蝦湯小館 (已結業)

5月15日, 呀菲嚟搵我食lunch, 去咗呢間蝦湯, 因為貪佢夠多選舉, 有米線又有炒粉麵~ 加上lunch時間都幾多人, 應該唔差.::: 蝦雞扒米粉 + 凍奶茶 ::: $40 + $2嚟得呢度當然想試下佢d蝦湯啦~ 不過確實令我有d失望! 首先碗粉份量細細兜, d雞扒係切成細細三兩塊咁浸喺d湯度, 最失望係d蝦... 細隻之餘感覺又唔太新鮮咁, 食落無乜蝦味. 米粉, 魚片同豆卜都係淡茂茂, 個湯底又係淡茂茂... 失望!凍奶茶亦係一般貨色, 無乜奶味之餘茶味較澀, 唉...::: 豬頸肉炒一丁 + 凍檸茶 ::: $40 + $2呢d茶餐廳例牌炒野, 應該都唔差得去邊. 豬頸肉味算唔錯, 有dd蜜糖味, 芽菜椰菜同洋蔥份量都夠, 整體個味都幾好~ 可惜係炒一丁太碎濕濕, 太多散晒嘅麵碎...凍檸茶正常味, 甜度過多, 叫少甜先得.呢間茶餐廳咁嘅食店雖標榜蝦湯, 但係感覺個湯又唔夠蝦, 只係普通一碗粉麵, 賣呢個價錢有d唔值...

我自問對食嘅要求唔算特別高 但最基本要求價錢要同食物嘅質素成正比 呢間鋪頭由開張我已經有幫襯 大大話話都四，五年 以前貪佢就係屋企樓下叫外賣送過黎都好快下 但係近呢年啲食物質素每況越下 差唔多五十蚊一碗聲稱係蝦湯底嘅面 除左味精味之外乜都無 米線又煮得太林 一夾就散 五十蚊我都唔會夠膽要求佢真係小小味精都無成碗都係蝦湯 但基本嘅蝦味我真係小小都飲唔出 好失望 以前食嘅時候真係蝦湯有蝦鮮香 第一次上one rice寫食評 太失望

呢間野行過幾十次都無食過,見佢寫住蝦湯幾吸引晚上既鰂魚涌就像死城一樣,無人的,所有餐廳都比較多吉位坐底叫個雞翼蝦湯米線湯蝦我竹得好似魚湯,但係又不太濃味,蝦味是感覺不到的,也不會咸,說好的蝦湯呢...配料中有D蝦,就係係D咁清既湯下顯出蝦仔幾甜.雞翼像是家中的味道(我工人依然唔識整)食完後老實講有點失望因為睇完好多食評話好食.可能是就來收工影響味道掛.希望有機會再試多次服務員很有禮貌

朋友話去食蝦湯，我好好奇咁問左一句：食蝦同湯？！原來間餐廳係叫蝦湯!專係食以蝦湯為粉麵為主既餐廳，有好多唔同既主食材可揀但地方坐得比較逼肥牛蝦湯米粉：算係好多料既米粉餐，有豆卜、魚片，另有元茜，肥牛都算有合格，但肥左啲，豆卜同魚片係一般水準。最特別係湯底好飲，真係蝦湯，幾鮮味，仲真係有兩隻蝦，一大一細，算幾爽口消費：$40

今天過去鰂魚涌搵太太食 lunch, 去左依度食蝦湯米線, 等左一陣就有位, 但係餐廳好迫, 坐得唔係好舒服. 餐牌上有好多選擇, 而湯底則有蝦湯, 酸辣湯同麻辣湯. 既然依度叫做蝦湯小館梗係要試吓蝦湯底啦.湯底唔係太濃, 啲米線仲有啲淋, 不過豬扒浸過湯都好好食.帶子都幾大粒, 而且配料都好多, 食曬成碗都幾飽.如果大家未食過蝦湯底的話, 可以一試!

