順興茶餐廳

營業中

休息中

順興茶餐廳大坑呢間茶餐廳不嬲都因為佢踏實嘅味道而出名, 環境方面就冇乜特別㗎啦😂真係普通茶餐廳咁坐得逼少少, 但係食物簡單而又令人感到舒適, 有啲nostalgic for the old days 咁我哋當日遲咗到（~14:00），唔使排長龍但佢哋已經賣晒滑蛋叉燒飯😢所以我哋叫咗滑蛋蝦仁同豬扒飯————————————————感想:❆ 滑蛋蝦仁飯 $67係我喺香港最鍾意嘅其中一道菜, 大方既飯同蛋嘅份量,蝦仁又好大隻，❆ 滑蛋豬扒飯 $60餐廳嘅特別推介之一, 豬扒好嫩好多汁, 唔好唔記得淋上豉油令到口感更加豐富！如果唔想太鹹，可以用湯匙慢慢淋落啲飯。————————————————整體:✦ 價格: 4.6/5✦ 味道: 4.4/5✦ 服務: 3.9/5✦ 環境: 2.5/5✦ 再訪指數: 4.6/5順興茶餐廳地址: 大坑安庶庇街5號地舖營業時間: 星期二至日 07:00-15:00

順興@大坑🌟大坑一定識得呢一個蛋包飯，今日叫咗叉燒大蝦，餐廳即叫即做，上到嚟嘅時候熱辣辣，非常惹味，再加埋少少蔥花，整體配搭上做得非常好，再加埋餐廳自家製嘅豉油，簡直係錦上添花，令人食完一啖又一啖，我同朋友都幾鍾意食，下次嚟會試吓佢嘅豬扒蛋！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟

位於銅鑼灣大坑順興茶餐廳，其實佢好有舊式風味嘅茶檔👍🏻👍🏻我第一次嚟好多人都會食滑蛋叉燒飯、滑蛋豬扒飯但我比較想食車仔麵，因為一般傳統車仔麵而家都少見佢最特色亦都可以撈米、撈麵、撈腸粉👍🏻👍🏻我今次叫咗豬紅蘿蔔雞翼尖勁辣魚蛋撈米😆😆勁辣魚蛋真係要必食👍🏻👍🏻辣味十足可以唔需要再落辣椒油👍🏻豬紅同蘿蔔都超入味，佢嘅撈米係用豉油撈米比起出面用醬撈米好唔同唔會食到好鹹👍🏻👍🏻好味真係

大坑一直都食肆林立，唔少人都會特登入呢捐窿捐罅搵美食，今次同朋友仔去到順興茶餐廳食午餐，點知太晏入到去，如菠蘿油同大部分車仔麵既餸都售罄，淨係得返滑蛋豬同牛揀，就連熱飲都停止供應！🥢滑蛋豬扒飯🥢滑蛋牛肉飯滑蛋飯絕對係順興名物之一，大大碟份量慷慨，熱辣辣既炒蛋呈半熟狀態，係上面鋪上炸至金黃色既豬扒，再撒一啲蔥花，入口好滑溜同充滿蛋香味🍳豬扒醃過後好鬆軟，切得細件好易入口。牛肉經梳打粉醃製後好軟腍，但無乜肉味，下次要早啲到叫返叉燒！雖然無好華麗既擺盤，但色澤同香氣已經叫人垂涎三尺。最精髓係個兜甜豉油🫶🏻加入辣椒油同麻油，然後逐少逐少咁撈飯食，達至畫龍點睛之效果。簡簡單單既食材好有港式味道又夠地道！📍順興茶餐廳 大坑安庶庇街5號地舖

睇食評黎大坑試食，早上未夠10:00前來，參考咗其他食評後決定呢間。有早餐餐牌，亦有車仔麵，兩樣都有試。魚柳餐，都係普通無乜特別，份量比一般少，連凍飲差不多$50。車仔麵好似係$42/2餸麵，個別餸要$15（豬腸，牛腩，魷魚等），叫咗一碗5餸撈米，成為$80。豬紅個味整得幾好，魷魚都夠厚身，豬腸唔夠淋，蘿蔔無揸，齋正常。鴛鴦走及茶走夠熱唔太甜唔太漏口，唔錯。鮮油多最驚喜，牛油鋪滿多士內，十分香脆。唯一好奇，堂食飲品，餐廳會用外賣杯上，令人懷疑，飲品係其他餐廳送過嚟！😅1份魚柳餐配凍飲，1份5餸車仔麵餐配熱飲，2件多士+1杯熱飲，成為$187，到此一遊，試過就算。

