深水埗咖哩

營業中

休息中

有時路過見到幾多人，今日終於決定入去試吓，叫咗個2人餐再加啲其他嘢4個人唔使600 ，個個食到飽晒，算係幾底食。隔離有幾枱街坊客食牛扒餐，我哋都試吓食物賣相需然麻麻哋，勝在夠熱辣辣，味道很好啊😍2人套餐$145/$149(有餐湯)入面嘅燒雞肉好食，咖喱可以揀2款，今次揀咗牛舌，牛腩，牛舌切粗粒，夠嫩滑，正👍跟飯，NAAN，仲有2杯飲品洋蔥圈香脆好食Kebab 有幾款，今次叫咗羊雞mix都係好食牛扒餐$75有菜沙律，飲品，揀咗跟naan芝士菠菜賣相麻麻，不過幾好食，配飯或者naan都幾好其他食物冇乜特別但係都幾好食

用餐日期：2023/12/03用餐時段：午餐 用餐費用(每人）：$80餐廳環境：室內不少座位 冷氣足 檯與檯之間較近 人多時可能要搭檯 服務：服務員服務態度好 點菜上菜都快味道：點了Lamb Kebab+Masala Tea1: 前菜是印度薄脆+醬汁 這是店方送的 薄脆味道正常夠脆 2: 主菜點了Lamb Kebab$65: 有一大卷一分為二 份量足 但實物和圖片是完全不同 圖片是有烤餅包著烤羊肉片 不同色的菜 番茄 醬汁，現實是烤餅包著大量綠色的菜絲 少量羊肉 醬汁 餅烤得不算很熱 醬汁味道偏淡 羊肉也不是烤的 羊肉味道正常 羊味不重 有超多菜很少羊肉 整體味道還好 但絕對不是相中傳統的lamb kebab 貨不對版感覺3: Masala Tea$15: 味道正常總結：這家的餐點價錢合理 老闆識廣東話 職員服務態度好 但小心餐牌的相和實物不相同

很喜歡食咖喱的我又到處去尋找印度咖喱了。這一次，一家人出動，來到深水埗找食印度咖喱的地方。一早已經知道，深水埗的咖喱屋，好多都是平靚正之選，而是次早選中的，是一間叫《深水埗咖喱》的小店。中文雖正名是 "深水埗咖喱" ，但真正的名字就反映在英文店名佈內《Shaan Indian Restaurant》。同一般的印度、巴基斯坦餐廳一樣，一坐低就會給你一份餐前小食。呼之欲出的就是胡椒脆餅 (Papadom) 了。不會太辣的 Papadom，小朋友吃得很開心。尤其是教了他們點附上的醬汁吃，只要避開那些黑點 (完整的胡椒粒) 就不會辣了。之後是我們二話不說要點上的就是咖喱角 (Samosa)。咖喱角，好多時都是素食的版本，因為主要的餡料就只是青豆加薯蓉，當然，仲有咖喱粉在內，外皮酥香，內心有加了少少咖喱辣味的薯仔香，每次吃都好開心。當日，我們點的是四人套餐，所以這一餐可以說是份外的豐富。被視為頭盤的，有這一份串燒魚及雞 (Fish and Chicken Tikka)。印度的串燒雞，幾乎家家都會用上食用色素來增強美觀感，雖然是紅卜卜，但我地吃了多年都沒什麼事，雞肉的外層看起來好似好乾，但咬入口後

先比佢哋個poster 吸引我入去食呢個牛扒餐，心諗價錢唔過一百又有薄餅食，點計落都抵。叫咗半生熟，食落有肉汁有肉味，加埋有熱辣辣嘅薄餅同印度奶茶，好有特色，好食又抵食，下次會試試佢哋啲咖喱出品。

芒果乳酪 Mango Lassi（$26），味道淡咗啲。牛扒（$75），255g，包餐湯、飯/薄餅、沙律、飲品。標榜「香港最好的牛扒之一」。要咗五成熟，火喉控制得唔錯，肉質好~淋（鬆肉粉？？），冇咩牛味，反而香料味重；餐湯係好重胡椒味嘅忌廉湯；薄餅 (Naan) 熱辣辣好味。羊肉卡巴（$58），即叫即制，提供茄汁、芥末醬、沙律醬自助添加；羊肉份量足，沒有羊騷味；加上不少蔬菜，整體不錯。咖哩什菜配油鬆餅（$58），咖哩唔太辣，香料味唔重；油鬆餅亦都熱辣辣，脆脆哋好味。總括嚟講，呢一餐嘅感覺，似印度平民茶餐廳，價格相宜，味道正常，份量合適。PS：全日不收加一服務費

