泰昌茶餐廳 (已結業)

小弟住呢頭附近，所以食開毓華街d茶餐廳。呢間都算係咁，早餐廿六蚊，一碗沙嗲牛肉面，再配埋份多士滑蛋，仲有杯餐飲，凍檸茶加2蚊。正常之選，茶餐廳呀姐都幾好既，諗多一陣食咩都吾會催你。

送外賣的時候，買了椒鹽豬扒飯，但上面黏上兩張價錢紙，寫了28元和56元～拿了一個飯，但是要收我56元～之後跟她說，她又說是我們的問題，還在我們面前說粗口，很沒有禮貌！找錢的時候，又罵我們為什麼給40塊錢，要麻煩她找錢。最後，給了很多個1、2元給我拿飯的時候，外賣還放在坑渠上面，衛生真的要改善下！

今時今日，食個快餐閑閑地都要40蚊，仲要無野飲。如果唔計環境差同服務差，泰昌就真係飯堂首選，34蚊包餐湯同飲品，仲有大大碟飯食，認真超值。湯唔會主動上，要問呀姐拎，飲過幾次，唔係例湯，應該無落味精，飲完唔會口渴。粟米石斑飯，係大堆頭，罐頭粟米湯加蛋花，燴埋炸到脆卜卜嘅斑塊，好好送飯，斑塊啲粉漿唔算厚，呢個價錢我受囉

今日同朋友lunch搵野食,咁岩經過呢間茶餐廳，（其實住咗係到咁耐都唔知有間咁既野）就入去試一試。朋友食個最普通既沙爹牛肉麵，我就叫咗個沙薑雞飯。等得唔算耐。好快就到。沙爹牛麵跟腸仔蛋轉多士，都係廿六蚊，好抵。啲牛肉淋，沙爹味濃，個麵唔錯，多士脆，唔濃唔淋，幾有水準。不過朋友覺得牛油多得濟~哈哈。沙薑雞飯有驚喜，37蚊包熱飲。啲雞好滑唔鞋，個沙薑汁香濃。平時諗唔到食咩，平平地一餐咁都唔錯，啲野幾好食，食完唔口渴，應該無乜味精，下次再試試其他野先。