影片
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
856 瀏覽
曾經好喜歡西環嘅娘惹嫁到，到而家佢搬咗去上環，都一直跟住師傅去食，反而九龍就一直唔多食到正宗的娘惹味道。朋友介紹我旺角有間叫鐵飯碗，聽個名完全唔似食馬來西亞嘢，原來佢嘅譯音Tiffin同馬來西亞好有關係，呢到唔學術唔講咁多，總之呢個名原來係食正宗娘惹菜嘅一間餐廳旺角嘅鬧市正宗，仲要係一間好大好有空間嘅餐廳，最重要係價錢唔貴，又幾好食，食完一次立刻想再去。Call幾個人先到多啲野，食個囉雜先，呢個地道馬來西亞蝦醬蔬果沙律，用上嘅生果同醬汁，你已經感受到其正宗。秘製沙嗲烤雞串，有種勁正嘅甜味沙嗲，撈飯應該好好，我加落去蕉葉椰漿飯炸雞槌到食，汁都撈埋，而且佢嘅炸雞絕對正宗，椰漿飯撈花生同魚仔特別好食。未試過鐵飯碗砂煲伊麵，原來都係一個幾正宗嘅選擇，至少我未試過呢個感覺嘅伊麵，下次有機會去馬來西亞要再試吓。鮮果油條蝦嘅蝦多士炸得唔錯，我唔知係唔係正宗，但又幾好食，幾特別，比起中式嘅蝦多士冇咁油膩。我熱愛呢度嘅正宗檳城炒貴刁，喜歡佢有豬油，仲有馬來西亞嘅臘腸，炒嘅鑊氣都好夠。班蘭咖央厚多士同馬來西亞榴槤咖央厚多士就看中唔中你口味，我個人覺得榴槤咖央厚多士熱辣辣幾好，不過多啲榴槤應該會更精彩，班蘭咖央厚多士當天味道就唔夠熱。菜方面食左三個，馬來風光炒通菜當然要食，怡保炒芽菜的確食到肥仔芽菜嘅感覺，不過最出色係白灼秋葵配參巴醬，好辣又惹味。試左幾個飲品，怡保白咖啡同斑蘭咖啡都係正常發揮，朋友的美祿都話好濃味，不過最好係like 店家社交平台就有薏米水送。仲要有好多菜式，例如咖喱，怡保河粉等等都未食過，有冇興趣一齊再嚟掃餐牌？
繼續閱讀
784 瀏覽
尖沙咀豉油街突然間出現一間彩色排屋建築物，經過見到非常矚目，原來開了一間新餐廳「鐵飯碗咖啡屋」，主打馬來西亞娘惹菜，嚐了幾款招牌，水準唔錯，味道豐富不過濃，香辛層次有特式，組合及醬汁富新鮮感。我很喜歡：甲必丹檸檬葉咖喱雞椰漿飯 一次過滿足兩個願望，微辣咖喱汁香氣獨特，原來加了檸檬醬料，怪不得份外清新，雞件肥大肉厚，飽吸咖喱汁。椰漿飯由班蘭葉及椰醬組成，配青瓜片、酥脆江魚仔、炸花生及烚蛋，再加上靈魂醬汁參巴醬，本身已經好味，再加上咖喱雞，口感非常豐富，十分滋味。經典海南雞飯看得出認真製作，碟子也特製，剛好放上醬汁三寶、雞、湯及飯。皮爽肉滑米飯香，是期望中的味道。印尼炒飯向來喜歡印尼炒飯，材料豐富，味道香惹。雞翼炸得酥脆，沙爹味香，蝦片薄脆，太陽蛋及有味飯，每一個環節都照顧得到。馬來沙嗲沙嗲汁出色，馬來風味。娘惹沙律沒有抄下正確全名，用娘惹醬汁調味的沙律，亦鹹亦甜，但又恰到好處，淡淡蘋果非常爽口。娘惹炒菜另一款特色娘惹醬炒香，超正！蔬菜都變得好好食。下午茶套餐四款特色甜點，馬來榴槤多士，馬六甲椰糖香蘭小蛋糕，香蘭椰絲薄餅卷及印尼千層糕。最喜歡外脆內軟的榴槤多士😛
繼續閱讀
