影片
更多
2023-01-17
700 瀏覽
呢兩日有啲大霧，就一於上大帽山飲茶，再行吓山睇霧。端記處於大帽山山腰川龍村，有免費車位，不過平日都好爆，揸車就要早啲入嚟。我哋好彩可以坐到樓上露天位置，風味十足，但就要落返樓下攞點心。呢度杯碟自己執、沖茶自己沖，點心自己攞，全部客人要自己搞掂，反而我就覺得幾鍾意。食完後店員姐姐會埋嚟數碟計數，所以中途係唔會有人執枱收碟嘅。食物選擇多，仲有多款懷舊點心，師傅即場製作，唔似一般酒樓攞貨。同埋要留意住，有咩新鮮出籠都會用大聲公宣布，自己就要走去攞，手快有手慢無。#鵪鶉蛋燒賣唔係好多酒樓有得食，傳統嘅味道。#千層馬拉糕出籠熱辣辣，鬆軟有蛋香味，賣相不錯，甜度適中。#金錢肚金錢肚掛滿濃郁沙茶醬汁，口感彈牙，墊底白蘿蔔入味。#雞扎細細舊，湯汁味濃，有雞翼、火腿、其中魚肚更吸收了湯汁精華。#乾炒牛河夠晒鑊氣熱辣辣，牛肉新鮮大大片，幼身河粉炒得條條分明，唔會黐埋一堆，質地爽滑，醬油味濃郁而且兜得好勻，全碟上晒色，碟底唔會有多餘嘅油凝住，食一啖已盡顯師傅工架。#山水豆腐花用一大個膠桶盛載豆腐花，豆味濃郁，質地比較粗實，有手工製嘅感覺，可能因為知道用呢度嘅山水造，所以覺得特別清甜。好多客人都喜歡食川龍名物
我哋好彩可以坐到樓上露天位置，風味十足，但就要落返樓下攞點心。呢度杯碟自己執、沖茶自己沖，點心自己攞，全部客人要自己搞掂，反而我就覺得幾鍾意。食完後店員姐姐會埋嚟數碟計數，所以中途係唔會有人執枱收碟嘅。
19 瀏覽
0 讚好
0 留言
食物選擇多，仲有多款懷舊點心，師傅即場製作，唔似一般酒樓攞貨。同埋要留意住，有咩新鮮出籠都會用大聲公宣布，自己就要走去攞，手快有手慢無。
鵪鶉蛋燒賣、千層馬拉糕、金錢肚、雞扎
16 瀏覽
0 讚好
0 留言
#鵪鶉蛋燒賣
唔係好多酒樓有得食，傳統嘅味道。
#千層馬拉糕
出籠熱辣辣，鬆軟有蛋香味，賣相不錯，甜度適中。
#金錢肚
金錢肚掛滿濃郁沙茶醬汁，口感彈牙，墊底白蘿蔔入味。
#雞扎
細細舊，湯汁味濃，有雞翼、火腿、其中魚肚更吸收了湯汁精華。
乾炒牛河
20 瀏覽
0 讚好
0 留言
#乾炒牛河
夠晒鑊氣熱辣辣，牛肉新鮮大大片，幼身河粉炒得條條分明，唔會黐埋一堆，質地爽滑，醬油味濃郁而且兜得好勻，全碟上晒色，碟底唔會有多餘嘅油凝住，食一啖已盡顯師傅工架。
山水豆腐花
19 瀏覽
0 讚好
0 留言
山水豆腐花
18 瀏覽
0 讚好
0 留言
#山水豆腐花
用一大個膠桶盛載豆腐花，豆味濃郁，質地比較粗實，有手工製嘅感覺，可能因為知道用呢度嘅山水造，所以覺得特別清甜。
好多客人都喜歡食川龍名物灼西洋菜，另外仲有客家茶粿、竹籤遮仔啫喱，童年回憶返晒嚟。適逢就嚟農曆新年，見到師傅一底底年糕，蘿蔔糕新鮮出籠，好壯觀。嚟呢度唔係食味道同服務，係食環境同情懷。
#端記茶樓地址：荃灣荃錦公路川龍村57-58號
張貼
