聰。C Dessert

營業中

休息中

食完飯就梗係要食甜品，呢一餐先會變得完美。講到港式甜品，過往嘅甜品店就推出唔少人氣嘅經典配搭，而我最鍾意嘅就係龍眼椰果冰。本以為呢個味道已經成為集體回憶，但聰哥聰嫂喺灣仔開設聰。C Dessert，讓我哋嘅味蕾能夠再次品嘗久違嘅美味。龍眼椰果冰用咗好多嚟自泰國嘅新鮮龍眼打成，所以味道非常清甜，係消暑解渴嘅一流選擇。另外，加上椰果同西米，增加整體嘅口感，絕對係保持住昔日嘅味道。士多啤梨豆腐花龍眼椰果冰以外，士多啤梨豆腐花係聰。C Dessert嘅另一經典名物。滑溜嘅豆腐花上面鋪滿由新鮮士多啤梨調製而成嘅士多啤梨醬，食落嘅感覺好似士多啤梨嘅乳酪雪糕，加埋豆腐花一齊食，推上另一層次。芒芒麗莎芒果絕對係港式甜品嘅常客，所以喺聰。C Dessert又點少得芒果系列呢？其中芒芒麗莎就係我哋嘅心水推介，以芒果蓉作基底，加上芒果果肉、西米、椰果、芒果冰等，味蕾喺芒果嘅鮮甜同冰涼口感下，達到飛起嘅感覺。椰汁椰果西米露以為聰。C Dessert只係以新興嘅港式甜品作招徠？其實呢度仲有唔少傳統嘅糖水、燉品架！由於之前嘅甜品選擇都係加入咗水果，所以我哋叫咗一碗相對單調嘅椰汁椰果西米露，喺無水果嘅襯托下，反而能

餐廳：聰。C Dessert地點：灣仔莊士敦道菜式：甜品餐牌：有熱辣辣糖水，燉品，豆腐花，西米露，仙草凍+黑糖珍珠，特別推介，居然連窩夫都有。仲可以自選配搭配料。先黎一款特別推介。榴槤水晶珠 $48榴槤水晶珠係熱門凍甜品選擇。原來係大大碗榴槤刨冰加上新鮮榴槤蓉同脆脆水晶珠。榴槤冰既榴槤味好香，新鮮榴槤果肉同脆口西米喺面，味道層次豐富。龍眼豆腐花 $48龍眼豆腐花係豆腐花墊底，中間原來係好多豆腐味刨冰，面頭加上兩粒新鮮龍眼同大量水晶珠。呢款甜品豆味好香，豆腐味刨冰真係好特別，再加上脆口水晶珠，口感好正。麻糬紅豆抹茶雪糕窩夫 $44麻糬紅豆抹茶雪糕窩夫賣相一流！一個熱辣辣既酥脆牛窩夫面頭灑上糖霜，加上一球滑溜抹茶雪糕，上面再加上紅豆蓉伴半粒士多啤梨，食落口感係熱辣酥脆配滑溜香濃抹茶味，再加上香甜紅豆蓉，味道口感豐富。仲有唔少煙韌麻糬粒，絕對係一道出色西日fusion。布蕾醬焦糖脆脆雪糕窩夫 $42再黎一款窩夫。就係布蕾醬焦糖脆脆雪糕窩夫，配料變左香滑雲呢拿雪糕配大量香甜布蕾醬加焦糖脆脆。呢款窩夫感覺無咁甜而多左少少脆脆口感，都好味道！總括而言，今日所有甜品都好出色，揀一款自己鍾意就得，食得

//08 03 24 晴天🌞21:30 灣仔 利文樓@cdesserthk重出江湖 ☺︎講起「聰嫂」相信有好多人都食過，佢哋曾經創下一日內三間分店賣出7000碗糖水嘅記錄，但後來經歷賣盤之後，受到疫情嘅影響，最終導致2020年全線結業，令人感到相當可惜。不過，就喺2023年「聰嫂一家」決定正式回歸，以「聰。𝘊 𝘋𝘦𝘴𝘴𝘦𝘳𝘵」重新出發，除咗價格比之前更平，仲新增咗多款唔同種類嘅甜品及糖水。好嘢，我等咗咁耐，終於又可以食返「聰嫂」招牌嘅「龍眼椰果冰」啦！🔻龍眼椰果冰 HKD$46ꕀ真材實料 將大量龍眼肉打碎成龍眼沙冰每啖都可以食到冰同肉嘅交融味道天然得嚟夠晒清甜 仲感受到無比嘅清新加埋𝘘彈有勁嘅椰果及爆珠西米做襯托口感即時提升多一種嘅層次同變化係我每次去聰嫂 都必點嘅甜品🔻榴槤水晶珠 HKD$48ꕀ上碟就已經聞到濃郁嘅榴槤香氣由榴槤肉整成嘅雪糕 配上 軟滑嘅榴槤蓉 食起嚟齒頰留香 入口即溶 另外 水晶珠咬落去爆開嗰刻超級過癮整體嘅配搭令人愛不釋手 強烈推薦🔻芒芒麗莎 HKD$48ꕀ新鮮芒果汁混合椰奶做底 所以糖水濃稠度剛剛好再鋪滿 粒粒香甜芒果肉｜爆珠西米｜Q彈椰果｜煙韌小丸子口感可以話