This is one of the dishes that we love in HK. It’s simple yet very comforting. We love how generous they are with the toppings and the size of the smooth silky egg.We came a bit late (1:30pm) and they already ran out of the char siu egg rice 🥲.We ordered the pork chop egg rice and the shrimp rice instead. The pork chops are tender and moist. The shrimps are huge, glossy like a crystal and meat is crispy!Don’t forget to pour the soy sauce to enhance the flavour! If you don’t want it to be too sal

事實上前身係同源品車仔麵同一家庭經營 之後分家了 這裏名物除了招牌滑蛋叉燒飯和滑蛋菠蘿油外 也可以吃到車仔撈麵 🍜但真的要早點去 試過早上11點多到的時候不用排就可以 但如果晚點到午餐時間的話 基本上很多餐牌上的都賣完了 甚至連熱飲也沒有了 只有凍飲 (應該是沒有熱飲杯吧😓) 而且會一直聽到店員在大聲叫嚷着 哪樣東西又賣完了 試過一點多到的時候已只剩下幾樣車仔餸😶‍🌫️很多人推薦撈腸粉 因為較喜歡公仔麵的關係先試這個 點了三餸車仔撈公仔麵 蘿蔔清甜 咖喱魷魚惹味 午餐肉也是煎過 夠邪惡 除了本身自家製的豉油外 記得也配辣汁或腩汁😋另外想推薦的是茶走 個人認為比附近著名的炳記更好飲 午餐時間基本上大坑幾間著名的茶餐廳都在排隊 大部份也只營業到三點多 所以想食的話真的要早點到 不過下次應該會去源品也試試 

睇到openrice介紹既滑蛋菠蘿油慕名而去的…星期日12點幾去到排隊，排隊果陣無任何食物售罄/落單限制提示。坐落位先知果陣無麵包賣、無得叫熱飲，只限凍飲+$3🫨 杯野飲重要應該係隔離店賣既，用既都係外賣杯，奶茶唔滑唔香，唔好飲。唔緊要，滑蛋叉燒飯都好出名，一於試試啦！ 一食覺得同普通茶記既味道差不多，如果要排隊的話完全唔值，會嘥晒自己時間…劃重點：1. 態度差（如果硬要比較，牛奶公司既叔叔比順興更有人情味，至少食到舊茶檔感覺）2. 無麵包唔講，無熱飲唔講，落單先話無無咩，焗你+$3叫凍飲3. 滑蛋叉燒味道一般唔，值得嘥時間排隊唔會再去

今日還庫去左，位於香港大坑，一間港式車仔麵茶餐廳，以其地道美食和經典滋味而聞名，中午時間去到，已經大排長龍，呢間餐廳以滑蛋叉燒飯同秘制豬扒飯聞名，我特別鍾意佢哋嘅豬扒同埋熱奶茶。滑蛋炸魚柳（$57）這道招牌菜以半熟既炒蛋、魚柳和港式甜醬油為特色。炒蛋金黃嫩滑，富有蛋香完美搭配。配上豉油，讓整道菜更加美味。秘制豬扒飯（$56）這款豬扒飯金黃色的豬扒在燈光下閃耀，質地彈牙，帶有蜜汁的味道。配上一隻荷包蛋，蛋黃流心，撈飯時更加美味。順興茶餐廳 (大坑)大坑安庶庇街5號地舖

來大坑一定要試吓順興茶餐廳嘅滑蛋叉燒飯，我已經食過好多次，我相信佢係全香港最好食嘅我的叉燒飯😋特別係佢嘅豉油，零舍好食。環境方面，都係坐得迫夾夾咁樣㗎啦，食完都係要快快手走柯達叉燒飯要六十幾蚊，抵唔抵食就見仁見智啦。同埋我好鍾意飲佢嘅凍檸茶，我覺得佢嘅茶底係幾好飲嘅。不過我最唔鍾意呢間餐廳嘅係佢嘅服務態度，個老闆娘成日喺度呼呼喝喝咁樣講嘢，又大聲冇乜禮貌，如果唔係佢嘅滑蛋叉燒飯咁好食，我都唔想嚟受佢氣😤

星期六下午2點去到，想試的叉燒已售罄😝餐廳食物份量給得很足，女生應該吃不完一整份😋▫️ᐝ 滑蛋蝦仁飯🍤ᐝ 滑蛋豬扒飯🐽◂ 簡單的拌入豉油，已覺得很美味◂ 再來一杯冰冷的飲料，透心涼🧊