$72咖哩牛腩外賣，只有一小盒（大概350ml size), 裡面大約有4粒好細粒的牛腩和一粒薯仔（粒薯仔仲細過一隻普通麻雀size），咖哩汁水汪汪咁，好稀，味道好淡（雖然聞落好去好香），但冇乜咖哩味，應該話冇乜味，除咗聞得出係咖哩外，係食唔出咖哩嘅味道。好難明白一間由印度人主理的咖哩店賣的咖哩會咁嘅質素，而且份量少，正常叫一碟咖哩牛腩飯都一定多牛腩同薯仔過佢，感覺上好似俾人呃咁，感覺不良好，絕對不會再幫襯。

牛扒225G+湯+飯或薄餅+沙律+飲品 $75 🥩。食得出唔係注脂牛或者合成肉 。我食五成我朋友食三成切落去 D 肉汁多到呢💦 。個野飲我叫左玫瑰奶昔 🌹。都幾甜既同埋好香玫瑰味但個味有 D 假 ?? 因為我黎緊會講我響重慶大廈食左咩 。所以我覺得衣杯個 comment 係咁樣😂🤣😹 。跟住佢個沙律係普通椰菜生菜絲🥗 , 佢會比三款醬你自己落 。有番茄醬🍅芥末醬同沙律醬 。但個沙律醬我 up 唔出有咩怪 , 太水 ?? 🤔 冇味 ?? 但個番茄同芥末醬係正常味道黎既 。弓左成份餐最後一樣喇 , 飯或薄餅我地就揀薄既🍚 , 食飯自己煲都得啦🤭 。佢係會有埋個咖喱比你點既 , 但係甜既一 D 都唔辣既 , 有小小椰香味既🥥 。至於個湯 , um.... 🤢 下次可以唔洗拎過黎 , 係胡椒粉加雞粉加水既湯 ? 個湯係咸既個底有 D 一舊舊胡椒粉定唔知咩粉 。羊肉薄餅$2x 。其實食成份餐都好飽咖喇 , 但又想試佢多 D 野喎 。佢衣款冇野點既 , 個薄餅 D 肉係夾響中間既 , 同埋係碎碎既 。但就唔係好 feel 到羊味同騷味 。唔記得左巴辣羊肉定印度香料羊肉 🐑$72 。個羊係冇脂肪既

🍴牛扒 225 g 🐂包餐湯 薄餅 or飯 及飲品湯好夠胡椒香 帶 d米漿味 幾特別 薄餅比較厚身 包味香 熱辣辣🍞牛扒足料 五成熟 幾夠牛肉味 點乳酪醬 茄汁 芥辣 或咖喱都唔錯飲品加20 蚊轉左 mango lassi幾香芒果同奶味 甜度適中🥭 🍴香料炒飯 28 蚊🍚望落去白色但味道夠香 飯粒比較煙韌 同咖喱一齊食唔錯 🍴咖哩牛脷 72 蚊🐂有軟林既薯仔🥔 咖喱味香濃 帶 d辣惹味 牛脷厚切夠彈牙 好味#牛脷 #印度菜 #咖喱 #薯仔 #炒飯 #薄餅 #奶昔Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#深水埗咖哩深水埗欽州街56 號明輝大廈地下 b鋪~~~~~~~~~~~~~~

原來西九龍中心對面間深水埗咖哩都係黃店，真係估佢唔到，一於走去幫襯下。一入到去，見到成間店都係南亞裔員工，就當自己去咗旅行，你話幾好呢😆？呢度嘅午餐非常抵食，有湯有小食有主菜有飯有烤餅仲有汽水，加埋都唔使五十蚊😱。味道方面，主菜嘅咖哩牛腩咖哩味較淡，唔太食得出咖哩嘅濃香，不過牛腩尚算煮得軟腍入味；餐湯有少少雞絲有少少紅蘿蔔絲，味道有少少奇怪，又有少少似用黑胡椒同味精粉溝出嚟嘅忌廉雞湯😂，唔可以話難飲，但亦唔算得上好飲。成個午餐，最好食嘅係小食胡椒脆餅（papadum）同沾咖哩嘅印度烤餅（naan），前者點薄荷酸汁食，開胃惹味，後者熱辣辣充滿麵粉香氣，好食👍。

肚餓，突然想食d特別既野，於是入咗去呢間咖哩。因為大把位，唔洗等位。望一望menu, 價錢算平，侍應招呼好好。很快上菜，可能行左成日山，好肚餓，好快食晒。味道其實不錯，但有人投訴中辣唔辣。烤雞好夠獲氣，其實重點係佢哋既汁都整得幾好味。4個人食左唔夠300蚊，晚市來講算平了。回家後，4個人有2個人肚痛，我諗食物唔夠乾淨。

