老上海飯店

營業中

休息中

母親節晚餐 選擇了 老上海新鋪 第一次嚟 細了一半 老伙記仍然 站台菜式 感覺比之前 進步了點了 醉鴿 醉香味 剛剛 醉 柔嫩伙童 餛飩雞 湯頭 出味 但 餛飩本人覺得片太厚鱔片 爽爽彈牙 但 忘記炒狗皇小籠包 正常 冇特別高力豆沙 算 鬆軟 不太甜蔥油餅 要 食佢銀絲卷 有蒸又炸但 我吾認為 重味精噃

每幾個月就會想吃灣仔老上海因為上海菜灣仔有兩間都做得特別出色一間是老上海一間是三六九大家一坐低異口同聲話食小籠包所以叫了四籠每籠有5隻都有20隻前菜有煎素鵝、鎮江肴肉影唔切已經清左碟啦實在太好味人多啲可以試多幾款菜式炸饅頭一定要點煉奶上海粗炒唔算太油膩砂窩雲吞雞終於可以品嚐到啦濃濃雞湯配上大細適中的雲吞忍唔到口飲左三碗如果要叫菜就推薦四季豆連小朋友平時唔鍾意食菜都係咁食最後要讚呢碟雞火炒飯我次次都有叫但就係今次先多隻煎蛋🍳真係好有家的風味本來想叫埋湯圓但好似唔太抵食所以就無叫啦

🌟整體評分: 7/10🌟❤️味道：7/10🧡環境：7/10🩵服務：7/10💚性價比：7/10💗小朋友喜愛度：7/10午市時間一行5人無需訂枱，因為餐廳得兩三枱客，真係好難想像生意幾難做。餐廳內都係老牌裝修，大圓枱既上海style。叫左個5人餐都係5百幾蚊（未加一），小籠包係行貨，塊包太厚。醉雞雪完鞋口，酒味又唔夠，失望。肴肉正宗，味道不過不失，驚喜欠奉。砂鍋醃篤鮮同紅燒獅子頭總算做出經典滋味，回鍋肉同干煸四季豆都夠獲氣，推介！

走進這家餐廳，係真係令人望眼欲穿啊！🌟 頭盤嘅水晶燻蛋，好似睡美人噉，一激就流心啦，煙燻嘅迷人香氣喺口腔中翩翩起舞。再嚟個鹽水鴨，賣相普普通通，但係啖啖肉質都咁滑溜，咸香恰到好處，好過癮！羊膏火紅得嚟一啖唔見羶味，食落跟本神清氣爽！蔥油拌海蜇蘿蔔絲, 口感又脆又涼，真係清爽過人！真正嘅主角醉蟹行出場啦！蟹膏滑得嚟又香得嚟，啖啖蒜香醇酒，齊心協力醉倒眾食客。😍 燻雞肉滑肥美，燻香迷人，乜都唔使講，絕對係唔可以錯過嘅佳餚。跟住嘅響油鱔糊，但係味極鮮美，濃郁嘅蒜香同炸好嘅鱔糊恰到好處，口感層次分明。然後，一盤金黃色嘅蟹粉粉皮吸晒光，大家拎起咗相機忙唔停。食落嘅時候，公蟹蟹粉與粉皮嘅配合真係得嚟又幼滑又黏牙，仿似雙簧咁互相輝映，美味得黎又思緒萬千。最後，荀乾老鴨湯悠悠端上，湯水功夫一流，滋味深厚，係飯局嘅環節裡畫上完美嘅句號。食完晚飯，每一味都餘韻繚繞，想再点一次都得，好吃唔怕遲！🍜總結，呢家餐廳係一個有得食，有得噏，有得懷念嘅好地方。食物新鮮美味到爆，搞到人返屋企都仲惦記住個味道。任何喜歡真材實料美食嘅朋友，一定要嚟試下。

朋友仔生日話要食餐豪嘅賀一賀佢， 第一時間就諗起砂鍋火膧雞燉排翅，於是推薦去灣仔老上海。 店家的裝修採平實路線， 沒有奢華的裝修，把心思都著重於食材和菜式上， 依舊 老上海的味道。砂鍋火膧雞燉排翅(半份) 成個沙煲面頭都係排翅😍😍 好有儀式咁。排翅咬落彈牙，完全吸收了雞湯和金華火腿嘅香味，真係齒頰留香👍朋友食咗都好滿意酒糟時魚（半份）酒糟味香濃， 完全滲入魚肉， 每一啖都食到香香酒糟味。 條魚蒸得熟度剛好， 魚肉幼滑時令大閘蟹（5.5両-6両）都幾大隻， 滿滿嘅蟹膏， 食落香濃。蟹肉最鍾意搭配黑醋一齊食，可解膩。 食完大閘蟹記得飲花雕或薑茶， 可驅除寒氣。蟹粉小籠包時令菜式， 適逢大閘蟹當季， 當然要試試。 小籠包皮薄， 看上去晶瑩通透， 一啖咬落去爆汁， 要攤一攤先食，小心辣親嘴。 加上大量蟹粉， 鮮味無窮， 好味到爆😭火腿奶油津白又一推介菜式，津白吸收咗滿滿嘅雞湯汁， 又creamy又香濃又軟滑老上海灣仔店絕對是老店，想品嚐正宗老上海味道， 當然要嚟試試。

