漢記 (已搬遷) 新店位置

不嬲幫襯開觀塘瑞和街市漢記, 突然有一日唔見開舖, 好失落, 以佢執咗。好彩openrice 有佢電話, 打去問先知佢地搬咗舖。等咗幾個月, 今日終於開張, 好多熟客仔都有去捧場,  價錢不變,  味道亦保持水準!!!

每人諗泰國菜最好係九龍城，但聽人講其實觀塘街市都有吾錯的泰國菜，再上openrice其實評分都吾少，所以今次就專登去左觀塘街市上的漢記試 試。7點左右上到去已經超多人，只有大桌，我同男人最後坐係大桌食住先（當然吾會再比你轉桌啦）衞生程度真係吾好諗好得去邊，起碼坐係度的位置下沒有污糟水叫左一個湯同幾款食品同椰青啤酒！～整體係好快全部餸到晒，但冇一款係熱，可能預左有人叫而整定燒大蝦（＄148）：有成隻碟咁大，好多膏同肉都好新鮮魷魚沙律：比心目中辣，魷魚超多同新鮮，個醬食完勁開胃細冬蔭功湯（＄55）：誠意之作，好味又夠辣。海鮮又夠多，一個細都可以有4碗6串串燒（雞豬牛）：係成餐最難食，又硬又冇味，沙爹醬又差（冇沙爹又冇花生粒之類），同食肉乾冇分別。2個人共＄449，吾覺特別好平，但如果再黎一定要叫冬蔭功湯

這餐廳位於市政大廈熟食市場，油漬滿佈，濕滑不堪，等位處就是停掉的扶手電梯。其他食客都像「大聲贏」一般，一來到就三位！四個！ 幸好燒烤哥哥認得我們來先，有桌還是先給我們。 本來女店員問我們，在燒烤爐前開一桌，我們接受嗎？但那兒面對燒烤爐，旁邊有垃圾桶，四面受敵般 ，誰要坐這兒，寧可等多一會。後來有位，本想吃撈檬，原來售至五時，惟可吃炒檬，另外點了半打串燒、馬拉盞炒雜菜、青檸梳打。雖然環境的確較差，但馬拉盞炒雜菜的鑊氣真強 ，鑊氣比某些地方的炒河，炒米更盛。雜菜內含芥蘭、番茄、西蘭花、椰菜花、粟米芯，微辣。雖然偶爾想到，菜本來是健康食物，多吃蔬菜有益健康，但加入辣椒、馬拉盞炒至鑊氣強盛，其實會否減低健康指數；但一餐半餐無所謂吧， 反正因其炒得鑊氣一絕。沙嗲則較乾，乾得就像雞肉乾、牛肉乾。雞肉很瘦，反而牛肉邊位有點兒肥更好，加點沙嗲醬，濕一點才好。沙嗲醬有欠香濃，醬內像有花椒，辣味薄弱 。炒檬粉，乾得來較散，以前在其它地方吃過，少許濕，黏在一起，有點辣椒、花生、加青檸汁更佳。這兒則是檬粉上有芥蘭，「乾憎憎」牛肉。奇怪的是，炒檬粉最遲來，而鑊氣比炒雜菜弱 。雖說是熟食市場內坐膠椅，但其實比起坐

今晚同肥妹仔黎左呢間泰國菜食呢!!係肥妹仔之前同朋友食過話好介紹我黎!!我地要左個招牌冬蔭功:味道同料都好足!!海鮮都幾多, 整體黎講唔錯!!木瓜絲沙律:呢個沙律好清新, 辣辣地!!好開胃, 而且佢味道辣得黎調到甜甜地!!啱啱中和返, 唔會話好刺激咁!! 值得推介!!馬拉盞炒通菜:通菜炒得好有鑊氣好惹味,不過弊就弊在太多油喇...如果可以少返DD油就一流喇!!乾炒雞肉檬粉:其實味道係幾好, 拍得住D大鋪頭!!不過佢炒得唔夠乾身, 比預期較糊口!!無想像中咁爽...整體黎講, 值得推介, 下次會再去試下其他菜呢!!

呢個街市都幾多野食，今次朋友提議去漢記。老實說，去得市政大樓，都唔會冀望有好舒適o既環境，但o野食搭夠，另一個好處就係抵食。一行七人，七點半到達，剛好有最後一張大檯 (其實呢度唔多過十張檯)。食泰菜又係會花多眼亂，擾攘完一輪，終於點到菜。生蝦刺身：去泰國餐廳，如果有呢味菜供應，九成九會叫。呢度d蝦夠凍，又爽又鮮，配埋個汁，又辣又開胃。蝦餅：上檯時熱辣辣，蝦膠彈牙。鳳爪沙律：鳳爪同配菜比例恰當，不過個汁好辣 串燒：點左雞翼、腎、豬牛雞，蜜糖味好香。雞翼好味，腎就un左d，豬牛雞唔乾。豬頸肉生菜包：平時多數食肉碎，今次試下豬頸肉，有驚喜，食落去口感同肉碎好唔同，爽好多。不過呢味比沙律辣好多，個個食完個咀都紅哂  明爐鳥頭：煮魚個湯酸酸辣辣，好飲。黃咖喱豬肉：我地點左蒜蓉包配黎食。咖喱唔得，好水汪汪，同埋唔香，肉又索唔到咖喱味，好似兩件事咁。蒜蓉包比較硬，唔熱。海鮮炒芥蘭：其實我地係點馬拉盞通菜，唔知點解個姐姐可以聽到海鮮炒芥蘭。呢味菜普普通通。

呢度既泰菜競爭越來越多，一心來食泰國野，見到呢間好似新開，未食過，即管試下!每間價錢都差不多，我地2人點了泰式生蝦，炸蝦餅，馬拉盞通菜，海南雞半隻...首先講泰式生蝦---蝦身厚肉，醬汁夠辣:，yummy。跟住炸蝦餅---熱辣辣剛炸起，不錯!接著馬拉盞通菜---一般正常水準!最後海南雞半隻---雞像算嫩滑，無骨的，有少肥！總括:88分啦!始終環境差d...但食物有水準，值得再去~

原本去大排檔食小菜，不過同行班FD有一個泰國人，佢話帶我地食泰國菜，OK咁咪試試。意外收獲！正正正！從來未聽過"冬蔭功炒飯"，勁！好似飲完冬蔭功湯咁。個"青檸蒸烏頭魚"好香，正過平時食D明爐魚好多。個"椒鹽九肚魚"就差D，不過泰國人煮中國菜係咁上下，但隻豬手又好林好入味，都唔知點解！碟串燒好有肉汁，炒蜆D汁好開胃。一定會再黎，帶多兩個FD試試。泰國菜我都乘日食，呢道真係好食過九龍城好多，唔知係咪九龍城差左！