花串日本料理

營業中

休息中

好耐冇嚟呢度食嘢啦，因為少咗嚟呢頭返工！今日約咗客嚟 嘅時候，因為都好多日本嘢，花嘅服務比較好，打電話去問lunch Menu都會俾 睇完之後覺得好選擇，所以都揀咗 去呢度食同事揀燒雞飯百幾蚊價錢實惠，質素正常發揮冇咩特別驚喜但好味 配上好多沙律菜北海道當有好多吞拿魚蓉，帶子同埋一隻蝦好似仲有少少油甘魚，我自己比較鍾意以前嘅北海道丼，當然係有海膽代替吞拿魚蓉架刺身定食 $378 ，有七款海鮮，要求唔要三文魚，佢轉左隻紅皮嘅魚可能係金目鯛？ 或者普通鯛魚？ 不過我本身都好鍾意食鯛魚。 所以雖然切得好細片嘅白生魚同埋鯛魚 我鍾意佢煙靭嘅口感，少油脂，不過大塊啲就仲好油甘魚就係最慷慨厚切大大塊本身唔係特別鍾意食，所以就比同事算了 最正最期待就係海膽，含量都幾慷慨㗎，好滿足嗰隻蝦就係比北海道當細嘅蝦 都OK新鮮 不過有啲細隻就唔夠滿足，我仲以為係比大隻嘅赤蝦服務唔錯環境OK，近來香港小人出外食飯，等𨋢同埋餐廳都唔會話好full啊 不過換來坐得舒適

呢間日本餐廳對中環上班族應該都唔陌生，花串嘅lunch set，尤其是佢嘅串燒set, 西京燒定食，同鰻魚飯都好多人叫，都係我嘅最愛🤤🤤 ▪️雜錦串燒set: 雜錦串燒定食入面有：帶子、雞肉丸、蘆筍煙肉捲、豆腐、冬菇 ，包咗沙律菜，白飯＆麵豉湯。 我個人極推薦佢個燒帶子， 有少少燒汁係面， 帶子好有鮮味 ，口感唔係普通嗰啲雪藏貨好chewy嗰啲。豆腐有紫菜木魚碎喺面，而煙肉蘆筍卷， 啲蘆筍 唔會老，燒到熱辣辣，好好食😋▪️西京燒定食:西京燒個銀雪魚真係好嫩滑，魚油慢慢咁滲出嚟！而且份量同調味都剛剛好， 帶出到好rich嘅味道，一啖魚一啖飯， 完全令我停唔到口！🤤▪️鰻魚飯: 講起鰻魚飯，成日都覺得間間來貨都係差唔多， 冇乜技術可言。 不過花串嘅鰻魚飯一定唔會差得去邊， 鰻魚好厚肉， 燒到好脆，會食到個魚油香味，一大條鋪喺面蓋過曬啲飯，份量一啲都唔細！勁好食！通常我去呢間都係食lunch，未食過dinner，因為晚餐好似都唔平，都係中環價錢， 所以我覺得最抵食都係lunch去食！ 如果會去開中環嘅話，推薦大家試下佢嘅lunch set，平日lunch勁爆，記得要早一兩日打去book枱！🎀Mel

間中有係度食lunch ，食物同服務都唔錯，但今日黎完之後就有小小意見，可能係我個人問題，見到啲串燒師傅一路燒食物時唔戴口罩，唔戴吾緊要，但我見師父一路燒就一路傾計，傾得好開心又大聲又笑！壽司師傅又會過去傾計，成班人就係食物上面傾計，真係唔想諗有幾多口水飛左落去食物上面........... 之後又見壽司肥仔師傅走去食野，之後又去整壽司，好吾專業。可能今日我一個人食lunch 所以留意到。即刻冇晒胃口。呢間餐廳都係中環好多年，間中都去食佢個銀雪魚。好大舊好好食，希望會有改善。

今日真是令人開心，我的同事帶我去了位於M88大廈的一家名為「花串」的日本餐廳。尤其是在聖誕節即將到來的時候，外面已經擺放了一棵美麗的聖誕樹作為裝飾🎍為整個場景增添了濃厚的節日氛圍。另外用紅色的綿布上面寫著「花串」兩個字，令這間餐廳營造出相當傳統的日式風格。其實這裏的食物選擇相當豐富，魚生，壽司、有炸物，天婦羅🍤、出名的串燒等，而我同事很喜歡食這裏的串燒定食，當服務員💁‍♀️擺放這款「什錦串燒」時，每每一串燒都擺放得十分精美，有帶子、大冬菇、炸魚餅、炸蘆筍、炸豆腐、黃色的粟米仔和生菜沙律，味道出色，尤其是帶子燒得剛剛好，非常美味。而牛柳粒窩蛋飯則是在沙窩上烹調，加入了青椒和洋蔥，色澤鮮明，牛柳粒的口感也非常好。整體而言，這裏的食物🥘唔錯！🍱什銱串燒定食HK$100🥘牛柳粒窩蛋飯HK$210

