞胸肉質嫩滑不老，豐有肉香。魚翅根根分明，矜貴有咬口！養生又滋補！⭐️鮑汁瑤柱冬菇飯米飯做到軟糯適中，用以鮑汁提高鮮美，而瑤柱和冬菇粒就豐富整體口感！⭐️雲腿浸娃娃菜菜用以高湯煮到軟腍入味，加入少許雲腿絲，清甜有風味！⭐️花鵰醉豬手入口滿滿的骨膠原，彈牙香嫩，蟲草花、酒香清新解膩，令人齒頰留香！

今日同屋企人book左黎太子呢間餐廳食飯, 餐廳係2樓但係電梯壞左要行上去, 如果老人家黎既就唔太方便不過上到黎餐廳, 地方都幾寬落, 坐得都好舒服坐低左之後, 侍應都好好態度, 有介紹唔同既招牌菜比我地, 我地見佢個4人餐幾抵就叫左4人餐4人餐包左花鵰醉豬手, 鮑魚花膠雞湯翅, XO醬龍皇雲吞, 海味絲浸娃娃菜, 同埋4碗鮑汁飯, 仲可以加錢轉面首先係花鵰醉豬手, 係冷盤黎既. 豬手食落好爽, 唔太肥膩, 好重花鵰味,  絕對值得一試之後係XO醬龍皇雲吞, 總共4粒, 一人一粒, 雲吞皮薄, 加埋XO醬, 令到成個味道更加香辣, 仲有D硬硬地既蝦乾, 幾好食另外既海味絲浸娃娃菜就好鮮甜, 娃娃菜比較脆, 如果可以再淋D就更岩口味, 不過食得出好足料既海味味, 絕對冇失望!最後當然係重頭戲既鮑魚花膠雞湯翅, 見到D山珍海味都知道唔簡單, 湯入面有4隻鮑魚, 都唔細隻, 仲有好多花膠魚肚同埋一梳梳既翅, 冇欺場, 另外仲有成隻雞, 雞肉好滑同埋好多, 食完都真係好滿足, 仲可以飲埋淡湯跟餐仲有飯, 我地加左錢轉左其中一碗做刀削面, 幾有咬口, 都好好食總結黎說, 呢間餐廳作為中菜係一個幾

最近，我們一行四人造訪了太子樓上既一家餐廳。餐廳環境清靜舒適，唔會好嘈，提供左一個舒適既用餐場所。我們點了一份四人套餐，其中包括鮑魚魚翅花膠原隻雞窩，上湯海參浸娃娃菜，XO醬龍王雲吞，醉豬手。套餐還包括四碗鮑魚瑤柱飯，但其中一碗轉成了藥膳米線，另一碗轉成了椰子雞湯刀削麵。此外，我們仲點了一份涼拌芥末海蜇手撕雞同一杯話梅金橘梳打。套餐中的鮑魚魚翅花膠原隻雞窩好大窩，份量有足夠，鮑魚都算大隻，仲有唔少魚翅，搭配鮮嫩原隻雞窩，味道鮮美且豐富，而湯底鮮濃，每一口都充滿了濃郁的風味，飲完都唔會口渴。上湯海參浸娃娃菜，簡單得來精緻，娃娃菜經過上湯浸泡，保留左其嫩綠外觀同脆爽口感。海參碎亦有唔少！套餐中從包括XO醬龍王雲吞和醉豬手。XO醬龍王雲吞，每粒雲吞都包裹著豐富餡料，令人愛不釋口。醉豬手則以其滋味獨特既調味汁令人回味無窮。鮑魚瑤柱飯係這套餐中主打飯菜之一，米飯蓬鬆香濃，搭配上鮑魚和瑤柱鮮甜，令味道十分美味。然而，我們將其中一碗飯轉成藥膳米線，另一碗飯轉成了椰子雞湯刀削麵，兩碗湯都各有不同，增添左套餐既多樣性。小食方面，仲叫左一碟涼拌芥末海蜇手撕雞。清爽和微辣既口味令人印象深刻。海蜇既爽脆同雞肉

之前食過佐敦分店，記得佢哋嘅雞湯米線都幾好食，今次喺旺角行完街，發現附近都有一間分店，一於食埋晚餐先返屋企。這裏的招牌是砂鍋雞，我們見到二人餐都可以任選半隻雞，價錢比較化算，所以決定叫二人餐。加錢可以轉湯麵，我們將其中一個反轉做椰子雞湯米線，本來想食刀削麵，可惜賣晒。除咗椰子雞湯麵仲可以選擇藥膳或者雞湯翅。二人餐有雲腿浸娃娃菜🥬味道清清地，好健康。小食有麻辣海蜇手撕雞，都有少少辣，不過海蜇好有口感好爽口。椰子雞湯米線🍜都幾香椰子味，仲有少少椰肉和桃膠🥥都幾有驚喜，食落零負擔仲可以美顏。主角是砂鍋花膠魚翅餃雞，上菜時仲滾下滾下，湯底有濃郁雞湯味，先來一碗雞湯暖身。半隻雞份量都幾多🐥花膠魚翅餃粒粒飽滿，餡料足👍🏻🐥二人餐🐥砂鍋花膠魚翅餃雞鮑汁瑤柱冬菇飯兩碗雲腿浸娃娃菜麻辣海蜇手撕雞📍#樂湯雞麵館 x 火鍋 (#太子美食)#旺角美食太子西洋菜南街218-220號生發大廈2樓

