福來棧茶餐廳 (已結業)

好耐無嚟呢度食，咁啱今日有事到旺角，順便上去食個lunch。今日幫襯咗福來棧(加州陽光)。餐廳由一對年長夫婦主理，男人落單、女人負責煮。(真正嘅男主外、女主內)嘅蕃茄燴咸牛脷意粉(亦可以免費轉飯)，連西湯(忌廉湯/羅宋湯)及熱飲都只係賣$45(我轉凍飲+$2)，呢個價錢真係抵到爛，仲要係旺角。意粉份量都算多、牛脷你更加估唔老細咁闊佬畀6片(唔係薄切，而係每塊都有半cm厚)兼且好冧好入味。最意想不到係伴碟菜唔係白烚唔係得一樣菜，而係蒜蓉炒雜菜(鮮冬菇切片、紅蘿蔔條同椰菜)。雖然我對蒜蓉嘅喜好一般，但我不得不承認蒜蓉炒比白烚優勝。忌廉湯味道一般，有啲杰身，但好多蜆肉。凍檸茶少冰佢真係同你走冰咁滯，因為我只係唔想飲熱嘢。

旺角朗豪坊對面嘅一個政府熟食市場, 好多人都唔知道。呢度係好多上班一族或者想食平嘢嘅人一個天堂, 因為呢度好多選擇, 同埋啲嘢都好食㗎。呢個係40蚊嘅抵食套餐 <鴛鴦扒煎蛋意粉> 從羅宋湯及熱飲。鴛鴦扒係雞扒同埋豬扒, 都唔錯, 幾好味, 一般茶餐廳嘅水準, 執水調味唔會太鹹。豬扒嘅肉又唔會太硬太乾。份量充足, 一定食得飽。羅宋湯都好飲。熱奶茶唔使講, 呢度好幾間店嘅奶茶都好好味。想hea下, 或者想慳慳哋食一餐午餐, 依度係旺角最好嘅選擇。

早前發現街市 Food court 無咗"加洲陽光" 所以少咗過來, 日前因工作關係去到 Food court 見到老闆才知道原本以前的"加洲陽光" 即等於現在的 "福來棧" , 賣的食品係街坊價高品質西餐  !  性價比很高, 同樣的食品在普通西餐廳近100 大元, 但在"福來棧"居然可以 $50 內食到 !!!  親切的老闆仲好有 heart 推介每日精選, 真心值得再去, 唯一有保留係環境麻麻地, 介意者可以選擇外賣享用 。

熟食中心環境冇乜變，人流亦都係咁多，而福來棧既野食，出名夠鑊氣，但以前只食過3次，原因係個老闆成日著住條孖煙通走黎行去，睇見都無謂口。今日見佢個仔都仲係度幫佢手，老闆亦著返條西褲，好啦，今次就支持下你地㕸，叫左沙拉豬扒同埋芥蘭炒牛肉，跟中湯同飲品，湯係金銀蛋青紅羅蔔煲豬骨湯，好飲，夠清甜，同埋好多湯料，正芥蘭牛肉，夠鑊氣，牛肉夠林唔靱，芥蘭爽而不會太油既感覺但沙拉豬扒感覺好似茄汁豬扒後加啲沙律醬就算，唔知係咪整錯左，後期補數算呢？！整體不俗，勝在夠鑊氣，不過如果要好生意啲既話，就真係要再加把勁啦

I went to Langham place for businessbecause I don't have enough time for lunch and don't want to have McDonalds so I just cross the bridge next to it and come to the 旺角熟食中心The price is really much cheaper than anywhere in Mong Kok$24 with hot drink(or +$2 for cold drink)I just simply ordered fried ricehot enough, but not really deliciousPlus the environment is not so goodyou have to find a seat very difficult becasue there're many people(maybe because of the cheap price)and the air-con is old, s

