漢堡王 (已結業)

今日同寶貝出去行下睇PRINTER~睇睇下寶貝話要坐底研究研究..於是就唻呢到打等~喺呢D場合,對快餐冇咩要求的我就比較中意試新野, 就決定試佢的至尊鷄腿堡, 寶貝就叫佢個芝士煙肉孖堡至尊鷄腿堡 配粗薯條 – 話晒都係新野, 佢D料一定足好多.整體黎講張相有既佢都有,而且相當新鮮(D菜), 鷄腿咬落就麻麻地,有點乾~且太薄冇乜口感,對粗薯條唔會有任何要求同期望~但求佢夠熱,可惜唔知係咪天氣凍,所以一D都唔熱~就連微暖的感覺都欠奉~! V_V芝士煙肉孖堡 配甜薯格 -芝士孖堡整體睇落去比一般的漢堡包仲一般,差少少連甜薯格都大份過佢~入面煙肉只有三小條~寶貝超級唔開心~佢話:以快餐黎講呢到既價錢連出品可算係中上的,單買個包要 $30 但質素居然係咁~!完全唔值呢個價~!! 甜薯格仲離譜,凍的~~ 如果唔係親身試過~真係以為目前係買外賣拎住行左半個鐘~..總括黎講…呢餐真係好失望…但願佢地可以有所進步~~

廿四號公司有得放早，午餐就在途經的上水廣場解決。到處都要等位，burger king算是勉強找到枱嘅，就係到要個餐醫肚。要了UFO安格斯牛肉漢堡餐，配上芝士球六粒和中杯雪碧，盛惠49.8。賣相不錯，包厚厚的，雖然半温，但都係新鮮做起嘅。牛肉好有肉味，又有肉汁，加埋半滆芝士混茄汁，同脆口嘅煙肉加炸過嘅洋蔥粒更添口感。個包就好滿意啦，但個芝士波一般，張單講到明係六粒，但店員拎個陣跌左一粒又唔比返。個皮太厚淨係食到油炸味，無芝士囉。汽水感覺上比m記細杯？但至少係小冰嘅，無呃人。其實食野嘅人唔多，只不過係啲拖行李嘅人霸哂啲位擺野同僕係枱瞓覺，見店員無奈又唔話得佢地，真慘。

某日經過burger king看到早餐很吸引可惜公司附近沒分店總試不到於是趁週末早點起床吃個豐富早餐burger king的早餐大概分成兩款一款是牛角酥加飲品另一款是早晨全餐加飲品雖然牛角酥的賣相很不錯但份量方面早晨全餐比較能滿足我於是要了配豬柳的那款早餐打開了盒子 失望的感覺馬上湧現雖然不能要求樣子和餐牌上一模一樣但這也未免相差太遠了吧scone縮水炒蛋顏色不對橙汁份量少得可憐於是只好自我安慰 不要以貌取人先試scone 提子乾頗多 scone的質素卻一般質地很乾 一叉下去就馬上散開了 很失望炒蛋雖然吃得出加了牛奶去炒但是卻一點都不滑 炒得太老了豬柳是現成貨 所以不會有太大問題薯餅粒不夠熱也不脆 還是麥當勞的薯餅好橙汁就那麼一小杯 完全不夠完成這個早餐本來還想說再來試牛角酥這一頓早餐卻讓我完全失去了再試的衝動而且很多快餐店的早餐都比這裡便宜下次還是吃其他快餐店比較好

早排用@$53買咗2個團購優惠，係炸彈堡安格斯XT牛肉套餐及$50現金券。個炸彈堡三月已拆，但現金券就趕喺last day至嚟食。 由於唔想蝕底，於是補少少錢買咗2個Ultimate Whopper餐同友人每人一份。嘩！原來個飽大到嚇死人架！我一隻手係拎唔起架！要用雙手捉實個包，但個口無論如何都唔可以咬落成個包嘅厚度，要一笏一笏咁咬，都幾辛苦...但個包就好熱好好味，雙層嘅牛肉好正，蔬菜又新鮮，多醬汁同芝士！仲有，佢d粗薯條熱辣辣好正，好味過M記十倍呀！最後，只食得一半就要停，實在太大份啦！但男友人就掃清光囉！ 今次團購價真係好抵，下次如有會一定再買。

