豐華飲食中心 (已結業)

Lunch 食到唔知食乜好時 就會唸起燒味飯係荔枝角豐華既燒味飯真係快靚正🍽 燒肉燒鴨飯燒肉皮脆, 通常都肥瘦適中,好似燒腩仔甘味道同酒樓食既差無幾👍🏻 分量好穩定 一般都有5-6舊燒鴨無燒肉甘出色既 不過都ok既分量同燒肉差唔多 但質數就無燒肉甘好同穩定啦有時鹹d有時淡d 同埋塊皮係好腍身下外賣既速度係快既, 通常等5-10分鐘就走🉐Anyway 佢既質數係對得住個價錢$39送汽水 性價比高咖👍🏻溫馨提示：佢有送外賣服務, 但自取同送上門既價錢係差頗多下咖

今日心血來潮，叫咗平時出邊餐廳都冇見過嘅罕有10粒星的炒河.時菜鮮魷炒河精彩! 菜心，冰鮮魷魚，韭菜，姜，河粉. 每一樣野味道都好分明. 多一滴豉油都冇. 喺醬汁控制成本上控制得啱啱好. 河粉反兒有带有一絲優香韭菜味. 菜心有菜心味，韭菜有韭菜味，姜有姜味，河粉有韭菜味. 冰鮮鮮魷無味. 所有嘢合二為一變成超級炒河霸王時菜冰魷炒河.河粉嘅光澤很好，掛水軒屬於完美狀態睇得出個師傅喺荔枝角區有30年炒河經驗如改名時菜冰魷炒河就perfect.

好耐冇食干炒牛河，原來午市食碟牛河都要$50，荔枝角物價真係幾高😬外賣等左15分鐘左右，拎上手唔係好墜手，但食落份量都幾多。盒牛河幾有鑊氣，但就唔太夠咸，顏色都淺左啲。最大問題係超多油，食到底真係見到啲油係到流淌，下次唔敢食了。

今日下午去開嗰頭拎校服，順便整個下午茶試試鋪頭外面其實其貌不揚一入到去，哥仔外賣定堂食⋯⋯堂食🤚又係”Doo”完之後坐低叫咗個牛腩雲吞粗麵加杯熱奶茶☕️碗面size ok 湯底唔太鹹啲伴菜介籣唔太粗碌但有劈柴嘅感覺⋯⋯幾好👍牛腩都幾淋身雲吞有三粒，大小適中，一般麵身無太多梘水味，幾好👍杯奶茶第一啖覺得奶味香濃之後茶味慢慢先出⋯👍👍埋單31大洋⋯⋯👍👍

今日lunch時間諗黎諗去都唔知食咩好，「開花結果」食個餐都50幾蚊起，唔想咁貴就轉左去呢間平民食堂啦。最抵食嘅都係燒味飯，雙拼燒味，加罐可樂外賣都係$38。今次我叫咗叉燒薰蹄飯，今次嘅叉燒偏瘦，但食落都唔會乾柴；薰蹄都有五六片，薄切，有淋酸醋，但係唔知點解俾咗兩大舊豬皮我題外話：見到有個侍應跌咗舊燒鴨落枱用手就咁執返落碟拎比客人食；雖然我知間間食肆都有呢啲事發生，但見到又係另一回事。非常時期，希望大家都注重衛生啦。

荔枝角其實食飯係幾貴，普通一個午餐都要50蚊上下。今日唔知食咩好見到呢間有38蚊燒味飯就諗住試下佢啦。侍應叔叔好好人，靚女前靚女後，又叫廚房比舊靚叉燒我😋叫佢比啲蔥油佢比左一大堆。個飯質地一般都係偏多水，但好多餸，叉燒好淋燒鴨唔太肥。抵食。

上一個Post草根妹妹介紹咗荔枝角飯堂Part 1，今次開續集介紹Part 2，咁就講吓啲輕盈小食🤤。.📍公司三文治（$37）🥰暫時食過最有驚喜嘅公司三文治🥪，配料相當豐富，有午餐肉🐷、鹹牛肉、炒蛋🍳、火腿🥓、蕃茄🍅、芝士🧀、生菜🥬、醃青瓜🥒、加埋千島醬。午餐肉🐷同鹹牛肉相當邪惡😈，十分惹味，🧀食物餘溫令芝士呈微融、流心嘅狀態，加上酸酸甜甜嘅千島醬，令人更開胃🤤！不過，相同價錢可以買到一盒外賣燒味飯🥡，大家又會點揀呢🤫？留言話草根知你哋點揀啦🗣。.Menu

