翠華餐廳 (已結業)

翠華幫襯左無數次因為我媽都ok 會黎食海南雞飯 但我自己就鐘意食午餐 或者麻辣嫩雞米線 講下麻辣嫩雞米線 ， 覺得呢個好抵食米線連埋凍檸檬茶都係＄50 咁每次都會嗌 少辣多蔥， 已經嗌啲呀姐都話係咪照舊， 咁有時覺得幾窩心 ， 同埋煮米線果個呀姐都開始認得埋， 🤣🤣🤣有好幾次直程拎埋俾我， 覺得麻辣加多蔥真係超正 另外鐘意既set lunch 就係雞扒 可跟飯或意粉， 咁啲雞扒既皮係脆脆的， 同埋超大舊 ， 又有湯跟埋， lunch係好多人會外賣 或黎坐低食完就超快走 ， 都多上班族去既

難得假期無約會，#小秘書 一早就book咗做按摩💆🏻 不過實在太難瞓，比預定時間足足遲左半個鐘😅 所以今日第一餐已經係 #中午飯。見手上有啲「翠華餐廳」嘅coupon， 諗住慳返啲， 點知埋單嘅時候先知道每張單只可扣減$50🤪蝕咗！不過唔緊要啦，啲嘢都係食落自己個肚，食得開心就冇問題啦... 不過今日真係好激氣😤 見推廣做緊 #美式雜扒餐，有 #湯、#餐包、#雜扒 同 #意粉，仲有杯嘢飲，諗住$88好抵啦。點知碗 #羅宋湯 加送 #頭髮，起初都以為自己唔小心跌落去，點知飲到第二啖發現碗邊有另一條短頭髮（我係留長頭髮嘅）... 真嘔心🤮當時我個心好想起身走人㗎， 不過已經落咗單， 我就唯有等埋份 #雜扒 嚟啦🤔 外貌係唔差嘅，不過啲肉質認真麻麻，勁大陣雪味🥴 成個餐我食唔到一半就已經放棄😌經過今次，我諗我以後唔敢再幫襯 #寶琳 呢間分店。啲 #侍應 態度又麻麻🤔 入到去... 呢張枱唔坐得、嗰張枱又話冇冷氣... 咁點解唔帶位呢？仲有連門口 #賣麵包嗰個女人 都串過人，我走嗰時想買個麵包外賣，叫佢加埋落我張單， 佢大大聲聲話幫我唔到，叫我自己去搵樓面🥴 你話我點可以唔比負評佢哋吖😕

服務又慢又差,食物選擇差了很多，少得可憐。叫咗個豬扒飯，味道質素差，份量少。好像兒童餐。78蚊不包飲品。貴夾唔好食。上市之後，為了賺到盡，完全同以前是兩個極端。永不再幫襯。Service is slow and bad attitude only a few choices in menu, cut many popular items to save cost Pork Chop fried rice taste terrible and small portion like kid meal.Charge 78 hkd without drink. Expensive but taste terrible. Everything is bad after public listed. The management is the key issue...Will never go to this restaurant again

間中都會幫襯翠華，最鍾意就係食佢香脆酥軟嘅奶油豬，仲有香濃嘅奶茶，魚蛋片頭河都係我嘅至愛，因為佢嘅湯底好有特色，其他地方食唔到，湯底係奶白色，好有魚味，仲加咗啲黑胡椒調味，份外惹味，而且佢嘅魚蛋鮮味十足，有魚味，不過將軍澳呢間分店，奶油豬，同埋奶茶嘅味道水準維持到，只係佢嘅魚蛋片頭河湯底比較淡，我諗水加得太多，令原本最有特色嘅湯頭，味道都淡左好多，變咗一碗普通嘅魚蛋片頭河，冇咗翠華嘅特色，希望之後佢哋可以維持到水準。

今晚趕時間唔得閒慢慢嘆晚餐，又就黎接近餐廳關門時間，唯有去呢度食啦性價比高又要合乎我對野食嘅要求再加上呢個時間，真係得返佢呢個選擇一坐低，即時叫返個咖喱牛腩飯，要求多飯同埋再加多杯橙汁。依家叫menu上任何食物飲品半價，真係好抵! 不過留意返雪糕紅豆冰係無半價的。等左五分鐘左右黎左杯橙汁。杯橙汁好大杯，係用特飲果隻杯，份量夠哂用黎送咖喱飯然之後個餐都黎埋。個飯份量加大左，但都係僅僅夠送佢成碗咖喱牛腩同埋d汁，可想而知個餸既份量係有幾多牛腩同牛筋仲腍過平時，個汁有少少椰汁味，呢個係我最鍾意既味道。雖然係幾heavy但我覺得好滿足

翠華茶餐廳喺香港少有能夠上市嘅茶餐廳分店遍佈香港 細個嘅時候可以去翠華食早餐係一件好開心嘅事 因為佢嘅仿鮑魚是通粉真係好好食但時至今日 佢嘢食貴左好多資源質素亦都參差不齊 見咁耐冇食今日就去試吓早餐嘅選擇唔算多只有四個餐而我今日就揀咗B餐沙嗲牛肉麵、炒蛋同薄多士首先上菜嘅係薄多士同埋炒蛋炒蛋就不過不失唔算話特別嫩滑 而且有啲零碎而個多士 牛油搽得好唔平均 所以一啖無咩味一啖好鹹沙嗲牛肉麵嘅面煮嘅時間唔夠長 上到餐枱嘅時候仲係成大塊麵餅未完全煮開 不過牛肉嘅咬口都唔錯唔會話太韌~~~~~~~~~~~~~~~~~~~~~~~~~~~~~~作為細個嘅回憶 同以前嘅質素都差太遠 都不禁有少少失望