本來打算去隔離間茶記食 沙薑雞撈麵 點知行到去裝修緊。行返轉頭依間鋪個阿姐就話 "依家裝修呀！沙薑雞轉左過黎呀" 我當初都好奇點解會咁但算啦照入去食。點知一咬一口雞就知上檔了…跟本唔係個回事，d雞又咸又鞋，如果蒙住眼要我估食緊乜，我會肯定地答金華火腿！佢同隔離個間無得比，最後只好食晒個營多撈麵，再食多幾件雞但最後都頂唔順放棄了。希望各位唔好好似我咁上檔，估唔到有人會咁做生意，利害！利害！PS: 依間野我之前試過d蝦湯還可以的，但沙薑雞就…

跟同事一起叫外賣，這一次就嚐嚐這間他們一向有光顧的麵店。既然掛名蝦湯作為招牌，就點了一碗蝦湯煙鴨胸米線的下午茶套餐。其實有雞扒、豬扒可配，但我吃不下。大大的一碗米線在我面前。米線，有半碗多一點，對我而言是頗多的份量。面頭有兩隻蝦、豆卜、魚片及兩塊煙鴨胸。先講蝦湯，我喝起來是有少少蝦味，感覺倒像魚湯跟蝦湯之間，不算非常鮮甜但也不差，而且幾乎嚐不到味精味(吃完亦沒口乾)。蝦肉結實新鮮。煙鴨胸有點過實但尚算ok，稍嫌太甜。魚片倒是不彈牙，個人覺得太多粉在內不太喜歡。吃米線要快，因吸收湯水太快了，吃得慢吃到一半已開始發漲。我覺得這碗蝦湯米線是不差的，但可惜未能令我有衝動再吃。

好耐冇出嚟搵食,咁啱今日心情唔錯就出去走一轉啦.因為出到去都差不多已經兩點,所以可以去一啲平時要等位既地方食.諗咗陣,呢間蝦記都好似之前都已經想去吓,今日咁啱即管去見識吓.去到都未夠兩點,都有兩枱六個人响度食緊.個阿姐比咗兩個menu我,我睇睇一個係SET LUNCH,一個係下午荼,下午茶?兩點鐘都未夠.再睇清楚,原來1:45已經有下午茶提供.個一刻覺得呢個地頭生意競爭真係大.睇咗個下午茶MENU,都OK多選擇.最後叫咗個蝦豬扒米線.份量:都算OK大份,比一般下午茶大份.兩隻蝦,豬扒有兩件(當然係細size啦),仲有幾片冇味既魚蛋等等.味道:豬扒都有啲味,湯只係普通.其實我最有興趣係想試吓佢地其他下午茶,1:45之後就有交易.正.

因工作上的需要，到鰂魚涌上一日堂，學的是中文書信寫作，得益不多，卻勾起了中學讀書的回憶，感覺特別。女友在附近上班，今餐飯由她引路，走到太古坊附近，由於區內白領眾多，每間食肆都擠得水洩不通，真是搵食艱難，最後等了約十五分鐘，橫巷內的蝦湯小館終於有位。茶記格局比較狹窄，人客又多，環境非常嘈吵，跟女友完全傾唔到計，唯有專心食飯。女友嚐辣的心癮起，要了豬頸肉小酸辣紅薯粉 ($33)，湯底比想像的清，雖下了酸菜及辣椒碎，但酸度虛無，辣感也不突出。這裡選用的紅薯粉長而粗身，入口滑溜又不失煙韌，倒算不俗，只略嫌豬頸肉的肥脂太多，無咬口，肉味亦欠奉。我則點了即炒的雞柳札肉炒公仔麵 ($35)，炒麵色水對辦，雞絲及扎肉份量足，可惜汁料實在下得過多，使麵條變淋，鑊氣也略嫌不夠，整體感覺就像撈公仔麵似的，味道說不上惹味，只是普普通通。.餐飲是凍熱奶茶，想不到茶味竟然薄得要命，跟奶水無甚分別，作為茶記，這方面必需好好改善才成。飯後，在附近走了一圈，食肆林立，也有些值得一試的目標，有機會再來吧！

