金暹邏泰國菜館 (已結業)

經過附近，突然想吃泰國菜，明明已經晚市，但外面還貼上滿滿午餐的菜單。最後還是冒險的試一試。雖然寫著全日免加一，可是周圍均貼住一張「需加一服務費」，真搞不懂…原來內裡只不過是一間中式的茶餐廳，所以保守的點一飯一菜擺了。芋頭海鮮飯（４０蚊）每粒飯也沾上汁，油油的。而且料也很多大塊，很多洋蔥，看起來好像蠻豐富。芋頭不多，小小塊，味道不覺得有什麼特別。小食拼盤（６５蚊）有蝦餅、魚餅、香葉雞、春卷。蝦餅真的有蝦味，好吃。魚餅則有濃厚的香茅味，如果受這種味，其實是不錯！本來侍應說沒有香葉雞，要轉為扎肉，怎知最後還是給香葉雞。哈哈粉絲春卷沒什麼特別。

同屋企人去過兩次第一次食左個咖哩蟹大麵包 原隻菠蘿炒飯 馬拉盞炒通菜 薄餅 芒果椰汁糯米飯 幾樣野都幾好食 特別係個馬拉盞炒通菜同埋個咖哩都好香但係第二次去食左個咖哩蝦大麵包 椰子飯 馬拉盞炒通菜 糕第一次同第二次去唔係隔左好7 但就貴左好多第二次去個咖哩d味好怪 同第一次去完全唔同 第一次去好好多椰子飯就幾好 好香椰子味 但係好似細左d 可能人多馬拉盞炒通菜就兩次去都幾好食兩次去都有糖水送 但係d糖水就真係唔係幾得拉 冇乜味 又水旺旺

今晚同老公去呢度食野，其實搬來天水圍咁多年成日都係呢度食野，d野食ok，價錢又合理，仲要冇加一tim。可惜今日係我最失望既一日我地一行三人叫左一個二人餐(炭燒豬頸肉、咖喱青口、馬拉盞炒通菜同香芋海鮮炒飯) $168 及咖喱炒蟹 $138。咖喱青口都算ok，d咖喱汁幾野味，青口又唔韌，可惜豬頸肉似煎多過燒，香芋海鮮炒飯d海鮮係雪藏貸都預左架啦！最過份係隻咖喱炒蟹 隻蟹炸到超乾，誇張到連呢d肉蟹厚厚既蟹鉗裏面d肉都乾晒個蟹蓋仲離譜，成個蓋入面d膏同肉都炸到燶晒，直情黑到好似舊炭咁本來一路食都想算數，唔想叫佢地換而唗左d野，加上幫襯左咁多年都冇咩問題，唔可以話高水準，但總算不過不失。可惜個蟹蓋真係令我好激氣，我叫個侍應來俾佢睇，佢就拎俾個我成日都見到既男經理睇，個男人就同個女仔講叫厨房整番個蟹蓋俾我，本來我都唸點解一隻蟹可以只整番個蓋俾我？不過我唸蟹身其他部份可以用來整其他餸，點知佢地轉頭拎返來既係將之前果個蟹蓋既大部份炭肉整走(因為我認到淨番果d炸到黑晒既肉)，然後倒大量咖喱汁係面，搏我睇唔到我好激氣叫個男經理過來理論，我同佢講成隻蟹都炸到乾晒，叫佢拎舊蟹鉗睇下，佢竟然唔理我地最離譜既係埋

午餐極難食，豬頸肉炒飯濕到不得了！濕炒雞柳河仲難食過茶餐廳。諗住特飲會好些，叫左兩杯青檸蜜，好似水喉水出咁既味，唉，好難食！但我晚餐吃過係好食的，唔知點解下午咁

某日食下午茶，叫左兩份牛腩朦粉套餐，食食下發覺有隻死左既小強o係舊牛腩度，搞到要報警收場，要等衛生處人員，搞左成兩個鐘頭。以後打死都唔去。

呢間「金暹邏」門口就睇落幾正宗，內裡同餐牌同茶餐廳無乜分別…我們三人今日去食下午茶（全部廿幾蚊）酸辣米鴨米線酸，但唔辣…成碗野都係同一隻味，就係酸…仲有陣臭腳味…　ＸＤＤＤＤ 沙o爺牛肉炒河呢個幾好，炒得好乾身，每啖都有沙o爺味，有獲氣！咸魚叉燒炒飯呢個好大碗，食到飽～！都好幾味～～～好有料！咸魚就稍為少左ＤＤ！