好耐冇去翠華食早餐，入去坐底先發現冇左牛油豬仔包，但已經坐低左，同埋趕時間，唯有叫野食，叫左沙嗲牛肉公仔麵餐，煎蛋配杞子餐包，成個餐都係正常翠華味道，除左個餐包真係的難食😨，有陣怪味，浄係食左一啖，好掛住之前的牛油豬仔包⋯⋯之後再睇下餐牌，原來加$13會有大size的豬仔包⋯⋯但叫多個大size豬仔包就真係食唔落，唯有埋單走人，諗住以後唔洗嚟食但臨走竟然見隔離枱將個餐包轉左牛油多士，多士望落都ok，大家下次食早餐記得轉多士🙈

餐廳職員不算少，但服務超慢，只會叫你等，等等。眼見幾個在執枱，有幾個就忙住送餐，但就叫極都冇人落單，之後有人嘈話叫外賣等左個半鐘都未等到，對面枱亦有人等到冇癮離開。最後我都走了。之後去到附近同樣是上市的太興，服務態度及速度都正常。相信這間翠華的管理是有問題才會導致咁既情況其中原因是客人可隨意進入隨意搭枱，沒有人流管制加上相對的服務(落單，送餐，清潔，㕑房..等)完合配合不到客流，加上再混入外賣服務，根本就無法處理人客多的時候的狀况

環境衛生惡劣, 枱上用歺完後歺具完全冇人執拾. 漏單追伙記，佢仲惡過你，話唔夠做嘢。叫你等下喇。基本上全自助式 。食物一样 由開業到現在都無變化。如果比較現時其他茶餐廳 可有被淘汰危機！

夏天熱辣辣, 約咗人又未夠鐘, 搵返冷氣十足食返個下午茶最好. 翠華嘅下午茶算多選擇, 中西式都有. 我叫咗個D餐. <<豬扒麵>>豬扒都算大塊, 夠香夠味, 唔錯!! <<牛油豬仔>>最緊要夠熱夠脆, 有香港舊式茶餐廳風味. <<太陽蛋>>唔算太油, 煎得幾靚. <<茶走>>雖然唔係特別特別好飲,  但已經算係附近比較出色的茶走!!以一間上市嘅茶餐廳來講, 可以以$46來食返個餐, 算幾好了!!! 

屋企人好鐘意食翠華，但次次都係食晚餐，因為最抵食，大概八十蚊有湯有野飲，雖然比起一般茶記呢個價係貴，但個紅湯好味，豬仔包又香脆，算係咁喇。但食到悶悶地，今次一於叫其他野試下！馬拉炒米 公正啲講，啲蝦就真係唔得架喇，不過六十幾蚊又點會俾新鮮蝦我，唔係梅到難食我都接受架喇。但個米炒得好好，夠乾身，料又多，辣辣地幾過癮。我唔知佢地叫咩名，但我個人就鐘意右邊個芥末醬多啲，唔係話好攻鼻個種，但幾香芥辣味，配個炒米食都幾夾。但我自己就鐘意唔沾醬，但沾醬都幾有特式，唔錯。胡椒豬手 胡椒味幾香，豬手爽口，似胡椒豬肚湯個隻味，中上既品質。黎得翠華食既都知呢個係貴價茶記，除左小量既餐，好多都係散叫品包野食，但炒野係值得推薦，至於值唔值就見人見志

除左早餐之外，嚟親呢度我必然選食咖喱吉列豬扒飯，因為質素十分之高兼水準穩定。厚厚嘅吉列豬扒處理得宜，外脆內軟，肉質夠晒腍滑，肉汁豐富，一啲都唔覺肥腻，新鮮熱辣兼鬆化香口，再加上非常惹味嘅咖喱汁，掛在香脆豬扒上，真係嚟多碗飯都食倒，绝對係無得輸!

今天早上去了，將軍澳打羽毛球，晨今早梗係食返個靚早餐啦，於是就嚟到依間都比較出名嘅茶餐廳，叫了一個雪菜肉絲米+1個奶油豬，先講個喎雪菜肉絲米，啲雪菜味好香又有菜味，而D肉絲都好有肉味，加上奶油豬，覺得好香好鬆軟再加上我喜愛嘅煉奶就相得益彰，這個早餐算是美。

今日放假可以到此食早餐。环境整洁，员工有礼貌，飨具几特色合用，奶油猪仔饱配无公害煎双蛋，颇有水准，沙爹牛肉麫好味，麫质爽而牛肉滑，比一般餐优胜，奶茶亦香浓，员工效率几好，价钱稍贵亦值得。

37蚊早餐同區都差不多，翠華既沙嗲牛肉公仔麵無得輸，公仔麵麵質正正，沙嗲牛味道都調得好惹味，唔怪得一行過去成行卡位都枱枱有呢碗野，好搞笑，加埋個脆豬仔，呢個早餐好似個個星期六都可以考慮通粉就無咁出色，浸得太諗？所以質感還好，但味道都係幾好既，，習慣左食炒蛋加黑椒，佢包黑椒包裝好得意，寫住出椒，，好有趣😂😂坐得舒服，出餐快同埋都乾淨企理，無茶餐廳怪味，，野食整體都幾好，都算比左個good morning 比我地😊