　　琴日同BB一週年,同去左BB公司樓下食野,其實好耐之前同d朋友去過一次...覺得麻麻地..但係BB又話有個粉好好食,叫我一定要試下wo...心諗:唔係掛...不過出奇在,間野又幾多人,好采咁岩有人走,我地先唔使等咋!D呀姨又真係幾nice,問佢有咩好推介,佢又真係好落力咁介紹。最後我同BB一人叫左一碗豬頸肉干撈紅薯粉,BB話上次食過番尋味wo...但係睇完個粉樣,又真係唔係幾討喜...但係又一次証明"野不可以貌相"雖然佢樣唔靚,但係佢好入味,d粉又好彈牙,口感十分好!!自問鐘意飯多過粉既我,覺得呢個粉又真係幾正!豬頸肉又多,唔似得d無良奸商咁,粉多料少!值得一讚!唔好睇佢好似好油咁,其實食落都唔係好覺"味道夠濃又唔會太鹹!而且個粉都幾飽肚,食完個肚仔好滿足!大食既朋友可以一試!　　總括黎講,呢間野都算幾大進步(比起第一次),起碼我覺得幾好食左先啦!希望間野一直會有進步啦!ps:其他我唔知好唔好食,不過個粉就真係幾正,35連凍飲又唔算貴,值得一試!

平時很少在此區開飯，沒有準備之下，遇上店門口的阿姐在推介，假日關係，午餐可叫下午茶餐，好像很化算，就入內一試。蝦米線(另選了札肉) ：好像是店鋪的主打出品，換來極度失望，什麼味道也嘗不到，因為鹹到出奇。不明白的是，縱使湯底過鹹，米線也只是煑一會兒，為甚麼條條米線都鹹到難以下嚥？為健康著想，好像是第一次，吃米線而剩下大半碗米線。干炒牛河：完全欠缺水準，巳經叫少油也油得很。不禁想，是師假日放假嗎？其實，以這樣的出品，$26一份下午餐茶也不算便宜，此區原來也有不少又平又靚的選擇。誤打誤撞？或然率不高呢，以後還要多做點功課吧。

上星期五晚家裏沒人煮飯，和老公到這家小店試試，聽說中午飯可是客似雲來，水泄不通，雖在寫字樓林立的商廈間，大概也有其可取之處吧，試試無訪！我點了一個墨色丸蝦湯米粉，老公點了海鮮湯烏冬，還點了蝦湯小白菜、沙薑鳳爪。先說其他兩個小菜﹕蝦湯小白菜----並沒甚麼特別，和一般餐廳的上湯浸時疏差不多，份量還可以。沙薑鳳爪----雞腳不是用那種雪藏大隻的，而是用冰鮮雞的腳，因此店有賣沙薑雞，但雞腳不會上盤，便用來做另一道菜﹕沙薑鳳爪，免得浪費，算起來還是挺聰明的做法。但是需知道雞腳實在太硬，我咬了大半天吃一隻，太磨牙力，其他的讓老公完成算了。味道還行，但還是吃那種雪藏大雞腳好吃過癮。再看看我們點的米粉和烏冬，配料足夠，算多蝦，但墨魚丸就真的一般。總體吃起來還不錯。最重要是在這區的餐廳吃飯有一種與外面餐廳吃飯不同的感覺，是親切？熟悉？區域性的餐廳特色？我也說不上...就是感覺挺好！

今晚OT又外賣，好事之徒個同事返工途中攞咗張新舖menu，不如就試下．唔係話新開舖頭就一定用過好高標準去試，但係廿幾三十蚊去買碗越式車仔麵就真係好窄．外賣梗係分湯上，但係收一蚊一個碗錢，expect五碗來到只有三碗就真係好驚嚇又好環保．雖則由各人反應來睇，味道應該可以接受．但係個苦瓜炆斑腩好唔掂，好耐冇食過三碟油煮埋一碟餸，家陣油價節節上升，呢間店認真憂巿民之所憂，積極反通脹．而且斑腩好稔，稔到一夾就散，食唔落．三寶飯三十幾蚊，同一般茶餐廳一樣貨色，但係人地十八蚊就有交易，而且份量同水準做得好好多．奉勸一句，太古坊一帶返工的人對食物有少少要求，做成水準以下的貨色，難保後勁不繼．堂食或者好啲，但係短期內外賣的機會好細．