端記茶樓

營業中

休息中

星期六家人長輩提議帶我地到大帽山附近的端記茶樓。相信如果無車，都應該唔會專登去呢間茶樓飲茶食下點心。第一次來到端記的我，對呢一間舊式茶樓當然充滿好奇。長輩帶路到其中一幢的天台位置坐低，跟住就到位於地下兩邊自取各款點心。同長輩及家人於品嘗熱茶及點心之際，感覺到舊式茶樓的獨特之處。食品的質素方面，大致上的OK, 但因用膳位置於天台露天位置而十分大風，食物要趁熱盡快享用。服務就主要係自助，唔應該有任何期望。

今日無聊冇嘢做，特登揸車上去大帽山端記飲茶，佢之前嘅經驗揸車上去嘅途中硬係覺得冇位泊車，而家上到去就真係冇位泊車，要諗辦法泊好架車行入去，佢停車場裏便可以拍10架車左右，今次我哋坐樓上露天位置，一如以往都係攞嗰啲中式點心例如蝦餃燒賣西洋菜，排骨之類嘅嘢啦同埋腸粉，今日另外叫咗一個馬豆糕同埋即撞嘅豆腐花，個豆腐花做得相當出色，好有豆味同埋好滑，如果馬豆糕亦都做得好鬆軟，期待下次朋友嚟香港嘅時候可以帶佢哋見識吓呢間古色古香嘅酒樓

今天放假去了川龍端記茶樓嘆個午茶，這茶樓算是舊式茶樓，要自己沖茶和攞筷子、碗，服務員只會為你點菜和收拾檯面，他們有些座位可以坐在露天地方觀景，但夏天的時候會比較熱。 今天我們一同四人叫了數樣食物，食物味道正常不會太差與一般酒樓冇分別。 牛柏葉非常煙韌爽口味道很好魷魚沒有咖哩味但吃起上來也很好吃。馬拉糕不夠熱也不夠鬆軟吃起來有點實。蝦餃那些蝦很大隻，新鮮燙口鳳爪味道正常溫度欠缺。排骨飯新鮮出爐很有傳統排骨飯味道。雞扎有大塊豬肚，魚肚也爽口。牛肉球很大粒，加喼汁十分好吃。燒賣味道不差，咬下去有口感。皇牌西洋菜，味道没有前那麼好吃，但不算差。價錢算平，特色茶樓也是這個價算抵。

話說上年聖誕通頂後，去咗馳名嘅「端記茶樓」。首先，想去食嘢，要有心理準備：1. 要早起，早d去先食到新鮮出品，尤其是炸物！雖然開到2pm，不過晏去有機會少d選擇。🥸2. 位於山上，唔係咁容易去，通常都揸車或者小巴入去，泊車位又少又窄。🥶3. 食個情懷大於味道。🫡有心理準備之後，去完會覺得更值得😜我哋係6:10已經到咗，天都未光。茶自己揀自己沖、點心自己揀自己拎。建議好天就坐2樓露天位，見住個天慢慢變光，都幾靚😌山長水遠嚟到，無理由唔試d特色嘢，以下✌🏻個重心推介：⚠️懷舊點心：竟然俾我遇到星爺戲入面嘅「師奶淫得很」！其實係鮮蝦銀針粉😌雖然味道不驚艷，但有種莫名嘅親切感！🥰大包：我係第一次見，真係好大個、好多餡，分3份食，每份都接近1個叉燒包份量。（炸物都好出色）芋角：我又係第一次見，外皮炸到好脆，入面滿滿芋泥，食落令人溫暖☺️沙律蝦角：我再係第一次見，外皮好脆，入面嘅蝦好多，沙律醬中和油膩感。👍🏻⚠️皮蛋瘦肉粥🤔我係訓身推介，個粥超級棉，皮蛋味煲到溶入粥裏，瘦肉一絲絲散喺粥入面。再配d炸脆脆，係飽都食得落果種美味！（山長水遠叫人入去食粥😂我都少少怯，所以放後d講）最後，常見嘅點心都會搵到，水

呢兩日有啲大霧，就一於上大帽山飲茶，再行吓山睇霧。端記處於大帽山山腰川龍村，有免費車位，不過平日都好爆，揸車就要早啲入嚟。我哋好彩可以坐到樓上露天位置，風味十足，但就要落返樓下攞點心。呢度杯碟自己執、沖茶自己沖，點心自己攞，全部客人要自己搞掂，反而我就覺得幾鍾意。食完後店員姐姐會埋嚟數碟計數，所以中途係唔會有人執枱收碟嘅。食物選擇多，仲有多款懷舊點心，師傅即場製作，唔似一般酒樓攞貨。同埋要留意住，有咩新鮮出籠都會用大聲公宣布，自己就要走去攞，手快有手慢無。#鵪鶉蛋燒賣唔係好多酒樓有得食，傳統嘅味道。#千層馬拉糕出籠熱辣辣，鬆軟有蛋香味，賣相不錯，甜度適中。#金錢肚金錢肚掛滿濃郁沙茶醬汁，口感彈牙，墊底白蘿蔔入味。#雞扎細細舊，湯汁味濃，有雞翼、火腿、其中魚肚更吸收了湯汁精華。#乾炒牛河夠晒鑊氣熱辣辣，牛肉新鮮大大片，幼身河粉炒得條條分明，唔會黐埋一堆，質地爽滑，醬油味濃郁而且兜得好勻，全碟上晒色，碟底唔會有多餘嘅油凝住，食一啖已盡顯師傅工架。#山水豆腐花用一大個膠桶盛載豆腐花，豆味濃郁，質地比較粗實，有手工製嘅感覺，可能因為知道用呢度嘅山水造，所以覺得特別清甜。好多客人都喜歡食川龍名物