食過好多間既咖哩，但我最喜歡的還是這間的黃咖哩。咖哩入面既薯仔好"林"，而且雞超滑的。所以每次來這間餐廳都必會叫一個黃咖哩來送飯食。今次試左個菠蘿炒飯，都幾好味。

我地通常2-3個月都會黎食一次，因為間野唔算太貴，而且食的野算特別，而且都近，我住天水圍～叫左５個餸，－沙爹串燒，雞牛豬各兩件，次次黎都會叫－馬拉戔通菜，都係次次黎都會叫－原隻菠蘿海鮮炒飯，最正係呢個飯，因為Ｄ料好足！－泰式炒青口，有１０隻左右，平時唔食海鮮的我，係覺得有Ｄ漏＝　＝－吔基吔基海鮮雜錦煲，唔知咩野黎．．總之好多菜響底，同好多海鮮．．．不過好多南乳響面－　－好彩冇撈落去！食完埋單＄２７９，食剩左３件串燒，整個菠蘿飯，個侍應哥哥好好用錫紙包好成個菠蘿飯！

金暹邏就係天頌苑頌富商場嘅2樓，門口好泰式feel，但係餐廳裹面除咗啲木凳之外，裝修同中式無乜分別。叫咗個椰汁雞絲湯粉，啲野一上檯，死啦! 湯面浮咗層油出黎! 啲湯好淡椰汁味都不再話下，最慘就就係啲雞肉勁鞋，雞味? No la! 二十三蚊其實係商場有好多好嘅選擇

與太太兩人於本月13日到此食店, 點了兩個下午茶餐, 炸魚柳沙律, 沙律漿可能要過年前把它用清, 所以超多.炸魚柳仲死, o的炸粉仲厚過我D面皮, 打開中間, 超嚇人, 唔知點解, D僅有嘅魚肉會是黑色的. 此時我都知大鑊, 因為此寶號D侍應出名"串".正當之猶疑之際,太太好勇叫咗一位"串姐" 跟她說想換過另一碟, e位"串姐"二話不說隨手攞起隻羹new開d魚講解, E一忽係條魚嘅背脊位所以是黑色.......頂!妳起D客面前解剖完, 個客仲會食!?不過就算妳唔解剖, 我都唔會食啦, 比咗機會妳換妳唔換, 我就留蕃泥影下相, Post上泥比大家見識一下.之後我攞部手機出泥影相時, 佢知死啦, 死死下走埋泥問係唔係要換過, 我太太話我第一句就係要求妳換啦. 妳又話D魚係貢樣, 我就同佢講E加唔使換, 因為我鍾意影相多d, 所以ED食市好難會有進步, 不過天水圍d野食又貴, 又唔好食, 都可以生存, 皆因天水圍沒有好選擇. 補充一句 :嘉湖山莊一期, 會所餐廳重開又平又好味.

我喜歡去這間餐是因為下午茶便宜!味道可以! 服務ok! 便宜免加一服務費! 下午茶十九元起連泰式飲免加一服務費!有不同的下午茶餐!泰式飲品的什果涼粉冰: 大杯,多涼粉,有些什果,棷汁底!

放假時如果無去街, 就會到樓下的商場來頓下午茶, 這間泰國菜館永遠是我的首選。 價格與茶餐廳和快餐店相若,甚至是更抵呢! 小食、湯粉、炒粉麵類都是$19-24, 配凍飲、糖水或特飲不用加錢, 全日更不用加一。地方夠闊落, 不用和人迫, 坐耐一點也不怕。 炸魚餅配薯條$19: 兩塊切開成四件, 見到滿是綠色的香葉和葱粒, 香料味重, 吃得出檸檬葉和香茅的味道, 稍為蓋過魚味, 魚餅炸得香口不太油, 熱辣辣, 如果可以再彈牙一點就更好。薯條是粗身波浪形, 又是剛炸起, 無灑上鹽, 薯味不重, 較粉, 但都收貨了。 雞絲湯金邊粉$19: 發現每次來的湯粉都不太夠熱, 雞肉切成一塊塊而不是絲呢! 無咩味道, 有點鞋口, 湯底有少許雞味。 金邊粉幼身爽滑, 但嫌煮得未夠時間, 稍為硬身。 椰青冰: 有一小塊椰肉, 像椰青加水一樣, 幾淡味 椰汁三色冰: 只找到紅綠兩種色的粉條, 甜甜地又幾爽口 始終下午茶所供應的食品和晚市有些微分別, 較為港式, 正宗與否不得而知, 但味道真的不差, 而且很划算。就看看何時有機會來吃晚飯吧!

