黑木堂

營業中

休息中

🍣火炙三文魚蔥粒吞拿魚腩丼飯🍣燒味車仔麵就話有得雙拼啫，估唔到丼飯都可以😂魚生份量都好多，唯獨係白飯細碗嗰啲。留意番，午市所有丼飯都會送沙律和湯🤩平時餐廳送嘅沙律菜都唔慌好食，但係呢間我會食晒，事關菜都新鮮（食過有啲霉嘅都唔想食），又多芝麻醬，好惹味🥗餐湯就略鹹少少。埋單$81，以日式lunch嚟講，非常抵食！餐廳食物有好多選擇，下次想試吓嗌其他，絕對會再嚟😋P.S. 大約1230到，等咗15分鐘先入座

同屋企人黎過幾次dinner,無諗過一間唔起眼嘅小店，會帶俾我咁多驚喜。唔知食過嘅朋友，有冇同我相同嘅感覺呢扮牛肉壽司簡直係我最喜愛心水首位，記得第一次食嘅時候滿滿的驚喜，明明唔係牛，就有啲牛嘅香氣，完全滿足我呢啲鍾意貪新鮮嘅人。呢種只溶喺口不溶喺手嘅美味，完全唔知佢係乜黎（當然我而家知道答案啦），出面從來都冇食過咁嘅煮法，自此之後成為我每一次去到必食嘅心水芝士焗蠔幾次去都撞唔到生蠔返貨，繼續食住個焗蠔啦，希望下次去有得食啦，再同焗蠔pk過。諗起第一次黎，覺得都係芝士焗蠔啫冇乜特別，唔食由自可，一攞上嚟即刻心心眼，冇諗過佢係成隻手掌咁大，一啖噬落口鮮甜到呢即刻帶我返日本，令我諗起好多年前去築地食過嘅超大巨蠔燒牛舌未見過食牛舌食得咁豪氣，大塊到呢，我唔係牛舌愛好者，但係見到呢個size真係驚艷到一個點油甘魚鮫毋庸置疑我鐘愛油甘魚嘅美味，呢度燒得非常出色，有一種家的溫度（唯一唔鍾意係黎親都要有心理準備，未必有貨返，真係要同老闆打好啲關係先😆😆）超巨型鰻魚飯從來冇見過咁巨型嘅鰻魚飯，放上食枱即刻冇咗大半張枱。我唔係鰻魚愛好者，因為最怕佢唔靚嘅話有泥味，估唔到呢個價錢可以食到冇泥味，燒得又香嘅

今晚屋企人請食飯，話自己食過呢度有好幾樣嘢好得，所以帶我地黎試下有幾款係老闆娘極力推介要試既：1）鰻魚飯呢個鰻魚飯有好多捧場客，話明明自己住嗰頭都有鰻魚飯食，都堅持要揸車黎呢度食！今晚一試，我明點解！鰻魚原條大大條上（有分size的，今晚我地人多所以叫左個大鰻魚飯），而且食落無泥味，又無乜碎骨，面上灑左木魚碎，配埋個燒汁滲落啲日本珍珠米度，真係好好好好食❤️❤️❤️2）燒雞扒沙律好新鮮既生菜椰菜做底，配上芝麻醬，同熱辣新鮮燒好既雞扒，簡單就係咁好食！3）燒廣島蠔🦪（with cheese/ salad dressing)呢個燒蠔咪講少，一叫就係一set4隻，隔離檯兩個女仔order每人食一set,老闆娘介紹話呢個檯檯必叫既，我地食既時候又真係蠔好新鮮，啱啱熟，飽滿既🦪，面上有🧀️同啲沙律汁mix埋，正👍🏽👍🏽👍🏽👍🏽👍🏽4）魚脂手握壽司（唔係成日有）呢件魚既脂肪老闆娘話係黎自三文魚既皮下脂肪，有啲厚度，老闆娘話攞去炙燒就最香，就咁睇我以為係和牛壽司😂🤣呢個係要提早打電話預訂的，唔可以即日黎話想食就有，所以有心黎食記住提早預訂呀5）魚生拼盤每件魚生都好新鮮，又專做厚切，好肥美，海膽好鮮甜，係日本

