象庭 (已結業)

話說琴晚一入去，個侍應就話今日個爐壞左跟住俾左個午餐餐牌我地，話得返呢啲於是我同老公就叫左海南雞飯同泰式牛腩飯兩個餐一到，即刻覺得中伏我唔怪你個爐壞左，不過既然你繼續打開門做生意，係咪應該確保食物質素啲食物又唔熱又難食，真係無下次

其實呢間餐廳都開左段時間一直都想試下，但係又覺得佢價錢set得有d貴所以一直都未去幫襯過有一次同老婆未諗到食乜，又岩岩經過間餐廳見佢8:30後有折喎，於是就入去試下啦~好多野食都好想試最終點左2樣野炒貴刁 + 軟殼蟹咖哩包先講炒貴刁一睇個賣相就知不得了啦竟然咁有心機整個蛋膜包住個貴刁而且面頭果隻蝦一D都唔欺場呀味道好好食，唔會太油膩！讚跟住到呢個軟殼蟹咖哩包我一見到真係嘩左出聲個賣相真係好吸引個包基本上已經索左好多咖哩汁軟殼蟹又炸得岩岩好而且真係唔細個我諗3,4個人share都得2個人食就真係飽左d淨係食呢2樣野已經覺得好好食遲d真係要試下其他野先~

行過見有位，入去試吓，菠蘿海鮮炒飯......飯不熱，海鮮魷魚唔新鮮，霉！炸蝦餅，以為個心未熟，叫佢換，拿入去翻炸，過晒火，都係霉！唯一好，侍應態度良好！星期日晚餐都咁，可惜！

此店部分侍應有點熟口熟面，應該為上一手餐廳員工。開張已有一段日子，今早決定和太太一試早餐。我們同樣叫了雞扒早餐，除雞扒外還有炒蛋，牛油多士，茄汁豆和煙肉(上枱時遺漏了煙肉，最後補回)。😂牛油多士似預先烘好，麵包不熱致牛油不溶，咬落很稔，一般。雞扒煎得恰好，炒蛋夠嫩滑，不錯，而煙肉只是一般。咖啡及奶茶味太淡，一般。整體上算過得去，晚餐未吃過，可能稍後試試。

超驚喜！試過最好嘅泰菜。都係抱著一試嘅心態去食，估唔到好食過出面咁多。鹽焗魚，鳳爪沙律，西檸冰，綠咖哩軟殼蟹，西蘭花鳳尾蝦，馬拉盞通菜🧡🧡🧡🧡🧡🧡🧡🧡🧡

今日同男朋友中午兩個人諗住去新港城搵下食乜。行過見到有間泰國野，就入去試下。有午市套餐，不過係門口已睇中個大包，平時好中意旺角街市入面既咖哩農夫包，勁正架。諗住係呢間回味一下！散叫左個泰式咖哩海鮮大包同埋午市套餐海南雞飯。海鮮大包個面包唔熱，好似無焗過咁唔夠脆，勁失望，加埋咖哩汁，面包仲好韌。幸好個咖哩汁夠晒熱，所以先免強接受。 咖哩汁好似咖哩炒蟹嘅汁，味道好 海鮮料有2隻青口，2隻蝦，魷魚仔等另外，海南雞飯，油飯夠熱，海南雞味道都不錯，價錢唔貴，好似$5x。雖然大包令人失望，但整體味道係唔錯，態度服務幾好，下次會試其他菜

區內開了兩間泰國餐廳，早前試了一間，今天剛好可以試試這一間象庭。晚飯時段除了基本全日餐牌外，還有套餐，包熱飲，約有五至六款選擇，較抵食首先散叫一個原隻菠蘿海鮮焗飯，賣相平平，要相機食先可能有點難度🙈然而味道亦不算十分吸引，主要是飯粒較濕較軟，雖算煮得入味，但菠蘿粒太酸，吃一粒已經搶掉整口飯的味道；同時，海鮮卻未完全煮熟，尤其是蝦子，吃不出鮮味另外一個椰汁黃咖喱雞飯是套餐，白飯另上。黃咖喱不算太辣，椰汁味超濃咖喱汁非常滑身，質地較稀，拌飯同吃有點軟爛，個人比較喜歡較硬身的飯所以略覺太稔身。另外，配菜煮得不夠入味，薯仔未完全熟透，而且感覺未經調味，非常淡口，雞肉亦是如此，大大扣分試遍兩間泰國餐廳，結論是：我應該短期內不會再在區內吃泰國菜

