高佬粥粉麵飯

營業中

休息中

今日我去咗「高佬粥粉麵飯」食緊佢地嘅港式炸醬麵同淨雲吞，真係好有傳統風味！👌首先，呢個炸醬麵，醬汁香濃，麵條彈牙，真係好食得嚟。同埋佢地嘅淨雲吞，亦都好鮮美，清香味道，好似食返到傳統港式餐廳嘅味道。🍝🥟而且，我覺得呢個餐廳好有心思，佢地將傳統港式美食發揚光大，令人可以感受到傳統美食嘅精髓。同埋佢地嘅裝潢同服務，亦都好有港式嘅特色，真係令人有一種回到過去嘅感覺。🏮總括而言，如果你鍾意食港式經典美食，就一定要嚟「高佬粥粉麵飯」試下佢地嘅港式炸醬麵同淨雲吞啦！呢度嘅傳統風味，真係唔會令你失望！

除左粥之外呢度都有賣雲吞麵果啲, 粥既款式都有好多揀🤓豬膶魚片粥🥣($31)粥係即叫即煮, 豬膶同魚片係小櫃仔度近鮮咁拎出黎擺埋落粥度一齊滾, 粥唔夠綿, 米既份量唔夠多, 反而豬膶同魚片都唔錯☺️ 因為今次外賣既關係, 所以粥都滿滿咁裝滿左係個外賣盒度, 份量同料都係十足, 係啲粥唔夠綿失色左啲, 加埋蔥同薑絲都幾好既🥰

今日師傅仔揸勺，做個雲吞麵同埋油菜，交到個水準出嚟 👌🏼個油菜要腩汁，俾咗蠔油，老師傅竟然可以1分鐘之內轉番腩汁俾我。冇睇到佢點搞，真係損失。個韭菜花淥得啱啱好，真係要俾個讚 👍🏼嬸嬸做個豬潤魚雲粥，亦都有水平。粥底係有少少味精，但係淥到兩個餸都啱啱好，不得了。不過埋單叫嬸嬸計數，佢心算其實真係⋯ 都係你計俾佢知好啲 😄

雲吞麵冇咩特別，係啲鹼水味冇以前咁重，不過好好多！令我冇咁抗拒！生菜鯪魚球粥要讚，啲鯪魚球雖然有啲骨但可以咬碎吞落肚嘅，有五六粒大大粒又新鮮，塞滿成個外賣兜，而且每粒鯪魚球入面都有果皮，鯪魚肉有果皮嘅香真係令人回味，係生菜絲少咗啲！水餃麵+$3轉伊麵純粹係想避開啲鹼水味，點知煮水餃嘅湯水同湯底都係用嚟煮鹼水麵嘅，避無可避！伊麵嘅口感仲冇鹹水麵咁好，因為鹹水麵係好爽㗎！口感冇得頂，係鹹水味問題啫！環境差係老店嘅缺點但亦都係特色！只要唔影響到食物，保持到食物水準同不斷進步，我冇意見，只外賣！每當想食平靚正熱辣辣好味嘅粥粉麵時就可以近近地享受得到，滿足也！

呢檔高佬我久唔久就會嚟食，但通常都係食麵多，好少嚟呢度食粥、小炒或者係白灼類嘅食品，因為價錢貴好多，但今次真係唔想就住就住食，想食放少少，首先嚟一碗雲吞麵，蝦肉爽口，麵條都幾煙un，但我食完碗雲吞麵之後仍然未夠飽，所以繼續乘勝追擊，再叫多一碗水餃麵，同樣都係好食，只係餡料唔同，水餃都係木耳絲、筍絲、蝦肉同肥豬肉，食完碗水餃麵，另外再叫多一盒淨牛腩攞走，全程埋單計數$95蚊，都唔算話好貴，久唔久一次都幾嘆

嚟高佬麵檔食嘢，夜晚嚟會精彩少少，因為食品嘅款式會比較多，價錢亦都幾大眾化，我叫咗碟牛腩撈麵加薑葱，幾惹味，牛腩炆得軟淋，份量都幾多，麵條咬落都算彈牙，配埋清湯OK

雲吞麵😎$23響雲吞麵關注組見到🤣既然咁啱行過，就走咗入去試😉雲吞放碗底，傳統細蓉嘅擺法😆碗𥚃有三粒雲吞🤣雲吞算大粒，味道都幾好🤓麵質都唔錯😛不過環境就真係一般般😅確實有待改善😬高佬粥粉麵飯 (大角咀)大角咀利得街2號地下

小弟第一次寫食評，真係唔出聲唔得。今日星期六下午，特登來大角咀試高佬，舊區配老店，星期六下午，一條中佬。食物,叫左牛腩撈麵及淨水餃，牛腩係肋腩撈，夠冧，麵，唔夠爽，但份量幾大；我把佢同以前我食過的太子興記相比，高佬係唔夠興記好食，當然現在興記已換左老闆唔同曬味道。水餃：有蝦有荀，但味道不及深水埗劉深記。但最令我嬲爆爆係店內衛生環境極差，我一支公麻甩佬都頂唔順！食到一半，有個阿姐用左我係廁所出來第一將枱擺紙皮箱上貨，居然擺擺下冧左落嚟，嚇得我呀！我仲未食完㗎大姐！最恐怖係，我見到佢居然連鞋（水鞋）企上將舊到唔舊嘅圓凳擺貨，之後隨手放回原位，完全沒有抹過就走了。疫情咁嚴重居然咁都做得出，我即時反左胃，立即比錢走人，以後可以blacklist了！大家去幫襯時自己考慮一下。眼睇大部分食客是老人家（全男班）及麻甩地盤佬。