砂鍋花膠雞湯翅雞湯翅以花膠、魚翅入饌，放入砂鍋內煨煮·鮮味倍增。打開蓋子，香味四溢·金黃色的上湯·口感黏稠，慢慢享受濃郁雞湯·充滿雞汁精華。雞肉香嫩，雞皮滑溜花膠口感黏糯丶綿厚，充滿骨膠原·湯底滋補養顏。鮑汁瑤柱冬菇飯花菇入口清香·吃起來香氣誘人·瑤柱絲綿滑。充滿鮑魚汁香·滋味滿足。雲腿浸娃娃菜滑嫩的娃娃菜柔順、軟綿·呷一口湯汁，配上粒粒雲腿·啖啖鮮甜，十分清潤花雕醉豬手醉豬手外皮充滿彈性，入口綿糯無骨，花雕酒帶出豬手豐富的肉香，入口濃郁惹味，令人意猶未盡餐廳：樂湯雞面館x火鍋地址：太子西洋菜南街218-220號生發大廈

午餐時段去左幫襯，幾個人叫左幾個海南雞飯同芝士和牛餃子，全部雞都好老好難食，又要無味，懷疑擺咗成個星期，白飯又硬，啲芝士和牛餃子啲肉係咬唔開，仲要落咗好多胡椒落去但又冇芝士味，杯涼茶又要加錢，成杯好似水咁，應該係一杯沖開咗十幾杯，超級淺色，咁嘅環境都要$68，價錢都算幾貴，但質量就真係超級差！！！！！！絕對無下次！！！！今次真係中咗超級大伏，仲要行樓梯上去，唔知點解仲會有人幫襯，下次食落下牛扒好過。

因為好鍾意食雞湯米線，見到呢間好似風評都唔錯，所以決定同同事嚟試吓，點知就中伏本來同同事諗住一人叫一個lunch就算但睇完圖覺得個lunch都唔吸引店員熱情推介二人餐，所以就試吓本來前菜我哋想要豬手，但係店員話無所以最後叫咗個手撕雞，但係雞絲得個幾條佢哋啲熟客嚟都叫豬手又有喎點解會咁嘅？大佬話你厚此薄彼都唔好咁樣啊個沙鍋雞除咗個湯係OK之外，其他所有嘢都唔OK啲雞肉又韌又鞋，好似湯渣一樣大家睇吓d賣相，都真係麻麻地其實我哋想食米線多啲，但係見佢要加$15個所以都冇加到，所以就食跟餐個飯個包汁飯完全冇味，其實到底點解可以做到咁樣？店員話出邊有小食自助區，我就出去八下哇個自助區啲嘢多到啊睇見都唔係好想夾最後只係夾左小小萵筍

今日想養生嗌咗個藥膳醉雞米線 76$藥膳醉雞米線是一道擁有豐富風味和營養的傳統中國菜。這道菜的主要成分是雞肉和米線，並且配以各種藥材和香辛料。首先，雞肉是這道菜的主角，它被煮熟後切成絲狀。這種烹調方式使得雞肉保持了鮮嫩多汁的口感，且融入了各種藥材的香氣。除了雞肉，這道菜中還添加了藥材如黃耆、當歸和熟地，這些藥材被認為有助於增強體力和提高免疫力。接著是米線，這是一種細長的米製麵條。它的質感柔軟滑嫩，和雞肉完美搭配。米線還能夠快速吸收湯汁的香味，使得整道菜更加美味。最後，藥膳醉雞米線的湯汁也值得一提。湯汁是用雞骨熬製而成的，它濃郁鮮美，並且與藥材和香辛料的味道交融在一起。湯汁還有一點點的微辣，使得這道菜更加開胃可口樂湯雞麵館 x 火鍋 (西洋菜南街)太子西洋菜南街218-220號生發大廈2樓

