禾川壽司專門店 (已結業)

經過想試下叫左幾份反卷，size細到好似小卷咁！價錢仲要唔平！即叫即做，叫左十件壽司內，叫我等10分鐘，結果等成廿分鐘，滿心期待，結果得到性價比極低既結果，真心冇下次🥲🥲🥲

今日上朋友仔屋企撚貓，不如買外賣上去食，等隻貓羨慕下都好吖。諗到食咩啦，食壽司啦，有魚呀！好，睇吓有咩好食先。個麵豉湯唔味精喎，又唔會太咸。8吋蒲燒鰻魚丼，條鰻魚好靚仔，又厚肉，珍珠米粒粒分明，番到屋企，都仲係暖既。一人前壽司，粒粒壽司都好肥美，脹卜卜，色澤都光鮮，食落又新鮮。雞軟骨餃子，外面個皮夠脆，雞軟骨索索聲。日式芝士年糕，有4件，芝士年糕係我最愛。唐揚炸雞件，呢個都好抵食，有6件，番到黎都仲脆既，裡面又啖啖肉。

準備去朋友屋企玩 遲到ge我被指派要買野食上去😆經過附近 見到禾川壽司專門店就一於食日本野！我點了兩個午餐丼set～(都就黎4點仲有午餐set🤩)兩個丼飯都好足料！ 食到尾仲有配料～三文魚炸蝦丼 ($57) 配厚玉子燒過ge三文魚都幾多片，起碼有6片！😆 至於炸蝦，大大隻，炸粉唔算厚～有玉子做配料，食一個丼飯都夠滿足🥰另一個丼飯係鰻魚玉子丼 ($59)配玉子粒蟹籽沙律鰻魚飯味道不過不失濃濃鰻魚汁再配玉子，醃蘿蔔真係唔會食厭！唔錯～👍好多玉子丫🤩🤩 沙律玉子多蟹籽夠！另外仲驚唔夠飽單點左d壽司同小食叫左兩件特別d ge壽司，鵝肝壽司！味道唔錯，濃濃鵝肝味！中意食鵝肝ge朋友表示，可以 encore!其他魚生壽司質素都幾好北寄貝肉質仲爽甜～夠新鮮冇異味！整體黎講，食物質素唔錯～份量足夠，都幾抵！

近排食親嘅餐廳都比預期中好食，好有質素同驚喜。今次依間餐廳喺我屋企附近，一於嚟試吓細看之下，原來餐廳收凌晨一點下次就算半夜想食嘢都有新選擇一人前壽司定食有10拿壽司，壽司飯同刺身嘅比例啱啱好，壽司飯唔會太大舊，面上刺身肥肥厚厚，總括壽司嘅魚類都好新鮮，🥰絕對冇腥味。三文魚拼盤大少是三文魚愛好者，貪佢魚油香味十足，十件一口氣食曬大滿足芝士三文魚反卷雖然三文魚唔算厚，但配埋芝士邪惡感大增三文魚軟殼蟹反卷軟殼蟹非常之香脆，絕對係可以encore之選

禾川壽司 壽司外賣專門店屯門鄉事會路131號巴黎倫敦紐約戲院購物中心地下28A號鋪即叫即整，雖然要等耐少少但如果等嘅時間值回食物質素有咩所謂另外店舖入面仲有清酒燒酒賣三文魚炸蝦丼💰57火燒半熟三文魚 兩隻吉列炸蝦🍤香脆無比 配上燒汁珍珠米飯 🍚 自選咖哩丼💰46-兩隻大熟蝦-唐揚炸雞🍗咖喱好惹味，日式咖喱少少甜甜地 送飯一流 自選配搭，因應自己需要食出百變組合以上兩個都係午市套餐，可以陪麵豉湯或者紙包飲品 不過要留意午市套餐供應時間中午12點至到中午五點三文魚籽30g 💰40蟹肉蟹子沙律（胡麻醬）💰55三文魚子份量足夠撈入去蟹籽沙律一齊食蟹子三文魚子上雙劍合璧胡麻醬撈咩都好食 青瓜絲新鮮份量又夠多鹽燒帶子手卷💰36鐵火卷(6件）💰28加州手卷 💰19

🍣禾川壽司專門店🍣屯門屯門鄉事會路131號巴黎倫敦紐約購物中心地下28A號舖一間主打壽司外賣裡面有d急凍食材賣 例如三文魚腩 三文魚頭仲有清酒 見到小編最喜愛既 女城主 都係$160🙈整體唔錯👍🏻 可以一試店員nice kind唐揚炸雞蟹柳丼 $70——炸雞🍗脆香 特制醬汁撈飯食 JENG 如果係1200-1700時段會更抵 $50-60包湯有飲品香脆吉列豬扒丼 $70——豬扒炸到飛起 厚身🙊 實肉不是發脹肉🤣蟹肉蟹子沙律 🥗with 胡麻醬$55——好大碗 抵食 有蟹肉有蟹子 蟹🦀️親子活動 撈埋胡麻醬慢慢歎！蟹籽50g $36味付帶子裙邊 $32加州卷 $25