疫情後嘅天后同銅鑼灣漸漸回復熱鬧，人潮同汽車川流不息，而置身喺兩地中間嘅大坑則自成一角，係鬧市中難得嘅寧靜小區。因為我早排心情鬱悶，所以就同男朋友一齊嚟呢度散下心，遠離日常煩囂，順便發掘下當地嘅美食。順興茶餐廳係當地嘅傳統餐廳，由上世紀六十年代中屹立至今，舊店係舊式鐵皮檔，後搬入附近地舖，分別為「順興茶檔」同「順興茶餐廳」。佢哋嘅滑蛋系列一直深受大眾好評，吸引唔少市民（包括我）特地前往一試。當日係星期六，下晝12:40左右地舖門外已經有條6-7個人形成嘅小人龍。不過茶餐廳嘅特色就係快捷，等15分鐘左右就有位，至於坐喺室外定室內就要睇運氣，我哋嗰日就好好彩被安排到有冷氣嘅位置，唔使大熱天時流住汗咁食嘢。🥢滑蛋豬排飯 💰59 (👅：8.0/10)呢度嘅招牌滑蛋豬排飯賣相常吸引，滑蛋蓋曬成個飯，上面鋪滿切成細件嘅炸豬排，表面泛山油潤嘅光澤，每一啖都可食到滑蛋、豬排同飯。滑蛋唔會過薄，生熟程度啱啱好，表面留有少量蛋汁，入囗滑嫩，蛋味香濃不腥，同蔥花、微甜嘅豉油，仲有飯粒分明嘅白飯，就係一個不敗嘅組合。要留意嘅係，由於豬排會比滑蛋浸腍咗，外皮自然唔會脆，好在佢本身炸皮夠薄，所以食落都唔會有好黏黏

在大坑已有一段時間的鐵皮大排檔，是露天的，你可以坐下來吃吃一些車仔麵小吃。從早上到下午，他們都有很多食物可以做：有飯、有麵、有腸粉、有多士、三文治與小吃。炒蛋叉燒飯是他們的名物。來這𥚃你需要有些耐性、包容性。夏天在大排檔坐會比較辛苦，這𥚃沒有冷氣會好熱。味道来說，整體是可以的。A long-standing Da Pai Dong, a licensed eaterybased in Tai Hang. It serves good cart noodles, satay beef noodle, local HK-style macaroni in soup, milk tea and breakfasts sets with many choices & toppings. A good place for fixing your craving.Food: 3.5/5Service: 3/5Ambience: 3/5, local Hong Kong outdoor cafe vibe.

順興最出名嘅就係滑蛋系列既飯，但佢既秘製豬扒飯都係唔差既，相比起滑蛋叉燒飯，我更加喜歡食秘製豬扒飯。🐖🍳秘製豬扒飯金黃色的豬扒於燈光映照時是在發光，豬扒有一種蜜汁既味道，食落質地很彈牙，又帶點嫩嫩的。另外，此飯有一隻荷包蛋，荷包蛋的蛋黃是流心的，吉穿佢撈飯很好食。飯配有一碟豉油，豉油是偏咸的，如果覺得豬扒太甜，可以沾一些豉油。我喜歡把豉油撈在飯及蛋中，非常惹味。🥚🐷滑蛋叉燒飯叉燒切得簿簿的，滑蛋和叉燒炒在一起覆蓋於一碟飯的上面，賣相份外吸引。把豉油撈在滑蛋與飯之中，真的很美味。🥛☕️熱奶茶奶茶是用即棄的杯子裝住，香滑得來唔會太苦同太濃。朝早11點零鐘幫襯既話人流唔會太多，有位坐🥰。#順興茶餐廳 #秘製豬扒飯 #滑蛋叉燒飯 #熱奶茶 #滑蛋 #大坑

以前喺附近讀書lunch成日都會嚟食，估唔到咁多年之後食返都係一樣嘅味道，水準保持得好好👍🏻，依舊喺大坑名物，見到午餐時間有唔少學生會排隊買外賣，啲中學回憶即刻返晒來🥹 食物方面，我覺得份量同以前食差唔多，一定夠食，叉燒都非常足料，滑蛋嘅質感真係好多其他餐廳都做唔到，撒上蔥花在面，淋埋秘製豉油真係冇得輸😋招牌滑蛋叉燒飯 $65