闊別幾年的「聰嫂」換了名字再度回歸我們點了以下甜品來預祝收爐🛎️榴槤水晶珠😍鎮店之寶 喜歡吃榴槤的人必點啖啖榴槤肉 超香榴槤味配上水晶珠 粒粒爽丫丫口感味道一流🛎️龍眼椰果冰😍同樣鎮店之寶 是龍眼肉與冰打碎混在一起加上原粒龍眼肉和椰果 整體清甜可口🛎️布蕾醬焦糖脆脆雪糕窩夫 😍新店的新甜品 很驚喜窩夫是牛角窩夫 即叫即整 很酥脆雪糕很有Crème Brûlée味道連焦糖脆脆都很好吃🛎️芒芒麗莎粒粒芒果肉很甜 同樣配上椰果水晶珠喜歡吃芒果的不能錯過🛎️杏仁茶燉蛋白杏仁茶和蛋白非常順滑不會像坊間一般水準的吃到粉末🛎️椰汁麻糬仙草麻糬跟香芋椰汁溶為一體似的椰子味香濃 ...服務👨🏻‍🍳 不錯 侍應回覆快衛生🛁 感覺乾淨 沒發現明顯污糟環境🏡 港式甜品店來說座位尚算舒適 ...🛎️ 榴槤水晶珠 $48🛎️ 龍眼椰果冰 $46🛎️ 布蕾醬焦糖脆脆雪糕窩夫 $42🛎️ 芒芒麗莎 $48🛎️ 杏仁茶燉蛋白 $40🛎️ 椰汁麻糬仙草 $42

餐廳：聰。C Dessert地點：灣仔莊士敦道菜式：甜品餐牌：有熱辣辣糖水，燉品，豆腐花，西米露，仙草凍+黑糖珍珠，特別推介，居然連窩夫都有。仲可以自選配搭配料。先黎三款特別推介甜品。榴槤黑糯米 $48榴槤黑糯米有唔少煙韌黑糯米做底，好有咬口，加上冰凍滑溜榴槤蓉，新鮮榴槤果肉同脆口西米喺面，味道層次豐富。榴槤味好香，而榴槤蓉食極都有，味道香氣都好正，配搭黑糯米都唔會過甜。芒芒麗莎 $48芒芒麗莎係好多鮮芒果肉同芒果汁做底加上脆口西米，煙韌白色小丸子，白色小麻糬粒，爽口椰果同一球芒果雪糕。味道十分清爽，芒果味好香濃而唔會過甜，而且口感豐富！芒果奶昔雙皮奶 $46我都係第一次食芒果奶昔雙皮奶。芒果奶昔雙皮奶係滑溜奶香十足燉奶面頭加上冰凍芒果奶昔同四片新鮮芒果肉，食落滑溜鮮奶中帶芒果香甜味道，入口冰凍，好正！再黎一款仙草凍+黑糖珍珠。咖啡雪糕仙草黑糖珍珠 $44咖啡雪糕仙草黑糖珍珠有兩大球香滑咖啡味雪糕，加上唔少滑溜仙草，煙韌黑糖珍珠，脆口西米同仙草粒。味道口感主要係咖啡味雪糕，而當中帶有脆有煙韌有滑溜既多款配料，好特別。麻糬紅豆抹茶雪糕窩夫 $44麻糬紅豆抹茶雪糕窩夫賣相一流！一個熱辣辣既

Happy Friday 當然要食好西！今日同同事一齊去食個靚甜品，就係好近合和嘅聰。C dessert 🍨 佢1點開門，已經有人排隊呀！嚟到少不免食signature 榴連水晶珠❤️上面好好果肉！下面係好棉密的榴連沙冰 加上水晶珠食口感一流 非常解暑🧢🍑另外嗌左芒果雙皮奶！原來係咁好食，芒果大件而且夠甜，配上滑滑雙皮奶食非常之滿足🫶🏻見到waffle 都很吸引！我哋就嗌左matcha mochi res bean waffle 啦😜雪糕估唔到幾濃茶香，配上牛角包waffle好夾🥰🥰#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

