豚丼のぶたはげ (德福廣場1期)

營業中

休息中

去開九龍灣工作，順道去德福商場揾嘢食🤗一期附近都好多餐廳經過豚丼本家BUTAHAGE 見到餐牌有個期間限定【迷你四重海鮮丼定食】見賣相吸引就入咗去幫襯。我要好好享受吃一餐豐富午餐我點咗期間限定迷你四重海鮮丼定食天婦羅5點 及 上川大雪 十勝silver首先講【迷你四重海鮮丼定食】配埋豚肉味噌湯、副菜及茶碗蒸有齊魚、蝦、蟹俱全嘅迷你丼定食擺盤賣相非常精緻😍以日本三大名蟹之一🦀嘅松葉蟹炮製嘅兩款蟹肉丼，有蟹腳肉丼、蟹鉗併蟹肉丼，仲包括三文魚併三文魚籽丼同埋赤海蝦丼，款款海產肉質飽滿，尤其是海蝦，厚肉肥美口感彈牙，鮮味回甘😋另一款滿滿松葉蟹肉，細緻鮮甜，大大啖吃好滿足🤭🍤天婦羅5點 天婦羅份量十足，5點有北海道產帆立貝、海老、茄子、南瓜、春菊每款都大大件，外層炸到金黃薄脆，帆立貝內裡很厚肉，炸蝦肉質彈口，淋上秘製天婦羅醬汁，都保持外層香脆春菊炸到好似把扇咁，一口咬脆卜卜，非常香口👍上川 大雪 十勝silver我點咗30ml🍶食日本嘢點都要飲番杯Sake🤭總括餐廳食材新鮮，價錢合理，環境坐得都舒適👍回頭指數高

上次去完日本一間舊式丼飯餐廳翻黎就一直想再穩翻類型既餐廳，終於穩到類似既啦，帶廣名物稀有豚肉丼（特盛），呢只稀有豚肉係豚肉眼，質地好腍，燒汁有dd甜味，豚肉煎得焦邊脆，配菜有埋既蒸蛋都好嫩滑，鷄湯底好鮮甜，足料，啖啖料，味增豚肉湯好大婉，但係咸左dd，特盛餐倆人食完全無問題。

特上天婦羅鍋燒烏冬 $92（+$33 茶碗蒸、海老味噌湯、小菜、黑糖Jelly）天婦羅有：- 海老🍤x2- 魷魚🦑x1- 沙錐魚🐟x2天婦羅炸得唔錯，粉漿唔算薄🤔，但都唔會太厚👌🏻。小編唔太鍾意個天婦羅汁，味道太淡了😓(ps小編最愛點鹽食，唔會弄濕炸漿又有足夠咸味)魚冇鯹味👍🏻，魷魚半生熟，完全唔韌，係幾好食嘅👍🏻。鍋燒烏冬好彈牙😍😍😍，（溫馨提示，個鍋滾一陣就好較細火！小編發現得太遲，烏冬已經痴曬底😭) 但痴痴地底都keep到彈牙真心佩服😂海老味噌湯唔會死咸，加咗櫻花蝦多咗鮮味，加埋白蘿蔔多埋甜味，真心幾好飲😋。仲有少量薄片蒟蒻咬下，增添口感。茶碗蒸夠滑，雖然冇咩餸，但都$33加咁多野算係咁。鰻魚御膳$188- 鰻魚飯- 鰹魚湯- Wasabi、紫菜、蔥花- 豚肉味噌湯- 刺身- 茶碗蒸(比+$33嗰個餐多兩隻蝦)- 小菜- 黑糖Jelly店家有提供有多一個細碗仔，讓食客可以盛少許飯，再加鰹魚湯另外自製泡飯。有俾多個碗仔係細心嘅，免得直接倒湯落原先的盒子，全部製成泡飯，才發覺自己喜歡直接吃飯多於加湯。對於小編來說，我喜歡飯還飯，湯還湯🤭豚肉味噌湯相對海老味噌湯較咸，多咗肉味，但少咗鮮

