影片
港鐵黃埔站 A 出口, 步行約10分鐘
繼續閱讀
電話號碼
27795734
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
食家推介
相關文章
呢排剛剛晌附近返工，行過見到有椰花飯，一定要嚟試下，好難得搵到間餐廳咁啱我呢種長期話減肥嘅人士。餐牌寫'非飯'其實是由椰菜花、杏鮑菇、藜麥整成。我點左：💛和風溫泉玉子牛肉非飯$68椰菜花飯唔會太咸，而且牛肉份量都唔少，撈埋溫泉蛋一齊食唔錯👍🏻💛餐飲配熱Latte +$8仲有拉花，都好有heart呢度不設加一，唯一要留意就係餐廳人手唔夠，呢度係需要自助式取餐用同收盤，lunch hour去可能要等一下，我肯定會再嚟，我仲想試埋沙律。
繼續閱讀
叫咗個豬軟骨椰菜飯餐，食物都可以，但價錢貴、豬軟骨又少。由於第一次光顧不知店規矩，離開時被喝叫要放回食具餐盤，感覺尷尬又緊張，佢就‘唔該’ 都冇講一聲，這樣的服務態度，肯定唔會再來。
繼續閱讀
規矩多多， 冇服務。 我第一次去食嘢， 我點會知道要自己去捧餐， 我點會知道完餐後， 要自己收拾餐具及放回取餐處？ 咁多規矩， 做乜唔寫在枱面上，人客點餐時 ，可以自己考慮繼唔繼續幫襯！
繼續閱讀
好多人減肥個陣都無啖好食，究竟美食同減肥可唔可以共存？今日終於比我係紅磡廣場附近搵到間主打椰菜花飯既日系餐廳，間餐廳叫非飯。雖然店舖面積唔算大，坐位更加係有限，但食物水準非常高，完全唔馬虎。我今日就叫左滑蛋雞飯，餐牌更標明食材係無激素，令注重健康既人更加放心。滑蛋雞飯（無激素）$68+$8 轉牛奶咖啡驟眼睇完完全全係一個正常既親子丼，但撥開雞同蛋後，會見到以椰菜花碎混合藜麥取代原本既白飯。雞肉同蛋非常滑，又不失食材原本既味道值得一讚,但另人驚喜既係椰菜花飯非常容易入口，而且食完之後飽腹感十足。📍非飯地址：紅磡馬頭圍88號青海閣地下C號鋪
繼續閱讀
今晚諗住試吓健康啲食嘢菜花飯，諗住入去試，要自助俾錢都唔係問題，點知自助俾錢嘅時候個System好難用，要我入咗幾次密碼。我同朋友兩個食咗椰菜花飯同拌麵，一嚟到個賣相唔差，啲餐具幾decent, 但去到最尾嗰個椰菜花飯竟然好多水，個拌麵更加係湯麵！利申第一次食椰菜花飯，唔知係咪我見識少。食完諗住走嘅時候，店員竟然叫我哋餐盤自行清理，其實本身冇問題，但係佢舖頭裏面根本冇呢個指示，同埋一個飯本身都唔平，諗唔到點解會冇服務🙈返屋企唔夠10分鐘路程已經覺得好頸渴，我對味精都敏感，完全違背間嘢標榜既健康飲食！呢間嘢真係令到我寫第一個食評☺️
繼續閱讀