海馬快餐店 (已搬遷) 新店位置

十分舊式, 沒有坐位的快餐店, 由行車路, 搬了入中間小巷, 新店有座位, 裝修光鮮, 但擺設少少混亂, 一半檯椅都拍了埋牆邊, 地方大了很多, 感覺都係唔夠位用…天漸黑, 下午茶尾聲, 落單, 係店內食, 沙嗲牛肉包+薯條+咖啡, $21, 咁既價錢, 堂食, 好難搵第二間吧…咖啡, 廚房已加糖, 咖味係淡d, 無問題啦, 茶記貨色係咁上下, 只要唔酸 (並唔係那種高級咖啡豆的天然酸味, 唔好誤會..), 都可以接受.沙嗲牛肉包, 底、面、內、外、全都烘過, 有誠意, 醬汁唔多, 好啱我口味, 但牛肉是”海綿”沙嗲牛肉, sosad ….. 十間茶記, 九間都係咁既水準, 無得救… 總係落粉醃到: 牛唔似牛, 肉唔似肉, 但好彩, 唔係用嚟配麵, “海綿牛肉”放麵包, 總好過放公仔麵, 連麵包一起食, 口感差極有譜.薯條, 剛炸起, 好難會唔好食囉… 皮脆內軟, 好過隻包好多…最攪嘢係, 等咗好耐先有得食, 等..等..等…等足25分鐘, 唔知今日攪嘜鬼, 全部都超慢, 唔單只我一個等, 大把客陪等..

已搬新鋪 地址未更改搬新鋪後 外觀整理好多食物質素冇下降到下午茶22蚊 加8蚊轉特飲邊到搵22蚊咁抵食？黎到海馬幫到你沙嗲牛米好多牛肉 米粉煮到剛剛好湯低非一般味精湯 牛油三文治火腿蛋 蛋夠滑身 吾會煮過火入邊還有大量火腿 七彩雜果冰同平時既雜果賓治差吾多個紅色素好多入邊有椰果 菠蘿 佔左個杯3分1 都吾少白汁海鮮炒飯 蛋炒飯做底 香噴噴炒到一粒粒 又有鍋氣加白汁海鮮 有魷魚 魚塊 洋蔥個汁炒出黎一流 加上炒飯食 好滿足呀配上一杯凍奶茶

今日趕住出門囗, 唔記得帶飯,唯有叫外賣啦!同事介紹下, 揀咗呢間外賣店.我叫咗菜遠牛肉炒河,凍檸茶;接電話個阿姐話由於繁忙時間,可能要等耐啲.都冇辦法啦,鬼叫自己冇帶飯呢.真係驚喜,居然只等了15分鐘,外賣就送到!仲以為咁快送到上黎,實唔方好食得去邊.但係出乎意料,碟炒河好夠"wok"氣,牛肉好滑,菜心亦好甜,不過,就略嫌多油,但以一般外賣店黎講,算得上是超水準!凍檸茶就一般,茶味唔夠濃,但勝在多檸檬!Overall,都算滿意.同事果然冇"Kwun"我,冇介绍錯.

剛剛搬過來紅磡,人生路不熟. 有街坊極力介紹我這些足不出戶的懶鬼叫外賣一定要試”海馬快餐”. 聽電話的阿姐非常好人!我不停叫她介紹我有什麼好吃!她也很有耐性的逐一講解. 當日我只叫了一碟星洲炒米,連湯,送飲品. 只一個餐也送! 沒有因為叫得少而晦氣! 星洲炒米很有鑊氣. 料也很足! 吃完後,飯盒也沒有太多剩油!真是一間有人情味的港式外賣店!

行行下街肚餓諗住事但買啲野返屋企食。就諗到試下呢間炒粉面店。入到去覺得間鋪好污jo好多油瀆,仲有幾個伙記食緊煙。咁我諗住都係拎走就事但啦。叫左個時菜排骨炒面, 鹹魚雞粒炒飯。伙記叫企出街等。一等等左二十分鐘, 之後我走埋去問,伙記問做左電話外賣單先做自取單喎。真係好笑。最後等左三十分鐘先等到兩盒外賣。同時,送外賣既伙記都返黎第2轉。條街又熱又多貨車,等到我出哂汁又吸廢氣。講講食物,  幾廿蚊大大盒係抵既,都好多飯好多肉。但係個面太鹹, 個飯除左鹹魚就冇味囉。overall comment:窮人恩物下次月尾或姐諗唔到食咩會再黎。不過只限電話叫外賣, 自取就咪搞啦。