之前老豆搶到地鐵coupon，星期一至四幫襯滿$300-100，佢打電話去落單但係職員講得有少少混亂，原來外賣打左9折令佢全單唔夠$300用唔到coupon，跟著就叫佢加個刺身（$58），估計交通時間1個鐘左右帶廣名物稀有豚肉丼(並盛）$92店員話佢係比豚腩丼再肥啲，見價錢都應該高級啲，但實質不言；雖然味道上有豬味，但塊塊都好hi，令成件事大打折扣稀有豚腩丼(並盛）$88佢稍為比稀有豚肉冇咁hi，叫做性價比好啲，但都未算之前係另一間連鎖店食咁好食玉子鰻魚丼　＄118鰻魚一般，雖然唔腥但冇油香味，之前係元朗/長沙灣介紹嘅好味啲特上刺身 $58有冰保溫，但刺身本身質素麻麻，冇乜鮮味總結：其實加個豚角包就真係岩岩好，唔明店員係要人外賣刺身；味道上外賣唔推薦，唔知堂食水準會唔會好啲，但個人就唔會再去了🙊地址：九龍灣偉業街33號德福廣場1期地下G54A2號舖評分（5⭐️為最高）：服務：⭐️⭐️⭐️食物：⭐️⭐️⭐️價錢：⭐️⭐️⭐️

同朋友食晚飯，喺徳福廣場揀餐廳，雖然餐廳係以豚丼出名，但我哋就俾佢嘅天婦羅同刺身丼吸引咗入嚟 😆每日限定嘅北海道帆立貝大赤蝦丼 $118 😋🦐 赤蝦相當肥美同新鮮，有三粒開半嘅帆立貝，同埋少量三文魚子 🟠，睇落份量唔多，但食完都好滿足好夠飽 🤰加咗$33套餐，包咗豚肉麵豉湯🍲，茶碗蒸 🍵，醬菜同埋甜品 🍨。豚肉麵豉湯好足料，成碗都係蘿蔔，但豚肉就細細塊同比較少；茶碗蒸只係得半碗，兩三啖就食晒啦，冇乜配料只係得兩片菇 🍄；甜品係黑糖水信玄餅，質感似啫喱但無味，只係靠黑糖糖漿帶出甜味 😅飯團熊認為刺身丼材料新鮮值得一試 👍，雖然配套餐唔貴，但質素麻麻🤌，所以建議如果覺得淨係食刺身丼會唔夠飽嘅話，先至加好套餐 😊 埋單$151再加一，提提大家，餐廳唔接受現金付款，記得要用電子消費啊！😉

咁啱有事要去mega box 不過想喺去之前食埋個dinner先😚太耐無去先發覺德福多咗好多正嘢食 就梗係要搵間平時唔多見有嘅日本菜食一去到就俾佢哋個帶廣名物稀有豚丼吸引咗🤩呢個可以話係佢地個招牌菜 曾經喺日本嘅丼物比賽攞過金賞而家仲推出全新辣味炙燒芝士味🔥🔥⭐️不過就只限九龍灣德福廣場分店 要食就好快啲去食因為呢個限定係做到5月28號❣️帶廣名物辣味炙燒芝士稀有豚丼 $128 (+$33 升級定食)同帶廣名物稀有豚丼一樣係用北海道十勝豚 （KAMIKOMI豚） 以秘製祖傳醬汁燒過唔同嘅係仲會加入3️⃣種唔同嘅芝士🔅水牛芝士🔅車打芝士🔅巴馬臣芝士芝士係熱溶後淋係豚丼上再炙燒加咗特制辣醬 帶有微辣🌶️甜甜辣辣 食落夠刺激豚肉仲要豐厚 食落啖啖肉一口可以感受到多重口感 又芝士🧀又微辣💦又厚肉🐷想食得豐富啲可以加$33升級至定食定食：配豚肉味噌湯🥣副菜🥬茶碗蒸🥚甜品🫧❣️極上八種海鮮刺身重 $128咁當然唔只得招牌豚丼 仲有刺身丼食😚💕係多款之中唔知揀邊款食好 咁不如就要佢哋嘅極上八種海鮮刺身重有齊大眾都愛嘅幾種刺身😋包括油甘魚、赤海蝦、三文魚、赤身、帶子、螺片、墨魚同三文魚籽 滿滿刺身鋪上面 而每一片

