翔龍拉麵小籠包 (已搬遷) 新店位置

失望。1. 孜然羊肉被青椒和洋䓤味道搶了，沒有孜然的味道，辣味是一般港式桂林辣椒醬味道。2. 口水雞，沒有花椒、麻油、八角味道，也是一般港式桂林辣椒醬味道。3. 小籠包，沒有驚喜4. 士多啤梨拔絲，其實只是冰糖胡籚。可以想像香蕉拔絲應該都只是先冰鎮好上桌。現在沒有多少店舖可以食到新鮮炸好的香蕉拔絲，奉上冰水，自己冰鎮。

其實每一間上海菜食店都差不多，但這家卻令我把它列入黑名單了不是食物及環境差，而是服務態度應需再大大改善先說食物好了。。這是朋友點的紅燒牛肉拉麵：說湯咸了點紅燒牛肉是不錯，也比較軟身，應該很適合老人家吃這是我點的醬燒豬軟骨拉麵：豬軟骨也很軟身，湯也不會咸。。但有小插曲小籠包：一口大小的小籠包，外皮包得不錯五香燻魚：雖說是無骨，但魚的周圍越吃越口渴五香汁像蜜汁的味道，一直吃口會有點乾雞絲粉皮：跟坊間的都差不多吧

香煎芝麻蔥餅($45) 餐牌上的相片同實物完全唔同樣, 如果知道實物係咁既樣, 我一定唔會叫, 因為間間都係咁既味道, 冇乜特別. 香脆既外表, 少量既蔥段, 一人只可以食到2件左右, 因為好明顯唔係香煎, 係炸既, 所以食得多會好滯雪菜肉絲炒年糕($58)味道清淡不油膩, 配豆瓣醬一流翔龍擔擔面 ($38) - 可選擇辣與不辣, 只有淡淡既花生味同辣味四季窩貼4件($32) - 煎得好脆口, 豬肉半肥瘦適中上海春卷3件($28) - 餡料好似冇肉既, 因為入面d金菇同菜出水, 所以食落口一pat野咁

翔龍拉麵小籠包每次行過都有甘多人排隊令我真的想試一次，今日我試到啦。我同朋友排左半小時先有位，明白服務只已經盡量安排但都要半小時。服務員的態度都唔錯而且行動都算快，要求茶水都很快速。餐廳環境唔錯，以簡潔木式裝修及暗淡光為主，桌子唔算好多但坐位都算濶，而餐牌設計清晰。我們二人叫左翔龍海鮮麵、小籠包及沙鍋雲吞雞煲3個菜。翔龍海鮮麵： 麵質較軟，海鮮以蝦肉為主，冬菇菜作配料，顏色豐富但味道一般，這可能是鹼水味太濃，破壞了海鮮麵的質素。小籠包： 皮薄、肉餡鬆而且香，皮中湯汁鮮美，口感唔錯。沙鍋雲吞雞煲： 金華火腿味濃但湯清唔入味，雲吞肉餡足料，口感唔錯，而雞方面，服務員會幫我拿出來，雞分量很少，肉質而且煲乾。綜合一切，我覺得有點失望因為它沒有我想像中甘理想。希望它的食物質素可以提高，而唔希望翔龍的隊可能是一個假象。

餐廳要你等位等咁耐, 原因係佢唔可以俾人搭枱坐, 今日去食時, 人地突然多左一個人, 理應盡快安排人地去第二度坐, 照理無可能俾人搭枱, 但今次去佢竟然俾人搭枱, 完全唔問個客得唔得, 只係講句唔好意思就算, 邊有咁既服務態度 ga !!D野食又唔係特別好食, 講真俾人寫到咁好, 我唔覺得我會想去第二次 lorlei D 餐廳我覺得去過一次就算了, 只係名大於實, 唔會再幫襯第二次

(751)跟太太一起閒逛，晚間來到愉景新城商場，晚飯選擇了翔龍小籠包，皆因...這晚沒有了長龍。兩個人，選擇了蟹粉小籠包，素菜包，煎牛肉包，四喜烤夫，翔龍擔擔麵及豆沙鍋餅。這餐感覺一般，四喜烤夫與擔擔麵似乎很珍貴！蟹粉小籠包，瀰漫著鯹氣，回憶過去，鴻星優勝了。往日翔龍於晚市期間，一向是長龍不絕。今天，翔龍沒有了長龍，人不多，反而感覺清靜舒適。  

