飯聚 (已結業)

午餐時間，想揾間簡簡單單的餐廳食個午飯，行到紅磡被轉角位這店名吸引"飯聚", 我笑了一笑，幾幽默！好，我去飯一飯聚先。中式餐廳格局，比茶餐廳高級，店員很有禮貌咁招呼我，中午時段客人密質質，店員很好，見我女人仔一個，細心安排我在另外兩名靚太的枱搭坐，眼見靚太都食緊糖水！！咩事會有糖水架？！咁搞笑？？！原來是午飯套餐，有小菜+白飯+湯+糖水！嘩，勁驚喜$44蚊，大家x都唔得了，仲要有糖水！我點了蒸雞, 有例湯，仲有糖水紅豆沙真係好大碟，我係大食妹，現在有時遇上因價就貨的食店，會將食物分量減少，我有時食完好像無食架，這間飯聚完全合我何車！ ~例湯~唔係茶餐廳鹽水例湯，這雞腳湯味甜，夠熱，老火湯感覺，飲完唔口乾，真材實料，雞腳都仲好完整，感覺良好。~蒸雞~很新鮮，出晒煙咁上枱，店員細心提醒我，碟邊好熱。雞蒸得很滑，沒有多餘的粉，個味做得好自然，就好像屋企飯，個汁唔咸，撈飯好開胃。~白飯~講真，勁大碗！遇上其他細食靚女，應該兩個人"些牙"都仲得。飯香熱，軟硬適中！唔錯！~紅豆沙~好味，諗住送既就無咩期望啦，講真仲好食過咩記咩記廿幾蚊碗果啲囉！紅豆起晒沙，最重要係唔太甜。$44食到今餐，我好滿足！

今日奶奶生日，雖然之前已經慶祝左，但正日都應該食餐好啲嘅。 試過飯聚嘅小菜，質素頗高，不過價錢亦唔平，所以平時好少幫襯。今日試左佢地嘅雞煲，因為有小朋友，我地選擇走辣，味道比對面一品淡，但雞肉好嫩滑，連雞胸都唔鞋，贊! 相信如果加少少辣一定更好味!不足之處係其他火煱料選擇少，我地叫左一隻雞，送一碟菜，另叫粉腸同一碟小菜腰果牛柳粒，男人們似乎未夠滿足，再叫半隻雞，好飽好飽呀！

話說早排2個人經過紅磡搵晚飯食, 經過見到<飯聚>價錢OK就入去試下啦試左過鐵鍋牛肉飯同一個炒四季豆四季豆就無咩特別, 但係要讚下鐵鍋牛肉飯, 飯面鋪滿紫洋蔥同牛肉, 肉多而且滑食到尾都仲有好多牛肉, 唔錯!講返前晚星期六, 咁岩有個朋友生日就想搵間無咁難搵位既食肆食餐飯, 所以一行9人就再試試<飯聚>訂位既時間老闆娘話雞同某D海鮮需要預訂而生日主角又比較喜歡食海鮮, 老闆娘就好好咁話:不如當日我落街市睇下有咩新鮮海鮮, 到時打比你決定啦!真係好服務啦最後海鮮係買左聖子皇, 兩隻大膏蟹同一條小海斑晚飯當日我地9個人點左1.拍青瓜 - 小辣, 夠爽2.沙薑雞腳 - 沙薑味濃, 炆得好林3.紀子豬骨雞腳老火湯 - 多料好味4.三味骨(椒鹽, 咕嚕, 鎮江) - 椒鹽同咕嚕都好味, 鎮江就夠味不過紋得唔夠耐 5.黃金蝦 - 外面脆卜卜, 但d蝦肉仲係軟身岩岩好6.炸子雞 - 皮脆肉嫩, 唔錯7.什菌炒翠肉瓜 - 足料, 不過無特別8.蒜蓉粉絲蒸聖子皇 - 大隻夠鮮甜 9.薑蔥炒膏蟹 - 呢個要讚下, 真係一到上菜淨係見到2隻蟹蓋cover哂個身, 真係淨係食個

其實呢間嘢都開左一段日子, 但始於冇機會食到. 咁岩有一日放假又唔想諗食乜, 結果就走左入去試下!霸皇花豬骨湯 - 一坐底就有人拎左好大碗霸皇花豬骨湯嚟, 一睇就知足料而且味道都唔錯蔥油雞 - 雖然望落去好似好細碟, 但其實分量都唔少. 而雞當然係凍鮮的, 但煮得唔會好老,加埋個蔥油汁送飯一流雪耳糖水 - 食完仲有個糖水, 甜度岩岩好, 食完真係好滿足!