這間人氣豚丼專門店—豚丼本家 BUTAHAGE來自北海道☺️，主打豚肉丼，環境裝潢以日系風格為主題，座位寬敞🥰，空間感足夠😎餐廳嚴選優質稀有日本KAMIKOMI豚肉🐷，採用超過八十年歷史秘製祖傳醬汁，盡顯日本匠人精神😛- 帶廣名物辣味灸燒芝士稀有豚丼 （並盛）🐖 $145厚切豚肉肉質軟腍有彈性，嫩滑多汁😎，經灸燒後油脂豐沛，帶有焦香口感，香而不膩😝，以濃郁秘製醬汁調味，更突出豚肉香味😚，表面加上拉絲芝士🧀，配上粒粒分明軟糯有嚼勁日本米🍚，口感豐富，果然係人氣必選，仲有攞過日本「全國丼飯大賽」金賞🏆- 茶碗蒸❤️ （跟餐）嫩滑細膩，蛋味濃郁🥚，內有冬菇粒🍄、干貝粒加強鮮味😍- 黃豆😉（跟餐）酸甜開胃，味道清爽😗- 寒天😎 （跟餐）爽彈寒天配上黑糖汁，味道清甜🤣- 海老味噌湯🥣 （跟餐）以大量蝦乾🦐提鮮，加入紅蘿蔔🥕、薯仔粒🥔及蒟蒻粒，配料豐富，味道鮮甜🥰- 帶廣豚角包🍞 $38鬆軟白包中間加入清爽生菜🥬及油脂豐沛豚肉片🐷，以沙律醬調味，口感豐富😗- 天婦羅三點😎 $35包括有海老🦐、沙錐魚及南瓜🎃，外層炸衣透薄不油膩，每件炸物炸至金黃香脆☺️，配上醬汁，味道清爽🥰- 稀有豚肉天婦羅🐖 $38炸

依間餐廳係源自於北海道十勝帶廣嘅人氣豚丼專門店✨佢地嘅招牌名物丼「帶廣名物稀有豚肉丼」屢次獲獎🏆🔹帶廣名物辣味炙燒芝士稀有豚丼🔹食肉獸嘅爸爸其實一早就諗定要食稀有豚丼去到餐廳發現 原來佢地新推出左辣味炙燒芝士版本😍咁邪惡嘅升級版 當然唔可以錯過🤤即叫即燒嘅優質豚肉眼 油脂豐腴 咬落口仲保留到肉汁配上秘製祖傳醬汁同特制辣醬 微辣口感提昇咗豚肉嘅風味😚再加上炙燒三重芝士 包括水牛芝士、車打芝士同埋巴馬臣芝士半溶拉絲質感 連埋豚肉一啖放入口 超正👍🏻簡直係香、辣、濃、甜嘅四重味蕾享受😎🔸上天丼🔸而我就超鍾意食天婦羅🍤 所以叫咗呢個上天丼職員送餐果下真係有被震撼到因為份量超多 天婦羅鋪滿哂成隻碗🤣天婦羅種類好多 有蝦🦐、四季豆、紫菜、南瓜🎃、山芋、特大皇帝蟹柳每一款都好好味 脆卜卜😋 炸漿好薄 入面仲好juicy配埋甜甜地嘅醬汁 連飯都清哂呀😬😬我同爸爸仲加左$33轉定食 有黃豆前菜、海老麵豉湯、茶碗蒸、黑糖寒天甜品超豐富 超滿足🤩🔹兒童餐🔹依個兒童餐不得之了 同我地個定食餐一樣咁豐富👍🏻有齊天婦羅、豚肉、玉子🥚、粟米🌽、飯，仲有蘋果汁🧃同甜品 太幸福啦😍而且食物係用車車裝住🚙 小朋友見到勁興