呢間嘢極級多味精，超難受，食完返屋企飲埋梅茶，都消除唔到我喉嚨個種不適、以及舌上嘅「鞋烚烚」感覺！話說本身一心一意嚟到呢一間舊式嘅上海店，諗住三代同堂慶祝父親節，餐廳都係一貫有傳統嘅上海菜式，有款東坡肉大大件，一上枱超震撼，識落好多嘢都好好食，誰知一返到屋企個喉嚨同個口就開始出事，口渴到去飲水解決唔到，於是乎飲啲梅茶，都仍然係消除唔到個種難受。如果真係要去食，就千祈唔好叫一啲濃味嘅食物，又或者一大班人去食，每一樣食少少就夠啦。😅😅😅

T先生鍾意食小籠包，但要食到正宗而且岩口味的，並不容易😅 我諗起<老上海>在我的To try list上，放工後同T先生過來試新野😆餐廳格局不舊不新，唔算大間，同場都有不少食客，有日本人食客，也有家庭聚餐，亦有放工後的聚餐⋯ menu 比較舊式，一本又大又厚既menu, 用上厚身卡紙印製，分門別類而且圖文並茂，可見食物種類繁多⋯📍小籠包 $70未仔細睇餐牌前，已經諗好要試試小籠包。小籠包即叫即蒸，一籠5隻，望上去幾大隻，配上醋/薑一齊食。小籠包皮薄而且juicy , 我要小心翼翼地食和吸收肉汁，幾鮮甜，處理得幾好👍🏻 而T先生覺得肉質未夠紮實，因為佢鍾意啲紮實多肉既口感。📍酸辣湯 $128突然想飲，於是就點，又係即叫即整。職員幾酸辣湯分發，份量上比想像中多，可以分到4-5碗。另外，食材上都幾足料，有豆腐，荀絲，冬菇絲，肉絲，蝦⋯口感十足；再講講酸辣味道，酸辣度適中，辣度唔會令人覺得好嗆喉，所以飲起上來幾舒服，令人會繼續飲，我和T先生都幾鍾意呀，值得推薦📍韭黃炒鱔糊 $188又係即叫即炒，鱔既份量多，條條分明，而且幾肥厚，正鱔糊既獻汁既稠杰度剛好，唔會水汪汪，同埋唔會好咸

sunday lunch walked in ,had a roomy seat then checked out the menu for some traditional s ,the fishfin soup ; drunken chicken & jellyfish for starters , sao lung bao , panfried mixed veg and stirfried rice cakes , for the main ,all dishes came in order so to enjoy while its still hot , fresh ingredients overall and just exact for the tastes not over or less ,friendly & professional services along ,i’d like to visit again for some other dishes ..

傳統老上海飯店感覺，位於英皇中心，位置方便。前菜：花生🥜一碟食物：1）小籠包 （一籠五粒，唔吸引，但食上海野又必叫，唔係唔叫小籠包瓜）2）雞絲粉皮（👍🏼👍🏼👍🏼👍🏼推介，粉皮通透，賞心悅目，多雞絲，一分錢一分貨，值👍🏼）3）擔擔面（👍🏼👍🏼👍🏼👍🏼正，未食見到個面，就知正，食落去都冇失望，正👍🏼）兩個人叫三款已經好飽，食唔落甜品🤣🤣🤣期待下一次再黎食過😊😊😊

又是開會開到過飯點的一天。今日幸好能趕在落場前， 去吃了一頓令人懷念的上海菜。雖然已經差不多截單， 但服務員還是很有禮貌的， 只是請我們要快點落單。我但三個人， 點了個三至四人餐， 選了薺菜竹笙豆腐羹、賽螃蟹、辣子雞、咸肉津白、菜膽獅子頭。豆腐羹很清淡， 薺菜有點草青味， 加了胡椒粉就剛剛好。賽螃蟹做得非常好，吃著真很有蟹肉味道。獅子頭很久沒吃了， 今次算是懷念一下。辣子雞和咸肉津白都是很下飯的菜式。可惜因為時間太晚，沒有菜飯，要不然應該更完美呢。不過蔥油拌麵亦同樣好吃。下次可以點煙燻小黃魚。

