番茄18

營業中

休息中

雖然行過好幾次大欖郊野公園，但民安隊圓墩營就未到過，因為要搞小組活動，所以，同老婆預行一次。咁起步前就梗喺食餐飽飽嘅早餐先起步啦，為方便搭車，就晌荃灣嘅「番茄18」搞掂。店內嘅裝修一睇就知打正懷舊旗號，當然，裝修新簇，喺偽懷舊，不過，睇番啲招牌呀、拉閘呀、霓虹燈呀……對我嚟講非常有感覺。不過始終喺茶記格局，座位喺有啲逼。早餐選擇非常多元化，由A至M共13款，定價$31到$43，正所謂豐儉由人，咁當然呢度主打就喺佢哋嘅蕃茄湯系列啦，餐牌更有一角列出蕃茄有咩好處，例如含有豐富嘅維他命、礦物質，又有抗氧化、降低高血壓……等等功效。B. 招牌蕃茄叉燒湯通粉 $40小弟就梗喺揀佢哋嘅招牌蕃茄湯通粉啦，招牌即喺招牌，單喺睇個蕃茄湯底嘅色澤已感覺好對辦，飲落真喺酸香鮮活，嗰陣蕃茄味香濃得嚟好自然，絕對唔似喺搵茄膏開沖嗰一類，另外啲叉燒都唔錯，幾鬆化；牛乳炒蛋夠嫩滑，有蛋香；牛油厚多士送嚟仲喺熱烘烘，已經收貨啦。佢哋嘅熱奶茶，飲落都算唔錯，茶底幾芳香，茶奶比例亦都啱啱好。E. 雪菜雞扒煎蛋上海麵 $40老婆就揀過上海麵，佢話好一段日子都無食過上海麵。無論個通粉，還是上海麵，都非常之大碗。啲雪菜無過山鹹

由於小編好鍾意食蕃茄, 咁岩呢頭又有間叫蕃茄18, 即係專攻蕃茄類食物, 咁梗係唔會錯過。用左懷舊裝修, 都幾得意 ☺ 不過茶餐廳入面都少少迫, 仲坐滿晒人, 生意好好, 走完一枱又有另一枱客入黎。朋友同我分別叫左唔同野咖喱牛腩飯 $56茄湯鮮牛通粉$45牛腩就冇乜特別, 味道正常, 唔算好辣。重點當然係茄湯通粉, 鮮牛肉同平時都差唔多, 厚度都算適中, 茄湯好濃郁, 唔係單純用蕃茄膏煮出黎, 係真材實料用一舊舊蕃茄煮成, 所以先會咁鮮甜, 又帶少少酸, 唔怪得咁多人黎食! 😌

🔆今朝早左起身去茶記嘆個靚早餐先返工。雖然知道呢度係出名蕃茄🍅湯底，但係今朝唔係太肚餓，所以就試下火腿奄列。🍳🌟 火腿奄列差唔多半隻碟咁大🥚，入面多火腿其實食完之後都好飽肚。🍞面包烘底唔洗加錢，脆脆地幾好食。整體正正常。最特別係佢個裝修，掛住好多港式懷舊既招牌同埋廣告，好有特色同埋d相影出黎又幾似以前d懷舊電影🎬🎬。😋推薦指數：8/10

今日下午同男朋友去咗蕃茄18食個下午茶，叫咗一個瑞士汁雞翼配沙律飲熱鴛鴦，沙律叫咗走沙律醬的。等咗10幾分鐘後上菜嘅時候沙律係有醬嘅，熱鴛鴦得三份二杯😟我哋問職員點解明明落單時叫咗沙律走醬，但同現實不符？職員話沙律係整好沒有走醬的。🤷🏻‍♀️如果是固定的，為何落單時可以俾客人要求走醬呢？第二，點解我杯鴛鴦只得三分二杯，但同枱客人叫奶茶有一整杯？職員話鴛鴦係用機沖，而奶茶係用人手沖🤷🏻‍♀️鴛鴦唔係由奶茶加咖啡而成咩？點解奶茶就人手沖，鴛鴦就用機沖？🤷🏻‍♀️🤷🏻‍♀️🤷🏻‍♀️真係聽到我哋好無奈,一間餐廳有水吧布熱鴛鴦都要用機沖真係莫名其妙😕單單食一個下午茶有三樣食物有兩樣都不符我所叫的要求，失望。