I love the fish sets at this place!!It is only $40 including rice, soup and dessert!!Dessert:I don't like Chinese desserts anyway! but it came with it.Soup:There was no MSG, so the soup was quite good.Tried the fish twice, they were fresh and steamed just right because the fish was soft and supple.Black beans were my favourite.◎ⓢⓤⓟⓔⓡⓢⓤⓟⓔⓡⓖⓘⓡⓛ◎Price: $40Service: OKService charge: noYummy factor: okEnglish Menu: no◎ⓢⓤⓟⓔⓡⓢⓤⓟⓔⓡⓖⓘⓡⓛ◎

成日經過，見到佢外賣晚餐$58，價錢都算ok，今晚就試下！點知。。。。其實入面只有兩枱客，但都等咗成四五個字，我只係叫咗兩份晚餐！返到去一睇，呢個咸魚煎肉餅真係少得可憐，只有四片，係真係只可以用片嚟形容，因為真係好薄，佢只有一個籌碼咁大片，如果只係叫一個餐，半碗飯都送唔到囉！下次都唔會再去！

上次經過時這鋪位還未租得出, 這店位於黃埔新村內最貴租的地段, 上次跟家人去黃埔花園睇樓, 地產代理提供資料獲知, 這店的租金接近廿萬. 一聽嚇了一跳, 只有十張檯左右, 每晚不知要做多少生意才夠交租.今天終於有機會試一試, 只二人同行, 餐牌也懶看, 問店員有無好介紹. 店員介紹”無味精例湯”, 一小碗$18, 一小煲$48, 都唔平喎? 相信係足料既, 但返阿媽屋企都有得飲, 無大興趣, 而且今晚想飲啤酒. 店員再介紹兩味: 香酥德國豬手($88)和石鍋薑蔥魚雲($72)石鍋薑蔥魚雲先上檯, 材料比預期中較多, 雖然石鍋不算大, 但魚雲滿滿, 上檯時超熱爆, 滋滋聲, 味香辣口, 薑蔥份量適中, 魚雲經煎炸過才入鍋, 算新鮮, 吃不出腥味, 整鍋迅間被吃光.香酥德國豬手, 上檯時已經切開幾件, 方便食用, 伴了些火箭菜, 新鮮爽口, 肉質不算滑口, 帶些少硬, 味道十分淡, 豬手又未炸得十分脆, 咬落有些韌, 但夠熱可補不足.此店的白飯收十二元一碗, 比較貴, 而且細碗, 上檯時唔熱仍全港上至大酒家下至茶餐廳的通病, 無得投訴, 但煮得飯身也不合格, 入口散和太淋, 十二元, 不值

今晚約左傻CAT同小燕子聚會，苦惱緊今晚食咩之際，醒起老友介紹過紅磡有間小菜館「飯聚」很不錯！好！即管一試！嘩，6A小巴到門口。繁忙時間，梗係醒目訂定位啦！嘻嘻！先嚟一煲老火湯＜合掌瓜雪耳煲豬骨＞，果然有驚喜！足料喎！味道簡直拍得住家中皇太后嘅水準！小菜味道確係無介紹錯，的確食到老友所講平靚正！但最令我想推介嘅，係佢呢期嘅《夏日消暑系列・冬瓜篇》睇見D名仲有趣呀！我地先試一款，點左：綠怡島。故名思義，係冬瓜做主題嘅小菜啦。嘩！筷子一夾，原來莧菜汁底下仲有乾坤！係柱貝蒸蛋白呀！再加上一大舊冬瓜肉成座山咁係汁汁中間，掂！果然係一道美味嘅＜綠怡島＞呀！報告埋嘞，「飯聚」裝修現代簡約。值得一讚店員個個笑臉迎人，好有禮。我地三個飲飽食醉，先至係三百鬆d蚊埋單！老友果然無介紹錯！我地決定約埋d8婆weekend再嚟飯聚多次，因為我要試埋另外兩款消暑冬瓜＜三味九官格＞，＜大海藏金＞，哈哈，有趣有趣！