滿屋日本料理 (大埔超級城)

營業中

休息中

想飲飽食醉日本嘢，朋友係街坊黎，話呢間放題質素甚高，所以最後就揀咗食放題😎經典放題任食套餐 $278 ，除咗qr code 落單外，現場有炸物同涼拌自取區，下次想升級多一個grade,因為見到人地食海膽食得好開心😂-食放題就最驚將價就價，最驚遇到食刺身未退哂冰或者唔新鮮，但大埔滿屋絕對係高質！刺身三文魚、油甘魚厚切，新鮮肥美，大赤蝦鮮甜大大隻，真係忍唔住enocre多次，就咁食刺身都抵🙈 拖羅蓉魚子醬帶子杯必食！壽司方面，花之戀、劍魚腩、鹽燒左口魚壽、海膽手卷都屬於驚喜之作！ 炙燒後既左口魚入口即溶，油香洋溢，劍魚腩油脂清香，不論賣相定味道都屬於中上，放題除咗汽水/樽裝飲品外，啤酒都係任飲！-餐廳熟食方面都出色，鍾意食西京燒嘅朋友一定要點，黑鱈魚🐟肉質細緻，魚肉帶有淡淡白味噌甘甜味，超滑！生蠔燒後依然保留蠔汁，加上蒜香濃郁，鍾意惹味既朋友要食呢個蒜蓉燒生蠔！鮑汁燴花膠一啲都唔吝嗇，大大件花膠炆得好腍又入味！-最後我以冷熱榴槤及相思雙皮奶作為今餐嘅甜品，可以食榴槤嘅放題實在太幸福了！！！😀😀😀-

大埔高質日式放題約左大埔的朋友今晚食日式放題，放題任飲任食2小時,$298/位，有加一服務。餐廳裝修新潮，座位寬敞舒適。自助冷盤有泰式鳳爪、海蜇、中華沙律、壽司薑、薯條、沙律菜及熟食……等，刺身、壽司、串燒、一品料理、燒物、廚師推介、天婦羅……，嘩！食物多款式之餘，還有甜品飲品及水果……等，任飲任食。壽司都叫了多款，芝士軟殼蟹卷、特濃芝士醬燒皇帝蟹棒壽司、鰻魚玉子燒、熟芥辣八爪魚軍艦、榴蓮加州卷鵝肝壽司、火炙海鰻壽司……燒物及炸物也有多款式，非常香蒜味的蒜蓉燒生蠔。自家制吉列炸蠔，外皮酥脆。芝麻雞翼、雙思雙皮奶、燒新鮮菠蘿……，尤其喜愛芝麻雞翼肉嫩皮香😍香甜的蒲燒鰻魚、極香魚味的西京比目魚，肉質細嫩香！鹽燒雞翼、鹽燒雞軟骨、鹽燒牛舌，牛舌煙韌有口感，經燒過特別香！燒羊鞍，面上還見到很多調味料，帶有烤羊肉的香！秋葵天婦羅南瓜天婦羅。可愛的麻辣小龍蝦，細細只很惹味！BB乳鴿香軟又入味！還有馬來西亞冷榴蓮、馬來西亞烤榴蓮，我愛經燒過的馬來西亞烤榴蓮，口感多了一重烤的香味！滿屋雞煲，細細煲，就算是放題，質量也不錯，雞肉入味嫩多款的甜品及雲呢拿雪糕，焦糖雪糕，滿足🤩😍～～

