點心堂

營業中

休息中

放假🏖️两公婆撐枱腳 去左火炭工業區「點心堂」❤️ 食點忙！「荷葉蒸肉餅飯」，啖啖飯都有好香既荷葉味👅點心都好好食🤤款式比較新穎，比起傳統酒樓更多額外嘅款式，「釀茄子」「腐皮卷」 係我至愛🙌🏻

有位四眼鬍鬚帶帽男侍應十分無禮貌 佢叫我地坐近門口位置 本身入面都有位可以調動 要求𨍭位諸多藉口及阻攔重要黑哂囗面 未去過一閒食肆太態度咁差 真係不可一世不知所謂 唔會再幫襯

當日係火炭打棒球，網上睇附近有咩好西，又想食下點心，無意中搵到呢間，咁就去食啦😂👉🏼 招牌流沙包 $28流沙奶黃包上面有個emoji😏好得意，有時係心心眼、錫錫表情添，幾有驚喜㗎！😂👉🏼 升哥蝦餃皇 $34每粒蝦餃都幾足料，蝦餃入面嘅蝦都大大隻，仲保留到啲鮮甜嘅汁，加上個皮唔太厚，口感唔錯👍🏼👉🏼 沙嗲金錢肚 $26金錢肚好入味，底下墊住嘅豆卜索晒啲汁，一咬落去，必晒啲汁出嚟嗰下好正，雖然肥貮，但確實唔錯！

一星期內兩次光顧，點心真的很出色，名副其實的點心堂。最欣賞它的腸粉，腸粉皮晶瑩剔透得黎又好有咬口，配上它的自家製甜豉油，一流。另外它的牛肉球其貌不揚，但食落有驚喜。鬆軟得黎又彈牙，牛肉同芫荽的配搭啱啱好，既有牛肉的鮮味，又有芫荽的香味，讚。最後要讚的是它家的生煎包。第一次試用鐵板上的生煎包，熱辣辣的鐵板，配上洋蔥係底，一個字，香。生煎包外脆內軟，一口咬開還有鮮甜肉汁流出，再加上炒熟的甜洋蔥，正啊。我覺得呢間餐廳唯一不足之處係，位置坐得有點逼。如果想坐得舒服D，建議下午時段（2點半後）去，咁就可以兩位都坐卡位啦。

一直有推薦呢晶點心店，但同事們成日話冇得訂位，訂房有最低消費而唔成事，中秋做節終於試左，早到店主安排座vip 房，有大圓枱，閂埋門冇甘嘈雜，正！煎炸類沙律明蝦角：炸得香脆唔油膩，蝦膠彈牙，yummy😍鐵板叉燒包：鐵板夠晒熱辣辣，叉燒包外脆內軟綿綿，墊底既洋蔥微焦又甜，正金玉滿堂蘿蔔糕：粒粒蘿蔔糕煎得勁熱，可惜太咸香煎虎皮椒：夠香口，不過部份有辣椒籽勁辣，好刺激🌶️沙嗲金錢肚：唔食肚，墊底既豆卜吸晒味，好味XO菜苗餃：味道ok,但用菜心太淋，麻麻潮州蒸粉果山竹牛肉球：牛肉球好牛，仲有陳皮，好好味
招牌流沙包：有emoji樣幾得意，凍左都仲有少少流心豉汁蒸鳳爪、蟲草花棉花雞、升級版蝦餃皇、原隻蝦燒賣&小鮮肉小龍包：正常水準腸粉類別有洞天脆皮腸：賣相吸引，又脆又滑，好味其餘三款腸粉一般發揮，冇咩驚喜蜜汁叉燒腸粉、香茜牛肉腸粉&原隻鮮蝦腸粉陳皮普洱茶香濃

即叫即蒸點心 經常一個人黎食 不過經常性要等位如果唔係即興佢都可以有book位呢間點心有房 無minimum charge 不過坐房就唔係+10% service charge 變+20% 燒賣蝦餃一流 奶黃流沙包必叫 第一次食蒸飯 D雞有d唔熟以後都係食返點心比較好🤣🤣

到附近見客，早到便找間食肆吃早餐。上午10點半，只有两枱客人。我要了排骨鳳爪蒸飯，一壺鐵觀音茶。20分鐘後， 蒸飯上枱，熱騰騰，好味。加分。鐵觀音茶包，飲來舒服，可以接受。服務和衛生方面，正常水準。

上個星期六我同屋企人去咗點心堂食點心，真係好正嘅用餐體驗。餐廳嘅環境好舒適，燈光柔和，氣氛好優雅。啲食物嘅質素都非常高，令人驚喜。我試咗幾款點心，其中最出色嘅係燒賣，皮薄餡多，入口即化，好好味。蝦餃都好新鮮，皮薄肉嫩，仲有啲鮮甜嘅蝦味，真係好好食。佢哋嘅蝦餃亦都好受歡迎，餡料豐富，口感好滑膩。除咗食物之外，餐廳嘅服務亦都非常好。服務員有禮貌，笑容滿面，好細心地照顧每位客人。佢哋會主動問我哋有冇需要水或者餐巾紙，好用心。總括而言，點心堂嘅點心係一定要試嘅，食物質素非常高，味道好好，份量又大，地方清靜，CP值唔錯。如果你係中式點心嘅愛好者，咁呢個餐廳絕對係你唔可以錯過嘅好去處。