某日同女朋友黎食午餐，點左個紅咖哩雞飯同泰式海鮮炒河，食物一上枱，我已經知道中左伏食落去完全超淡。泰式海鮮炒河既所謂海鮮就係兩隻蝦同兩隻蜆，啲粉完全係炒到碎晒，定唔知係炒剩既粉。泰式個泰味係邊？泰國餐廳又無泰式奶茶.....最慘係連杯珍多冰都係冇味......食左/飲左幾口已經放棄了，真心呼籲全馬鞍山人唔好再試呢間野，我本身已經唔係對食物有好高要求，而且平時都無打開咩食評，花時間我打呢篇野係唔想其他人都中伏，因為真係好難食。完全唔值

入唻整頭髮經過咪入唻試吓囉，叫咗個紅咖哩雞飯，一上枱見到啲飯係糊嘅🤤，再試個咖哩雞，嘩咪玩啦，從未食過咖哩雞好似食茄汁雞咁囉，竟然係番茄嘅酸味，咖哩冇薯仔，全是波蘿代替，真係冇下次，仲要成$50蚊，中伏

來呢間餐廳食下午茶, 叫左個餐蛋治, 呢啲咁簡單的下午茶餐, 竟然等左40分鐘, 來到的三文治賣相九流, 塊面包係凍的, 啲蛋好似蛋碎咁, 拎起塊三文治軟到好似就來散咁, 食左半塊, 真係唔想浪費食物, 但係真係冇辦法, 對唔住, 我真係再食唔到落去。

入馬鞍山探朋友，朋友話同我去食泰國菜，於是佢就帶咗我嚟呢間泰式餐廳食飯。Waiters 嘅服務態度好，有禮貌。菠蘿海鮮飯，材料都足，當然係有菠蘿和飯啦，而海鮮方面，有squid，蜆仔，prawn，仲有肉鬆添。不過全部都唔熱嘅，只是微暖，有d失望。雞肉串燒好香，一碟有4串，粒粒雞肉都唔算細粒，有口感，都算抵食。燒豬頸肉，好香口，唔會spicy。點埋伴隨嘅醬汁，好野味。不過我就鍾意唔點醬，原味食都好好味。

馬鞍山新開主打泰國菜象庭，仲有泰國師傅，下午時段午餐仲全單八折，午餐咖哩鷄饭咖哩汁帶些甜，份量oK之馀，仲有跟饮品，試試都係抵食，朋友叫了海南鷄饭，問楼面姐姐可否添多一些，姐姐面有笑容又有回答，全程冇黑面，真的免費加給一碗海南鷄油饭，真渦心，😄不過喜歡泰國的辣既朋友可能會唔係咁啱喇，泰國炒牛，河味道也不錯夠香有鑊氣，但火車頭汤河，D湯唔多夠熱，新裝修简約帶点給人舒服的感覺，座位也寬敞，不錯的選擇🤗

之前一路係cha cha 的粉絲，真心覺得佢地啲野幾好食。無奈餐廳轉了手，變做泰國菜，之前老公食過話不錯，咁今日就黎試下啦。裝修佈局同之前一樣，只係牆身多了一些帶有泰國特色的擺設而已。餐牌款式吾太多，叫了最常點的菠蘿海鮮炒飯，炒金邊粉和小食炸蝦餅。食物即叫即整，上檯的時候熱騰騰的，賣相也不錯。不過一食落口，😫😫😫無味既？ 連炒金邊粉的蝦隻淡到好似連落調味的踪跡都冇，我以為係我的味覺有問題，但係連平時好厚度的老公都話冇味，碟碟都係咁。食完呢餐，真心覺得可以吾駛再來，好失望，馬鞍山又少一間可以選擇的餐廳了😞

今日見條街靜靜地 周圍睇下有咩好食 前身西餐廳既鋪位 轉左手做泰菜 需然裝修冇乜變到 多左d畫 同埋見到泰國廚師係到出入 原來真係有泰國人煮 本身成日飲咖啡☕️當然要試下 答案係比前身既好好多 唔係話亂黎 因為我之前都有係到試過 苦又黑食物開頭都怕會唔岩口味 試落又唔錯 下次想試下個炒蟹 張相睇落去好吸引 可能今日人唔多 d食物好快就出到黎 夜晚見成日都冇位 早早地當然要試下 不過呢到冇早餐 唔係都想試下 總評 食物幾好 侍應又幾好禮貌 會再試下

前身為評論差劣的西餐廳，象庭原來並不是轉手成為新的餐廳，而只是胡蘆不換藥的騙局。唔怕中伏的可以一試！叫了兩個lunch set, 海南雞飯和辣雞肉醉飯。海南雞飯賣相似足餸頭餸尾，連基本的三色醬料也欠奉，唔該咪咁求其啦，D客唔係儍㗎！辣雞肉醉飯冇泰國香料竟自稱泰菜，搵苯指數直迫馬鞍山首位。最最最離譜就係熱咖啡，直頭係三合一咖啡！如果冇心做有質素的食物，以為換咗個招牌就可以瞞天過海，D客俾你扼完一次之後仲會返嚟咩。最後的結論都係「冇下次」囉！