滿屋係我一直覺得係全港最高性價比，而食第亦非常高質新鮮嘅一間放題，出面放題冇得食或要加錢食嘅高級食材例如海膽同鵝肝，呢度一個好親民嘅一口價就已經可以任食。夜題好少可樣樣都好食，而呢間放題就兼顧到每一樣美食嘅水準喇。先講講刺身拼盤，每樣我都會叫少少試下貨，而每一樣都冇令我失望，當中視乎個人口味，我就極愛蝦刺身，阿根廷大紅蝦又肥大又鮮甜，而甜蝦同三文魚，我就推介一個最緊網紅好興嘅新食法，拎碗泰色酸辣汁即場玩泰色生醃海鮮，又軟糯又提鮮又惹味，食指大動！前菜亦都好有誠意，好多自家制美食，手拍青瓜、脆腸、筍、仲有鳳爪都好開胃好爽口。而飲品方面，冷飲櫃都好多款式，仲有梅酒同清酒飲。而手卷亦有好多極上之選，吞拿魚蓉、海膽、三文魚籽等等，細細件，一啖一件，完美體驗海之幸的鮮美幸福感。每一口都心花怒放！熟食有幾樣必試，第1係乳鴿，脆皮多汁肉嫩，同酒樓食一樣咁正。第2係牛肉烏冬，細細碗唔怕哂QUOTA，牛肉係安格斯級數，好濃味，個湯底好有牛肉味，想飲埋佢，而烏冬亦係稻庭風嘅，高質呀，有啲想食多一碗。第3樣係串燒牛舌，偏厚切，燒得恰到好處，香口得來有肉汁，食完一串又一串。最後1樣係芝士年糕，食左咁多好野有D

滿屋日本料理👻朋友住新界區一於同佢係依邊搵好野食好耐無食放題就揀咗依間滿屋幾好食有驚喜八點半後入座仲有優惠再抵啲食到好飽又飲到好滿足🤩.🔅刺身拼盤除咗基本既三文魚油甘魚仲有大赤蝦赤貝同埋劍魚腩厚切既刺身新鮮又夠凍最鍾意佢份量啱啱好食哂再加單唔使怕一次過比好多🔅燒羊鞍 燒大蝦 鐵板牛扒燒羊鞍幾好食羊味夠出又唔會太羶唔會煎得太熟唔錯鐵板牛扒幾特別好少見放題有得食可以隨喜好睇下想燒到幾熟😆🔅海膽手卷 三色蟹軍艦海膽好出色！本身都會預會好高質估唔到咁好味又新鮮我地加單加咗好多次🤭三色蟹軍艦有蟹肉蟹籽蟹膏三重口感都幾唔錯🔅天婦羅 吉列蠔天婦羅南瓜同番薯都係必食新鮮炸起熱辣辣吉列蠔都會飽滿大大隻🔅甜品區飲品區除咗落order之外仲有啲前菜同甜品可以自己拎仲要有haagen dazs雪糕任食添酒類又有啤酒梅酒清酒鍾意飲酒既一流😛.整體來說:抵食放題 性價比高😚.🎈 滿屋日本料理 (大埔超級城) (大埔)大埔安邦路8&10號大埔超級城地下542-548號舖

自從生日飯後就無食日式放題，難得就到朋友時間，當然要食翻餐，今次來黎到滿屋日本料理放題。哇，無唸到日式放題發現有朱古力噴泉，氛圍歡愉！自助區有冷盤小食前菜、沙律、飲料，甜品水果都係自取，其他 QR code 點餐！一起品嚐有咩美食先海鮮刺身海膽口感軟糯 鮮甜，大部分刺生好新鮮尤其牡丹蝦大隻又鮮甜，建南魚也好吃😋！燒物日本蕃薯香甜好食, 菠蘿同樣甜蜜多汁。河蝦肉嫩鮮甜，雞軟骨够脆！炸物即叫即炸熱辣辣,香脆沒有過油膩,必食肯定係例牌炸物天婦羅蝦、南瓜、炸鮮奶、炸雞翼和紫薯各樣熱烘烘，乾身,非常鬆脆，外層薄，紫薯味道不錯，甜而不膩！小炒 豉椒炒蜆 唔算好大隻,勝在鮮甜入味最後唔少得甜品櫃入面大約有十多款選擇,也有水果，品嚐埋 Häagen-Dazs 雪糕好滿足！