Lunch @ 1 Apr 2023 (Saturday)番茄18是一間走懷舊老香港格調的冰室，有3間分店，分別在荃灣、觀塘和將軍澳。荃灣分店位於大壩街，鄰近荃灣廣場，地鋪的位置顯眼，在荃灣廣場的百老匯戲院旁邊的出口一出，過條馬路便會見到顯眼的「番茄18」。招牌蕃茄湯通粉+煎蛋+香煎雞扒 ($55) 額外加$8加配鮮牛肉蕃茄湯底濃厚，不難看到有粒粒蕃茄蓉，並非單純以茄膏和茄醬炮製的湯底。湯底鮮甜，蕃茄比起其他的豬骨湯底更為清新，沒那麼油膩，上檯時熱辣辣，別有一番風味。煎蛋熟度剛好，有點脆口的燶邊的同時，蛋黃仍是流心的，令人食指大動。額外加配的鮮牛肉份量不少，口感正常不會過於難咬。香煎雞扒份量非常澎湃，外皮煎的香脆，內裡肉質嫩滑，一切開來還是有相當多的汁水，非常Juicy。不想吃瑞士汁的朋友不妨一試香煎雞扒。總括而言蕃茄18的食物高質素，價錢合理，上菜速度快，店員勤奮有禮，是一間可以多次回顧的餐廳。

第一次在將軍澳光顧過番茄18，想起它的「招牌胡椒豬肚雞湯米線」 想再吃。今天到荃灣店幫襯，胡椒豬肚雞湯好濃香，有咸菜的味道加上重重的白胡椒香味，湯是香而辣，豬肚很稔，雞有脾肉及二支單骨雞翼，幾足料，吃到全身感到溫暖。另外一個是麻辣牛坑腩湯米線紅紅的湯面散出麻香味，牛腩炆得入味很稔，用心之作。

平時食都係食下午茶多，因有即磨熱啡飯面常餐有時食完都好口渴有時仲唔熱見大部分人都叫米線所以今日叫左個麻辣牛肉薯粉 $44加$10熱飲估你唔到原來麻辣薯粉好食咁多勁多辣肉醬，牛肉唔韌略嫌份量偏少同埋要加錢先有飲品

夜晚諗唔到食咩好，就黎呢到，因為咩都有得食，一定岩唔同朋友! 呢到裝修好有舊式香港既感覺! 好靚呀叫左特色蕃茄濃湯米線配牛乳炒蛋，個湯底係好濃郁既蕃茄味，有少少似蕃茄牛尾湯! 強烈建議大家要叫牛乳炒蛋，個蛋好滑，而且好配呢個湯頭，食完覺得吸引曬應有既營養! 呢款米線我簡左配大汗雞扒，雞扒大大塊，好厚肉，中間切開好juicy! 呢款就唔係用炸既形式而係雞扒面上有好多粉，帶少少辣，刺激又惹味! 又冇炸咁油膩，呢款大汗雞扒好唔錯! 另外都加左叉燒，半肥瘦架! 厚切豬扒秘製香蔥豉油汁飯，豬扒同樣大大扒，叫左多蔥油既我，覺得好滿足，撈曬D蔥油落飯到，好好食! 豉油唔會死咸，帶少少甜! 仲加瑞士雞翼，本身以為係雞中翼，原來係雞全翼黎，好多肉! 黎到呢D茶餐廳，一定要叫佢既紅豆冰試試，紅豆份量好多!而且係我鐘意既奶味!奶醬多切開4份，有誠意既粒係佢有粒粒花生! 食左咁多野都係百幾蚊，抵食又滿足~

21:22 入鋪叫嘢食21:30 到野食21:34 食咗兩啖 就叫你埋單 話要埋數 21:35 就行埋嚟同你講話幫你攞個電話去埋單 cls....如果真係咁趕收工 一係就唔好俾我入去

琴日喺荃灣行街就見到呢一間蕃茄18，入邊都坐滿好多人，於是就決定入去試吓！入到去環境都寬敞而裝修都好有特色，有好多唔同嘅懷舊佈置同埋裝飾，幾有心思！因為天氣凍咗唔少，於是就叫咗個藥膳雞湯米線，再加一杯阿華田脆脆。而朋友就嗌咗叉燒滑蛋飯再加紅豆奶茶，同埋亦都加咗$12加咗一份牛乳炒蛋。個藥膳雞湯米線就轉左上海麵，係少有嘅米線舖會有上海麵呢個選擇。份量好大同埋個雞湯亦都有藥材味，幾暖身～食落幾滿足。想讚吓啲雞件有雞味得來亦都夠滑唔會話好嚡身。而阿華田脆脆就非常濃味，一啲都唔淡，亦都有啲脆脆喺上邊，好好飲。至於紅豆奶茶茶味幾出，好唔錯而紅豆亦都夠甜唔會太硬，幾推薦大家嚟飲。至於叉燒滑蛋飯個蛋炒得滑而叉燒亦都好厚，仲要係半肥瘦，帶少少燶，勁好食！加埋炒蛋同豉油，非常配搭。而加咗錢嗰一份牛乳炒蛋，亦都好香同滑份量亦大好抵食。總括嚟講呢間嘅價錢絕對係平民，但質素絕對帶到俾你驚喜～