太子健康滋補花膠雞湯 呢到網上都幾多人鐘意佢地雞湯 地點幾隱蔽唔起眼 轉角上2樓 如果中午最抵食 都係$5x 今次放工去試試 .⭐️砂鍋桃膠雪燕椰子雞$84一上枱熱辣辣 因為用左砂鍋 keep人住熱到起泡泡奶黃色雞湯係重點 主打真材實料冇添加湯底好好飲 雞湯鮮甜 椰香明顯 會想飲多2啖旁邊配料有大量雪燕桃膠 應該幾適合女仔美顏雞肉肉質都唔錯 有彈性 唔會覺得嚡 新鮮⭐️砂鍋花膠雞$84呢個雞湯鮮甜 更加明顯 花膠超級大片 口感偏爽 少少膠質.⭐️醉豬手$58呢款都高質 廚師本身已經幫你起咗骨豬皮超級爽彈 酒香入味 甜度適中⭐️wasabi 海蜇手撕雞呢款手撕雞 伴上青瓜絲爽口睇吓有大量海蜇 如果點大量汁 攻鼻得來好爽.呢個價錢 用上雪燕花膠等配料 仲要湯底好飲鍾意飲湯嘅朋友 呢間值得一試.#hkfunfoodrecord窮遊香港#hkfunfoodrecord_太子.#樂湯雞麵館 x 火鍋 (西洋菜南街) (太子)地址：太子西洋菜南街218-220號生發大廈2樓. @loktongkeehotpot ⭐️評分：味道：4/5環境：4/5服務：4/5抵食：4/5..#飲食 #美食 #優惠 #抵食

砂鍋花膠雞湯翅 $94- 無咩料,雞好鞋湯又唔夠濃, 米線好普通沙薑豬手 $74 - 食物入面唯一正常鮑汁炆花菇 $40 - 只有4粒,而且係劣質花菇好酸,個味勁似壞左,每人食左1啖就放棄左雲腿浸娃娃菜 $58- 得2條雲腿,同屋企煮既真係唔大分別熱柚子蜜 $12（跟餐半價）- 得一茶匙柚子密,淡到好似水咁凍檸茶走甜 $12 (跟餐半價) - 無得錯既,無技巧——————————————————短頭髮侍應態度唔太好 - 落錯單 + 黎錯野, 最搞笑既係佢問完我地野,放低左隔離枱既飲品係我地道就無再拎走姨姨侍應 - 非常失魂,不斷黎錯野,搞錯枱叫佢print 單俾我地睇但print 左隔離枱PS : 但我見到晚餐時間係爆場,大家真係唔好想伏

呢排見社交媒體網站成日彈呢間既廣告所以就去左試一上到去已經有陣up味叫左砂窩花膠雞同藥膳雞刀削麵 價錢大概$8x-9x一上菜見到個花膠雞全部係雞胸都已經心知不妙平日都中意食雞胸亦預左胸係比較嚡點知個花膠雞係直情嚡到咬都咬唔開 最後一舊都食唔到😰藥膳雞就好少少 有翼有脾 但你又點估到個脾都係嚡…刀削麵似係平日759買到個啲乾麵餅 唔煙韌而湯方面 花膠雞湯好一般 唔濃亦無雞味👎🏻藥膳雞就好少少 個湯好重紅棗味 幾特別總括而言比左成二百五蚊完全唔知食左咩😓

藥膳米線冇藥膳味砂鍋米線啲雞好老花膠冇味 雞冇味食哂碗米線杯俾野飲都未到同伙記講 疑似經理物體仲要質疑話冇單不斷放客人入座 但係又做唔切 啲單亂哂 個個員工都好似遊雲咁 唔知做緊咩

減肥都可以食大餐😍知道呢間餐廳有生酮火鍋，同朋友過嚟試下先食生酮火鍋之餘，仲有得玩「酮聲酮氣」小遊戲，透過生酮機探測數值，氣酮越高，獲得獎勵越高💥0-4ppm 樂湯雞招牌花膠湯一碗($60)💥5-10 ppm 振興生酮牛丸一包205g ($55)及樂湯雞招牌花膠湯($60)💥11-40 ppm 招牌花膠魚翅雞鍋($338)及振興生酮牛丸一包205g ($55)🔅生酮火鍋大盛2人餐 $688招牌花膠魚翅湯底，大大件花膠、魚翅，十分足料！奶白色湯底飲落淡淡香味，唔會太鹹，感覺養顏又滋補～鮑魚海參雞件拼盤，將所有食材加入湯底煲滾後，湯底更鮮甜😍大大條海參好彈牙，又有營養！雞件嫩滑、啖啖肉😋鮑魚都好彈牙和牛拼玫瑰松阪豬，擺碟好靚！和牛油脂豐富，質感軟綿而且好香牛味，好好食😋 松阪豬質感好彈牙，有少少似猪頸肉，正！振興生酮牛丸，彈牙又多汁，肉味香濃，口感一流呀生酮蔬菜拼盤，蔬菜拼盤份量十足，樣樣都好新鮮～蒟蒻麵，爽口彈牙，吸收湯底嘅精華，加上少少醬汁，好食又健康，而且好飽肚自選生酮友善飲品，揀左無糖青檸梳打，清新又解渴，飲多幾杯都唔怕肥