滿屋日本料理 (大埔超級城)📍大埔安邦路8&10號大埔超級城地下542-548號舖外甥剛剛考完個DSE，一早已經答應左佢，考完請佢食返餐好既。佢聽D同學講，大埔既滿屋放題好好食，我當然係樂意之極。個乖豬話佢早餐只食少少，諗住留肚黎滿屋試盡過佰款料理，閒日既午市好抵食，只需要$258/位，小童係按高度算，140以上需要按大人收費，應該既，乖豬食量本來已經大過我。我地清楚收費後，已急不及待就座，餐廳採用QＲ落單，上菜好快，琳瑯滿目的食物，樣樣都想試，好彩佢可以１件１件既點，先至可以試多幾款。紅咖哩軟殼蟹伴海蝦，個汁好惹味，軟殼蟹大大隻，炸得好香口，外脆內裡肉汁滿滿，海蝦都唔細，肉質爽嫩，好鮮甜。冷鮑魚搭配泰式調味料，鮑魚好新鮮好爽口，個汁辣得黎好過癮。羊架燒得好香，有點羊臊味，喜歡食羊既會明白。手卷、軍艦同卷物好精緻，細細件，啱哂眼闊肚唔闊既我們，紫菜好脆好好食，刺身好新鮮，帶子同赤蝦，十分鮮甜。天婦羅包括秋葵, 虎蝦, 南瓜, 整體外層炸得脆身香口。甜品都有好多自家制作款式，奶凍糕點水果任取，雪糕款式都有十多款，食得太HIGH同太飽，走既時候居然唔記得食雪糕，真係要搵日去食多次先得。

大埔嘅高質放題，一入門口就見到朱古力噴泉同糖果區，仲有沙律吧雪糕櫃。呢度簡簡單單都每樣幾款。飲品都超多款，啤酒都任飲，仲有燒酒😛酸梅湯。叫咗個最普通嘅A餐，開餐之前通常會叫個熱辣辣嘅鍋物打下底先，叫咗個肥牛粉絲鍋食完即刻暖胃開始作戰。另外都有啲鍋物,有卜卜蜆、蟹粥。魚生都成十幾款,三文魚同油甘魚都喺厚切肥美的,仲有阿根廷赤蝦,超大隻好好食,啖啖肉，仲有杯杯吞拿魚蓉。另外特色嘅泰之味冷鮑魚都好推薦。燒物都好充足,有燒菠蘿、牛舌、羊鞍、薄牛肉、生 蠔、等等.......今次佢嘅燒菠蘿真係好正，唔知係咪因為啲菠蘿夠甜，前前後後真係叫咗成打，另外佢啲燒物真係比較出色，天婦羅都好正，總之就雞軟骨都叫咗12串，然後就係瘋狂叫天婦羅🤣

中肯啲咁講：真係唔對口味我哋叫$418 set母親節去呢度慶祝，但唔符合預期。之前都有幫襯過幾次，覺得唔錯，因為母親鍾意食魚生，所以帶佢嚟試吓，點知感覺係失禮嘅。🥴位置逼夾、款式唔多、食物質素差吞拿魚蓉/刺身入口係未溶雪嘅長腳蟹第二輪唔知係咪未啤夠水，非常死咸其他熟食好似牛肉鍋、炒蟹都係好咸😮‍💨我哋坐咗入邊角落位，成晚有八成時間都係要我哋自己伸手去接食物，因為侍應根本行唔到入嚟放上枱😪先唔好講佢完全比唔上其他同類型嘅放題餐廳，就算我唔比較佢都完全對唔住個價錢人生中食得最唔抵嘅飯，呢到都算數一數二。當晚全場好多人食嘅，可能得我同屋企人有呢個感覺。但係仲考慮緊嘅你哋，可以再斟酌吓。希望香港餐廳可以爭氣啲～

嚟得都係貪佢一個價錢食哂刺身呢度嘅刺身、壽司、串燒，炸物~ 雖然我哋為慳錢揀咗最平嗰隻set，仲要8點半先嚟食（$278），但都包咗啲貴少少食材，好似北海道帶子同阿根廷赤蝦刺身, 仲有海膽手卷咁，仲有無上限Haagen-dazs, 啤酒同梅酒都任飲，真係超抵玩~ 環境企理乾淨 坐得舒服 上菜速度快～忍唔住讚~ 1) 刺身Top 4: 劍魚腩 / 油甘魚 / 阿根廷大赤蝦 / 酒煮榮螺片 新鮮肥美，好滿足，encore咗兩轉~2) 壽司Top3: 鹽燒左口魚 / 白松露劍魚腩 / 海膽手卷係驚喜之作！尤其白松露劍魚腩，松露香四溢~創作類壽司拖羅蓉魚子醬帶子杯都好得意3) 熟食Top5: 羊鞍 /西京燒比目魚/燒乳鴿 /燒牛柳粒出色~ 魚嘅肉質細緻順滑~ 牛柳粒燒完仲好juicy，夠鑊氣~ #香港放題#大埔放題#刺身#壽司#燒物