今日去咗大角咀嗰邊搵朋友食飯 睇吓附近有冇日本嘢食 佢就推介咗呢間黑木堂 我哋去到嗰陣都唔使等位 直接有位 店員好快就俾咗餐牌我哋 佢午市餐牌有好多唔同嘅選擇 有魚生飯亦都有好多日式料理嘅飯或者烏冬 我同我揀咗三文魚海膽赤蝦丼，跟餐都有麵豉湯同沙律。麵豉湯同沙律，就冇乜好大驚喜，個湯我覺得太淡，沙律就合格嘅個飯最好食其實就係赤蝦 兩隻赤蝦非常之巨型，亦食得出非常之新鮮，爽口鮮甜。三文魚就正常水平，冇太大驚喜。反而海膽分量比較少，有啲唔夠喉既感覺。埋單每人$108。

燒鯖魚飯的魚燒得香脆，但飯不是珍珠米，美中不足。如果能搭配些沙律菜，賣相會更好。芝士燒生蠔的芝士味濃郁，但又不會覆蓋生蠔的鮮味，值得一試。整體而言，價錢合理，性價比高。店內環境值得一讚，用上大量木色和黃燈光，給人溫馨的感覺，而且姐姐侍應有禮貌，服務有加分。

勁黑仔 原本想食第2間 但咁啱東主打完針休息一日咁即刻openrice search 過第2間見人講到ok咁就去試下啦 反正都出左大角咀侍應都有禮貌嘅吞拿魚 三文魚 油甘魚丼 ($98)Set lunch 包1碗湯同細沙律但居然飯上左枱 都未有湯同沙律不過算啦唔影響我嘅沙律唔錯！有飛魚子💛菜新鮮都靚！最重要芝麻醬好夠多😍食晒仲有醬剩低湯 唔知咩湯🤔😂我唔飲 不過朋友話 好鹹🙂🤔🤔至於魚生就俾我想像中薄好多🤔 切得唔係咁靚🤔?!新鮮可接受嘅😂 油甘魚ok! 其他還好份量係少 完全餸唔到飯醋飯(白飯?)😂好實🤔Ummmm 感覺不太良好😂松葉蟹肉 蟹膏丼 ($108)冇咩蟹🦀️味 似食緊魚咁😂少少怪🤔🌚有更好選擇😀😂

好耐冇去大角咀了，本身想去的餐廳竟然冇開><"!只好即搵其他野食，假日之下好多地方都FULL，上網搵到間日本野，食刺身丼同價格幾平，一於行去博下，行到去果陣時差不多兩點，唔太多人即有位坐。小小的店子，裝潢甚有和風之感，居酒屋格局，以木系為主，木架上擺放了不少經典可樂樽，搶眼的玩具模型及小飾物，牆上掛有一些舊照片、掛畫及日式掛布，帶點日本懷舊之感，燈光柔和，坐得舒適。餐牌，食物都幾多選擇，價格合理，有LUNCH SET，幾抵食。波子汽水，跟餐+$14。鮮奶三文魚湯，內有海帶及熟三文魚肉，湯味道似豆乳，不俗。沙律，有櫻花蝦增添味道。三文魚赤蝦海膽丼，$108，刺身及醋飯份量適中，赤蝦大隻爽口，三文魚正常水準，海膽鮮甜，味道不俗。吞拿魚三文魚油甘魚丼，$98，友人的。帆立貝蔥粒拖羅蓉丼，$108，友人的。醬燒廣島蠔，$68，有4件，廣島蠔都幾大粒，唔會只係得醬多，同鮮味十足，醬燒之下口感及味道更豐富，抵食之選。厚玉子燒，$38，得兩件，太少了，蛋口感唔好滑同軟，一般。食物幾好，價格合理，坐得舒適，服務態度親切，下次有機再戰。

