影片
電話號碼
34888021
營業時間
今日營業
12:00 - 21:30
星期一至日
12:00 - 21:30
*Last Order:21:00
以上資料只供參考, 請與餐廳確認詳情
新蒲崗一向都多隱世小店❤️早前經過間小店「秋拾米線」，星期六晚臨近九點都全場爆滿😯食完果然爆場係有原因🤓.🍴秋拾豆花撈米線💰$40豆花米線唔係好多地方有，估唔到喺呢一度遇上😍豆花配以炸醬、酸菜、花生、辣醬、芫荽✨辣度自由選擇🌶️滑嘟嘟且充滿豆香嘅豆花撈埋彈牙米線，口感一流😋夏天食寧舍開胃😚食得辣的話建議揀再辣啲，更惹味😝額外加墨魚頭（$8）及豬軟骨（$15），前者爽彈脆口，後者軟腍入味😋.🍴秘製酸辣湯米線💰$37額外加麻辣雞球（$8）、炸醬（$8）、肥牛（$10） ✨湯底標榜不含味精✅所以味道除咗酸辣之外，更有豬骨嘅香甜😌米線口感彈牙煙靭😛特別一讚麻辣雞球，麻香十足好過癮😆.🍴炭燒原塊豬頸肉💰$48必食推介‼️大大塊原塊豬頸肉呈上🤪豬頸肉外焦內爽，最重要蘸埋靈魂醬汁—泰式酸辣汁🌶️突出豬頸肉油香之餘又增添惹味感🆙.🍴越南炸春卷💰$24（4件）用咗米紙做嘅春卷特別香脆，同時又唔會好有油膩感😌一咬開即刻爆餡😝.🍴脆炸珍寶韭菜餃💰$27超大隻韭菜餃🤪揸得勁香脆，韭菜好香😌
繼續閱讀
新蒲崗呢間特色米線店🍜，暫時係我食過最好食嘅一間😍😋!!所以山長水又遠都嚟食咗好多次，絕對係我私心推薦❤️！佢嘅炭燒豬頸肉真係世一，大推～·♡ 炭燒豬頸肉米線 HKD$56翡翠苗（+$8）、滷水腩肉（+$8）呢度嘅豬頸肉🐖就係我食完又食嘅原因🤩，外脆內軟，外層燒得好香口🤤，且帶微微焦香，而肉質亦好軟嫩😚，但又不失咬口，簡直係世一‼️ 仲要豬頸肉係成碟上咁大份，差唔多有10片咁多，好味又抵食👍🏻！而湯底揀咗推介揀秘製酸辣湯底🌶️，我自己食bb辣已經覺得好惹味😋。·♡ 秋拾豆花撈米線 HKD$40墨魚春捲（+$8）、魚腐（+$10）、豬軟骨（+$15）記得一定要order要辣🌶️，完全係靈魂所在🤩。雖然豆花撈米線唔係新鮮事，但將所有配料同米線撈埋一齊，會產生出一個好神奇又惹味嘅化學作用😚，個人覺得佢嘅豆花、炸醬、辣醬缺一不可，豆花好滑無渣👍🏻。另外想特別一提，三款餸都好好食😋，特別個魚腐🐟，魚香味道突出，有紮實感具咬口，推薦大家試吓。·♡ 招牌手作蝦多士 HKD$242大件漲卜卜🦐，炸得好香脆，啖啖蝦肉好有咬口😚，必吃之一。·♡ 椒麻爽魚皮 HKD$30魚皮唔會好辣，口感十分爽脆😙，少少油膩感，但就勁惹味🤤～·♡ 特色檸益（跟餐+$15）♡ 熱檸檬蜂蜜柚子茶（跟餐+$6）個人推薦試下特飲「檸益」🍹，檸檬mix益力多，檸檬嘅酸香可以中和益力多嘅甜度👍🏻，飲落好開胃。·📍秋拾米線新蒲崗康強街34號康強洋樓A座地下8號舖
繼續閱讀
每次經過都會見到好長嘅人龍，專登揀咗平日夜晚去試。坐嘅地方有啲窄，見到都係一班後生仔打理。Menu啲嘢食價錢普遍都正常，小食偏比較平🤑所以忍唔住叫晒所有想食嘅小食。普遍嚟講，我最鍾意食係百味豆腐同埋豬頸肉🤤蝦多士啱打卡📸食落去就普通。之後我哋仲叫咗一碗🐷豬頸肉豬骨湯米線同埋酸辣湯米線，我就比較鍾意食豬骨湯米線。有返以前食譚仔清湯嘅味道（唔知大家有冇發現，而家譚仔清湯嘅味道好似唔同咗），而因為第一次去太多人排隊，我同我男朋友就去咗對面街一間米線，都係未食過嘅。口味更濃郁，我男朋友就鍾意食對面一間米線多啲啦～我就鍾意呢間多啲。但都各有各好處，建議大家兩間都去試吓。
繼續閱讀
今日下午去堂食我揀咗魚腐酸辣米線 轉薯粉，魚腐有4-5嚿，酸辣小辣 唔算好辣，我加埋通菜 同加酸齋 跟餐$6熱飲檸檬柚子蜜 。魚腐好味😋 我真係好鍾意酸酸辣辣😝 我一個人去食 試得唔多款 下次再encore😁
繼續閱讀
作為米線控，梗係要捐窿捐罅食下唔同嘅米線啦！今次就來到新蒲崗呢間人氣米線小店 — 秋拾米線！一去到就見到大排長龍，好彩最後都係等咗15分鐘左右就已經有得入座啦！店員會喺差唔多排到果陣叫食客用住QR code落住單先，所以入座之後好快就有得開餐啦～炭燒豬頸肉米線加麻辣雞球💰HK$64份量十足嘅泰式豬頸肉，表面炸到好香脆，肉質彈牙得來又好juicy，配埋自家製泰式辣汁，充滿泰式風味！麻辣雞球好嫩滑 ，秘製酸辣湯底有好多炸醬好惹味，又有木耳、芽菜等等增添口感～自選配搭米線💰HK$65朋友簡咗招牌豬骨湯BB辣，自家製魚腐口感彈牙！墨魚春卷好特別，有魚肉春卷嘅外表，但又有墨魚丸嘅口感同味道！滷水雞翼好入味，而且超軟腍，好容易骨肉分離！三款餸都好出色～招牌手作蝦多士(2件)💰HK$24招牌必食嘅小食，真係手快有手慢冇，落單嗰陣原來已經得返最後幾份，當晚大約7點15分左右就賣哂啦！蝦多士好薄好酥脆，點埋旁的嘅芥末醬，味道更加突出～特式檸益💰跟餐+HK$15係一杯加咗檸檬片嘅益力多，酸酸甜甜，好開胃～見到雖然得一個店員企門口安排入座，又要幫手處理外賣、收錢同埋收拾枱面，但果位店員都keep住好好嘅服務態度同埋好有耐性咁為食客盡力安排一切，值得一讚👍🏻～
繼續閱讀