茶樓開6am，天都未光，我哋一行人6:15am 左右到達，已經有起碼8架車泊咗喺度🚗🚙 好在早到，仲有靚位泊車，如果唔係食食吓嘢要倒車讓位俾人出😅 開定茶位，坐2樓露台位，雖然好冰凍，但成功捕捉晨光第一線👏🏻茶水間係自助模式，鍾意飲咩茶自己沖🫖拎嘢食都係，落返地下揀，有炸物、蒸籠點心、粥麵及甜品，任君選擇⭐️呢度嘅炸物幾好食，真係卜卜脆，一定要食嘅係炸雲吞，同埋送粥嘅薄脆🤭 一流👍🏻 其他蒸籠點心穩定發揮，正常茶樓水準，蝦餃OK，蝦肉都幾彈牙，燒賣就一般，唔試都得；牛肉球比較硬身，但都算唔錯嘅☺️腸粉都幾滑，個麻醬好夠味，比較杰身；皮蛋瘦肉粥正路；馬拉糕同馬豆糕都偏甜😛

上咗大帽山川龍端記飲茶🫖，好彩有車，但司機搞錯咗川龍街同川龍😅，上到大帽山半路右轉➡️入川龍村，入村路好窄，考司機技術，有時見到對頭車仲要倒後。泊咗車後就見到村屋，上條好窄既樓梯搵位，點知上層都全滿，等咗一陣先有枱。點心同沖茶都要自助。點心🥧一定要樓下攞點心🥧，但茶就每層都有得自助沖，我飲普洱茶。點心🥧攞咗蝦餃、燒賣、雞扎、鳳爪、排骨、叉燒包、咖喱豬肚、鮮竹卷、牛肉、雞球大包、馬拉糕。鮮竹卷同炸雲吞好食，炸雲吞好脆。淥菜要搵地下阿姐淥，可惜西洋菜賣哂只有油墨菜就叫咗一碟。好多人食茶粿同山水豆腐花，但我想攞既時候已賣哂。埋單就叫侍應數點心籠同碟，所以冇人會清枱除咗埋單嗰一刻。最後都係每人$84.5，食到好飽。食完行咗附近睇埋西洋菜田先走。

朋友一家約我們開車出去玩，早上先來到端記茶樓。大大的茶樓名字遠遠就能看見。十點多，也有四、五桌客人在。隨便找了一個桌子坐下來，朋友說，一切都是自助。先沖茶，四種茶葉任選，旁邊就放著開水爐，自己沖泡。餐具自取，我看到有客人直接在開水爐下面清冼餐具。大大小小的蒸屆籠里有各種點心，自取。屋外的櫃子裏面有炸好的云吞，芝麻球，旁邊還有剪刀，方便把芝麻球剪成小塊。我拿了一份炸春卷，沒想到里面是芋頭，好特別的味道。另一個蒸汽櫃里有各種腸粉，旁邊有不同的醬汁。一開始我們只拿了這些，後來又加了很多其他東西，光是西洋菜苗就吃了兩盤，還有腸粉、叉燒包、豆腐花。哇，太飽了。服務員上來數盤子算賬😂😂😂😂一共花費510塊錢。這些是准備好還沒蒸的點心。下次有機會還要再來。

🥟平時你去食自助餐就去得多有無試過去自助茶樓先一早久仰大名川龍村端記茶樓雖然地點就較為偏僻🥲但都無阻我登門拜訪下佢地呢到最過癮既地方就係所有野都自助包括出去自己拎茶葉 針水 同拎野食但好處係所有野都可以隨心所欲‼️想食咩就食咩 要幾多是油自己落包括調教茶既濃度 想濃就落多啲茶葉😆In gerneral 所有點心都好食既😋個人就比較推薦牛肉球同蝦餃腸粉就略嫌個皮有啲厚總括個味道唔會同出面茶樓爭太遠但特別既係個環境🤩🤩因為係山上 空氣都會比一般茶樓清新而且亦少左一份平時既吵鬧👍🏼