放工唔想煮飯，想食好啲，見到這間壽司外賣店，正合我心意😌雖然是即叫即製，但等候時間不耐，大約10-15分鐘已可取餐，十分有效率及確保食物新鮮。一家五口點了蟹籽沙律及軟殼蟹沙律，意想不到的大碗，軟殼蟹鬆脆可口😋。香脆吉列豬扒丼：豬扒有肉汁，外脆內軟，不是又乾又硬的一般貨式，好味👍唐揚炸雞蟹柳丼：炸雞出色，配上沙律醬，惹味開胃。蟹膏三色丼：牡丹蝦十分新鮮，蟹膏濃郁，食得出的鮮味。8吋浦燒鰻魚丼：鰻魚大條，厚身多肉，抵食之選😊為食的我還點了一客禾川燒盛盒，令我們大滿足😍

自己一個人收工，最方便就緊係外賣壽司翻屋企，方便又快捷🍣岩哂我呢啲懶人番屋企唔想煮即刻有得食🤗。係雅都商場都多野食，但今日試試佢對面既巴倫紐入面既日式外賣店，輕輕鬆鬆又搞掂一餐🦐。🐒腐皮💰$12@2🐒軟殼蟹反卷(4件)💰$43壽司價錢十分合理❤️同埋軟殼蟹份量好多，仲見到軟殼蟹啲肉係白色🦀。🐒三文魚刺身6片💰$78🐒海赤蝦刺身3隻💰$49刺身都好新鮮，而赤蝦係勁長，已經剝好哂殼，所以好方便去食🌊三文魚厚薄適中，所以食晒6塊都唔膩。🐒8吋浦燒鰻魚丼配味增湯💰$102一拎上手未打開前已經覺得好聚手，一打開好surprised🤩真係。吋咁多咁重，自己一個人係完全食唔晒，平時食鰻魚飯肯定係食淨啲飯，今次反而調翻轉🐟留番第二日reheat再嘆過，味道依然咁出色，燒汁好充足，令飯粒有味，唔會好似齋食白飯咁dry

OT完決定買壽司外賣返屋企慢慢嘆。壽司中最愛三文魚，所以三文魚壽司拼盤最岩我。原來三文魚都可以有咁多變化，分別有三文魚腩邊、三文魚、蒜燒、鹽燒、醬燒、芝士三文魚、沙律醬三文魚、京蔥三文魚、香蔥三文魚蓉軍艦同蟹籽三文魚軍艦。蟹籽令口感更多元化。香蔥配三文魚蓉更能特出鮮甜。一定唔可以錯過燒三文魚系列，外面有燒過嘅痕跡，入面仍然淡粉紅，好嫩滑，醬燒最惹味。芝士同三文魚脂一齊好邪惡，但極滿足。屋企人都鐘意食日本菜，所以買埋一齊開心share。平時都鐘意食火炙壽司，所以叫叫咗禾川燒盛盒，有16件，人人永不落空。芝士蟹柳、芝士大熟蝦、醬燒左口魚邊、沙律醬燒三文魚、蒜燒紋甲墨魚、鹽燒醋鯖魚、鳗魚，沙律醬玉子，每款各2件。鳗魚香甜，相信冇人唔鐘意。蒜燒紋甲墨魚有驚喜，墨魚爽口彈牙，蒜香十分香。沙律醬加厚燒玉子顯出簡單就是美。最後加埋炸蝦醬燒三文魚丼，唔會唔夠食喇掛。三文魚，又係三文魚，係足足5片。炸蝦拎到返屋企仲係脆口。小店仲有啲日式材料買，例如帶子、海膽，就算當日唔想食壽司都可以去睇睇心頭好。

新墟係屯門人成日去既地方，買餸睇戲食飯一應區全，連大型日本野都有，不過想食壽司而又可以自己揀既話，我會推介禾川禾川係巴倫紐地下，屯門人一定知邊度啲壽司又平又多選擇，睇到眼花撩亂因為本人自己唔大食，都係每樣嗌啲啲北寄貝爽口鮮甜鯛魚油甘魚腩油香超正三文魚腩都好正海膽好新鮮，好難得呀芥末八爪魚 開胃一流蟹膏醬好惹味蒜香三文魚，將三文魚帶出左鮮味鹽燒左口魚，好味個人覺得好抵食，另外想講講佢個wasabi，辣味好重好攻鼻，唔食得辣既朋友請注意