草根妹妹好中意食呢一間嘅牛筋撈麵🐃🍜同叉燒燒肉飯🐷🍚，喺其中一個最常晏晝放lunch會去嘅食堂🥢。雖然餐廳裝修唔喺靚，🗣店員講嘢又唔喺特別溫柔（👀強調返唔溫柔姐，不過有禮貌嘅），仲好多麻甩佬去食👨🏻，但味道喺Okay嘅👌🏻，價錢又合理💰，👅私心推介俾大家！.📍爽滑牛筋撈麵（$47套餐+$1凍飲）睇開呢個Blog嘅人應該都知道🤷🏻‍♀️，草根妹妹食嘢偏重口味，普普通通食個麵係唔夠嘅🥱，要食就要食最濃味嘅牛腩汁撈麵🤤！🍜食撈麵，就係鍾意佢上面有淋牛腩汁，旁邊仲有個濃味高湯🥣，幼麵質地爽口彈牙，🥢醬汁掛麵👍🏻。主角牛筋份量慷慨😍，加送少許牛腩🐃，牛筋軟腍入味，仲有Q彈感覺，食落感覺粘口🤤，充滿骨膠原，好滿足❤️！.📍水餃麵（$41）另外，朋友點了一個水餃麵🍜，發揮正常水準，不過不失吧。.📍Lemon Tea.MENU

今日嚟到荔枝角青山道有嘢做，但是又未夠鐘，又有點肚餓，見到呢間《豐華飲食中心》，2:15pm有下午茶，於是就入去幫襯。我叫咗豬扒煎蛋湯米粉+熱咖啡，合共盛惠$31。湯米粉的湯底味道適中不太鹹，米粉比較幼身但好嚡口。煎豬扒大大塊，即叫即煎熱辣辣。鮮雞蛋也是即叫即煎，半生熟味道唔錯。熱咖啡的咖啡味濃，奶夠滑，熱辣辣好好飲。整體嚟講，呢餐都算唔錯，勝在方便快趣又唔使等位，味道也不錯，價錢都只是$31，抵食。

今日返荔枝角office，晏就咁多位老細出左去開會，同事問我地食唔食下午茶，可以一齊叫豐華外賣，我即刻舉手贊成👍😎我叫左個吞拿魚沙律加熱檸水，然後交俾同事落單😆吞拿魚幾入味，個沙律又新鮮爽口，輕輕鬆鬆食個tea都唔錯☺☺☺

星期五應該同同事仔有咁遠去咁遠，有咁好食咁好，先慰勞過去一星期辛勤嘅自己！辛勤又好，扮工又好，都要食餐好！點解星期五都咁忙，唯有食個快飯！快飯都唔可以頹食！去左豐華，佢出名夠平夠快品質都唔錯，但環境同服務係同價錢成正比，要搭枱同坐得迫，同無服務！一個人唔使等就有位！豐華有得食燒味，係荔枝角比較少有嘅選擇！叫左燒鴨瀨粉，燒鴨算多同新鮮，再加條菜，都係三十幾蚊，但瀨粉份量都唔算多，大食啲都會唔夠飽！不過整體係ok，依然咁平靚正！好快食完又要開工喇

同同事lunch嗰陣發現左呢一間茶餐廳，其中一個同事介紹話呢度嘅燒味好好味，於是二話不說就試試佢。餐牌基本上大部份都係食燒味，有好多唔同配搭，第一次你簡簡單單食個燒肉叉燒米粉～叉燒燒肉米粉$36價錢唔算貴，燒味份量都夠，燒肉皮脆肉軟，做得好好，叉燒就唔係我嘅口味，可能因為浸左落湯度，比較偏軟身啲，湯底正常。不過分量來講，女仔啱啱好，但係我諗男士應該唔夠食，所以如果想飽肚啲，可以叫飯～飯嘅份量見到同事食係大大碗嘅所以應該OK😃😃加湯好似加$5，味道都可以呀。買單一人都係四字頭，呢頭食飯算係正常價啦，會再返黎食燒味！

「豐華飲食中心」位於九龍荔枝角工廠區，是一派工業小區工人飯堂格局，客人一踏入餐廳就有幾個粗聲粗氣的伙記即時問你幾多位，隨意選擇一個座位後，侍應馬上秒速催促落單，對初來的人定會感受到壓力，這就是工人飯堂的最佳體驗。這家餐廳有廚房飯、雲吞麵檔、燒爉飯、也供應傳統港式早餐。伙計有制服衫但似乎穿了許多年，裏面的客人大部分是男仕，起碼佔了80%以上。餐廳除了上菜落單及服務快外，食物也大碟抵食，價錢平啊！ ▲ (精美早餐C) 沙爹牛肉公仔麵+司華力腸煎蛋+牛油餐包+熱飲 HK$29 落單不用3分鐘就全部送到，非常有效率，食物不過不失，衛生程度亦可接受 沙爹牛肉公仔麵是最傳統的港式茶記早餐配搭，方便又飽肚

↑叉燒油雞髀飯另加例湯：叉燒半肥瘦，不會太乾或太硬，好吃！油雞髀也夠入味，不會太鹹。只是叉燒份量不多，油雞髀也不是完整的一隻。例湯沒有盛滿，只有碗的2/3左右。還好有一點湯料，才不至於覺得自己太可憐🙈送遞時間也不穩定，之前同事在跟我差不多的時間電話落單，15分鐘左右就到了。這次等了快35分鐘。午餐繁忙時間叫外賣的話要多預一點時間！

我同事介紹我食呢間 話佢個燒雞脾飯一流 咁我就黎到食佢個燒雞脾飯 雞脾都幾大隻 脾位真係唔錯 好嫩滑呀 愈食愈想整多件 薑容加埋撈飯食真係唔錯架 叫左杯茶走 茶走都幾甜 重點係燒雞脾真係相當出色