星期三放工好想出街食，Call阿媽出荃灣食晚飯。因為18:45左右已到餐廰，唔駛等位就可以入座。兩個人一共點咗五個餸...hee每次食上海嘢必食之選. 好味呀.麻醬&粉皮配搭得好好...唔會太少醬乾爭爭。粉皮/雞絲份量唔會少 四個人share食都滿足 涼浸浸豬手索哂D酒味. 夠煙UN 彈牙有口感. 正碗牛肉絲上枱時已香氣樸鼻. 用匙羹'畢'入個叉子一齊食 (叉子一碟四個)牛肉絲好入味既關係. 配埋淡芧芧既叉子食. 好好味. 兩個人食的話 都飽飽地滿心期待既鱔糊粗炒. 反而最一般. 不過勝在頗大碟.夾第一撮食已經唔覺好熱辣辣. 味道偏淡. 粗面咬落去有水汪汪既感覺. 春卷最後先上. 雖然望落唔多精神. 不過即炸既關係. 所以食落好熱好新鮮. 但又唔會油lum lum.D餡有蘿蔔絲配冬菇絲...etc. 入口好juicy. 都OK 由於實在太飽既關係. 個胃已經無位置食埋甜品. 下次再光顧時必叫 因為D甜品相對地比出面多選擇...

今日媽媽話想一齊食午餐，指明要蒞呢間食小籠包，OK，咁就兩個人叫四個餸啦！我哋要咗~~~首先上枱既係香煎素鵝同小籠包我覺得小籠包要皮薄餡靚又多汁先好味，呢度既就做得到，值85分，扣減咗既係豬肉既調味好像還差一點點。香煎素鵝煎到外脆內軟，又唔會太油，其實都做得幾好，但兩個人食既話又份量多了一點。跟住到小黃魚上次我蒞呢間食過香煎小黃魚，印象中好好味，所以今次再叫，但餐牌上只有椒鹽小黃魚，諗住差唔多就試下啦。咁今次又唔係話唔好食，但上次係三條「小」黃魚，今次係兩條「大」黃魚……，肉質無咁滑。同埋今次係炸，而且有少少炸過頭，鍾意食香口野既就無問題，但食得清淡既人會覺得太熱氣。最後上枱既係三鮮水餃餐牌無寫係咩三鮮，食咗發現係豬肉、東菇、蝦。不過蝦既份量超小，要好為意咁揾佢出唻先見到。雖然個水餃同樣皮薄，但味道同小籠包差好遠，我覺得食多籠小籠包好過。本來想叫多個木瓜餅做甜品，但我哋太飽啦，食唔落無叫到。

喜歡愉景可隨時泊車, 很少因沒車位而需要排隊, 所以是日即使是週末的黃金時間都走過來, 但出乎意料之外, 商場原來正在翻新改動, 很多食肆甚至連food court也關閑了, 留下來繼續營業的餐廰只得幾家, 於是全都要排隊等候已經等到餓壞了, 對即將可吃的沒期望, 但求飽肚, 誰不知這麼多街坊扶老攜幼來光顧的滿座餐廰, 竟然依然保持食物味道及質數, 真意想不到除了外皮很脆之外, 內裡的饀料不是被炸得乾乾的, 竟然是依然濕潤的雜菇及菜, 很特別呢很爽口的一個菜, 菘子很香令人很開胃想一口一口的吃下, 包著薄餅吃, 是不錯的選擇!薄皮多汁饀多, 簡單又美味, 不需多形容呢看似不看不碗, 其實是很多的麵, 真是有吃極都不完都感覺, 很抵吃, 濃湯多料又夠花生味, 實在是至愛

本身唔係對依間食肆有好大期望都係想正常水準食餐上海菜反而事後覺得佢其實煮得唔錯同有心機由其係個拔絲士多啤梨個賣相又得分喇ＨＡＨＡＨＡ食落直頭係冰糖葫蘆！好多汁好香甜，但要等好耐，記得早Ｄ落單～因為多人都試左幾多野濃味既有黑醋排骨，手撕雞，羊肉夾餅同我愛既鱔糊粗炒樣樣都中上水準好入味，排骨炸得岩岩好唔會乾又唔會硬羊肉夾餅又多汁，個皮又新鮮香軟鱔糊粗炒好多料，啖啖都食到鱔條，彈牙夾岩芽菜一齊食好味道手撕雞又係肉嫩，皮同肉既比例好好高力豆沙仲係暖既，紅豆香糯綿滑整體比想像中都好