屯門有間外賣壽司專門店，今次就嚟試試佢。因為我有選擇困難症😆所以就直接買咗兩個拼盤。佢地係現場即叫即做，保證絕對新鮮。整緊火灸壽司既時候已經覺得好香🤤壽司拼盤 松 $128 (一週年優惠價)三文魚、北海道帶子、希靈魚、赤貝、大熟蝦、香蔥吞拿魚蓉軍艦、熟芥辣八爪魚軍艦、厚玉子各二件。海鮮類嘅壽司嘅全部都唔錯👍全部夠生鮮夠鮮味，份量都算大。個人推薦香蔥吞拿魚蓉軍艦，香蔥配搭新鮮吞拿魚蓉入口，留有香蔥餘韻😋禾川燒盛盒 $156芝士蟹柳、芝士大熟蝦、醬燒左口魚邊、沙律醬燒三文魚、蒜燒紋甲墨魚、鹽燒醋鯖魚、鰻魚、沙律醬玉子各2件。如果食量唔大，推薦食呢個拼盤🥰火灸過既壽司更為出色，香氣撲鼻。墨魚、鯖魚同燒芝士類既壽司最令人深刻☺️唔洗點醬油已經好好食。除咗壽司，店入邊仲有酒類、甜品、丼類、小食類同飲品等等出售，亦都有午市供應，適合唔同嘅客源。大家黎呢間試下啦🤗

這間位於屯門鄉事會路，係一間外賣壽司專門店舖，佢嘅壽司款式都好多選擇🤔，唔係只得壽司同時仲有其他魚生，望見D魚生食材都好新鮮又衛生!.壽司拼盤 $128呢一款拼壽司拼盤望見都幾好🤔，拼盤一盒有8款壽司：三文魚、北海道帶子、希靈魚、赤貝、大熟蝦、香蔥吞拿魚蓉軍艦、芥辣八爪魚、厚玉子x各2件，每一款壽司賣相色澤新鮮好香魚生味道😙，我最鍾意呢兩款芥辣八爪魚，香蔥吞拿魚蓉軍，味道鮮甜美味完全唔覺得腥味🤫，尤其是芥辣八爪魚夠哂剌激，食一啖口即時流口水🤣勁呀!.三文魚花之戀 $33 2件呢款花之戀壽司顏色鮮艷夠哂吸引😍，一次過食到多件三文魚🤔，三文魚啖啖肉放咗滿滿嘅蟹籽😮夠哂豐富，配埋佢嘅壽司飯粒粒口感軟硬適中😋!.

看完電影後想點外賣回家，戲院附近有不少小店選擇，這次就去了一家日料外賣店🤤。店舖位於巴倫紐商場外面，位於便利店旁邊容易找到。除了壽司和便當，還有小量日式貨物售賣，價格經濟不貴🙈。-▪︎日式芝士年糕 HKD$38這個小吃平常也很喜歡吃的😍，一份四件要趁熱吃的，熱辣辣的口感最好🤤，做到外脆內軟的口感。年糕口感煙韌軟糯，流心芝士味道濃郁，這個組合很吸引。-▪︎三文魚壽司拼盤 HKD$108這個一份十件，一次過吃到不同口味的三文魚。=口味包括：三文魚、三文魚腩邊、蒜燒、鹽燒、醬燒、芝士、沙律醬、京蔥、香蔥及蟹籽。三文魚色澤紅潤，味道鮮甜爽口🤤，每一款口味各具特色。-▪︎一人前壽司 HKD$78 這個一份也是十件，不想選擇的吃這個就對了。壽司包括：三文魚、北海道帶子、大熟蝦、大八爪魚、日本潮鯛、原飯5北寄貝、醋鯖魚、蟹籽軍艦、黃金魷魚軍艦及玉子。顏色較色彩繽紛的一盤，食材用料新鮮。-▪︎芝士三文魚反卷 HKD$33 | 鐵火卷 HKD$28芝士三文魚反卷賣相特別，芝士圍著壽司，材料有紫菜和青瓜，所以口感較豐富😚。鐵火卷是用吞拿魚做的小卷，顏色較搶眼的，口感鮮甜的。-

咖喱又水又淡，飯好淋好淋，仲用紙盒裝。咖喱分裝嘅，但個蓋都唔蓋，倒洒到成袋。個玉子唔係一件，黎個叫半件啦。芝士味道怪怪地。個湯都係好淡好淡，係水掛？生意唔好都唔好返用過夜嘅食物啦 真心又少又難食又貴價豬排飯仲不如大快活，點好意思開門啊？

當佢一開嘅時候非常興奮因為新墟終於有除咗一田之外嘅外賣壽司，已經係買第五六次，暫時每次都係非常高質。帶子非常鮮甜，最易出事嘅刺身紅蝦同埋甜蝦都係非常鮮甜同新鮮，海膽就未試但係我相信都不錯～ 蟹膏壽司原本我都不懷希望， 但食落去係以想不到嘅鮮甜好味，基本上都未食過一件係伏～ 鍾意三文魚嘅人，三文魚拼盤一定要嗌，火灸、壽司、軍艦 滿足曬你所有想食嘅口味性價比都高，雖然佢唔係好大件嘅壽司，但係質素已經補足，同普通爭鮮一田冇得比店員亦都好好～我whatsapp落單都好用心指導同回覆，前嗰排疫情仲會送嚟到樓下（因為好近🤣）但而家應該真係好忙,所以冇再送, 但睇得出佢哋真係好用心嘅小店， 希望佢哋可以繼續留低喺新墟而家基本上每次家庭有聚會都會叫😂😂