今日同屋企人去食中秋飯夜晚8點半去到冇乜人好冷清跟住睇完menu落單等野食d野食都好快上第一道係生菜包(豬肉)就咁睇d豬肉好肥 唔理 食落口咁大個人都未食過咁咸o既野咸得好離譜 成牒送凈係得個咸字第二道菜緊接生菜包後黎馬拉棧炒通菜味道好淡...仲係接受範圍之內...抵讚o既就係d菜幾爽第三道菜茄子肉碎班塊... 凈係見到好多洋蔥成牒送茄子同埋班塊得好少味道又係偏咸...(比起生菜包好少少)第四道叫左個原隻菠蘿焗海鮮飯第一眼 賣相唔錯食落口... d飯硬o既...愈食得落d味道開始消失 面o個d有味 底o個d好淡同埋海鮮真係少得可憐(依個算..出面食飯好多都係掛個名有海鮮)第五道菜入漏單 叫個部長黎check check個樣十分唔願意 check完冇交待下文...等多2個字野食先到依道菜真係好失望 之前見有食評話依牒唔錯食落去有一陣油煙味(唔係鑊氣o既香味)好難受 d蛋完全冇味食完咁多道菜之後有糖水清心丸 / 南瓜西米露兩樣都係平平食完今次之後 我肯定唔會再黎依到食飯

金暹邏泰國菜館泰式炒金邊粉 $35 金邊粉口感煙韌,味道偏甜，可能油份唔多以致食落覺得鑊氣唔夠，份量多是２個女仔食嘅份量.整體來講味道一般,偏甜,唔夠鑊氣,不夠野味因為個人較喜歡香辣嘅味道.以金邊粉口感及份量吸引.泰式串燒配沙爹醬(6串,鷄牛豬三款肉可自由配搭)$45份量足夠,牛肉較為韌咗D,因為係一件過嘅厚切牛肉所以較難咬,豬肉及鷄肉較易咬開,肉味一般但配上沙爹醬令到整體味道不錯.簿餅$29簿餅上咗檯好耐先食,簿餅唔係熱辣辣,失色不少,下次要趁熱食,個簿餅較為實唔鬆軟...只是因為無叫咖哩,所以只配串燒的肉同沙爹醬食...味道只是一般之下.但之前食過其他餐廳的簿餅,淨食簿餅都有鬆軟嘅口感及較香口所以此店簿餅不太推介.芒果燸米飯$28甜度適中,黑白燸米好煙韌,燸米雖然不是粒粒分明但咬落好有口感..good...基本上鐘意食芒果燸米飯,都會鐘意而且份量都幾多下,值得食.好抵食,夠大份.由於是週日晚上,人客唔多.是次係預祝朋友生日,兩個食咗成2個鐘.服務好好,不停幫我地加水,上菜好快.食物都算啱口味及份量多,價錢合理免加一,抵食.

去過呢間泰國野响11:30am仲好多位，但近排挨近1:00pm便坐無虛席。食過佢嘅特價午餐---炒貴刃加飲品$27，雖然平過大家樂但將價就貨，分量跟味道都無驚喜。不過在另一次的幫襯，放棄飲品單叫了咸魚雞粒炒飯，發現真是別有洞天，及對此店印象完全改觀。來的是一碟分量頗多(兩位OL小姐們都夠吃)、熱騰騰和金黄香噴的炒飯，首先飯乾濕適中，毫不油膩，加上有足夠的雞粒及菜粒平衡，味濃而不滯，更精采是外脆內軟的咸香魚粒，令人再三回味，整体品質實是在很多大酒樓之上，絕不因小館子而欺場，都係只售$27一大碟(付普通清茶不加一)。以此炒飯技巧及素質十分滿分我打九分。