🌟滿屋日本料理呢排食放題食上癮 見佢近近地又有啲新菜式就同媽咪黎試吓 平平地食個a餐而家仲可以任食Häagen-Dazs雪糕同Movenpick 雪糕添😱刺身新鮮鮮甜 自己中意呢到嘅帶子同油甘魚 encore左好多次 榮螺都好正✨榴槤加州卷上面有一pat榴槤醬 好濃郁 創新壽司黎講都幾好味✨bb乳鴿熱辣辣 皮脆不過肉偏少～中意食就叫多幾件😆✨紐西蘭西冷牛扒呢到都可以任食 牛肉唔會好un 🤪✨燒菠蘿好甜好juicy 😆見親有都要食食飽飽就食甜品 女人有第2個胃🤣🤣食左3杯雪糕

前幾晚去左大埔搵朋友，又去左大埔超級城既滿屋日本料理。呢間野真係抵食得來又高質，而且好多野食。平日夜晚既經典A餐，每個人只需$298，已經可以食晒75款美食，而且早鳥同晚餐仲有更優惠！真係超級抵！首先，佢哋嘅刺身選擇真係好多，例如有鮑魚、三文魚、甜蝦等等，材料好新鮮，口感鮮美，相當好味。燒物方面，我最鍾意燒羊鞍同埋蒜蓉燒生蠔，仲有蒲燒鰻魚！肉質鮮嫩，燒得剛剛好，散發炭燒香氣，簡直係超級美味！另外炒蜆都係值得不停加單👍🏻除此以外，竟然仲可以任食鐵板西冷牛扒，平時夜晚出去鋸扒平平地都百幾至幾百蚊，係呢到可以任叫！另外當然仲有壽司、串燒，炸野等等啦，但食物方面實在太多，介紹唔晒。而飲品方面，大量酒精同普通飲品任飲，比較特別既係，呢到竟然有沙士汽水，平時香港好少見到。另外，清酒同梅酒都係任飲。最後一樣令我地加分既位就係雪糕，呢到既Movenpick同Haagen-dazs係無限供應，可以自己出雪櫃任拎任食，真係食雪糕都回本。環境闊落乾淨，價錢又合理，加上食物又高質， 可以同朋友慢慢食慢慢傾。如果你都係鐘意日本野既話，強烈推薦！

滿屋日本料理（位於大埔超級城）是一家以日本料理自助放題為特色的餐廳。滿屋：彷彿整個空間都被美食填滿了一樣。刺身、壽司、燒物、炸物，還是其他一品料理. 侍應服務周到。上菜速度快。//刺身點三文魚，大赤蝦、鮑魚，帶子蟹柳，油甘魚等等，食得非常過癮！//清酒、梅酒和啤酒等….任飲。特別提供一般放題少見的朱古力噴泉.爆谷機及棉花糖機//刺身新鮮。生魚片厚切呈現，品嚐到魚的原始鮮味。//自助冷盤有：泰式鳳爪，中華沙律、小蕃茄，魚皮，蔬菜沙律等等。//我們另叫燒波蘿、燒羊鞍、牛柳粒，B B乳鴿，各俱特色，乳鴿脆香入味、牛柳粒嫩滑。//鵝肝壽司超好食。//南瓜，老虎蝦天婦羅炸得剛剛好//菜心極嫩，還有惹味蒜茸燒生蠔//還嘗試幾款茶包，飲了清酒，梅酒，甜品🍧也不錯，雪糕、布甸，等等，已經非常大滿足//鮑汁燴花膠炆得腍入味//多款甜品.雪糕.