近年間, 上水這個地方突然轉變成政治味道甚重的地方, 皆因這裡的水貨問題, 還有物價問題, 當然, 我在這裡不想說太多其他的問題, 還是把重點放在食吧, 試試從食這個角度去看看上水的變天.上水廣場, 這個位處上水火車站旁邊的商場, 一路以來都是區內其中一個主要購物及消費熱點, 因為從前文迪在這邊工作, 也跟她在這邊到過不少店子吃飯. 是日重回到上水廣場, 發現不少餐廳已經關門了, 如紅樹林, 美心, 茶軒, 客家好棧, 小城知味等等, 相反, 不少鋪位已經變成金鋪, 又或者是化裝品店子了. 還保留的餐廳, 也要在高層發展.當然, 站在商場的立場, 是希望把最理想的位置留給最有叫座力的店子. 但對我們這些本地人來講, 就是一步步地消失了帶有本地的特色. 其實再這樣下去, 香港的商場會否跟上海的沒有大分別?還好的是Burger King仍然留在4樓的位置. 看看食評的笑面, 也是在這個商場中最一面倒的. 是日來到, 想起很久沒有吃過這裡的軟雪糕, 那就來一客吧.朱古力雪糕新地 $6: 7分, 原價$8.5 現在繽紛價只要$6. 質感是幾香滑的, 不會太冰, 配上朱古力醬同吃, 當然是很匹配

今日路經此地,見到佢門口放住一個大大的招牌~狂牛之堡~~有冇咁過份先?! 於是決定入去見識下~!佢有三個選擇,單牛双牛同三牛..我當然要去最盡,點左個三牛套餐~!點餐坐底打開都唔洗用5分鐘~真係快捷!!哈~只係因為呢到長時處於冇咩客人狀態!!一打開真係意外~第一次覺得實物比廣告仲誇張~~三層牛肉,三塊芝士再加一層的薯仔圈~~真係超級夠份量!當中一絲蔬菜都冇.感覺係男人既食品!!!三層牛肉燒得係乾身左少少,可以話係預期中事.但係加上則邊的芝士同有少少酸的漿汁, 食落唔算太鞋口, 絕對體會到咩叫做肉質豐富~而且因為太厚,所以想一啖過食既時候都要D技巧!粗LOOK 薯條 – 仍然保持一D都唔熱 冷冰冰咁比客人..應加以改善~總括黎講 : 係個意外收穫!男人既食品~!

一個人閒逛,有少少口痕,但又唔係咁肚餓~無意中黎到呢間餐廳~見佢出面有個好型既牌,“安格斯XT皇堡” ...之前食過,覺得好唔錯,有一排冇左,而家又有返~令我好有衝動買黎食..最後買左個黑松露安格斯XT皇堡 HK$ 50 大元!!記得當年刻店啱啱入駐既時候, D包包真係好大個,肉汁好夠而且感覺上真係好KING~(價錢個質素)但不知不覺個包就細左半個碼,塊牛肉又過火左..所以有一排都冇乜點黎食~雖然真係縮左少少水,不過一打開~真係唔食得到聞得~面包鬆軟微暖, 濃濃的黑松露香味已經衝激緊我的嗅覺~漿汁喺D鮮菜之間滲下滲下~ 又香又好味~超正~ 雜菜,唔係普通的西生菜咁簡單~一睇就知係貴D既沙律菜啦~ '安格斯' 牛肉就略為差D..仍然係''興''得太耐, 冇咩肉汁..太可惜~ 如果喺呢方面調較返好少少~想信會更加好~!!再加埋我好欣賞既粗碌薯條~真係一個美滿既晚餐~! ^_^

QUICK LUNCH當然要快、靚、正，諗都唔諗就揀左BURGER KING，叫左個小華堡。唔似得有D漢堡包一味得肉，BURGER KING勝在好多菜，仲要超爽脆，食到索索聲； 塊蕃茄大大塊，又多汁，即時覺得自己健康左；至於主角塊漢堡當然GRILL得好香grill，加埋個包即叫即整，熱辣辣，有誠意，十零蚊一個確認好滿意^^