食物一般今日系Facebook睇到哩間舖頭系旺角開三層，但未有食評，再睇佢有另一家店系灣仔皇悅酒店，食評非常好，所以咪來睇下。1點左右去到，以為無位，上去見到2樓半層都吾滿，三樓未開，吾知道系未有人知道定系其他原因，但如果旺角星期日中午都咁就要再努力d.上去睇到其實除了牆壁有簡單壁畫，裝修亦吾感覺到有馬拉西亞特色。服務－人員表面禮貌幾好，但可能系新，所以問左兩個waitress有關食物的比較詳細資料都答吾到。－睇Facebook promotion話有燒海南雞，點知道問過都話無，失望。系新加坡，馬拉西亞同香港都食過馬拉西亞或娘惹菜，食評基本以香港口味，食過比較好的捌哥作大部分基準。巴生肉骨茶($68)2分— 價錢系比較低－吾會好似捌哥有吾同部位豬肉(一字骨。。等)選擇－價錢系便宜d，但豬肉分量比例上反而比捌哥少幾多，而且味道口感都差，－湯系好大碗，但比較淡色同稀，咖哩牛腩加蕉葉椰漿飯($75)2分－咖哩系幾香，吾算太辣，－牛腩好細粒，而且分量吾多，太淋同有d黐牙。－魚仔吾系好脆－椰漿飯比較咸，椰子味吾夠。斑蘭拉茶($25)1分－ 拉茶感覺好稀，吾滑－ 無斑蘭味－知道拉茶系比較甜，但哩度正常甜都非常甜，好似飲糖水，好吾夠茶味。
繼續閱讀
🌟經過旺角鼓油街，見到一間極具特色建築，原來新開左間東南亞風餐廳。餐廳裡裡外外都係打卡熱點，還原南洲老街風情，牆上畫滿碧畫，主打正宗娘惹菜😋🥢午巿套餐包埋飲品，仲可以優惠價加小食🐟咸菜梅子蒸鱸魚塊配白飯一大塊鱸魚腩好慷慨😍用咸菜梅子蒸，帶出魚的鮮味，清清甜甜，送飯一流😋🐤燒雞全翼(午巿套餐加$18)燒得惹味🍳太陽蛋(午巿套餐加$8）流心蛋黃超正😍另外試左幾款特色食物🥘鐵飯碗招牌咖哩魚柳及蔬菜高成本👍🏻兩大舊煎鱸魚柳，魚皮煎得香脆，咖哩汁係娘惹風味，味道濃郁但又有檸檬葉的清香😋🥘鐵飯碗砂煲伊麵原煲砂煲上枱👍🏻係比較多汁的撈麵，伊麵本身帶有咸味，幾掛汁。材料幾豐富，有流心蛋，菠菜，大蝦，豬肉，魷魚，魚片，草菇，第一次食，覺得好特別😆🥬馬來風光超級香濃惹味，濃濃的參巴醬，份量都好多。🍞美褖脆脆練奶多士外型可愛，外脆內軟，美褖配練奶的組合係絕配😍🍹百香果梳打夏日特飲，酸酸甜甜😋☕️虎咬獅好盞鬼的名字，原來係美褖加咖啡😋🌟總括嚟講，餐廳設計極具特色，如果想食正宗娘惹菜，絕對吾會令人失望。
繼續閱讀
🌈最近去旺角麵不難發現女人街附近嘅豉油街外牆牆身變得好繽紛，係新開張主打馬來西亞菜式嘅鐵飯碗咖啡屋。裝修以南洋風情為主題，牆身嘅壁畫有不少娘惹風味特式菜式。呢到嘅菜式每款麵係幾十蚊，性價比好高，食六、七樣野兩個人都唔駛4百蚊🫔海南芋絲春卷 $46即叫即炸，外皮香酥脆口，內裡夾滿紅蘿蔔絲、椰菜絲、芋絲，雖然係油炸，但因為多蔬菜感覺不會太油膩🍡彈牙炸魚蛋串 $42炸白魚蛋好爽口，點埋參巴辣醬，好開胃🍖肉骨茶 $68肉骨茶配料非常足，有三層肉、一字骨、豬肚、豬手、豆卜、金菇，每樣配料都可以食少少，好滿足。肉骨茶味道不算太濃，容易入口，呢個價錢仲包埋白飯，真係好抵食🍜檳城白咖喱雞絲麵 $63非常推薦！白咖喱椰香濃郁多層次，唔係好辣，滲滲掛滿湯汁，麵質不軟爛。雞絲肉質結實，其他配料有白魚蛋、豆卜、蛋，豆卜吸滿汁，好滋味。🥬馬來風光 $58馬拉盞炒通菜，通菜炒得翠綠有鑊氣，馬拉盞醬汁惹味香濃，重口味人一定好滿意🍞班蘭咖央多士 $33未黎之前已經俾呢個造型深深吸引，超可愛。飛碟咖央多第一次食，但因為夾偏左所以班蘭醬感覺較薄身。🍵班蘭拉茶 $28推薦飲品！陣陣班蘭葉香味，好特別嘅味道，甜度剛好。☕️馬來拉茶 $25茶味香濃，有得自己揀煉奶同奶份量。對比班蘭拉茶，馬來拉茶道相對普通。午餐同下午茶menu都好吸引同抵食，下午茶仲有甜點拼盤
繼續閱讀
您可能會有興趣的...