喺大埔嘅呢間2個鐘任食放題性價比勁高😍 佢哋有好多款食物可以揀，包括冷盤前菜🥗、魚生🍣、壽司🍱、創意壽司🍣🎨、手卷🌯、卷物🍥、串燒🍢、一品料理🍲、燒物🔥、煮物🍲、甜品🍨同埋酒水🥤魚生同壽司好新鮮好好食 每一塊生魚片都好嫩 完全唔似一般放題嘅質素 我哋無限encore呀😋除咗傳統嘅魚生同壽司 佢哋仲有好多創意十足嘅創作壽司同手卷🍣🎨🌯 有啲仲會加入特別嘅醬料或者配料 味道好獨特😋 而手卷都係即叫即做😍另外 佢哋嘅串燒都好出色🍢 肉質鮮嫩多汁 烤得剛剛好 外面焦香裡面仲保持住原汁原味🔥 仲有其他嘅一品料理 連花膠都有啊！🍲對於甜品控嚟講 呢個放題餐廳嘅甜品選擇亦都唔少🍨 不論係傳統嘅日式甜品定係創意嘅甜品 你都可以喺度滿足到😋 最令我驚喜係佢竟然有榴槤雪糕 而且佢哋仲有朱古力噴泉🍫🌊 真係又好好食又好好玩💕值得一提嘅係佢哋連sake都係任飲😍🍶!! 飲多幾杯即時抵晒😆😆😋晚市 星期一至四 💰$298星期五、六、日、公眾假期 💰$308 滿屋日本料理 @manya_japanese_tp📍大埔安邦路8&10號大埔超級城地下542-548號舖#hkfoodie #香港美食 #hkig #hkf

到訪朋友家順道晚飯，沒想到竟嚷著要吃放題那麼heavy，朋友力推食物選擇多又抵食，那就試試吧！一家在超級城C區的日式放題餐廳，幸好有地膽同行，否則要花點時間找，因餐廳在商場的外圍，商場內是沒有入口的。兩小時的日式放題有多個不同食物組合選擇，不同時段又有不同收費。選了最抵食的A經典放題，有75品。包括了刺身、壽司、手卷、天婦羅、串燒、煮物等，可以自行以手機下單。放題枱上有前菜、沙律、冷盤、熱葷、炸物等。飲品方面有一列盒裝及罐裝飲品櫃，還有清酒、梅酒和幾款茶包可供選擇。甜品方面有各式雪糕、甜筒、雪條、蛋糕、布甸、朱古力噴泉、各式糖果和一些日式糕點等。雖然A放題是最少食物選擇的，惟個人覺得選擇不算少，當中北海道帶子刺身、大赤蝦刺身、海膽手卷、西京比目魚都新鮮味美，翻點多次！雪糕方面更有Häagen-Dazs和movenpick這類優質品牌可選，覺得物超所值。要讚一下以手機下單的食物很快便送上枱，沒有拖延或漏單的情況。室內環境不錯，被安排了相當闊落的卡位，滿意。服務方面亦有禮、勤快。

滿屋日本料理今次約咗大埔朋友食一間「滿屋日本料理」放題店，呢間放題店今年年頭喺荃灣食過，嗰時仲有榴槤、燒榴槤同炸榴槤球食，不過今次無哂榴槤，得返一款加州卷有少少榴槤肉，下次再任食個榴槤，橫掂依家榴槤唔係當做，食其他野都係一樣，我哋就揀咗$268加一呢個任飲任食，任飲有罐裝酒、罐裝汽水、清酒同梅酒等！呢間放題店門口係有一級，如果輪椅人士要入去食嘅話，一定要記得自備斜板，不過入到去接待處通道好窄，我都係啱啱好入到去，要L型行入店入面，駕駛技術差少少都未必入到去，真係要小心！推介以下食物：1.大赤蝦（9.5/10）好新鮮，蝦肉好甜好厚身好大隻，非常正！2.挪威三文魚（9.5/10）好新鮮，三文魚好厚切，非常正！3.油甘魚（9.5/10）好新鮮，油甘魚好厚切，非常正！4.泰式鮑魚刺身（9.5/10）好夠辣，算大隻，鮑魚好爽口煙韌！5.鹽燒左口魚壽司（9.5/10）燒過嘅左口魚入口即溶，口內充滿魚油香，正！6.榴槤加州卷（9/10）店入面唯一一款熟食有榴槤就係加州卷，加州卷上面加咗少少榴槤肉，如果有埋一舊舊榴槤同炸榴槤球仲好！7.BB乳鴿（9/10）個乳鴿燒得好香，外皮好脆，咬落有肉汁，肉質嫩