泰潮泰國菜 (已結業)

16/5 七時坐下，點了晚餐B ($555) 套餐。先上炒飯，反而沙律差不多全場尾二出，次序已經不對！跟咖哩大蝦的薄餅未同時上桌也No Good! 味道層次更不說也罷..... 總言之，我和家人覺得此店只是以分量大作膚淺招來！

粉嶺朋友話聯和墟和泰街有一間餐廳嘅泰國菜平靚正，份量又足⋯⋯今日入去沒理由不試吖😎Nittaya Restaurant 店舖大小適中，但客滿感覺有點擠迫，我們大約7點幾到，客很多，大約等了十令分鐘就剛有枱客埋單，超lucky 😎農夫飽🙈🙈一上枱，大家嘩了一聲，超大份🙈🙈難怪朋友點餐時，提醒我們如果吃農夫飽，其他菜就要少啲啦😂😂農夫飽焗得剛剛好，皮脆內軟，配咖喱絕配👍🏻生菜包，炒肉碎粒份量足，帶少少辣，幾惹味，如果生菜分量多一點就完美🤪泰式冬陰公湯，看似平平無奇，但原來湯料多到吖😱蝦也有6-8隻😎酸辣適中👍🏻泰國臘腸炒飯，有少許失望，味道可以但飯粒唔夠乾身..蠔仔煎蛋，蠔仔好大隻和蛋的比例剛剛好😉鮮芒果冰沙，超大杯，而且甜度適中👍🏻

今日經過想試下泰國野，上次已經望過一次，姐姐好熱情走出黎邀請入去，但當時食到飽哂冇去到，今次就試試佢 餐單上有2/4/6/8人套餐，家庭情侶黎都好適合同方便！不過我貪心啲想試多啲野，所以就散嗌，務求食多啲美食！牛肉串燒好味道佢個沙嗲醬真係 好 好 味！椰味濃仲要粒粒花生，超正！不過我唔係幾食牛，朋友話牛味濃郁，香口又淋，牛腩咁多肉！食肉獸必點雞肉串燒好味道嗌多個雞試試，係我非常喜愛既口感，愈咬愈入味，少少乾身但好香個種，唔知大家明唔明不過如果你鐘意juicy就未必岩，但我比較好啲好咬口既野，所以十級推薦比鐘意有咬口既野人泰式鳳爪好味道無骨咬落好正，不過成日一食無骨鳳爪就諗起個阿婆....... 一上台多到成座山咁，好抵！爽脆帶少少酸辣，不過可以再加啲魚露調味（重口味乃本人）冬陰公湯好味道酸酸辣辣好開胃，一開始飲有啲似辣味羅宋湯，等香料浸多陣先出啲味，細份量兩個人飲大概每人3-4碗，海鮮料超級足，又蝦又青口，啖啖都有料，唯獨香料味有少少唔出泰式肉碎炒粉絲好味道.5相比之下呢個主菜還好，炒得乾身唔油，肉碎多又香，不過個人口味黎講覺得普通左少少，如果鐘意食既你就唔好錯過最後嗌左凍泰式奶茶（

今日下午 同班同事出去聯和墟食飯..本身諗住食隔離個間竹月亭 點知冇位 所以就入左隔離泰潮..見個個同事都叫海南雞冬蔭公金邊粉我當然跟大隊啦..東蔭公湯底都唔錯..又唔會太辣 又吾會太酸 份量都算ok餐飲我叫左禁熱奶茶...不過好難飲 佢個茶膽既味怪怪地🤭🤭所以下次食泰國野都係叫返啲泰式野飲算lu..