花串@威靈頓廣場位處於蘭桂坊附近威靈頓廣場嘅日式餐廳，裝修簡單環境亦都唔算非常別緻，但確實比到一個清幽嘅環境同朋友一齊吹吓水、品嚐下美食。呢度午市可能會比較熱鬧，但晚市就冇乜人，我哋唔使book位直接Walk in都可以。今餐就得兩個人，都唔係食得好多嘢，咁我哋就唔叫set直接散嗌試多啲唔同嘢。🍣三文魚/油甘魚刺身嚟到日本餐廳首先梗係試吓佢哋嘅魚生先，我哋叫咗啲散叫嘅刺身，佢哋嘅刺身全部都係非常厚切，算係大件夾抵食。而且刺身都非常新鮮，食落超鮮甜。🍙吞拿魚/帶子牛油果手卷跟住我哋試咗幾特別嘅牛油果手卷！兩個小手卷，一個係吞拿魚蓉，一個係大大粒帶子，好食得來又唔會食得太飽。🍡雞肉/明太子魷魚串燒/燒羊架呢度嘅串燒亦都出色，雞肉串燒同燒羊架味道都不過不失，保持到一貫水準。嫩肉多汁而唔會太乾太un。最特別嘅係呢個明太子魷魚串燒，惹味得黎亦都好好咬口，感覺幾特別。🍜牛肉烏冬最後揀返個主食，我哋叫咗個牛肉烏冬，味道都係正常發揮，牛肉唔會好鞋而烏冬都算彈牙。呢度仲有一樣好就係用餐冇限時，食完晚飯可以慢慢傾吓偈先唔使急住走～

Happy Friday去食好西，lunch揀左食呢間日本野🤤🤤lunch time都多人食，建議大家book定位好d。午餐送沙律同麵豉湯，正正常常。魚生粒壽司飯，份量都幾多幾豐富🤤魚生都切得幾大舊，魚生新鮮👍👍👍呢個北海丼份量都一樣多，帶子都好大舊。整體味道都幾好，不過價錢就少貴。服務態度幾好，店員都好主動加左幾次茶🙂

去開central ，整完野，約咗朋友食lunch，朋友帶咗我去食日本嘢，估唔到好好味，材料好新鮮，食物質素高質，食lunch嘅價錢都合理，有種去去當地日本食魚生飯的感覺。估唔到這個價錢很爆場，朋友話Lunch 好多人，Walk in 多數無位，所以大家如果想lunch 試吓，記得book 位。魚生粒壽司飯 $250雖然三文魚/油甘魚同Tuna 切粒粒，但全部厚切，好鬼新鮮，入口又有魚香及油脂香，又肥美，入口即融，重有大大粒三文魚籽同甜蛋mix 埋一齊食，真係巧巧味😍，午市定食會附送沙律🥗，蔬菜新鮮和麵豉湯。季節壽司盛合 $350 有Tuna，牡丹蝦，深海池魚，海膽，帶子，三文魚籽，金油甘魚同拖羅八件壽司加甜蛋，四款魚生全部都係超級厚切同超級新鮮，牡丹蝦，海膽，帶子，三文魚籽好鮮甜好好味😋，食完的確很滿足！午市定食會附送紫菜腐皮烏冬，烏冬幾煙韌， 腐皮都好食。朋友係vip 會員重有荔枝糯米糍送同埋免加一✌️✌️。

中環的日式食肆林林總總，但壽司飯來講這裡最吸引，食材高質新鮮。午飯時間要早一點booking，否則當天訂walk in未必有位。午市定食會附送一個沙律和一碗麵豉湯，三文魚帶子丼，帶子肉厚味甜又大粒，爽口又有彈性，點上wasabi好正。三文魚好厚切，入口又有魚香及油脂香，好肥美，入口即融，輕輕一咬就滑過喉嚨。刺身飯份量好多，價錢不便宜，不過性價比真的是超高，間唔中食一次也不錯。

以後唔會再幫襯，價錢貴但味道方面無特別 甚至可以話係差 用同等嘅價錢有更多嘅選擇年幾前食過嘅刺身丼大份價錢公道，滿心期待去再食點知話刺身丼menu今日無有服務員嘅道歉安撫就算 叫左其他野食 上餐速度慢三文魚茶漬飯：湯底普通 係普通鰹魚粉沖出嚟 三文魚係用三文魚刺身 但非常腥 簡直係浪費左刺身黎做茶漬飯 食完腥到想嘔雞絲蔬菜烏冬： 味道正常但價錢唔正常辣三文魚手卷：因為無刺身丼又想食三文魚生 所以叫左份手卷 點知食完茶漬飯同烏冬 先話師父唔知咩所以無三文魚手卷簡直將個食客嘅體驗推到極致嘅差！係非常差！

