美好快餐店 (已搬遷) 新店位置

沙牛面面量多稍淋身, 牛肉口感可以, 方包選配煎蛋/Omelette.街坊生意多, 但轉流都快, 大多時間都有位... 好少話要等位要超過5,10分鐘.不妨一試

昨天，商場內很多餐廳均滿座，途經此快餐店，看到餐廳內竟然有空座，所以就選擇此餐廳進食。看到餐牌，上面寫著“推介咖喱牛筋腩飯”，就決定選購此餐，隨餐附送一杯咖啡。取飯後，我十分努力地在咖喱飯中，找尋牛筋腩，發現這碟飯中只有薯仔、少量牛筋及一顆比拇指大少許的牛腩，三者比例是10：9：1！咖喱汁似乎下了很多芡汁，但咖喱味卻不濃。咖啡有陣陣燶味，我只淺嚐一口，就放棄了。下次，如果要我花費相同價錢，可能在連鎖餐廳等位進餐比較好了。

美好提早了下午茶 (2點開始)本著一場街坊, 沖了入去叫左個下午茶........望一望茶牌, 例牌有熱狗套餐因為之前食過~都不過不失, 所以毫不猶豫落左單....勢估唔到係一場與不凡平的熱狗相遇............有新加入的紅棗茶，不過熱飲　無叫到等左幾分鐘後, 櫃位呼叫我去領取....當我睇到佢時!!!!我呆了熱狗中間果位腸類先生係咪行錯位置呢??廚！師！腸！來！架！喂！！！！麵包完成將佢重重包圍，上面還有佈滿即將要把腸先生掩蓋的沙律醬小姐。。。。。。當然佢的雞全翼係熱的，食的時候忿怒中帶住些少安慰Ｔ＿Ｔ由於有些少淆玲及帶著滿頭問號（是否我大驚小怪的心情），默默進食哩個下午茶！！！！！！！！！！！！！！！！！！！！！

其實都係第一城住咗一段時間，平常都好鍾意到美好快餐食，因為她有很多不同種類的選擇，有湯麵、有炒飯、也有西餐，我比較喜歡他的西炒飯，全部小炒也是即炒西炒飯：粒粒分明，飯粒沾上了番茄醬，配以叉燒、火腿、蛋、菜粒，很有鑊氣😋菜肉雲吞米線：一碗米線有五隻菜肉雲吞，每隻都很足料，白菜和肉的調味剛剛好，我覺得比較好的是他們會附上幾條菜，比較健康🌱飲品方面，薏米水有很多薏米，但味道偏甜，普通水平要注意的是外賣會加一蚊，等待的時間也比較長

雖然係第一城大集團連鎖餐廳好多選擇，但快餐我都係喜歡美好。佢唔似連鎖大批量生產，每樣都係落單後即煮，夠曬新鮮，而且食左幾年，質素一直保持得好好。性價比高的最佳選擇

好少入嚟沙田食嘢，意外發現咁平價又好味的快餐店。平時食連鎖店多，因為味道間間都一樣好悶但質量有保證。今日搵tea食，俾商場水牌上嘅三文治薯條吸引。兩個人食個tea$75。經濟實惠，美味飽肚。好過食老麥啦～出嘢算快，出餐模式同大快活一樣，唔駛企曬喺度等，攞位睇number就OK。weekend tea time唔太多人。好多人食炸髀薯條，應該係招牌。

美好快餐，已屹立於沙田第一城多個頭，提供平民化實惠的快餐。和旁邊的大家樂相比，價錢差不多，份量卻有1.5倍，味道也別有一番風味，是連鎖店以外一個很不錯的選擇假期早上，我和老公一起吃早餐。餐牌除了一般的雞扒、煎蛋、米粉外，還有中式的粥品、鹹肉糭、粉果等快餐店比較少有的。（但如果想吃炸物，美好快餐的早餐就不適合你了）我點了雞扒煎蛋配雪菜肉絲米粉。雞扒醃得很入味，卻不會太鹹。煎蛋略嫌蛋白煎得不夠香口，蛋黃是全生的，走嫩滑路線。雪菜肉絲米粉分量很足，胃口小的，二人分享一餐都足夠。雪菜很多，是新雪菜的味道，不太鹹，也沒有沙。只是肉絲比較少，吃到的四五條都是瘦肉。老公點了雞扒火腿炒滑蛋配多士。炒滑蛋很香牛油味，也夠嫩滑。多士烘得剛好，香口，也足以融化中間的牛油值得一提的是，餐飲可以配薏米水。薏米份量很多，輕微甜，感覺比喝奶茶咖啡健康很多，而且不用加錢，值得一試👍🏼

雞柳意粉。這款雖然比較普通的菜式,但舅父吃得很開心。他跟我說咖喱味很香,而且很濃郁。跟嫲嫲煮的餸菜一樣。尤其是雞柳很香很滑吃得出很鮮味。加上他們獨有的架哩curry顯得相得益彰凸顯色香味俱全。令人垂涎三分。餐牌上鮮豔嘅紅色意粉吸引住我嘅視線，肚餓嘅我不期然 食食到 自己肚腩 大咗

