海皇漁港

營業中

休息中

呢日又嚟海皇漁港飲平日嘅下午茶 本身唔係特別想飲茶，但係諗起咁難得可以平日去就會抵好多！所以都去 最後$167埋單食咁多嘢真係好抵！一上枱即刻嗌個金錢肚，因為知道屋企要揀勁耐，而且呢個蒸要時間 之後阿媽想食七彩炒米粉， 26個八一碟上枱靚過平時好多！真係有好多色彩，對上一次假日食好唔靚仔的冇咁多材料紅棗糕都同時上枱！有一粒瞓低咗，但係唔影響佢味道，好香紅棗味煙靭口感又軟熟鹹菜豬肚下午茶特價18個八真係好抵食！超多厚身豬肚同埋鹹菜，唔會太鹹，亦都有啱啱好嘅胡椒味最驚喜係呢個19個八嘅白切雞米線，米線勁大碗，而且呢個係靚嘅走地雞，肉質煙靭有雞香味！ 超級抵食推薦今次放棄咗叉燒，雞蛋腸粉 試吓呢個鯛魚粉皮，食落幾有趣粉皮類似腸粉，但係就林少少🤏爛少少，入面極多材料！有蝦有肉有唔同嘅蔬菜 超大份夾抵食！不過再食之下發覺入面其實嘅餡料有啲似燒賣雜菜粉皮蛋，有啲肥豬肉有啲蝦，鯛魚只係勁少 我搵到一片仔特登影咗相🤣整體而言環境同服務都比假日好好多！廁所都乾淨啲，人少啲呀嘛🙂‍↕️💗呢次啲嘢特別難食得好滿足！

裝修咗一個月左右，咁啱我哋都唔得閒成個月無family day🙈大家都旅行搵吓去今日非常想飲茶，所以嚟到見到好多人要等位都冇諗住轉場照等啦都等咗差唔多一個鐘啊好多人！仲以為假期同埋裝修完會加價，點知都我下午茶特價嘅選擇等嘅時候去廁所 咁樣會唔會安全啲？果然係乾淨咗好多！裝修就靚咗少少，不過整體大同小異最緊要乾淨！同埋入去嘅時候見到原來好多吉枱，之後唔夠員工去執，啲部長都一腳踢啊我同好多食客一樣，成個過程都自助模式🤣🤣將就吓啦鮑汁鳳爪好腍好夠火候，阿媽就鍾意有咬口多少少，阿爸就好鍾意太硬 佢啲牙弱咗呀嘛，我都覺得幾好味嘅金錢肚六件美麗整齊嘅位置，底下有三件芋頭，應該輕輕走過油 金錢肚好味好滿足鯪魚球我覺得好味咗，唔會load咗好多油，底下墊生菜，我鍾意娃娃菜多啲，但係都唔錯， ！鯪魚球有好多蝦米同埋有陳皮味，幾出色嘅特價美食好彩變咗！叉燒切雞米線都好靚仔，叉燒有成五六件好靚仔嘅位置食到我哋捧住個肚走！雞翼都係新鮮嘅走地雞味道好滿足呀食得

預咗母親節質素環境時間等候都會比較較差，所以OK ！今日等位唔算耐，不過都滿場整體食物質素和平時咁好，呢個芥末下一個冇咁新鮮濕濕地不是太脆脆 入面嘅蝦都好似冇上次咁香豉椒斑球炒河好大碟好靚仔，呢碟就超水準，雖然平時都好靚叉燒燒鵝米線，叉燒勁肥阿哥勁鍾意，但係俾我就一舊都食唔到🤣米線勁大碗好正，燒鵝有髀位，但係得兩片有肉 唔啱我啲腌尖聲氣食🤣金錢肚今日好大件好好味，新鮮蒜蓉蒸鮮魷都有大概五至六件大大塊，底下有陳村透明粉好食牛肉球正常啦，不過不失，但係應該好多肥肉因為食到又油