平時食開隔離間自助牛排店既，今次唔知撞邪定乜嘢，見佢呢間扒餐有湯有naan有飲品咁就去試下。諗住衰極未好次茶餐廳嘅雜扒餐，點知 畀我遇到有史以來最難食嘅牛扒 我從來都唔寫食評嘅 今次真係頂唔順為咗佢要開個account。 接單嗰陣時會識得問你要食幾多成熟 不過係多餘嘅， 我同佢講要三至五成 佢竟然唔知牛扒係應該咁先好食。個刻我已經心諗有伏。等塊扒嘅時間先上一個湯，兩塊naan同一小塊papadum. 塊papadum係唯一似樣嘅食物，naan係pre packed唔係師傅做嘅，冇乜点烘到，叫做有D暖，湯係沖到好淡嘅罐頭湯。有兩個sauce比你點，一個應該係 yoghurt mint sauce用黎點papadum不過廢嘅，搵D mayonnaise 黎呃你。大兜既係咖喱汁點naan bread，味道叫做分得出唔係中式咖喱，偏淡，食唔到印式用好多香料嘅層次感。到主角出場，第一眼，個心就已經大大個吊字，只可以用一條未扭乾嘅舊毛巾去形容呢條野，根本同佢哋相中物1%相似度都無。求其攞條炒菜用嘅肉就叫做牛扒。唔知佢地用咗乜野高超嘅烹飪技術，呢條嘢竟然可以做到食落去又鞋又乾不過望落去係濕嘅。最後都

本想要用app order因為有餘額,但見到個餐牌發覺app外賣貴過堂食自付,決定堂食自付。要了Chicken Tikka, 有6件燒雞,味道不錯肉質尚可要咖哩雞少辣雖然少辣但都頗辣,雞肉尚可但還是喜歡薯仔多些。要了Naan Bread, 個人不太喜歡厚身麵包,所以覺得一般Take order 有點慢,接order 及cashier是同一人,叫餐要等他收完其他客人錢先可take 我們order. 尤幸食物來得頗快,即叫即到。

喺香港想食到正宗印度咖哩，好多人都會諗起重慶大廈。但其實喺深水埗鬧市中（西九龍中心／警署對面），亦有一間鮮為人知嘅印度咖哩屋。店員清一色都係印度裔背景，但廣東話絕對係十分地道，而食客亦以香港人居多。燒烤雞配薄荷醬烤雞係印度菜中不可或缺嘅一環，好多時喺其他印度餐館食到嘅烤雞有機會會有比較乾身同「鞋」口嘅情況出面。但深水埗咖哩嘅烤雞肉汁都尚算豐富，而味道亦唔會太濃或太淡。唯一要挑剔嘅係薄荷醬實在比較淡，未能夠帶出烤雞嘅香味。咖哩羊及咖哩牛 配薄餅作為一間咖哩屋，喺幫襯之前都對佢嘅咖哩唔多唔少有一定期望。不過愛好印度咖哩嘅朋友可能會失望而回。咖哩色水上雖然不錯，但味道除咗非常淡同稀之餘，亦無一般印度菜嘅濃厚香料味。可能廚師為咗配合香港人嘅口味而將味道調淡，卻失去咗最原有嘅印度風味。牛羊味亦絕唔突出，只能講係非常普通。薄餅而言亦只能夠算係不過不失。整體而言，比起一般印度餐館的確味道較淡，如果重口味嘅朋友可能要比較注意。味道 ⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️

好耐冇食印度菜，今日成家人嚟到老竇介紹嘅深水埗咖喱，位置容易找，就喺正警署對面。餐廳裝修樸素，係比較舊式嘅餐廳，但係位置坐得尚算舒服，衛生正常。我哋一行四人點左個三至四人套餐，已經包左燒烤、四款印度咖喱、烤餅同印度白飯等等。等咗大概15分鐘左右就一次過上晒成個套餐，有效率。食物分量以三至四人來講尚算合適，可惜食物質素就麻麻哋啦。燒烤雞魚燒烤雞完全冇味，燒烤魚就有少少腥味。後來叫店員拎左一隻薄荷醬俾我哋點，點黎食個味道就好啲，起碼蓋得住陣味。咖喱雞/牛腩/羊滿心期待嘅印度咖喱，應該係充滿香料味道濃郁，點知哩度淨係望個色都睇落好淡，好水汪汪。果然用烤餅點咖喱汁食都冇味道，質地水汪汪到唔會粘到烤餅，好淡好淡，咖喱雞食落又係白灼雞味，同我以前食過嘅印度咖喱好唔同，印度菜出名香料多，哩個仲淡味過平時食嘅普通咖哩，認真失望😞。印度烤餅份量多，烤餅質地軟糯，仲聞到少少炭烤味，算成個套餐比較好味嘅。凍奶茶套餐包埋基本凍飲，穩陣起見叫咗杯凍奶茶，雖然唔係印度奶茶，不過味道偏甜，得好重奶同糖味，個人黎講唔係好飲得慣。整體來講依個價錢3-4人食到咁飽係幾抵，只不過味道方面有待提升，始終印度人親自主理，會有更

話說今日有啲時間，趕去深水埗食黃咖喱買黃色旅遊電話卡呢間咖喱唔駛排隊，你知啦，我呢啲老人家的身體，排長龍留比後生排，我哋食啲黃得唔駛排既老實說，味道唔錯，雞都可以，唔差，係唔夠辣，點知，食到水尾先知辣度原來有得選擇。下次會醒目啲🤣🤣🤣