工業區入面嘅一間點心舖唔洗特登去食但經過火炭想搵嘢食都不失為個好選擇算抵食夾大件但記得唔好對佢哋嘅服務有期望🥲而且入面環境啲人聲好集中都幾嘈飲茶首先講返佢哋嘅茶有普洱香片鐵觀音可以另外加配桂花或菊花普洱仲可以加陳皮都幾得意點心全部即叫即蒸炸物類都好新鮮熱辣冇油溢味山竹牛肉,菜苗餃,鳳爪係質素好嘅蘿蔔糕,蛋散,茄子就唔好食喇生煎包都一般但蒸飯就唔錯另外有個油炸鬼腸粉幾過癮可以試試同埋炸雲吞同炸蟹鉗都唔錯👍🏻當然唔係真蟹肉啦只係放大版蟹鉗甜品有個椰皇燉蛋白都幾好食整體嚟講呢個價錢嘅話都算及格嘅

收銀同另一個侍應態度非常惡劣無禮貌，少少事就會抱怨，惡言相向。同佢理論就話唔滿意就走，咁樣做生意，基本禮貌，服務態度都無，離譜！！食物非常一般，選擇少，味道一般。絕對無下次！

話說早幾天打電話給這間食肆，訂位大年初一飲茶，因為之前都會經常係度飲茶😋起初好開心店員同我講還有間VIP房，未有人預留可以留給我，之後滿心歡喜同家人分享😍但恐怖嘅事情在兩天後發生，店員話老細吩咐VIP房需要加三至四成服務費，但係我都同意冇問題，因為始終係新年，又係VIP房所以覺得合理😅但經過店員同老細一番討論，奇怪嘅答案就出現了，店員話老細需要間房用來擺雜物，也不用來做生意😞呢間食肆真係離晒譜，大家如果訂位食嘢自己小心啲，擺明係拒絕客人訂枱😡直頭當客人儍的嗎😑

早前睇到呢到啲 comments，特登同呀媽去試，佢覺得最好係灌湯餃（無影相）舊式用皮包住啲湯，但可惜裡面係唔熱嘅，唔知係咪放耐咗，無人攞嚟呢？🤷🏻‍♀️另外，其他點心真心一般，又唔係話差，不過特登去就無第二次喇，最失望係我最愛嘅蟹鉗，賣相已經唔得，個皮硬到似番炸（我咬走哂 🤣）裡面我覺得好似炸唔透咁，定係啲唔知咩膠嘅物體唔夠實，不過 so far 無肚痛嘅 🤣🤣🤣 總括，平均等點心時間 10-15 分鐘，每人口味唔同，行經可以自己試下嘅 😬

呢間火炭點心店我哋成日都幫襯，佢哋點心足料又好味，仲有佢嘅馬拉糕好香濃，甜度又啱啱好！😄仲有佢嘅鳳爪排骨飯，係用荷葉包住嘅，份量又夠，味道又好味，仲有淡淡的荷葉香味！🥰🥰

鮑汁鳳爪 $39呢個價錢大概都有8-9隻鳳爪 而且每隻都幾入味又唔會過鹹👌🏻 同埋佢哋既鮑汁係偏甜少少 睇吓個人喜好啱唔啱食喇🤣Braised Chicken Feet in Abalone Sauce had a huge portions✨ Chicken feet was sweet and savoury, quite good🙈評分: 8/10🌟春蛋燒賣 $28鵪鶉蛋燒賣皮薄又唔會太油膩🤩 食落蛋黃味好濃同豬肉既味道又幾夾😆 Quail egg siu mai had a thin wonton wrapper🤞🏻It’s eggy, meaty but not oily yet💫 Worth a try!😛評分: 9/10🌟黑糖蜂巢糕 $18第一次見咁平又高質既黑糖蜂巢糕🍯 食落好鬆軟而且有黑糖既甜味 幾啱女仔食😌 值得一試🫶🏻Black sugar honeycomb cake had a super duper friendly price and high quality😍 It’s soft, fluffy and slightly sweet🤎 Must try!

大家有時間 真係可以去幫親下 唔係推廣純分享因為 我中意佢d 位置 好有足夠個孔康 同埋d野食 真係夠熱唔胡好食其他酒家甘出到黎d 野食一陣就凍曬再加上做左媽咪之後 小朋友食先 自己就最後先食 到最後變左 雪櫃拎出黎甘凍， 因為d 野食 唔係即刻叫即刻整變左食物本身就唔係好熱呢間野 未至於係 唔係即刻叫即刻整佢大概係整合15-20分鐘嘅野食 整甘樣可以省成本 野食又有水準 有冇話邊款係伏呢？我就覺得冇嘅但我必叫嘅係 奶黃流沙包同埋斑斕糕記得去試下 大家