平日飲茶真係平靚正，又唔會好迫好多人唔使等位，又好味，又平不過原來平日冇就咁嗌一個燒味粉麵，一定要嗌套餐！好奇之下同侍應傾偈講一講呢樣嘢原來話係有㗎 ！譬如切雞米線就係$38不過佢冇show出嚟咁樣下次就知道，因為我哋嗌晒嘢食了！皮蛋瘦肉粥啱病人食，食到個喉嚨好舒服好驚喜嘅質素！雖然瘦肉同皮蛋係好平，但係出面好多餐廳都唔會俾足你 鹹菜豬肚都好重胡椒味，有好多豬肚同埋鹹菜仲有炸枝竹！足料不過好似以前咁煲仔上就好啦金錢肚都好好味！好新鮮，不過今日個廁所就有啲問題，沖唔到水有啲污糟

真係等位超快，香港真係越來越少人喺度消費🥹 XO醬炒蘿蔔糕超大粒， XO醬香蘿蔔糕煙靭豉椒斑球炒河上枱美觀，蔬菜同魚嘅份量配搭得啱啱好，河粉彈牙好食上湯時菜好腍好好味係靚嘅菜心叉燒腸雞蛋 🍳皮厚，但係我鍾意❤️煙靭又不油膩，叉燒份量慷慨蒜蓉蒸魷魚好特別，因為底下嗰啲一片片透明粉口感好過癮，爽有彈整體而言食得好滿足！金錢肚亦都新鮮好味，不過佢咁新鮮就應該落少啲醬啦蝦餃大大粒，不過個皮可以軟身少少 🤏棉花雞有好多三嚿魚肚同埋一啲蘿蔔墊喺底，雞份量唔算好多，亦都不會少，仲有紅棗冬菇

難得放假，同最愛姨甥女去食飯，問姨甥女想食咩…話想食龍蝦伊麵，咁我地去左海王漁港食飯近屋企，我地3個人去到，同姨甥女睇魚缸揀做緊優惠$198/斤西澳龍蝦，2斤幾，然後伊麵加$68，芝士再另加$100，小朋友喜歡食便照加。先黎左個叫花膠腐皮豆腐煲$148，個煲打開蓋香噴噴，花膠腐皮豆腐冬菇都煮得入味，唯獨個 類似秀珍菇類酸左壞左，我見我地食左一半，費時叫人換，祗好夾起菇類沒吃。然後到左藍瓜子斑魚$168／1斤，條魚蒸得剛好，很滑，點埋豉油好味，條魚唔多骨，小朋友都食得開心。小朋友最盼望的龍蝦伊麵到左，但黎左個烏冬底，小朋友見到唔開心，因為佢唔喜歡烏冬，同原來一心係黎食芝士伊麵，個經理知道錯左都即時免左個伊麵費用，但小朋友難免會失落，我又唔想食餐飯去理論點解唔換俾我，小朋友又唔食，最後將嗰2斤幾龍蝦外賣帶走，埋單$918，這間食物質素其實幾好，可惜錯單。

復活節啱啱完，理論上應該返返嚟香港，點知等位都係非常之快！今日嘅質素比上一次好，可能冇上次咁快上菜，不過食物質素比較精緻，而且味道好咗！好似潮州粉嗰個皮，雖然比較薄，但係冇上次咁硬，入面材料都好豐盛點解鯪魚球原來而家得四粒大大的，如果有埋時菜鯪魚球選擇就好！而家鹹菜豬肚再唔係用煲上了，變咗用個兜仔，份量比較少不過好好味，新鮮彈口呢個河粉大件夾抵食，魚同埋蔬菜都好多件！三色椒份量，好充足叉燒包大大隻好好味！包皮鬆軟，又實在 阿爸好鍾意做即刻食咗兩隻叉燒腸都好多瘦肉叉燒好啱我食！阿哥就最鍾意XO醬炒蘿蔔糕，一上枱阿嫂都話咁大粒嘅🤣蝦餃質素都好好，煙煙韌韌入面有大大粒蝦不會撈咗好多豬油 真材實料服務方面都係要自助比較多😅因為自己斟水收碟仲快過搵人整體性價比高！