最近比我知道咗九龍灣德福廣場嘅「豚丼のぶたはげ BUTAHAGE」推出全新「帶廣名物辣味炙燒芝士稀有豚丼」 ，對於一個又鍾意食肉，又係芝士控嘅阿媽，趁復活節假期帶埋阿仔同婆婆去嘆下先！真係要讚下個環境，非常舒服，好大空間感！我地去到，佢哋剛剛開門，未有太多人，但半個鐘後已經坐滿晒人，但感覺都好舒服，唔會好嘈同迫！🍽️ 帶廣名物辣味炙燒芝士稀有豚丼我係慕名而來，當然要試佢地以得奬「帶廣名物稀有豚肉丼」，再加上炙燒三重芝士同特制辣醬嘅「帶廣名物辣味炙燒芝士稀有豚丼」！即叫即燒嘅豚肉眼，鮮甜多汁，油脂平均，所以容易咬開！香濃嘅半溶拉絲芝士，再配上特制辣醬同秘製燒烤醬，做出香、辣、濃、甜嘅四重味蕾享受！* 由即日起至 5 月 28 日九龍灣德福廣場分店限定供應，要食就快手喇*🍽️炙燒海鮮丼海鮮好大隻同新鮮，有三文魚，帶子同大蝦！鮮味十足！套餐仲有個茶碗蒸，呢個阿仔同婆婆都好鍾意食！仲有杯果茶，淡淡嘅果香，食完飯飲真係適合不過！🍽️兒童定食小朋友必選，而且有三個選擇，飯、烏冬同包，任君選擇！依家好多餐廳都有兒童餐，但做到咁多選擇同埋咁全面，真係值得一讚！份量剛剛好，而且甜品係一杯日式藍莓布丁，包裝好可

我哋去咗九龍灣日式豚丼嘅專門店BUTAHAGE食飯，真係食得好滿足！ 我哋叫咗兩個飯，每個都加咗$33轉做海老味噌湯湯定食。每個定食都好豐富，份量亦都好足夠！ 有黃豆小前菜，茶碗蒸，冰粉果凍同埋海老味噌湯！ 我哋食左極上八種海鮮刺身重。佢有8款新鮮嘅刺身，包括三文魚、油甘魚、赤海蝦、赤身、帆立貝、螺片、墨魚、同三文魚籽等等。每一片都好新鮮，入口即化。仲有蝦同帆立貝，令味道更加豐富。飯底都好好味，同刺身一齊食真係唔錯！ 另外一個飯係玉子鰻魚丼。呢個丼飯玉子好好味！配合鰻魚好正！鰻魚煎得好香好嫰，加埋軟滑嘅蛋，真係好開胃。飯底都好好食，每口飯都帶有鰻魚同蛋嘅香味，令味道更加濃郁。 除咗飯，我哋仲享受咗海老味噌湯。湯底鮮甜，有濃郁嘅味噌同海老嘅鮮甜味。湯裡面有啲蔬菜同海老肉，令湯更加有層次感，暖身又開胃。 餐廳食物新鮮美味，份量足夠，價錢亦都合理。服務員都好友善，環境舒適，地點方便。

👧🏻Wodafoodie in Kowloon Bay 係九龍灣返工有時都食到無咩好食，但最近去呢間專食豚丼嘅專門店—豚丼本家BUTAHAGE，試咗新出嘅刺身丼同御膳，原來唔止豚肉，連其他嘢食都整得好好食😍✨ 🍣極上八種海鮮刺身重 $128第一次見刺身丼有咁多款同份量咁多既刺身😳8款刺身包括：三文魚、油甘魚、帆立貝、墨魚、螺片、赤海蝦、赤貝、三文魚籽，超豐富‼️😆淨係見到咁多刺身口水都流晒出嚟啦～刺身每款都好新鮮又夠厚身，加埋檸檬汁仲帶出海鮮既甜味出黎👍🏻✨ 🍱鰻魚御膳 $188御膳就好似定食咁，有飯、味噌湯、茶碗蒸、刺身、漬物同甜品，超豐富🥰呢個鰻魚飯用咗珍珠米，每粒米都索晒鰻魚汁好惹味🤤另外仲可以撈蔥、紫菜、wasabi食，或者最後仲可以倒茶落去變鰻魚茶漬飯，三種食法都好特別又好食🫶🏻揀咗海老味噌湯，超濃味😚✨ 🍤天婦羅御膳 $168成個御膳有成7-8件天婦羅🍤有蝦、帶子、魚、蕃薯、豆等，天婦羅真係好考功夫，整得唔好就食到成口油，呢到既天婦羅唔會油又做到夠香脆😋平時好少喺香港食天婦羅嘅我都覺得好好食！📍 豚丼のぶたはげ (德福廣場1期) (九龍灣)九龍灣偉業街33號德福廣場1期地下G