上次都已經試過這般的安排，就是挨近五六點，輕微肚餓，然後想找個地方坐坐，於是就去了吃下午茶，但是之後去到8/9/10點，都不怎覺得肚餓，於是夜晚就悶悶的散步，吃不了晚餐😒😑。🤐這次亦是一樣，在第一城附近工程完畢，就走到來第一城這間店舖。據說以前，這間是那些逐塊牌安上去的舊式快餐店，買票之後自己端餐。奶醬多，醬不太多，白麵包及麵包皮位置均多。唯一可取之處，就是切開兩邊，還要是兩塊麵包打叠在一起，份量應該算是比較多的。但是現在，餐牌顯示牌已經使用那些電子螢幕，就像美心快餐一般，看一看餐牌有什麼特別，見到有西多士，又有薯條的餐，於是便立即點了這個，因為它還包括了兩串沙嗲雞肉。兩串沙嗲雞肉，每串都有三四件雞肉，不太鮮美，就像雪藏的雞脾肉，味道還好，沙嗲味道不太辣，輕微甜味，只可惜就是溫度高而油份偏多，顯得比較油膩。西多士的份量也正正常常，但邊皮位置醬汁少，因此會有空口吃白麵包的地方。薯條都是普普通通，雖然它是波浪紋薯條，但是亦都不太夠熱，因此顯得有少許油膩的感覺。駌鴦走，奶茶味道挺香濃，咖啡味道還可，兩者溝完之後都沒有感覺到什麼酸味，因此味道不錯。

茶餐廳多士有很多款，隨口都可以講幾款出來，例如奶油多，奶醬多，占醬多… … .今次先說沙田第一城美好茶餐廳，早餐時間，柯打：占醬多士，熱檸檬茶，今次主要講占醬多士，果醬＋花生醬 + 麵包2片 （要求留邊），多士烘底夠平均，有香脆咬感，厚度適中，不會食完一陣風的感覺，醬料十分多，多到流出麵包外，令人看到都開心滿足，做多士的廚師絕不手緊，大愛他做的多士，果醬和花生醬的比例剛剛好，不會只吃到其中一個醬料，兩者均勻塗在麵包上，大家有機會來試吧！！厚度：適中烘底：烘得平均金黃色饀料：特級份量

問我第一城我最喜愛的茶餐廳, 我一定推介 "美好快餐店".我吾算係常客, 一個月先可能幫襯一次, 但每次都食得好滿足.呢間快餐店俾我最深印象係D食物好大份. 無論早餐定碟頭飯, 一個人如果食得晒一份, 通常之後就可以食少餐.頭幾次幫襯覺得佢價錢偏高, 但試過幾次同老婆食2碟飯結果幾乎打包返一碟, 同埋有時 3個 friend share 2 碟飯都好飽之後, 其實佢真係一D都吾貴. 中西式快餐又有, 公仔麵又有, 牛腩麵都好...  選擇算係全面.老婆最 like 佢杯薏米水, 吾洗加錢, 但又係好足料. 今日同老婆 lunch, 一碟飯2個人食, 仲有飯剩... ... 50蚊, 抵食啦!

今日ot o到2046番到屋企附近可以選擇既飯餐已經唔多被迫食外賣頹飯美好快餐...點知就中晒伏辛苦左成日都係唔想食太差je唉話就話佢係頹飯但係個價錢就一啲都唔平而且越黎越貴囉靜靜雞加價唔係被迫都唔會再食呀！😤😤外賣左個豆腐火腩飯番去食一打開個飯盒已經有啲唔開胃既感覺個汁傑撻撻好似隔夜餸啲汁變左一舊舊膏咁🙈🙈都唔敢攞佢黎撈飯至於個主角火腩成盒得一兩塊腩肉既精華- -脆皮其他果啲呢？攞左去餵狗？🤷🏻‍♂️又肥膏多過肉真係求求其其食飽自己就算鬼叫要ot咩...間野真係淨做學生哥生意就算如非無選擇真係唔想再食🤦🏻‍♂️

來美好嘆早餐，侍應有禮，價廉物美，出貨（製作）快！來個快靚正早餐，賣相不錯，份量足夠。奶茶水滾茶靚炸菜肉絲湯米，熱辣辣清湯，食完不會有口渴感，米粉爽口。再配三式併盤（火腿，煎蛋，腸仔），很飽肚呢！如果有塊方包/餐包就更完美啦！雖然這樣份量已很飽肚。美好環境乾淨，看到樓面姐姐每天都好勤力清潔抹枱，收拾食客食完的東西，讚！第一城推介之選，早午晚三餐都可以考慮的地方。早餐時間：7:30am已有九成滿坐。

今日放假起身已經十點幾，落街搵嘢食已經十一點幾，都冇早餐啦，阿女嚷著要食湯粉， 呢間第一城嘅飯堂， 午餐時段都會有常餐，炒粉麵飯，燒味，生滾粥，樣樣有樣樣齊。呢個時段唔算多人都容易搵到位，室內環境舒適，大量四人枱，靠牆也有二人枱。魚香茄子炆米係我嘅飛佛， 師傅到炒得唔錯，可惜鹹魚味欠奉。早餐~雪菜肉絲湯米，火腿奄列，牛油麵包，加個少甜檸檬茶，雪菜肉絲米大量雪菜，味道唔錯，湯底ok。時菜魚柳濕炒河，炒得好香口，這個餐包一杯熱嘅袪濕薏米水，這個天氣好啱飲。

一日之計在於晨。吃碗好粥讓人心滿意足~ 皮蛋瘦肉粥配炒米粉皮蛋瘦肉粥：非常多皮蛋，而且好吃，喜歡吃皮蛋的必定很開心。用料十足。瘦肉份量正常。粥煮得夠綿，好吃！炒米粉：米粉條條分明，唔會一舊舊，完全唔油膩，也不咸，味道十分清淡，感覺健康，但亦因此不會覺得好好味。餸菜份量不算多，也就是一般快餐那麼吧。沙爹牛肉米粉配豬扒煎蛋加薏米水沙爹牛肉米粉：ok豬扒：非常非常咸。只吃到調味料的咸味，吃不到豬扒味。完全不好吃。煎蛋：非常一般。薏米水：甜甜地，非常好飲。整體：感覺管理良好，地方衛生清潔。早餐時段也有許多人幫襯，接近滿座。