自從 Burger King o係5、6年前回歸香港開始, 一直以中高檔o既路線o係本地開支散葉 - 整潔舒適o既分店, 水準優異o既食物, 同不時推陳出新o既高檔口味 - 令佢地成功吸納到一班對美式漢堡包快餐有更高要求o既顧客. 眾多新口味之中, 以質優肉厚o既 “安格斯XT皇堡” 系列最為顧客所受落. 即使佢地比麥當勞較高級o既包類要貴多8 - 10蚊, 依然不乏捧場客, 亦證明o左好似Burger King呢類美式快餐即使唔行麥當勞o既大眾化路線, 只要建立品牌o既策略正確, o係香港呢個競爭咁激烈o既市場, 依然大有可為.一個星期前o係平時幫襯開o既Burger King上水分店見到佢地又有新o既皇堡出爐, 叫做 “極上黑松露安格斯XT皇堡” (見下圖)岩o岩好自己o既電訊供應商又有皇堡套餐送炸雞柳o既優惠短訊, 咁就一於試下呢個新出品究竟得唔得.食之前都要講一講呢間分店. 我鐘意o黎呢度食Burger King唔單止係因為o係自己地頭, 最重要o既係佢o係上水廣場o既3樓, 位置偏向一角, 裝修比大眾化o既麥當勞高貴, 大部分時間o黎到都可以安靜舒服咁用餐. 唔洗好似o係麥當

原本想同食肯德基.....點知執左!!!!!!!!咁好啦，轉過隔離食burger king囉......原來出一個新包--和風天婦羅華堡，試下都好~食落唔錯，天婦羅脆脆地，件牛肉有肉汁~口感幾好~~朋友唔食牛肉，就叫左個豬柳堡，再加芝士加煙肉加蛋...........嘩，原來可以咁勁咁加法....誇張........不過佢話好食囉~食得落咁大個包的人都可以試下

由於要到東華三院羅裕積小學把上次校友會新春團拜和羅主任照的相片送給羅主任，所以本人要吃點東西才前往。本人其實可以乘港鐵的，但因為我不喜歡油麻地港鐵站碧街出口的一條長樓梯，（本人的膝蓋有少許問題不可以上樓梯，落就可以），所以本人決定乘270A巴士。我買了牛肉漢堡。好好味，好香牛肉味，不錯，而且有些蕃茄，好吃。服務態度不錯，但好貴（三十四元一個），不包炸薯條及汽水。（我不喜愛吃炸薯條！）

::$9.9一個豬柳堡+一杯細汔水好抵吖﹗﹗收工之後急不及待去買啦~幸好都唔算多人排隊~等左一陣就買到，係車上好快解左佢，可惜無影到相。：豬柳堡中間夾住2片生菜(通常漢堡包的菜唔會咁少咁細塊)、2塊墨西哥粟米片(都幾脆，有D似薯片，但味道比較淡，質感較硬較厚)、一塊豬柳(配以類似的燒汁)有少少甜總概而言：比M記更抵食，以$9.9呢個價錢可以食到係非常唔錯啦~值得一食，不過呢個優惠只係限定係31/10/2011一日，有D可惜~

一般都唔會食漢堡做晚餐，但系今日有coupon就去試下。味道唔錯，磨菇芝士漢堡，磨菇汁好香，D芝士好香濃，Mc Donald的“杰塔塔”的芝士真系無得比~我喺食肉獸，件雞扒咁大，真系滿足曬我噶要求，可惜手機壞左，影唔到相~而且分量好足夠，一個人一個set已經好足夠~薯條都幾鬆脆，熱辣辣~咖啡ok香濃~

因為同男朋友好耐冇食過,,所以趁有時間,,順便食左個tea set,,嗌左燒烤脆嫩雞柳飽餐同華堡餐,,tea set仲包一杯汽水,,同平時普通餐一樣ge size,,都幾平..我第一啖食個雞柳飽,,好有麥香雞ge味都唔錯,,不過本身唔太鐘意食燒烤醬,,雖然個飽好細個,,但係我都食唔晒,,哈哈..薯條就略鹹..服務方面就都ok ge..不過upsell ge時候口齒有點不清,,仲要比得一張紙巾..明顯見到係兩個人食..呢度就要改善下..

今日終於去試左極厚皇堡.....未拆包裝紙...已覺得佢比平日嘅包大一倍... 拆開後...都幾驚喜....拆牛肉真係幾厚！兩塊平時普通的牛肉夾埋...都唔夠佢厚...雖然個餐要件$46.5...不過見倒好似去左牛排屋食排的感覺都唔錯....順帶一提...佢除左厚....仲幾大塊.....食到尾發覺個包都食完...不過塊排仲未食曬...這可算係BURGER KING近年難得嘅佳作