呢個清明假復活節假香港好少人，變相飲茶同嘢食上枱都唔使等好耐 其實呢種生活先舒服！冇嚟一排其實個Menu都差不多 特別想食叉燒，雞蛋腸！想食腸粉又想食叉燒，又鍾意食雞蛋就係一個好選擇！星期六日係記得冇大中細同價好大份好靚仔見到好多雞蛋！食落都有蛋香味，皮厚得來煙煙韌韌，叉燒份量都唔少金錢肚都好新鮮！每次都係穩定地五六件再剪啲蘿蔔，不過今日嘅金錢肚有啲薄同埋細粒呢間海皇漁港同埋隔籬嗰間燒鵝漁港嘅分別就係，星期六日呢度粉麵要加$10 㗎 ！另一間就加$3同點心一樣不過呢碗白切雞嘅雞係靚嘅走地雞味道，肉質煙靭得來有雞味堆食雞又要求嘅老竇都覺得唔錯潮州粉果就麻麻哋，唔算太大粒得來佢個皮非常之厚，同埋今次偏硬 入面嘅料都不多整體舒服，因為人唔多，廁所都乾淨啲！

今日同屋企人去海皇漁港飲茶，真係嘆到我一句「正」！首先話你知，佢個🐠百花釀魚肚，真係啖啖都意猶未盡，魚肚彈牙得嚟唔油膩，啲釀料仲好飽滿，每啖都咁juicy，好食到停唔到口。跟住試咗個叉燒腸，哇！叉燒熔口得嚟，肥瘦適中，完美融合喺腸皮嘅Q彈之間，真係「幾可以」！至於鳳爪排骨飯就經典咁包你飽肚，點心皇帝鳳爪啖啖肉，口感黏唔膩，排骨又香噴噴，入口即化，真係👍。而金錢肚就嘆到我眼前一亮，新鮮滑嫩得嚟份量足，食得我心情都舞熊起上！整體嚟講，今次飲茶，除咗所謂嘅「茶位貴三蚊」之外，味道、服務、體驗都係一流，真係「食在好滋味」。下次飲茶，海皇漁港定係我嘅首選，無錯過！😊🍽️🍵

今日係平日嚟呢度食個午餐先！平日飲茶嘅價錢比放假抵好多不過估唔到都要等位，茶皇廳等咗五至10分鐘，有個靚位，開咗菊花同埋人蔘烏龍茶每次必捱人蔘烏龍茶、不過今次好似冇平時咁好食除咗頭兩杯回金之後都冇回甘嘅感覺今日勁想食油雞，經過見到人哋嗰啲都幾靚坐低即刻嗌，最快上台果然好靚仔肉質亂畫，亦都非常入味好好味炒飯都勁靚櫻花蝦炒飯今次係最靚嘅一次！不過出街食就一定多油呢期好想食燉蛋燉奶，呢個燕窩鮮奶燉蛋原來係燉奶，咁仲好啦，我都唔鍾意食蛋黃🤣🤣不過一上枱就係凍嘅，而且超級超級甜冇咩奶香，雖然$28但係下次唔買金錢肚好味，但係呢個百花釀沿途今次勁差，好似賣剩蔗嘅蝦滑，將佢好孤寒地瞓成一片片，最後食咗好似冇乜感覺咁 $36比較貴，不過超想食，留心皮蛋呢期嘅牛筋變咗咖喱，不過唔覺得有咖喱味，不過係進步咗比上次好味因為佢冇咁甜走返鹹路線個湯都幾足料，而且唔會好油食到非常滿足！頭先唔記得講今次嘅上湯菜心超靚係靚菜心

因為另一間燒鵝漁港裝修，所以嚟呢間食，唔知係咪因為人哋都係因為呢個原因，呢日等咗超級超級耐，最後坐低係2:10🥲🥲但係我哋兩點已經嚟到等醬油抄手冇以往咁好食，因為啲醬已經唔同咗，不過都OK阿爸阿哥每人食兩粒腸粉好好味，因為三點幾已經勁肚🤣🤣不過佢都幾煙靭後面嘅鮑汁雞爪佢哋都成日食 質素穩定胡椒豬肚，自從上次嗌完之後成日encore，因為幾靚仔，今次都好多鹹菜同埋豬肚，唔會太鹹亦都非常嫩滑又胡椒粉足夠唔會過多叉燒包就正常酒樓質素鳳爪排骨飯，永遠都大件夾抵食今次試咗呢度嘅新嘢牛筋，甜咗少少，不過炆得非常煙靭幾好食唔下次可以落少啲糖