啤酒買一送一🍻🍺打完球同幾個波友行到大角咀搵野食 平時食開呢間對面嘅餐廳無位 見呢度地方夠大坐得舒服 😆😆😆就揀佢啦 叫左啲sushi 魚生 燒物 啤酒買一送一無影Tim 🍺🍺🍺🍻

上次做完野咁岩係附近💼朋友話有間好似日本居酒屋既餐廳幾好食～入到去都真係幾有日本既感覺🍶而且啲刺身🍣幾新鮮 性價比高👍🏻去開大角咀附近可以試下啊！🍱海膽帆立貝三文魚丼𝗛𝗞𝗗𝟭𝟬𝟴海膽鮮甜無苦味不過份量再多D就好啦 唔夠喉😋帆立貝同三文魚大大舊好正～你以為個碗望落唔大 但其實食完好有飽足感🍚火炙帆立貝三文魚丼 𝗛𝗞𝗗𝟳𝟴火炙過既帆立貝更加甜🤍而三文魚既魚油爆曬出黎 啖啖都好邪惡呀‼️加𝗛𝗞𝗗𝟭𝟱有前菜🥗同麵鼓湯🫕個麵鼓湯唔係一般既頹頹麵鼓湯係奶白色的 佢地落左好多三文魚塊🐟落去一齊煲食完前菜同麵鼓湯都飽左一半ʜᴀʜᴀ

自己本身住大角咀，所以會留意大角咀附近有啲咩食，平時門口會有人等所以無去過，今日放咗工有啲嘢已經成9:30pm好彩附近仲未收。入到餐廳非常之有驚喜，因為濃厚嘅日式裝修，人唔多，播住日文歌，感覺自身好似去咗日本旅行咁呀依家都出名食新鮮又抵食的刺身同埋魚生丼，梗係要試吓佢哋嘅名物。首先我揀咗個自選魚生飯，係三文魚腩以及蟹棒；另外一個係三文魚蔥柱吞拿魚腩魚生丼魚生飯肉質非常鮮美， Wasabi好夠味，怡東范由舖頭自家條配粒粒陣牙，令你好開胃因為三文魚腩肥美太好食，夠厚，所以我哋另外再叫多咗碟三文魚腩刺身仲有叫咗碟醬油廣島蠔，廣島蠔職場炸好送上枱非常之香，而且仲好大隻，樂樂啖啖肉執好詩美，因為啱啱炸好非常之熱，記得唔好用手直接掂個殼返工咁辛苦，食完呢餐感覺美食能帶給人幸福和活力，找出有感的溫暖，感覺非常滿足！

唔知食咩好，落街行下睇下經過呢間小店決定試下座位都寛闊坐得舒服😌老公嗌咗個自選刺身飯有燒三文魚腩，燒三文魚脂，魚籽同蟹羔，全部合格無特別我就要雜錦刺身沙律🥗用上沙律醋，配上肥美刺身同沙律菜感覺很清新，不錯👍🏻另外叫咗2樣小食燒三文魚頭同海膽三文魚頭燒得幾好，都多肉食好快就食哂成個😆😆日本🇯🇵海膽無貨換上加拿大🇨🇦海膽都新鮮嘅，無乜驚喜啦店員服務態度幾好食物就普通，不過不失二人埋單500幾，少貴間中一餐半餐都食可以嘅

咁岩同朋友喺附近就諗住Google下睇吓附近有咩日本餐廳結果機緣巧合之下就試咗呢一間黑木堂我哋大概7點去可能星期一人數唔算多都坐得幾舒服可以好好傾下計都幾多魚生丼既選擇最後揀左海膽三文魚三文魚腩飯朋友嗌左大既鰻魚飯另加一條鯖魚前菜我覺得都有誠意係三文魚湯既味噌加有蝦乾既沙律睇返openrice, 似乎topping係random既個魚生飯都好唔錯雖然得2舊海膽但都幾大條個鰻魚飯我會話係驚艷個汁唔算好甜鰻魚又夠肥又無骨一個大既差不多一個人食晒Last but not least, 燒鯖魚！都係好好好食真係燒得好好又唔會太乾又唔腥真係好食到無乜影相就清晒超級推薦！感覺熱食比魚生丼更吸引大概3xx就落到樓 抵食！

