肯德基家鄉雞 (KFC)

營業中

休息中

每間KFC分店提供相同嘅食物，但係同樣嘅食物質素可以好唔同。唔似連鎖米線店，每間提供嘅味道都九成九似，所以選擇去邊間KFC分店食，通常我都會以一種食物作為衡量指標，就係佢嘅葡撻。如果葡撻嘅皮唔夠脆，拎上手感覺唔到熱力，通常果間分店嘅食品水準都會相對地令人失望😮‍💨最近新出嘅雲朵朱古力撻，係葡撻嘅變奏版，都可以作為評估參考。灣仔分店食物水準係唔錯嘅，拎上手仲係熱，外皮咬落都係有聲發出，榛子朱古力醬收埋咗喺個撻中心，不過舊棉花糖似係後加上去，所以無任何烤過後融嘅跡象。味道都算唔錯，鍾意甜食嘅人可以不妨一試。忌廉蘑菇湯幾好飲，仲加咗好多蘑菇片落去，比連鎖披薩店嘅蘑菇湯略為淡少少，我個人比較鍾意哩個咸度😄

今日天氣非常悶熱，收工想搵個有冷氣既地方涼吓，又要近地鐵站。經過KFC，諗起最近KFC轉咗美國貨源，係廣告話雞的大小增量咗。我都想睇吓雞脾既大小係咪真係大咗，點知一買返黎，不得了，依然係咁細，甚至比未轉美國貨更細隻。之前仲出廣告自嘲話網民話係火機雞。我心諗識自嘲，一定係對新貨源好有信心。點知......真係有啲失望，其實已經對味道冇咩要求（雖然都係好鹹），但至少雞既大小唔好太過份，咁細隻，50蚊6件都唔會飽。我之後去面書睇吓我係咪個別例子，點知發覺原味炸雞都係咁，唉！

下晝去咗KFC食下午茶餐：巴辣香雞翼餐。呢個餐包兩件巴辣香雞，一個細蘑菇飯，仲有一個蛋撻同一杯汽水。聽到佢以為好多嘢食，但全部都細細舊細細件。蘑菇飯細得可憐。我都知道下午茶餐係平啲，但份量都唔使咁少。至於味道方面，正常發揮中規中矩，雞翼係炸得幾香脆嘅，少少辣又吊味。反正餐單冇變，相信大家都食過。嗰日可能比較忙，店務員執枱好慢，就算有吉位都冇得坐，因為成張枱都係垃圾。不過快餐店就唔好諗有乜嘢質素可以講，食完就算。

食飯時間好多人, 上次等好耐, 今次我用APP早早叫定, 去到就有, 不用等.拿餐區域又細, 人又多, 我都不喜歡堂食...我好喜歡食KFC SPICY/ 燒雞, 買左3件炸雞 , 有2隻係雞脾, 味道一樣好食,  但雞脾好細隻呀...下次去買麥當勞好過, 橫惦麥當勞燒雞都合我口味.

好耐冇食KFC啦！個menus 都唔同左咁😅我都唔知KFC有麥樂雞😂😂😂第一次試食KFC有麥樂雞，佢哋叫上校雞寶，冇甜酸醬跟，要食青芥末沙律醬。呢個雞寶比M記好食，個外層脆皮冇咁厚身，啲肉冇咁乾身，唔點醬都好食。不過呢個醬都幾好食，幾新奇。

返完學校，去附近商場食嘢，見仲係早餐時段，食番個好鍾意嘅家鄉雞扒包餐。一打開個包，見到塊芝士冇溶，唔通個包唔熱，食落真係唔係好熱，再咬啖雞肉好乾，個包仲有啲硬，唔係軟熟，好唔開心😫

專登買個撻做飯後甜品之前想試好耐終於經過試到睇張相好靚咁但同想像有啲出入食落去好甜冇想像中咁好食唔太大既柯華田味都係鐘意食柯華田雪糕多啲間鋪啲人手忙腳亂明顯唔夠人手

身為美祿迷，又喜歡食炸雞，怎能不馬上試KFC的新產品？美祿是我的童年回憶，有份開心的感覺，於是懷著期待去食下。.🎈餐牌:.1人晚餐有M1-M4，我選了M1 家鄉雞餐.🦖當然我最想便是試下新的美祿系列，加$9可升級為凍美祿，再加$10便有可可球美祿鬆餅。.🎈食物:.M1晚餐 ($45) +凍美祿 ($9) +可可球美祿鬆餅 ($10) ⭐️⭐️⭐️⭐️.家鄉雞 ⭐️⭐️⭐️⭐️晚餐有幾款，M1 家鄉雞原味，M2, 香辣雞，M3 香燒，M4雞包 (我不考慮)，我三款雞中覺得最啱我口味是M1家鄉雞原味，我雖然鍾意炸雞，都有試過M3香燒，我比較喜歡炸雞的雞皮，我有見過有食客叫炸雞但不要炸雞皮，我就是喜歡炸雞的炸雞皮夠香口。三個餐的不同雞中，M3香燒不夠香口，的確稍為無咁熱氣。M2香辣味同樣地無M1咁鬆化。.蘑菇飯 ⭐️⭐️⭐️餐係可以選擇雞皇飯或蘑菇飯，我一直都選蘑菇飯，餸唔算多，勝在汁多，汁好像有點辣。.可可球美祿鬆餅 ⭐️⭐️ (+$10 餐升級)滿懷期望，結果大失所望。想用叉吉嚟食第一啖，誰知有難度，已經有可疑，點解會咁硬？食落口就更奇，點解可以鬆餅會係咁嘅口感？同平時KFC鬆餅差好遠☹️.好在有幾粒可可粒，叫做食