話說喺沙田食嘢已經食到厭，於是揸車去荃灣大壩街，原來發現真係有好多嘢食。路經有川菜、茶餐廳、泰菜、同埋日本拉麵，最後我揀咗番茄18因為經過門口睇咗一陣Menu已經揀到自己心水….本身好鍾意蕃茄湯配米線，除咗蕃茄湯底另外仲有兩款口味就係麻辣蕃茄同埋豬骨湯佢嘅蕃茄麻辣真係做得好出色必食！一碗入面有唔少新鮮蕃茄，清新蕃茄酸再配上易入口又開胃嘅麻辣，令到我飲咗半碗湯先至再食米線！發覺真係好飽，最後係食唔晒啲米線….另外我揀咗鮮牛肉配炒滑蛋，牛肉新鮮唔會食到梳打粉味。。另外個炒滑蛋份量都好多朋友叫咗個蕃茄18焗豬扒飯，焗飯嘅豬扒厚切同埋Juice嘅唔係乾爭爭嗰啲。。。最抵讚就係焗飯多汁真係好開胃見到佢嘅招牌菜係瑞士汁雞翼，於是我哋再嗌多三隻雞翼，果然係真店之寶必食名物！雞翼入晒味！好香濃，同埋係比雞全翼！今餐真係好豐富又飯又米線又雞翼又菜又野飲，埋單只係$211性價比超高！

今日去荃灣廣場睇完戲，係隔離大壩街經過見到間懷舊冰室蕃茄18，見下午茶時間有D餓就入去醫醫肚 芝士煎蛋豬扒包好大個非常足料，豬扒大過我手掌，而且煎得香口又juicy👍 大滿足 招牌煎蛋公仔麵同樣大大件豬扒，公仔麵麵質爽囗👍 熱奶茶茶香，奶幼滑， 茶和奶比例剛好✨ 凍檸茶不過不失，正常 蕃茄18下午茶超值又好味，才三十多元真係好抵食，以後又多一個下午茶選擇👍

「蕃茄18」位於荃灣大壩街（荃灣廣場斜對面），揸車嘅就推薦泊享和街街錶或荃灣廣場停車場，如果有The Point apps仲可以用積分兌換泊車優惠 。呢間茶記啲嘢食算係多款式，今次下午茶嗌咗 👇木碎花生多士『 夠香夠味，推介👍』餐蛋麵『 不過不失！』咖哩豬扒撈麵 『夠味夠掛汁，推介👍』揸車出入：👍👍👍帶小朋友：👍👍食物質素：👍👍👍環境舒適：👍👍CP值...😋：👍👍👍👍👍彩蛋：荃灣區茶記有好多， 不過每日都有下午茶就唔多 🫰 值得一試

去到每區都一定會試下以蕃茄為特色嘅餐廳呢間蕃茄18係將軍澳/荃灣/觀塘都有分店趁週末下午茶(抵食啲)第一次幫襯想吃蕃茄米線但只有蕃茄麻辣米線🍜所以另外再正價叫了個蕃茄米線༝༚ 下午茶/ 蕃茄麻辣牛坑腩湯米線 ( ᴴᴷᴰ 56 ) 同我想像中嘅有少少出入🤭 辣油多到出汁湯底以辣為主反而無咩蕃茄味牛坑腩本身煮到稍老，但幾入味༝༚ 蕃茄湯米線、香煎雞扒配牛乳炒蛋 ( ᴴᴷᴰ 56 ) 原味蕃茄濃底不錯✨ 蕃茄湯濃郁帶微微鮮甜湯底我覺得唔輸其他蕃茄湯餐廳雞扒係另上，鍾意分開食又得浸湯食又得

今日好開心同屋企人去咗荃灣西附近嘅一間餐廳食飯，估唔到去到一間人細美食小店，如果你有荃灣嘅朋友，一定要試吓呢一間餐廳呀，一間餐廳嘅裝修好靚，好有特色，用咗好多霓虹燈嘅招牌，去吸引顧客，而且好友香港嘅風味，入到去嘅時候，已經坐滿晒人，就知道呢一間餐廳好受歡迎，又排晒隊，所以我覺得呢一間餐廳已經好有保證，而且裏面嘅食物種類繁多，價錢幾隻實惠，裝修同埋整潔度都好好，衛生程度高，已經好加分，而且侍應嘅服務好殷勤， 笑容好有親切感，有賓至如歸的感覺，而且呢度嘅食物質素都好高，全部都係好有鑊氣，即叫即整，我哋叫咗好多嘢食，包括雲吞麵，全部啲雲吞都係好大件，而且佢哋嘅叉燒蛋飯，真係好好食，全部嘅蛋同埋豉油汁撈飯真係冇得頂，如果嚟到食嘅朋友，一定要叫呀，呢度物超所值