儲印卡係customer loyalty incentive,原意是希望食客回頭，可惜花串員工態度好似你貪少便宜咁。1）明明印在卡上寫明最少消費300蚊一個印，每次再多兩個。一個員工會話比你聽「食幾多都係一個印」，最比佢睇返印上去嘅指示，佢先話「咁update左囉。」2）到埋單比張卡佢儲印時，返到黎插張卡喺找錢個套度原封不動，問佢時加左印時，另一個員工話「oh係你架？」🙄之後又想forfeit我原本有的，理由係張卡仲有一兩個星期可換張新，但原本儲的印不能carry forward to new card。咁都好意思講得出口。你所謂儲印可贈送嘅野，食客比得起錢有餘。大佬呀，唔識玩就唔好學人制定呢啲incentive，咁小學雞不如唔好set up啦。而家就係因為你咁嘅態度，不了，byebye！

自從轉咗工之後就好耐都冇出過嚟中環啦，今日咁岩同男友大大去中環行街，就帶咗佢食我成日心心念念嘅銀鱈魚同魚生丼北海丼$320一開始冇睇清楚Menu，以為同OpenRice個個一樣有三文魚同海膽，點知而家新嗰個轉左吞拿魚蓉同油甘魚which男友大大冇咁鍾意；但係無可否認所有魚生都係新鮮嘅，只係個人口味會鍾意海膽同三文魚，主角牡丹蝦超大隻，新鮮到成隻眼就嚟跳出嚟，蝦頭當然都有蝦膏啦，不過成碗我都係最鍾意食帶子，厚身鮮甜，絕對難得銀鱈西京燒定食 $240銀鱈魚係依度嘅招牌菜，絕對必點，暫時仲係我食過最好食嘅，燒得岩岩好，魚嘅油脂出晒嚟而且魚皮仲有啲脆，魚肉亦都係一梳梳，口感紮實，配埋沙律醬好正😋總結：價錢雖然比較貴，但係佢絕對俾返相應嘅質素你，如果未食過嘅絕對推薦大家試一次，你會覺得好似返咗日本咁😂地址：中環威靈頓街2-8號威靈頓廣場M88 8樓評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

花串係我鍾意嘅日本餐廳除左佢環境舒服😌佢嘅魚生飯都係我嘅至愛(っ◔◡◔)っ ♥ 魚生粒壽司飯♥呢度嘅魚生粒飯同其他餐廳唔同佢切得好大粒比例幾乎係一半飯一半魚生🍣魚生好新鮮而且種類都算多吞拿魚，三文魚，帶子等等餐廳好細心用紫菜間住魚生同埋飯飯嘅溫度同醋味都好適中唔會係熱或暖嘅飯基本上食完啲魚生已經唔係食唔落飯😝另外配有麵豉湯同埋沙律菜架😋餐廳係lunch嘅時候都好滿如果要食嘅話就記得訂位喇😎

花串嘅魚生新鮮肥美又大件，香葱拖羅蓉手卷係由底到面都有拖羅蓉，唔係淨係得一pat喺上面，食完就要淨食白飯。第一至第六張圖係二人晚餐，串燒同牛扒就一般般，鰻魚飯都冇乜太特別，但係刺身同手卷真係正！第七同第八張圖就係lunch set，刺身餐同鱈魚西京燒餐都好值得推介！花串嘅鱈魚西京燒係我食過最好食嘅鱈魚，好嫩滑，又唔多骨！去花串記得要先預約，walk-in好多時都冇位架😋💰: HK$300 pp (Lunch)💰: HK$500 pp (Dinner)💝: 8.5/10

位於中環嘅日本嘢 @hanagushijapaneserestaurant 本身想食魚治點知包場 所以上左一層既花串 都好多人喎雜錦串燒定食 無乜特別 正正常常 $195牛肉鐵板燒定食 呢個都係普普通通 $270似乎花串係中環上班族既飯堂 咁既價錢同質素都成正比嘅🤔(中環來講)係環境比較熱鬧(嘈吵) 不過普通食餐lunch黎講我又覺得貴左少少同客食飯又覺得佢環境太嘈 唔上唔落咁Any肥。應該唔會再去🫢完。#飲食係一種享受唔淨係為左生存#無論平定貴都一定要花費得明明白白#eat_withbina #eat_japanese_withbina#eat_中環_withbina

Central work life #2 Heard alot about it and it’s not easy for lunch booking. Went with a big group and tried their lunch set. Nice variety to choose from. I selected the assorted yakitori set $195.This came with eggplant snack and miso soup to start with. Nothing special but as expected. The main tasted quite nice but just average and nothing to wow for. It included scallop, mushroom, tofu, chicken minced meat ball & bacon asparagus roll skewers (one each) with some salad. The rice was a huge