📍 川龍端記茶樓 - 荃灣☀️天氣幾好就應該出去行下～睇下呢個世界有幾靚！🚶行去揾位先 地下近拎點心 行上一層會冇咁熱 幾把風扇會涼爽d 行出d 就係露天位置今次坐左露天位～🥢碗筷亦是要自己拎(●°u°●)​ 拎好位 就去沖茶 拎個茶壺🫖 揀茶葉 香片、水仙、壽陌、普洱 洗埋茶杯🍵碗碟筷子🥢就落番去地下拎點心食～✨牛栢葉✨粉果✨排骨✨ 鵪鶉蛋燒賣👍🏻〔雙拼〕雞同叉燒雞油比例好好 叉燒超好食 係炭燒 一試難忘💛👍🏻山水豆腐花 〔推介～〕^無影到🤣真係用呢度的山水造的 口感比較實 豆味重 都好清甜 出面買唔到呢種口感————————————————————————＜全自費 真實評價＞📣可以留意佢的大喇叭🤣 有咩新鮮出爐都要講～✈️因為位於大帽山山腰 頭頂不時有飛機經過～好掛住去旅行的感覺飲完茶落左去佢地種西洋菜的地下水道 〔小橋流水 綠油油的田〕沿途有賣涼茶～🥲呢度最出名係灼西洋菜 係呢度自家種的菜ee 話今年收成唔好 所以今年冇得食🥺🔎總結感想 🦆我都係第一次去 跟住友人去 全新體驗～後來食得好開心冇咩影相🤣————————————————————————📍 端記茶樓 荃灣荃錦公路川龍村5

呢度係食情懷，食舊香港茶樓風味老實講，點心係一般，比連鎖店好小少但一心想黎食精巧小點，唔會係度講起懷舊，而家坊間好少推車仔，叫賣聲，少左親切，換成全部隔板，呢度雖冇車仔叫賣但係自助形式，見到對出環境過黎體驗下，一試無妨推介春蛋燒賣，馬拉糕同炒時菜馬拉糕鬆軟冇死實，食落冇果陣發粉味淡淡甜味炒時令菜郊田種出黎，唔一樣，爽脆，菜柄多汁少食左春蛋燒賣，得閒回味下最鐘意沾少小喼汁，辣油年紀大左，小食左而且坊間都少有P:揸車早d泊入黎

趁天氣還好, 去荃灣引水道行下,一於去瑞記嘆番一盅兩件。處於郊外，空氣清新。蝦餃皮厚咗、不過蝦肉都幾彈牙加番分。鳳爪排骨飯賣相麻麻、飯偏冧但好彩食落都唔錯。西洋菜、嚟到端記一定要食、超嫩、好清甜、雖然要50元一碟、都值得一試。腸粉皮比較厚，一般水準，鵪鶉蛋燒賣，出面酒樓好少有得食，有童年的回憶，懷舊大包，size比一般細，可接受，糯米雞同出面的酒樓沒有太大分別。酒樓位處山上，空氣清新，平時遊人都唔少，星期六/日遊人更加多，建議平日去比較好些。

平時飲茶多數去酒樓今次黎大埔端記茶樓感受下另一番風味～😋自己拎點心 自己沖茶 同酒樓飲茶真係完全唔同點心當然正常發揮啦～一朝早黎都非常多人要坐到「露台」位就要好早黎到啦～揸車去會比較方便茶樓出面都有位可以泊車㗎～

天朗氣清，藍天白雲，昔高溫難耐，那就閒聚喝茶為樂。走上那些年的小路上，念著舊友古地重遊，踏上陽台，清風送涼，朋友招呼周到，今天可以做女王，安座乘涼。 到老舖有心理預備一齊自助，取杯碟，沖水開茶選茶，也自助，取食物也自助，但人情味在，服務員跟客人聊天，行山，氣溫，食物，種種不同也能談天和洽。真好。 朋友行走點了一次又一次食物，酒不過三循，朋友也走了三轉，找美食。 第一轉：蝦餃（真正做到皮薄，足料，有成隻蝦，蝦肉彈牙），菜肉餃（菜肉皆豐富，差不多要脹爆薄皮），綿花雞（大家都擔嗰棉花，好在都有很多塊）第二轉：炸雲吞（朋友話要食，又真係係唔油膩，加上特製醬汁，更吸引人），牛柏葉（我就最愛，因為爽口好入味，一人食了差不多半碟），豬大腸（能做到唔肥膩真的不易，其他酒樓已少做此心機菜） 第三轉：鵪鶉蛋燒賣（好味，又係朋友的童年回憶），千層馬拉糕（我的婆婆以前精同我食千層糕，但已近絕跡酒樓，只好用此一解愁思，回憶那份甜），豆腐花（冇得輸，滑，清，幸福感全來）。

出發行山前先到大帽山飲茶先～星期一大約12點去到～都幾乎座無虛席～端記保留傳統茶樓經營模式～由開茶到揀點心都係自助形式～但果邊個啲待應叔叔好～知道我第一次嚟～都幫我攞托盤同點心夾教我點攞野食～當有新款點心出爐前～會開咪廣播～最驚喜係原來有茶果～仲係我最鍾意嘅花生味😋😋我地食左11款點心～有燒賣～茶果～金錢肚～馬拉糕～叉燒包～埋單都係$210～係戶外環境飲茶都幾Chill😎😎好滿足～好似成個退休生活咁