呢間來自北海道嘅豚丼專門店豚丼本家BUTAHAGE都幾有驚喜店舖係商場入面比較入嘅位置所以平時都未必留意到 所以想推介比大家♥︎極上八種海鮮剌身重$128呢個新出嘅丼飯勁豐富 有齊8款時令剌身三文魚 油甘魚 赤蝦 帶子 墨魚 螺片 赤身 三文魚籽刺身肥美新鮮 赤蝦口感彈牙 帶子鮮甜 三文魚籽亦粒粒飽滿用料十足 呢個價錢真係好抵食🤭+$33 轉豚肉味噌湯定食 定食包咗豚肉味噌湯 前菜 茶碗蒸 甜品呢個味噌湯加入大粒十勝豚肉粒口感豐富之餘 仲有肉嘅香味特大皇帝蟹柳 $10 / 海老 $15呢度嘅天婦羅仲可以散嗌有成十幾款選擇添 炸粉唔會太厚 入口香脆澳洲和牛鍋烏冬 $110另外試咗呢個牛肉鍋 用上澳洲和牛鍋上面粉嫩嘅和牛片 真係見到已經覺得吸引烏冬好彈牙 仲吸晒啲湯汁 好入味

當晚相約朋友喺九龍灣食晚飯，即刻帶朋友去食呢間源於北海道十勝帯廣嘅人氣豚丼專門店，bookmark咗幾個月終於去食喇🥹餐廳近期就以8款時令刺身製作期間限定海鮮丼【極上八種海鮮刺身重】，北海道四面環海，海鮮料理喺當地相當聞名，當然要Trytry 喇ς(⑉´ᯅ`⑉)▪︎極上八種海鮮刺身重 $128💰▪︎茶碗蒸+$10💰8款時令刺身包括有油甘魚、赤海蝦、三文魚、赤身、帆立貝、螺片、墨魚 同三文魚籽，完全係用料十足既誠意之作，三文魚油脂豐厚、三文魚籽粒粒飽滿晶瑩可口、赤海蝦肥美彈牙，所有刺身都非常新鮮甜美，而且佢係用日本A級米，難怪啲米飯咁軟綿香甜(っ˘ڡ˘ς)而茶碗蒸鮮香嫩滑，加上內有冬菇同帶子鮮味更甚▪︎带廣名物稀有豚肉丼(並盛) $92💰▪︎茶碗蒸+$10💰豚肉丼專門店當然要叫番份豚肉丼嚟食喇😌豚肉大大塊好厚身，燒到微微焦香但仍保留肉汁豐富，肉質結實得嚟好嫩好易咬開，秘製醬汁甜甜哋，每塊肉都沾滿醬汁，完全係米飯小偷(っ˘ڡ˘ς)▪︎上天丼 $82💰由於呢碗上天丼實在太吸引，所以我地叫多咗碗丼嚟食，主要係我哋都幾大食，所以最後都食得晒冇浪費😋每件天婦羅啲炸粉唔厚唔油膩，仲要啲醬汁畀得一啲都唔吝嗇，每

餐廳位於德福廣場，店內嘅位置唔少。唔收現金。今次叫咗佢哋嘅天婦羅御膳。食物好豐富，既有天婦羅，有刺身，湯，甜品，每次食完之後都非常飽。天婦羅鬆脆有味，刺身都幾肥美。

來接朋友下班，就剛好在九龍灣德福廣場逛了下街，🤗🤗想起好久沒吃日本菜~就選了這家豚丼本家BUTAHAGE啦，很日式的風格，是專門吃丼的，來自北海道十勝帶廣的豚丼專門店過江龍， ~剛好我也想吃！Nice！👍👍極上八種海鮮刺身重💰128這個是季節限定款！有8款刺身：油甘魚、赤海蝦、三文魚、帆立貝、赤身、墨魚、螺片、三文魚籽，每款都很鮮甜，真的好有誠意！份量超級多！而且都是肥美而不膩，很彈牙，配上日本A級米飯也很不錯！🍣牛油粟米燒北海道帆立貝丼💰75牛油粟米🌽鋪在白米飯上，然後帆立貝就排好在上面，看著都食指大開！果然，帆立貝燒得剛剛好，很鮮甜，牛油粟米也很甜，一起吃的搭配也不錯！並天婦羅💰68天婦羅🍤一定要試一下啦，這個餐有海老2隻、特大皇帝蟹柳還有雞肉，裡面的話我最喜歡吃蟹柳，真的太邪惡了，但味道很好！還配有烏冬吃！是小火爐暖著，很適合這個天氣吃