聰c又開番啦，開心好味，鋪頭又光猛整潔。最開心係8:00去到，唔使排隊，食完嘢出去就已經見到好長一條人龍，想去就早啲去啦～❤️榴槤水晶珠 $48個冰完完全全係用榴槤整，非常濃郁。面頭亦都有真嘅。榴槤果肉，加埋爆爆珠…成個組合係超級配嘅。❤️杏仁豆漿白果薏米 $34呢個配搭出邊比較少見，陣味都幾特別，朋友唔食杏霜果類，都接受到佢陣味。感覺係豆漿味蓋過杏仁味道，令到杏仁嗰陣味唔太出，但又奇異地好味，加埋白果薏米非常消暑清熱。

以前食完晚飯同朋友意猶未盡，都會搵下有冇甜品店再傾多陣，畢竟人愈大意猶未盡愈難夾到大家時間表，每次見面都好好珍惜 。位於灣仔既聰。C Dessert傍晚6點幾已開始滿座仲要排隊，在最近的經濟環境中，就像沙漠中的綠洲 。一行四人來到聰，讓我念念不忘的就是杏仁茶燉蛋白，滿滿杏仁香氣，比較少有的做法，底下是滑滑的燉蛋白，滋潤又美顏💯楊枝甘露乃經典港式甜品，清爽好吃，最怕太多死甜，要有芒果酸酸甜甜加上爆汁西柚果肉！仙果凍用的真的是台式果凍，沒有涼粉那種寒涼過於甘苦，仙果爽滑清香，同X大人果個一樣口味！！大愛！！最後試埋芒果黑糯米，芒果熟的鮮甜，黑糯米相當考功夫，太軟太硬都唔好食，呢方面店家拿捏得宜，香甜軟嫩 。So far 食過既甜品都超滿足，怪不得6點幾已經在店外排長龍，全店滿座超利害！—————-𝙒𝙚 𝙤𝙧𝙙𝙚𝙧𝙚𝙙:杏仁茶燉蛋白 $40楊枝甘露 $45鮮雜果椰汁仙草凍 $48椰汁芒果黑糯米 $42加小丸子—————————————————𖠿𖥣 聰。C Dessert (灣仔)〒 灣仔莊士敦道35-45號利文樓地下1D號舖

呢間甜品鋪門口夜晚人龍不絕,好多人排隊,位於灣仔附近既,入面好光猛,我地叫左一份椰汁紫米芋圓小丸子加燒仙草,椰汁紫米入面好香滑椰汁味,紫米好有咬口,粒粒分明加埋芋圓既彈牙同細細粒咁都幾好味,燒仙草熱辣辣好大份,抵食加下火,仲叫左一碗榴槤水晶珠,呢度其中一個必點既甜品,榴槤果肉好香,散發著好大陣榴槤味,而且整成球狀榴槤蓉好CREAMY,麻糬紅豆抺茶雪糕窩夫,好鐘意麻糬既QQ彈牙口感,抺茶雪糕好日式SMOOTH配埋窩夫脆卜卜好夾。 

灣仔必食甜品 是香港的獨有文化🍧以前係喺將軍澳開舖 由細食到大今日再見返呢間餐廳好有歸屬感連張Menu都係同以前一樣顏色芒果奶昔雙皮奶（凍）滑捋捋的奶昔上 有芒果蓉 芒果冰 和芒果覺得呢個幾特別可以將兩樣嘢溝埋一齊龍眼椰果冰（凍）這是傳統的味道 冰裏有粒粒龍眼 椰果 是舖頭主打的甜品另外仲有啲西米露杏汁蜜瓜冰（凍） 很特別 有杏汁味道 也有蜜瓜味 還有綠茶啫喱 加上西米露 非常有口感川貝圓肉燉雪梨（熱）吃完冷的 吃回熱的 很順滑 潤喉 適合今天忽冷忽熱的天氣入邊都有幾多雪梨呢度啲甜品全部都係用木盤載住每一個都係一樣大細 好有儀式感