在香港，幾乎每一區都會有一間巨型既酒樓。而在我居住的馬鞍山區內，說巨型，其中的表表者就一定係《海王漁港》了。飲茶好，因為地方夠大，易搵位。擺幾圍好，因為要攞個房仔，無難度。唯一不好就是個場地 setting 只是為了街坊飲茶食晚飯而已。包場搞宴會，就麻麻了。是日，因為有親戚在外國回來，就包了房仔，擺三圍，宴請眾親友。那天，的確是擺酒咁擺。第一道來的就是鴻運片皮乳豬全體。這是先吃皮，後吃肉的食法。店員先來分每一人件夾包，包內就夾一片乳豬皮。自行加點醬來吃，又香又脆。其實，豬皮內亦帶有少許的肥肉，吃入口也帶有更味美的豬油香，確實是香口惹味。餘下的豬肉件，就自己夾了。我夾了帶有骨的一件，肉少少，有軟軟的骨頭咬下，味道很是濃厚。第二道菜，名叫 3.6牛乳澳洲龍蝦球。這菜式，個 base 就係一碗加了龍蝦汁既燉鮮奶，龍蝦的鮮味同奶混合了，味道不亞於芝士焗龍蝦。並因為有龍蝦汁，也有大大舊的龍蝦肉，令到整份菜式都充滿鮮味。再來是一份酒席常見的西蘭花帶子炒珊蚌。感覺很好的是，是日的西蘭花夠腍，而珊瑚蚌也難得地入味。生才多子瑤柱脯，是意頭菜。這次，用了生菜代替了髮菜，意頭一樣，味道亦可以說是更勝。因為生

今日有機會飲平日下午茶，記得好抵食，所以嚟食！三個人買單都係160十幾而且質素好好，廁所又冇咁污糟，因為冇咁多人侍應亦都冇咁忙雞蛋叉燒腸好耐冇食，我今日好想食！朋友就想食鹹菜豬肚，我哋平時少啲嗌，原來質素咁好成煲㗎 ！只係18個8+1村佢呢個設計米線都超抵！不過要自己睇清楚係咪俾啲正常嘅位你🙈有時好肉酸好似執頭執尾㗎 ！呢個雞髀位少少空就係完美好彩嘅話就會有紅棗糕，熱辣辣好正！嗰日掛住食成份金錢肚飽得滯淨係食咗一最片，而家睇返都好想食

闊別馬鞍山幾個年頭，萬象更新。適逢要熱烈慶祝家人生日，方便出入，就到同區吃晚飯吧！早在10年前，海皇漁港已薄有名氣，是區內群眾要吃點心、吃中菜的首選。很多競爭對手，不乏大集團旗下，又開又關，疫情期間更甚。看來只有海皇漁港屹立不倒。好友是中菜集團高管，常常受恩惠結伴試菜，本人因此可以說是半个中菜專家了。聽說長腳蟹市場今年競爭激烈，眾多酒樓也爭相推出，風頭甚至壓過大閘蟹。海皇漁港長腳蟹的口碑，是為人所知的。價錢比大部份主流中菜廳低，每斤便宜$50。味道，比其他競爭對手鮮。聽員工說，一個晚上能賣60隻。另外也點了龍蝦，中上。結論：價錢食物性價比區內第一。坦白說食物質素和西貢沒大分別，約便宜三成。地方乾淨企理舒適。要改善的地方：入座安排混亂、點菜下單混亂。不是天天來的客戶完全不知流程，坐下點，還是走出去海鮮檔點，完全沒有指引。員工也可能太忙吧，也給不了什麼meaningful幫忙。一個成功的餐飲集團要不同部門的配合和制度，加油！

好難想像等啲嘢食等咗好耐之餘，所有點心竟然冇一樣係熱嘅。唔夠人手係一件事，但係應該確保返食物嘅質素。本身間嘢已經唔係出色，而家加埋啲咁嘅質素真係好難再幫襯！可以執得。