在APM等人時覺得有點餓，尚有少少時間於是去二樓肯德基食炸雞。是日假期，工人姐姐佔了大部份座位，幸好也找到座位。呢度單人套餐M1至M6有6款全部係兩件雞再配搭其他食物但這些配搭又不合心水而且價錢$46似乎貴一點。睇下其他套餐我情願食三件雞+凍奶茶其實呢個餐我都食過好多次好快手,等約兩三分鐘有得食！三件炸雞全部都炸得金黃色食落去外皮脆內嫩，完全唔乾，雞肉保留了肉汁，而且表面啲皮唔會炸到油淋淋，提示大家炸雞放耐咗唔夠熱就即刻冇咁好食，要襯熱辣辣食先夠好食。

之前都食過幾次kfc的早餐 ，今次是買外賣的， 買早餐時今日人流唔算多，所以很快可以拿到餐，今次叫了classic醒晨雞扒餐，個早餐今次整得太差了， 個雞扒好鹹，真係好鹹， 腸仔正常， 鬆餅吾夠蜜糖， 杯奶茶啲茶味濃到係苦㗎，今次呢個早餐實在太差。

KFC的質素間間都唔同，呢間我間中都幫襯，但今次真係好失望，10年唔寫食評都忍唔住要寫。叫咗最新推介嘅鹽酥雞餐，雞ok冇問題，但跟餐嘅蘑菇飯同葡撻都唔掂。飯嘅問題係爛得嚟一舊舊，似係d隔夜飯又夾硬加水煮，食咗一半冇咁難入口嘅，淨番嗰d根本肚餓都食唔落。未見過冇色嘅葡撻，都未焗好，有半邊撻皮好似未熟咁。味道太甜兼奶酥味好重，我上星期另一間kfc食都唔係咁難食。冇諗過午飯時間d質素都咁差。如果唔係298 地下嗰間執咗，我就會嚟呢間食

雞翼三重奏⭐巴辣經典風味香辣無窮⭐蜜蜜燒甜蜜蜂蜜甜滋滋⭐蝦醬誘人醬香港式風味試咗3款其中我最鍾意秘制蝦醬雞翼，第一次發現蝦醬同雞翼原來都可以咁夾😋蝦醬嘅校得啱啱好，唔會霸道搶味之餘，味道濃郁吸引，食完真係好回味！新推出嘅小食同雞翼，款式都創新又得意，好味到你一定食到唔停口，快啲嚟試下啦！

雖然我以前經常有光顧「肯德基家鄉雞」，也知道現在的「肯德基家鄉雞」裡面有製作和售賣飯類「家鄉雞」食品，例如「家鄉雞皇飯」、「家鄉雞皇桶飯」、「辣汁蘑菇飯」，還有「辣汁蘑菇桶飯」。但是我後來光顧位於「灣仔」「莊士敦道」的「肯德基家鄉雞」分店之後，發現原來「肯德基家鄉雞」也有製作和提供「碟頭飯」版本的「辣汁蘑菇飯」。「肯德基家鄉雞」版本的雞肉「碟頭飯」，名稱叫做「鴛鴦雙式雞飯」。顧名思義，「肯德基家鄉雞」「鴛鴦雙式雞飯」裡面的家鄉雞，不是只有上髀、下髀或者雞胸這麽簡單。因為「肯德基家鄉雞」的「鴛鴦雙式雞飯」裡面，包括有一件完全無骨炸「家鄉雞」雞扒肉。至於「鴛鴦雙式雞飯」雞肉的另一部分，還是一般的「家鄉雞」下髀而已。換言之「肯德基家鄉雞」所謂的「鴛鴦雙式雞飯」，只是把原本的即用即棄紙碗餐具，改為即用即棄的紙碟餐具，由「大碗飯」變成「碟頭飯」而已。「肯德基家鄉雞」把「鴛鴦雙式雞飯」的餐具，由紙碗轉變變成紙碟之後，最大的轉變就是「鴛鴦雙式雞飯」的整體擺碟，在白飯、家鄉雞下髀、家鄉雞扒和蘑菇汁裡面加入了粟米粒作為伴碟裝飾品。「肯德基家鄉雞」這樣做，其實只是「換湯不換藥」，把「肯德基家鄉雞」的「雞飯

今日收工行過kfc，未食午餐，見咁耐無食就黎食下。因為今日係星期日，呢間分店好受姐姐們歡迎，好熱鬧。座位好多，所以依然有位。今日叫左個芝士扭扭粉茶餐（$25），不過咁啱賣曬扭扭粉，就轉左雞皇飯。包左一隻燒雞下髀，我另外加配雙色蕃薯波（$10），仲有一個蘑菇忌廉湯（$9）。雙色蕃薯波真係幾特別，分別用紫薯同蕃薯炸成，外面少脆，入面煙韌，味道甜甜地，好正。甜品仲叫左個牛乳脆筒（$6），味道好順滑好有奶味，唔會起冰粒。

晨早流流出左灣仔，睡眼惺忪，當然要歎返個靚早餐提下神！作為一個食雞之人，點可以唔幫襯KFC早餐？呢個早晨全餐大件夾抵食，尤其佢個厚切餐肉通粉，係天氣咁凍之下食，簡直幫我既全身注滿暖流。呢間店比較特別既地方係佢個大玻璃景色，雖然只係樓景，但都叫開揚，做到蔗渣嘅價錢，燒鵝嘅味道