甜品控應該對當年口碑好好嘅聰嫂甜品有印象。聰嫂甜品後來賣盤俾大集團後，嗰個集團後嚟將幾間聰嫂甜品全線結業。而家聰嫂捲土重來喇，喺灣仔重新開業，於是去支持下。星期日午飯後嚟到，比營業時間1點鐘早咗啲啲，門外已經有幾個人排緊隊，入座後冇耐，大概喺開舖後5分鐘已經滿哂喇！點咗四碗糖水，都係menu裡面有皇冠標誌嘅，既然店家有信心，應該係好嘢嚟，果然冇中伏，全部都滿意！布蕾醬焦糖脆脆雪糕窩夫又甜又香脆。芒果麗莎非常足料又香甜。蜜瓜豆腐花清甜幼滑，沙冰刨得好細緻，加上脆皮爆珠，令到口感更豐富。椰汁燉雙皮奶就既有奶香又有椰香，細膩滑溜。四款唔同類別嘅甜品都有水準，必定回頭呀！性價比高，而家啲糖水唔平，呢間個價算係親民，仲要好味！

我今日放假，約同好友去灣仔漫遊，順道去位於灣仔莊士敦道35-45號利文樓地下1D號舖的聰。C Desert食甜品。環境舒適開揚，坐得舒服。我點左個香蕉朱古力醬焦糖脆脆窩夫$38，榴槤黑糯米（凍）$48，好友點左麻糬紅豆抹茶雪糕窩夫$44，鮮什果水晶珠（凍）$48。整體黎講係好好味又好食。

今日就去咗灣仔食聰嫂甜品，勁多人排隊，都排咗一陣先入到去，多款甜品選擇，五顏六色好吸引，樣樣都想食必食招牌 [ 龍眼椰果冰 $46 ] 龍眼椰果冰清甜，每淡都充滿住香濃椰果味，仲有一粒粒爽口椰果，冰冰甜甜好味道面層有大大舊新鮮榴槤果蓉的 [ 榴槤黑糯米 $48 ] 用新鮮榴槤做的榴槤蓉又香又濃，口感creamy，啖啖榴槤肉，脆口西米鋪面，下層是煙煙韌韌黑糯米，甜度適中，食落口感豐富有層次滿滿香甜芒果肉及芒果汁的 [ 芒芒麗莎 $48 ] 加上脆口西米，還有口感煙韌的小丸子、爽口椰果及冰凍芒果雪糕，食落口感豐富香甜清新的 [ 蜜瓜豆腐花 $42 ] 蜜瓜味棉花冰，口感香滑，入口即溶，配豆味濃郁又細滑的豆腐花及粒粒蜜瓜果肉；香味濃郁的 [ 士多啤梨仙草 $42 ] 甜酸士多啤梨味，滑捋捋的仙草，好夾的味道最後選擇用牛角包做的窩夫口感酥脆 [ 香蕉朱古力醬焦糖脆脆窩夫 $38 ] 配朱古力醬雲尼拿雪糕，伴有香蕉、士多啤梨及焦糖脆脆，下次要試其他口味

今日去咗灣仔聰 。C Dessert食甜品，叫咗以下6款嘅甜品。杏仁茶燉蛋白（熱）- $40：蛋白好滑，杏仁茶杏仁味非常濃郁。麻糬紅豆抹茶雪糕窩夫 - $44：窩夫仲熱咖，質感有啲似牛角包嘅酥皮，配埋雪糕食，有冰火口感。芒果奶昔雙皮奶（凍）- $46：大大嚿芒果肉好滿足。雙皮奶好濃奶味。椰汁紫米芋圓（小丸子）（凍）- $42：椰汁味香濃。加埋芋圓，紫米同西米，口感層次豐富。榴槤水晶珠（凍）- $48: 榴槤控必食！好多榴槤蓉。榴槤肉香甜。配埋脆脆地嘅水晶珠，增加口感芒芒麗莎（凍）- $48: 味道酸酸甜甜好開胃。用料豐富，有好多椰果，芒果肉同埋水晶珠。

電視新聞經常訪問一些餐廳話疫情後，生意大不如前。今晚經過嚟間甜品店，人龍不絕，堂食…外賣…都要等. 等. 等。我都趁熱鬧，等一下，嘆番款甜品先。龍眼椰果冰人氣之選，必食！果然真材實料，採用龍眼肉打成沙冰，充滿著龍眼嘅鮮甜味，好正😊。芒果麗莎芒果，椰果，爆珠西米，小丸子…. 有點似楊枝甘露，口感豐富。😋士多啤梨仙草士多啤梨🍓打成蓉嘅雪葩，用料十足，味道濃郁甜香。咖啡雪糕仙草黑糖珍珠嘩！咖啡雪糕超濃縮，好似飲緊 espresso☕️，咖啡控一定喜歡。