繼日前在澳門翠苑茶餐廳食農夫包後, 今日又到此熟食中心覓食. 原本的目標是福來棧潮州打冷的蠔仔粥, 但佢個檔口變左做賣紅薯粉(還是酸辣粉?). 見隔壁的檔口又係叫福來棧茶餐廳, 而又有蠔仔粥賣, 仲連價錢都一樣; 心想可能都是同一家來的, 咁就決定試下.同哥仔講要蠔仔粥後, 佢就叫我轉頭返去攞. 之後佢就入左廚房整蠔仔粥, 樓面一個人都冇擺空城計可能因為佢是即刻整, 所以都等左一陣才有得攞. 攞的時候見碗蠔仔粥熱辣辣地冒煙, 湯汁滿到去碗邊, 果然攞返去位時不小心溢了出來. 蠔仔粥的份量不小, 飯粒沒有太淋變了粥水, 內裡有一點薑絲用來去腥味. 蠔仔都幾飽滿, 另外有肉碎和冬菇絲等. 整體味道合格, 個人希望冬菜味能多點就好了.20元一碗熱辣足料的蠔仔粥, 不失為一個抵食的選擇.

在旺角熟食中心內，除了最最最人氣的食店--------澳門翠苑茶餐廳外，其實仲有好多經濟街坊之選，這裡雖然只係跟朗豪坊一天橋之隔，不過食店的價錢就真係平一大截啦，味道也算過得去添。好似呢間福來棧咁，嗰日本來自己想喺朗豪坊搵食嘅，不過諗諗下，過年呢排都出街食左好多餐，都係唔好餐餐都食咁貴啦，食番餐平平地的拉上補下吧，所以就來了熟食中心幫襯。翠苑已經幫襯過好幾次，今次一於轉下口味，隨機試試呢度其中一間食肆的手勢，就係呢間「福來棧茶餐廳」啦。]叫了兩個小菜套餐，連湯連飲品，盛惠$72。在朗豪坊食的話，呢個價錢真係一個人都未必得呀！不過當然啦，如果講裝修、情調、特色等，呢度就「輸硬」啦。兩個小菜分別係「西檸雞」同「時菜冬菇」。哈！兩味菜的味道又唔錯喎！西檸雞：味道好，檸檬汁酸度適中，十分開胃。D雞也厚身有肉，而且不會煎得過硬，不錯。時菜冬菇：呢味菜的時菜係普通不過的西生菜，加埋d冬菇，其實係好簡單易做的一咩家常餸而已，不過呢碟菜的份量都幾多，冬菇夠腍身，而且獻汁也勝在夠味而不過鹹，可算係及格有餘了。在這裡吃晚飯，每人平均只係三十來塊錢，已可吃到飽肚而歸，而且味道不差。下次來到這裡，除了翠苑外，

由於要去朗豪坊買野，方便起見，就黎左佢隔離既熟食中心食飯。最出名當然係翠苑農夫包啦，但其實我覺得佢個度普遍既食店都ok架，試過幾間都唔錯，呢間福來棧就係其中一間。呢度有好多唔同既選擇，除左隔離潮州打冷野，佢小菜都有十幾二十款俾你揀，我都揀左好耐，佢另外又仲有D快餐咁，由於我好想食芙蓉蛋飯，所以就叫左佢加埋一個味菜鮮魷同媽咪兩個人食。佢小菜除左野飲仲有例湯，由於兩個飯加埋實在太多啦，所以我地就要拎個環保飯盒出黎裝D返屋企先，免得浪費。芙蓉蛋有好多料，見到冬菇，叉燒，火腿等等，好大塊，我鍾意芙蓉蛋既原因就係因為佢有好大塊蛋食，哈哈。個蛋都幾滑，唔會乾爭爭，不過如果佢個邊再煎得脆少少就正啦。味菜鮮魷都幾好食，好惹味，不過佢有好多青椒紅椒等等，鮮魷唔係勁新鮮，但佢勝在炒得好入味，煙煙unun加埋D咸菜幾好食。我之前都有食過佢D打冷潮州野都唔錯架! 晚飯想食小菜既都可以考慮下佢呀! 佢都KEEP住有人幫襯架，不過當然唔及農夫包多啦。佢服務都幾好，佢會主動拎D野食俾你，跟住收錢又話慢慢唔駛急，而且我地要佢俾暖水又即刻俾，見我地兩個人食仲問我地駛唔駛要多隻碗添，大家下次可以試下呀。