一直有家專做外賣的快餐店在附近...著實不錯需要它時...它永遠在左右家人只愛親自到餐廳酒家用饍...不大愛叫外賣現在為了它...也多番破例以往只會在公司吃個優閒下午茶時...才想起它有天發現其晚餐形式改了...價錢雖貴了...但質素確大大提升近來每每太冷太累太懶...都慶幸有它 芥蘭炒牛肉 $40 班腩扒豆苗 $40雞扒包 $11喜愛這店的員工親切風趣...何其煩忙都不介意慢慢回答解說願意為本人作小改變...很多次都可以隨意配搭調動如下午茶餐雞扒包配燒雞翼...想轉為香腸也可...想加配亦可好像快餐牛扒火腿蛋飯...換為香腸都沒問題每次都能選到滿意的搭配...實在欣賞此店的彈性處理手法不用想就選定西湯...飯餐加羅宋湯作結...最圓滿羅宋湯不算高水準...但有其自家特色少不了椰菜的份兒...煮軟就好吃牛腩肉味濃...肉質鬆軟...兩塊就加分了此湯額外多添條狀的薯仔...不是所愛...也不錯吃芥蘭長時間焗在盒裡...竟沒變黑變老翠綠如初...每條都爽脆清甜別店現場也不一定吃到如此好的芥蘭...眾人都感意外牛肉肉質軟綿...未有用過量的粉醃過...算是很不錯初聽到晚餐有班腩扒豆苗...其

到朋友家吃晚飯，朋友叫了這店的外賣飯盒。四個人，叫了三個飯盒。滑蛋蝦仁飯：很多蝦，但是死蝦，完全無味。滑蛋有葱花，配上菇類，賣相不錯，亦頗健康。但沒什麼調味，味道太淡。鮮茄雞球飯：很多番茄及雞柳，配少量洋葱，加上茄汁味夠濃，很開胃。福建炒飯：西芹、蝦、肉片、菇類、甘荀片等，材料豐富，汁料不會太鹹，好味。每個飯盒$23-26，三個飯盒才七十多元，而且份量很多，味道也不錯，很抵吃。只是竟然等了一個多小時才有外賣，等候的時間實在太久了吧？！

依家已經好難喺香港搵到廿幾蚊有湯有野飲嘅套餐喇..雖然好食嘅貴啲都冇緊要..但係海馬真係又平又好味, 仲好足料tim~聽老闆講, 啲湯係唔落味精嘅..日日唔同款..所以買外賣真係要記得加埋湯啊~順帶一提, 海馬快餐店只有外賣..理大宿生哎仲有湯送tim~我經常哎嘅有..鼓椒斑腩反, 菠蘿生炒骨反, 炸菜肉絲炆米, 茄子掛骨反..野飲嘅檸茶同奶茶都好good~bad: 蝦醬時菜鮮魷炆米, mismatch的感覺

海馬都開左好多年而我家亦幫襯左好多年,以前無咁多人ge時候等半個鐘倒就會送到,而家就要成>60mins所以次次都係飽飽地就叫定,來到就會肚餓lol佢最特別就係只要up得出都會煮倒比你,我地試過西芹牛肉湯河, 椰菜肉片飯,總之張外賣單就任你combine,出來都係$25內, 抵玩今次食左: 西芹牛肉湯河(~$21) : 無食, 但應該都幾好食因為老豆次次都食呢類xd 魚香茄子炆米(~$23) : 鍾意魚香茄子就會覺得好好味 不過太大盒食唔晒其實海馬仲有個賣點就係d肉好似唔使錢咁, 成埋扒咁大! 當然唔可以expect d咩quality,但見倒都會幾開心會keep住幫襯ga!

其實本人嘅住址同 海馬 有啲遠...步行都要成十幾二十分鐘所以佢哋肯送嚟已經令我好驚喜我幫襯過佢哋嘅早、午、晚餐基本上全部都好OK特別強烈推介佢嘅炒嘢 (尤其炒飯) 好夠鑊氣、乾身...正！另外，魚香茄子飯都相當唔錯...值得返單！

聽講住响紅磡個Friend講, 話海馬係一間好味又老字號嘅外賣快餐, 於是乎今日趁放假專登走去試吓! 叫咗星洲炒米加羅宋湯, 等左足足15分鐘, 見仲未得, 咪問吓過伙記有冇漏單囉, 佢好不耐煩話多order, 等多陣啦, 上到個Friend屋企, 打開盒米粉, 聞到D咖哩味都几香, 点知食落發覺Ｄ蝦"霉" , 啲米粉又碎濕濕, 唉...... 真係有啲失望, 點知個湯...... 好浠同好淡 D湯又冇乜料, 不過, 一分錢, 一分貨 $30 有找, 可以有什麼要求？不過就冇下次嘞！

本人已經幫襯佢都十幾年喇~餐單上的食物差不都吃過,覺得午餐最抵,而且夠哂快(以前落單果個老闆都冇響度接call,以家阿姐接電話好急,背埋地址)個人推介有吉列朱扒/魚柳飯炒底(茄汁/黑椒),咖喱類都唔錯,黑椒牛柳c炒面,日式海鮮炒烏冬彈: 羅宋湯好唔定,週末外賣送來較耐,炸著條會焗到淋,某d外賣叔叔唔係咁禮貌...大致上都ok,會keep住食~ps: d朋友都試過,都讚唔錯,次次上我家都要叫,哈!

食過福建炒飯,很淡。牛扒飯都過得去價錢很大眾化而且外賣夠快聽電話好急-_-

同樓上果位人兄意見一樣，抵食夾大件，只可惜無堂食．老闆十分友善，它的黑椒豬扒飯和熱狗也是很好吃的．

呢間快餐店都幫襯過幾次, 可以用大件夾抵食形容... 始終都覺得西炒飯最好食, 入面足料! 但可惜無堂食, 只做外賣.