婆婆愛吃雞，想起這兒的嫩雞煨麵和砂鍋雲吞雞比較腍，適合老人家，所以就來到翔龍。本次逗得老人家最樂的，是這兒的飯後甜品拔絲士多啤梨。士多啤梨又大又紅，每粒都被冰糖漿包裹著，加上那一圈又一圈拉出來的糖絲，在燈光下閃閃發光，真的很美。婆婆笑咪咪，說沒有看過這樣的士多啤梨。士多啤梨因為有糖漿的關係，所以咬下去，粒粒皆甜。不過因為表面滑不溜手，所以吃的時候要小心夾穩。加上製作需時20~30分鐘，宜提早落order。同樣的拔絲系列還有拔絲香蕉和拔絲蕃薯，嚐過前者同樣是好看好吃，不妨一試。下次希望可以再嚐試拔絲蕃薯。

這間餐廳真的值得推介!!! 小龍包皮薄多汁, 價錢又ok! $28四隻! 不錯呢! 上海炒年糕也很美味! 我最鐘意杯熱豆漿! 很滑又不是太甜! 服務質素也不錯!下次一定會再來試其他的dishes!

見個個都寫小籠包, 我再向各位誠意推介: 芹菜魚肉水餃, 由於用魚湯湯底好鮮甜, 第一次飲時以為好淡, 點知食左一次便上了癮, 因為個味好香濃, d水餃又吾會好淋, 分量足夠，每次去都會叫.環境好, d服務員又好快手, 經常加水收碟. 但不足是上菜時間太快, 好多野都因食唔切而凍了....

假日和朋友到愉景<<翔龍>>午膳翔龍小籠包 $28這次我夾得不好小籠包的皮被夾穿, 湯汁破皮而出吃不到上次爆汁的感覺了沒有湯汁的襯托, 肉質顯得有點鞋芹菜魚肉水餃 $38水餃用上魚湯湯底, 很鮮味魚肉水餃質感比普通豬肉水餃更結實芹菜味道香濃鱔糊粗炒 $68上海粗炒一直是我吃上海菜必吃的菜式不過上次試了, 那這次也應該轉轉款, 我們點了鱔糊粗炒粗炒保持一貫水準, 煙韌彈牙而新角色鱔糊肉厚結實, 份量亦不少京醬牛肉絲叉子 $68這次點了京醬牛肉絲味道和上次京醬當然沒分別不過口感上, 個人比較喜歡爽爽的豬肉絲(搞不清是什麼部位, 但遠勝牛肉絲)花雕醉雞 $62雞肉很嫩滑, 酒味亦很濃郁我不喝酒的, 都忍不住喝了兩口

昨日去荃灣覆診順道約媽媽愉景新城午餐她提議和我吃翔龍其實翔龍一直在她口中是評價都很高的上海菜館亦是她經常性光顧的食肆今次趁時間早, 不用排隊的時候和我去嘗嘗(當時早上11:00, 人家剛開門, 平常晚市可是人頭湧湧的)我倆被安排坐於近門口窗邊的卡坐等位的人客可以像看動物般觀賞我們不過無所謂, 我們不會因為有人看著而吃不下卡坐比一般餐廳闊落可以鬆動的坐四人或者迫夾點的坐六人現在我們卻是非常寬敞的坐二人呢我和媽媽悠閒地細閱翔龍的餐牌大家一邊看一邊說上次吃的千層肉好味, 小龍包亦不錯, 燻魚吃嗎? 蒜泥白肉很想試噃 .......經過一輪商討, 最後才好決定吃什麼小龍包1籠4件小龍包上枱後, 侍應打開蒸籠蓋每個小龍包都係熱騰騰的待了一會兒, 我的筷子向小龍包進發因為非常害怕它會在夾的中途爆破所以非常小心, 點了少許醋, 就很快手地送入口我感覺到如絲皮薄的外皮包著滿滿的湯水輕力一咬, 湯汁已在口裡爆發上海粗炒大多數食肆都魚目混珠用烏冬代替了彈牙的上海粗麵而翔龍的上海粗炒用的正正就是上海粗麵粗麵煙韌彈牙, 和椰菜, 白菜和冬菇都入味非常只是油了點和咸了點看看碟角上的字條感謝<<2