想試這間泰菜很久，但要下午來才化算因為午餐抵好多。一早來到，未有太多人，一個人獨霸一張4人枱(但好快就俾另外3人坐低好迫😃），午市都算旺場而度，裝修都有一點傳統泰國風情，但不夠另一間特色。叫了雞肉炒金邊粉$50（其實想要鮮蝦炒不過冇）,加$10叫了杯泰式奶茶。泰茶先來，是正宗泰國那種口味，很興奮因不是每個地方也有泰式奶茶。金邊炒賣相一般，配料得花生碎，色水好淺，以為味道一麻麻，但吃落酸甜剛好，最重要是金邊炒竟是爽口彈牙那種，很久吃不到這種了！雞肉跟我在泰國吃到的也是差不多味道。有點驚喜這次體驗，價錢60元比起晚市69+28化算很多！

入到泰潮先諗起幾年前食過一次，但而家應該搬咗位置！新店坐得較以前舒服。但我已忘記以前食物水準了！今次再食。。。應該不會有下次！食物質素普通但價錢唔普通，粉嶺都有唔少泰菜，呢間不會另我有再幫襯的衝動！最驚喜係冬蔭功內有＂海鮮＂－蟹柳。。。其實係咪加好過加呢？你唔加我唔會加分，但你加咗蟹柳入冬蔭功湯內，我一定減分！佢要繼續有生意，應該好好提高食物質素！

今日約左朋友去粉嶺，難得友人未到就係附近尋找一下美食，見到依間泰國小店門面都比較吸引，而且唔需要等位所以就揀左依間餐廳餐廳內的裝修佈置都令人置身於泰國一樣坐位闊落泰國豬肉炒金邊粉本人係一個金邊粉既愛好者，今次依間餐廳的炒金邊粉絕對沒有令我失望即叫即粉，配料都比較多，有九菜，蛋，牙菜、花生雖然全部配料唔算特別，但配合住金邊粉就十分配合食落每一口都有住濃濃的香味另外仲叫多左一杯椰汁冰（跟餐$10）椰汁味道重周香甜

食開元朗嗰間今次要試下粉嶺新搬鋪裝修呢間一入去都好熱情招呼新裝修望落好乾淨 好舒服 氣氛唔錯新店裝修好 好乾淨 又幾靚咁一d裝修味都無#泰式酸辣鳳爪本人覺得有點馬虎唔係太入味#冬陰公湯味道還可以不過覺得好似唔夠熱咁#估唔到菠蘿炒飯係最滿意嘅一個（不過佢個菠蘿係罐頭菠蘿黎既）#蒜蓉包味道唔錯#拼盤份量 其實只係4件 cut 開變6件😂#串燒可能燒耐左 有d乾硬汁：係凍既 食落有d奇怪以前住元朗都幫襯開元朗嘅分店本人覺得元朗店好食啲但都粉嶺店都可以去試試😊

今日lunch又去咗食泰朝，好鐘意佢既船湯湯粉，湯底好濃郁，無乜味精，食完都唔覺口渴。今次我食咗海南鷄船湯金邊粉，加熱奶茶。朋友要牛肉船湯金邊粉。之前一直都唔敢試海南鷄船湯金邊粉，因為覺得海南鷄唔夾金邊粉，點知食完先知原來好夾架，仲要海南鷄既分量好多，食粉真係抵食過食飯。只係39蚊，食得飽飽的，仲有嘢飲添！

經過這間餐廳好幾次，上紅下白外牆，配雕花木門，起初以為是西餐廳，原來是泰國菜。今次終於有時間來光顧，卻變了隔壁的泰潮。三個人吃，點了兩個午餐：菠蘿雞肉炒飯、豬頸肉炒貴刁，加$29 可以加配小食，我們點了黃金蝦餅和香茅雞翼，跟餐配椰汁冰和龍眼冰各要加$10。香茅雞翼只有三隻，差不多十元一隻，沒有香茅味。黃金蝦餅只有兩個，切開共有四件，但很好味，蝦膠也很多。炒飯和炒貴刁味道一般，比泰國菜清淡得多，特別要提一下：炒飯非常之少菠蘿， 難怪後來聽到別人點餐，指明要多菠蘿 。特飲跟餐加十蚊，但我們點的這兩杯沒有什麼特別，只是普通的龍眼茶和椰汁。這間餐廳坐得舒適，只是價錢略貴味道一般。