🇭🇰黑木堂·呢間我地好耐之前食過一次架啦 記得佢都唔錯既 所以就再黎左😎😎·醬燒廣島蠔(4隻)$68 l 香草羊架(2件)$78佢呢度既燒野真係做得幾出色 佢隻蠔超級大隻 而且肉質好好🦪面頭既明太子醬惹味得黎唔會太漏 成個combo超好😌之後佢個羊架都做得唔錯 燒到岩岩好而且唔會話太騷😎·加拿大翡翠螺(4隻)$40 l 原隻活赤貝$42 l 珍寶赤蝦(4隻)$88佢個翡翠螺同埋活赤貝都新鮮既 個珍寶赤蝦抵食就抵食啦 但係始終一分錢一分貨 所以我男朋友話都係活一鮮正D🤣🤣·燒左口魚邊壽司$18 l 貝三貫$52 l 珍寶帆立貝壽司$58 l 鰻魚壽司$24 l 油甘魚壽司$18 l 蟹棒壽司$12之後其實呢度D丼抵食D既 但係因為我地個日想食壽司 所以我地最後都係嗌左壽司😂😂不過呢度既壽司就一般D啦 唔知係咪因為佢舊飯太大舊 搞到佢個魚味好淡🙊最出色係佢個燒左口魚邊 呢個個魚油真係燒到好好味 其他就一般般啦 比較麻麻係佢個鰻魚同蟹棒 佢個鰻魚好多細骨 而且調味太重手🤭🤭📍大角咀鐵樹街28號富多來商場一期地舖

星期六中午，一個人到大角咀附近，想清清閑閑食個午餐，諗起久違了、裝橫懷舊、好有日本居酒屋風味嘅小店 —— 黑木堂。沿銀樹街一路走，很易就認出此居酒屋。餐廳面積不算很大，大約有十多長桌，主要以木製家俱為主。星期六嘅午市不算多人，店員熱情款待客人，氣氛好舒服。午餐選擇多，價錢合理。店員推介lunch special 上嘅松葉蟹肉 蟹膏丼，店員指著餐牌說這跟晚餐食材一樣，但午餐價錢便宜很多。每一客下午市套餐都會跟有沙律和三文魚湯 ， 沙津中規中矩，三文魚湯幾鮮甜。松葉蟹肉蟹膏丼 好好味 蟹肉蟹膏份量充足又新鮮。已經多次幫襯此店，不僅欣賞餐廳裝潢設計，更欣賞它依舊維持到食物水準，如果喺西九龍想揾間有heart 嘅日本居酒屋小店，黑木堂係個好選擇。

夜左出街食，亂咁行，就經過見到呢間黑木堂，睇到門口既餐牌幾吸引，就果斷入去食晚飯～叫左鰻魚丼、魚生海膽丼、魚生刺身同墨魚仔！..鰻魚丼有分細同大size，朋友比較肚餓🤣所以叫左大size～哇一來到，真係勁大碗！鰻魚燒得好靚！好juicy！醬汁都好好食！不過由於友人本身口味係食開淡味既野，所以對佢來講就咸左少少，但我就鍾意食既😋..魚生海膽丼，顏色睇落唔鮮艷，但味道幾新鮮，不過如果材料雪再凍d就正啦！海膽唔腥，幾好！倒豉油落魚生，再撈飯食，好味！..魚生刺身，係優惠價加配！唔知係咪心理作用，通常另叫刺身，果碟刺身總係會好味過丼飯既刺身🤪 呢個魚生刺身，係三文魚腩，感覺肥美d，好新鮮，好好味！..墨魚仔，叫左先知係生😂 一見到就有種係韓國食仲郁緊既八爪魚既感覺😂 不過呢個係切粒的，第一次咁樣食，口感幾得意！..環境好正，好多擺設，全部都係收藏品，勁有心思！會再來食過🤟🏻