今日收工，朋友話想食上海嘢，就係冇定位嘅情況下，嚟咗呢一間喺灣仔軒尼詩道英皇中心一樓嘅老上海飯店 地址都非常容易搵，巴士，電車站或者地鐵站都好近，非常方便比較推介係佢嘅燻蛋，擺盤賣相一流，蛋味道非常濃郁，再配以煙燻嘅煙香，更加可以帶出雞蛋味道，雞蛋中間亦都做到流心嘅效果，作為前菜非常一流另外齋菜肉絲炒年糕都幾推介，年糕再加埋肉絲嘅配搭非常出色，有煙煙韌韌嘅感覺，味道配搭控制得幾好，另外份量亦都唔細，大滿足最後推介下醉鷄，雞肉唔會太鞋，有好強烈嘅酒香味，雖然份量可能就比較細，但係質素就above average

鹽水鴨無鹽味。春卷太硬。弗正宗。馬蘭頭無賣相，只有甜味。上海烤夫無金針云耳，水汪汪。弗太上海style.醃篤鲜，一D都弗鮮，肉有“蘇味”。一次令人失望的上海菜。用上海钣店的名，似乎名过其實。

接上回講到去了「家上海」吃了一頓未能滿意的大閘蟹套餐，今晚特別走到老上海飯店，尋找傳統老店生拆之味。兩個人吃，貴精不貴多。羊羔凍 $108羊羔凍原來很好吃，我真是後知後覺！本來只因見餐牌樣子特別，但身為羊痴的我竟然未吃過！怎料有意外驚喜，這份羊肉凍口感甜甜哋，涼涼哋，口感鮮香，入口即化，嘴內夾雜羊湯及羊肉的味道，我非常喜歡。伴以幾絲大蔥可同吃，另一碟深色醬汁放得遠我沒有留意沒有蘸，原來估計是甜醬，我錯蘸了蟹醋，出奇亦夾。蟹粉魚唇 $698眾多蟹粉菜式之中，思前想後點了這款，一次過嘗了兩個心願，生拆的蟹粉，果然不同，非常甘香，口感豐滿；尤其是這晚的魚唇非常厚，膠質豐富，柔軟黏稠，想到骨膠原美顏已經心花怒放。兩者極之合拍，魚唇不會掠奪蟹粉之豐腴甘香，大啖大啖吃，多麼滿足！蟹粉小籠包（5隻）$190賣相標緻，黃油滿瀉，一綴橙色蟹膏在頂端，包身穩紮，輕輕夾起不破，入口爆汁，蟹粉香郁湧出，美味無比。並非吃過中最好的，但水準之上，價錢合理。高力豆沙 $68可惜高力豆沙比較遜色，蓮蓉不足，冇咩味道，普普通通而已。老派飯店的服務態度，看來有不少熟客，傳統的裝修。

同屋企人飯聚很喜歡到這個地方，由舊鋪到現在已有十多年，現鋪地方比較細，但無阻我地繼續光顧。這裏的經理都是股東，位位都是銀髮一族，但全都服務貼心，很勤快的，見到他們快手快腳很佩服。屋企人大都住得很遠，但知道訂了這裡都必定出席。這裏的冷盤豬腳仔很出色，很爽口。小排骨是我的至愛，酸酸甜甜很開胃。今日還點了蟹粉小籠包，食到很濃的蟹粉味，很滿足。 賽螃蟹不太油，雪菜毛豆百業、雪菜肉絲炒年糕、蔥油餅及蔥油拌麵都是每次必點的菜式。而煙燻小黃魚因為已經賣晒，所以食唔到。由於吃貨的哥哥沒有出席，所以無點他的至愛炆豬手。一家不起眼的上海老店，但每次總是坐無虛設，一定有他的原因。🥰

品酒班要搞謝師宴，一班同學七嘴八舌，每人都有自己的想法，結果場地遲遲未決。小的一直不願參與，因為早預料到其中的麻煩。闊太死都要有房坐得舒服，另一些人卻希望經濟實惠，最重要是大伙兒玩得開心盡興。無奈小的被迫上梁山，終於要出手，並在前幾晚特意到「老上海」試菜去。「老上海」位於英皇中心的1樓，地點鄰近咱們上堂的位置。在閒日的晚上五個人闖到「老上海」，餐廳未見人潮。在灣仔夜市一向水靜蛾飛，加上如今的社會氣氛及經濟環境，空山不見人乃意料中事。雖然大堂沒有許多食客，不過廂房則已然預訂。於是咱們便隨意地坐在鄰近門口的卡廂位置去。這夜純粹是找個借口試試菜，各人都沒有特別的要求，只聽憑掌櫃的推介。既無心水，掌櫃提意先來些小吃。上海四小吃分別有海蜇、燻蛋、素鵝與醉雞。四式小點先後出場，每項出品都做得饒有風味。海蜇質地爽脆冰涼，雖然小的較欣賞英皇駿景酒店那富四川滋味的微辣海蜇頭，後者在口感及味道方面都更合心意，不過「老上海」之海蜇亦算不錯。燻蛋也是小的非常喜愛之美食，這兒做出來的燻蛋煙香甚濃，不覺滷水鹹味，餐廳以正宗傳統的上海煮法純粹地利用煙燻帶出燻蛋的鹹香。素鵝弄得軟綿濕潤，比起一般較乾身粗糙的出品更見可