工作中去到聯和墟搵食，呢間泰國菜同事之前試咗話幾好，今日帶我來試，門面典型泰國菜格局，店內唔大，桌椅幾迫，餐牌都係啲泰國粉麵飯大路選擇！湯粉就特別啲，除清湯/冬蔭功湯之外，仲有船湯（即係濃湯）落單後食物好快到！冬蔭功湯豬腸河粉（$39）本來叫船湯的，廚房做錯了，我照要，份量幾大，豬腸都好多，冬蔭功湯夠熱，味道酸為主，只有微微辣，幾香濃，豬腸肥美彈牙有𡁻口，無壓味！好味！河粉係我喜歡嘅大片薄河粉，好滑又彈牙，無斷到，掛湯唔錯，好味，配菜有豬紅、芽菜、生菜同豆卜，好豐富！蔬菜爽脆，豬紅彈牙！整體好好味！熱龍眼水（跟餐加$10）幾大杯，夠熱滑甜唔假，乾龍眼肉好多，煙韌彈牙！好味！同事食：冬蔭功湯脆皮肉金邊粉（$39）船湯肥牛米粉（$39）熱檸茶：凍檸茶（跟餐加$3）店員勤快有禮，做錯湯底佢問我會不會照要都有禮貌的！男女共用廁所乾淨！

今晚突然想食酸辣冬陰公，途經這間泰潮給他門面吸引了，晚飯就試試呢間喇！今晚點了個二人套餐，其中有肉碎生菜包都是泰國菜其中一道熱門菜色，味道是可以不過太多肥豬肉了！泰式冬陰公湯，味道酸甜辣恰當，但不知為何會用急凍雪蝦同魚豆腐有點怪怪這個菠蘿海鮮炒飯尚算不錯，小油乾身香口，不過海鮮就真係唔多覺，有扮哂蟹嘅蟹柳同豆腐魚蛋，細到似淡菜嘅青口😅。鴛鴦蝦餅不過不失脆口但上碟仍保持有油份。這杯叫男神飲料，用藍蝶豆花沖成有點過甜二人餐不包飲品$248，都算豐富。

粉嶺聯和墟本身有許多泰式餐廳,而這間亦算是比較新開的一間,一直未有試過,同行之同事表示亦有於晚餐時光顧過,同行同事一行10人,餐廳有3張大圓枱,適合一大班朋友聚餐~午餐選擇類別興晚餐不同,可選午市套餐。這次選了喜愛的組合:冬蔭功湯+海南雞+金邊粉~這個價錢,這種分量,都算很抵吃了~沒影同行同事們之食品,但大部分同事都表示還滿意,唯獨有同事表示白飯有飯蕉~

以前食過一次覺得幾正宗既泰國菜,所以今日諗住食多次,點知就中大伏了。。。今日食過既菜式之前都有食過,但係就差天共地!!今日叫左生蝦,飛天通菜,泰式肉碎生菜包,炸蝦餅,泰式雞肉炒河,兩杯珍多冰。首先由生蝦講起,生蝦一碟有6隻($98),個人認為生蝦既size都算大隻,但唔夠凍,肉質一般。飛天通菜同蝦餅都覺得一般。。。最差真係個泰式雞肉炒河!!!首先用生菜墊底,雞肉得4-5舊都算,啲河粉好似人地食剩個啲咁碎濕濕。。。炒嘅材料又青豆又紅蘿蔔又粟米又青椒又紅椒又洋蔥又豆角,好彩我記得叫左乜野炒河粉,如果唔係我仲以為自己叫左雜菜炒河粉。。。我都唔知自己係食緊炒雜菜定炒河粉椰汁珍多冰,真係“真多冰”!!!成杯都係冰，飲左兩啖就乾晒塘。。。抵讚既係佢既海底椰好好食,甘就盛惠$25/杯!!最抵讚都係泰式肉碎生菜包,肉碎炒得好香好夠味,生菜都算新鮮,值得一試!!店舖座位唔算多,但座位好寬敞!!!不過竟然有蚊滋仔咬腳,所以坐得唔耐就走左。。。

在近年來我都是這間的常客，不久便食一次。但是這個月，點平日食開的飯，發現每況越下，炒飯全是油的，食了2口便埋單了，十分失望。希望會改進，但是我再都不會到此食飯了。