呢間粉麵店一啲都唔起眼 喺大角咀一條橫街 我都係心血來潮想食碗水餃米 清清地 就行咗入去坐低當然呢種小店就冇咩裝修啦 入到去老闆就問我食咩 我就話要碗水餃米 去到收錢嗰刻我先知原來咁平 🤟$22 有兩大粒水餃 大到有成隻中指咁長 一咬落去 就有紹興酒嘅酒香 有肉汁同湯汁 😋而且仲有好多大地魚粉味 重點係咁大粒水餃入面其實係有一大隻蝦 可以大膽講一句蝦仁同其他配料例如木耳絲豬肉嘅比例絕對有九比一 每一啖都有好爽口彈牙嘅蝦肉 😬真心好正 唔係講笑 😅粒水餃真係有第一啖食到最尾嗰啖都有蝦㗎 食晒成碗之後就咁岩見到老闆準備包雲吞 從呢張相就可以見到全部餡都係原隻大蝦仁 多到好誇張 基本上都完全冇豬肉😍🥳本身都對一碗水餃米冇咩期待 但估唔到傳統原來小店真係會有驚喜㗎🥰

之前去另外一間餐廳嘅時候經過見到一間咁傳統嘅粥麵店，我深深被佢喺門口煮食嘅生滾粥吸引住，所以今日就決定你試一試佢。高佬老闆同事叫咗碗雲吞麵同事食嘅皮蛋瘦肉粥我自己食嘅魚片肉丸粥，😋

上次係利奧坊食過西餐後便折返公司。便沿途看看同區有特色餐廳，可以留待下次去試試。今日天氣凍凍地就諗起呢間餐廳，於是就決定黎食。餐廳環境非常簡陋，但算乾淨企理。餐廳餐牌掛在牆上，但只有粥粉麵賣。雖然顯得單調，但出色的餐廳不需賣弄花巧。單憑簡單就可以保存餐廳特色。而且價錢便宜。同事點了肉丸魚片粥（28元）我便點了皮蛋瘦肉粥（26元），生滾粥果然跟一般粥店賣的粥的口味完全無得比，絕對優勝。材料亦足料。可能有些人會覺得好普通，但有時候係食傳統風味而且。

<好正既粉麵檔>😍🍴水餃牛腩河 28 蚊🐂🥟大角咀甘多美食 傳統粉麵一定唔少得 喺利德街呢間高佬 細細間 只容納唔夠10 個位 食物都不外乎粥粉麵 即點即煮 單拼21 雙拼28 點左個水餃牛腩河 😄首先河粉 係比較粗身爽口嗰 d黎 湯底充滿腩汁 牛腩係柱候汁嗰隻 牛腩唔係勁淋嗰 d .煙靭有肉味🐮 最出色係水餃 應該係自家包 勁大隻 個皮超爽滑 入面充滿住蝦肉 🦐木耳 筍絲 材料新鮮 又有口感又好味 正 😍#牛腩 #水餃 #河粉 #粉麵 Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻~~~~~~~~~~~~~#高佬粥粉麵飯 大角咀利得街2 號地下~~~~~~~~~~~~

小店子，有粥、有麵、有魚皮、有小吃，曾看過店員在門口煎魚再煮粥，香氣四溢。我點了一個艇仔粥，一個就是爽魚皮。這款魚皮，應該都很久沒有吃過了，無論是什麼魚皮，蒸魚的魚皮，還是炸魚皮，都已經最少幾年沒有吃過，因為一次吃完炸魚皮之後嘔吐🤮，結果一直都戒掉。這次再試一試這種爽的魚皮，多荵多薑絲在面頭，想不到，爽口，嚐來非常之爽口彈牙，甚具嚼勁，就像口感爽爽的牛柏葉一般，再配荵及底下的辣椒豉油，味道更上一層樓。而此店亦都看到其他各式各樣的傳統中式麵條，收費更為便宜，下次亦都可以一試。

My coworker bring me here for lunch after work in Olympic. She told me the fish skin is a MUST item here. I like fish skin much especially those well pan sealed or roasted to crispy. When I imagine it shall crisp like peiking duck. I saw this dish.... A raw fish skin.Scale is cleared and no fish meat attached. Purely fish skin seasoned with soy n sesame seed oil. Topped with ginger and green onion. I was taught to mix it well, roll the ginger n green onion up with fish skin, and lastly drop into

高佬粥，相信好多住大角咀既人都會食過，而我只係剛好行過呢頭買既，想不到有驚起。我買既係肉丸豬潤粥，粥底好靚，好香好有味道。可能媽媽們會話佢落左好多味精，但對我呢d後生黎講，好食，就得啦豬潤有一個好處，佢本身好食之外，就係會令個粥變色，當然變色姐係入味，令個粥更香更濃。高佬整既係生滾粥，豬潤係生滾，石油氣大火爐頭滾熟既粥，特別好食到肉丸，食得出既有蝦味，肉丸係自己整既，口感一般但味道取勝。埋單廿幾蚊，5分鐘就得，仲有薑／花生／蔥／生菜任你叫佢放，都咪話唔正。下次再黎買先！